影片
近排成日飲台式飲品，因為有人同我一齊分擔! 要我自己飲就難D~~~ 上次試完信和其中一間，眼見同行爭得激烈，今次又試下另一間~~~ 我地行到埋去D姐姐已經不停SALE我地，又問我地駛唔駛介紹..... 其實我地需要既係一D時間可以慢慢睇! 呢度既飲品好似幾多選擇，有幾款都好吸引~~ 不過最後我地就叫左好普通既椰香奶茶~ 因為我地係加拿大飲過係非常好飲，成日想係香港搵返一樣水準都搵唔到，見佢有又叫黎試下~~而家呢段期間幫襯仲唔駛錢送一份料添，可以揀珍珠仙草凍布丁等~ 最後我地就要左最普通既珍珠啦。又係等左 10 分鐘到先有得飲， 不過一飲.... 太甜啦! 而且係甜到有D「拿」喉，所以最後我地都飲到意興闌珊，飲唔哂就放棄左~~~ 佢有椰香味，不過唔算好重， 而且味道一D都唔清香。珍珠偏細粒，而且都幾硬下，個個姐姐話彩虹珍珠比起普通珍珠仲要煙靱~ 而家呢個我已經覺得有D靱過頭啦~~~雖然呢杯野覺得麻麻地，不過佢有幾款飲品例如榛果奶茶，伯爵奶茶等都幾有興趣，所以仍會再想試下的~~~
继续阅读
招牌菜
我以前就說過經常會行這一條很少人意識到會轉入來的小巷，最近人流突然變多，我問及為何時，朋友說在附近多了一家珍珠奶茶店強勢加入，而我見到原有的那家出超必，平價吸引客源。我就不理價錢，跑去一嘗新店。朋友說她喜歡這新店，介紹我飲哪幾款，如果愛甜的話特別推介我飲榛果朱古力，說那味道獨特，其他地方未試過。所以我來的時候有了目標，不是珍珠奶茶，而是這兒的朱古力(少甜)。來到時，感覺有點像歇腳亭的裝修，與主理人談了一回，知道他有多年做台式飲料及食物的經驗，也對其他對手瞭如指掌，不停分析各家出品的飲料，希望用好的材料，為大家做出好飲料。本想試試榛果朱古力，最後主理人希望我試試店方的拿手好戲 – 奶蓋乳霜朱古力(其實可以先問一問我吧!)，就出了一杯帶有cream的飲料在我面前，那就是奶蓋。談起奶蓋，當然會想到我喜歡的貢茶和我不太喜歡的歇腳亭。貢茶是鹹度比較高的也較杰較厚身，當時我給很高的評價，而歇腳亭的就像cream 一般，食味當然也一般。到今次的無雙，這個奶蓋很明顯沒有貢茶的厚和杰，沒有那麼豐厚的感覺，是帶鹹的，那鹹度是沒有貢茶的高，對我來說也沒所謂的，而就比較起來這兒的奶蓋滑溜一點，我覺得效果不錯。朱古力不算濃郁，但就夠香，飲下去就停不到口，真要讚一讚。朱古力一向是甜，這杯要了微甜，甜度已完全足夠了。香港人愛甜，但受不起很甜，店方的確要留心這一點。奶蓋是夾紅茶，那到底夾不夾朱古力呢? 答案也是 “夾”的。那輕微的鹹味不會影響朱古力的味道，反而多了一個層次。我沒有刻意把它mix 在一起，因為我喜歡久不久把飲筒拉高，鹹味會重一點，感覺我可以自由控制鹹度呢。如果是奶蓋，又想人家試試那三步曲 (呷一口奶蓋，試朱古力，再mix一起)，就要想想將來用什麼杯蓋了，因為總不會人人也如我一樣，可以未封蓋杯口就先試奶蓋。這一杯是值得推介的，下一次可能是榛果朱古力。不知 "開茶兄" 何時又去試試他們的珍珠奶茶呢?之前的奶蓋食評貢茶奶蓋http://www.openrice.com/restaurant/commentdetail.htm?commentid=2017652歇腳亭奶蓋http://www.openrice.com/restaurant/commentdetail.htm?commentid=2070916
继续阅读