煌府西九龍 (已結業)

星期日到呢間新開無幾耐嘅酒樓試下，見佢裝修得幾光鮮，點知中伏。講食物質素前，想提提，呢間野好勁，勁在下至上菜員，中至知客，上至經理，每一個都係超黑面同態度惡劣，最後會講講。食物：蝦餃-皮厚蝦極少（$18兩隻）黑松露燒賣-肉鞋亦好咸 （$18兩隻）牛肉蒸腸粉-皮厚如棉被鮑汁鳳爪-鳳爪完全無味，明顯係整熟左之後先淋番個汁錦路雲吞-d炸雲吞係林而唔係脆嘅炸煎堆-唯一一樣堅好食嘅，皮脆不太油發現有漏單情況，所以叫部長印張已叫嘅點心清單黎睇，雖黑面但照做，對完確定比漏左碟點心我地，就求其揾個侍應講，指住張清單，圈左邊碟無黎到要取消，然後同我地埋單，佢問我，咁你取消左未？我話未呀，所以咪而家通知你然後埋單囉。我地同時交代其實我地最終少左個人，所以開位時寫在點心咭上人數要減一，因為要計茶錢嘛，佢竟然質問：咁點解你開位時唔講？我地話因為係有個人開位後先臨時黎唔到，佢係念念有詞講左幾隻唔知咩字，然後'gip'左一聲先走。全個飲茶過程大家都好唔開心，因為無論我地係叫侍應攞野沖茶又好，或者上菜姨姨上菜時嘅面口，都係好似我地去左佢門口乞食咁，所以成個感覺都好差。咁我無可能比錢受氣啫，所以唔會再幫襯。

看見西九龍中心九樓開了一間新的煌府，便約了朋友吃過午飯，午市沒有太多特價優惠點心，只有一些小食組合和孖寶套餐及正價點心。孖寶套餐（$128）殿堂义燒皇例牌义燒份量一般，都算是厚切，但就比較瘦，就是差了少許肥、燶义的美味。雪菜火鴨絲窩米鴨肉和配菜都夠多，湯底味道一般。整體來說都正常。潮洲粉果（小點$14.8）皮不太厚，餡料豐富。黑松露燒賣皇（$18/2pcs)燒賣肉質一般，只是加上一丁點黑松露醬，只可説普普通通。

一黎到，我拎89號飛，佢嗌完65號就飛70黎嗌，完全無嗌過 89號，就飛到90-100號！！！！我行埋去問囉，佢話過左。我話你從來無嗌過89號渦，佢黑住面話 你下次再甘 無得俾你！系統完全有問題，態度又差，已經令人卻步~😓最後埋單，收多左錢💰，叫佢check單，竟然答：我點知呀？ 我話：唔知就麻煩check單，唔係甘嘅態度！佢居然答我：有本事你就叫老細炒_我啦~（PS：環境差，係每張枱都逼住貼住，無路可行！）忍無可忍之下，真係決定要爲西九煌府寫篇評論！

星期六朝早突然想飲茶，打開openrice search 下有咩酒樓可以去。結果發現西九龍中心新開左間煌府，有新野就當然要試啦😁。一入到去，夠光猛，乾淨，裝潢都唔錯，坐得算舒服。但係d碟就呢到崩d個到崩d咁，雖然我唔係用隻碟食野，但都唔係咁好。因為我地成十一點幾先去，加上又係星期六，所以係食午市。都有d優惠組合俾大家選擇。佢呢到有好多創意點心，但傳統點心比較少，就係呢樣野唔好，我想食腐竹卷都冇😢。創意點心我地叫左箭豬仔，因為佢好可愛，就俾我家老爺欽點左😆個包ge口感好好，外脆內軟，幾似炸饅頭。中間有餡，係幾種菇，我唔係好記得有邊四種菇。不過有個敗北，內餡少得可憐😥。不過整體而言，係好食ge。到其他點心啦，都算唔錯，以下係部分我地order左的點心。呢到冇普通食開個隻燒賣，只有呢款黑松露燒賣，仲要得兩粒，盛惠18蚊。我食落去就唔係好有黑松露味，覺得有d唔係好抵。跟住落黎係我幾鍾意食ge紅棗糕。味道唔會好甜，口感好有彈性👍🏻。不過佢賣相就.......😥我冇諗過咁樣都會拎俾客，你係廚房執一執都好呀總之，食環境同味道，呢到係滿足到你，所以你要預左呢貴少少。