煌府西九龍 (已結業)

炸鮮奶、炸蘿蔔絲，入面啲麵粉完全唔熟，仲要係凍嘅，炸魷魚同皮好易散。啲侍應態度差，同佢講食物有問題就黑你面🙃啲用具有明顯嘅污糟。雖然環境係唔錯，不過真係俾錢買難受，去過三次，質素越黎越差，一定唔會再黎尼到食野！

從來都唔寫食評，今次非寫不可。。。。。。。。繁忙時間要搭枱也不是問題，侍應開茶後冇開卡，個點心阿姐還要問：點解你冇卡呀？我話侍應唔開卡咪冇卡囉! 佢仲唔多滿意話：頭先仲有卡㗎! 隨即想攞搭枱2位靚姐張卡嚟給印，俾阿靚姐一手㩒住張卡話：呢張枱係2枱客，佢地未有卡㗎，你叫侍應開卡啦，點心阿姐好唔耐煩咁走咗去。還有，等咗大半個鐘仲有一個點心未嚟，同個侍應講，個侍應竟然話：你等吓啦! 跟住喺度漫步（冇嘢做咁款），足足等咗超過一個鐘仲未嚟，最終埋單走人。未見過咁差嘅酒樓，又唔係好食過人，服務態度又差，貼錢都唔會再嚟，呻完!

星期六（4/11）晚上，我與家人出席姨婆的壽宴。原來她已年屆八十一歲。兩位表舅父很有孝心，為姨婆辦壽宴，讓她高興一番。壽宴在煌府西九龍舉行。辦婚宴的地方，自然佈置美觀。也因為如此，酒樓廚師有做素菜經驗吧。我和媽媽、其中一位姨姨和姨丈的半席素食菜單，與正常菜單一樣有十道菜和兩款甜品。我沒有事先說明要純素。也不方便這樣安排。否則便是半席都要做純素了。但我只吃我能吃的也十分足夠。 和風天婦羅拼盤。是酥炸金菇、南瓜和芋頭。南瓜煮得頗軟。芋頭也口感粉軟。吃了後才想外層的炸漿是否有蛋……（看到黃色的東西便起疑……） 夏威夷甜豆爆海中寶。有蜜豆、草菇、夏威夷果仁和蒟蒻製的素海鮮。 燒汁雜菜鰻魚粒。素鰻魚是外購回來的。以紫菜包著豆製的素鰻魚。口感鬆軟。外層是炸粉，很香脆。燒汁減低燥熱感。家人十分喜歡這道菜。 竹笙榆耳蛋白燴翅（有蛋）。我沒有吃。媽媽說材料豐富，味道很好。 黑松露雜菌焗鮮露筍（有奶）。表面是芝士，我沒有吃。他們對此也是讚不絕口。 招牌鴛鴦燒骨（有蛋奶）。是兩款口味的猴頭菇。我只吃了陳皮口味。猴頭菇外脆內軟滑。陳皮味道香濃。 濃湯珍菌浸翡翠苗。翡翠苗鮮嫩爽脆。媽媽怕牙齒不好，咀嚼不到，吃了

星期日飲茶，預左多人，8:45去拎位，5位，拎B28, 先叫到B4...足足等左成個鐘。星期日都有特價野食，入單計去到11點，但唔算平，孖寶仲要加3蚊添。先講食物，味道真係好麻麻，叫左個鳳爪排骨飯。。。點知居然個飯黎到，冇左隻鳳爪，但係有鳳爪汁，好似俾人食過咁，於是叫換個個飯 。。。點知等左半個鐘，個飯都未拎返黎，最後都係取消算啦。叫左特價鮑片燒賣，$6.8兩粒，都幾平，但係燒賣又甜又咸咁，鮑片同燒賣完全格格不入，好難食。唯一好食既，係個牛肉腸粉，皮薄，軟滑 環境真係迫到喊，椅背貼椅背。服務質素更是零，侍應個個扮睇你唔到，叫人做野一個推一個，茶壺拎左去又唔俾返黎，完全感覺係混亂。4個人，淨係食特價點心，叫左6個點心，加一個孖寶，埋單唔使200蚊。但係咁既價錢，要等咁耐，仲要係冇服務可言，我唔會再黎食囉。

中秋佳節，最重要與家人團聚。母親喜愛吃中菜，所以找間酒樓，共聚天倫。早前，>>>煌府<<<在西九龍中心新增分店，地點在冰一家人而言相當方便，於是決定訂座。 當晚為迎月，然而未見滿座，用膳環境相對清靜。酒樓裝修簇新，喜宴主題佈置，倍添高雅感覺。 為配合節日，酒樓設有幾款中秋慶團圓精選套餐。當晚，家人的選擇是賀月宴(HKD738)。 粵式燒味拼盤共有五款燒味，冰最愛彈牙海蜇，可惜偏肥的叉燒不是冰的cup of tea。 原盅豐料燉湯連湯料上碟，由侍應按客人數目分碗。斟湯時，侍應只斟湯，是個很配合冰個人習慣的安排，皆因很少食用湯料，比較喜歡集中火力欣賞燉湯清甜。 拔絲咕嚕肉的拔絲雖然不夠明顯，但無損其香脆口感。 清蒸沙巴龍躉並非傳統巨型的一類，不過肉質細滑已教人滿足，當然不能錯過滑中之滑的面珠墩喲。 脆皮農家雞(半隻) 名副其實鬆香脆口，肉質亦見豐盈，不會炸得很乾，一家人很快將之掃清。 濃湯鮮竹泡菜苗最後出場，可為脆皮農家雞帶來的熱氣感降溫，而且很喜歡吃鮮竹啊，再飽也得要吃一些。 因是四位用餐，宮廷桂花糕本來只得四件，侍應見我們一檯五人，額外多

嘩，從來都沒有試過服務甘差的酒樓，個個侍應生似唔識做野，無人開卡，入到來無人擺碗筷，好不容易開左茶坐下寫點心，等到手都軟了個伙計拿去落單，一轉身見佢逐張枱問人單是誰的，拿了單又唔識寫枱號就走。邻枱女士同樣糟糕連茶都無人開，即時發火要搵經理。唉～太差，應該唔會經營好耐。也絕對唔會再來幫襯

從來冇打過食評，但今晚真係不吐不快。Book 枱book 左晚上8點，7點50分打左去酒樓話要遲15分鐘，當時職員仲好有禮貌話ok 冇問題，值得一讚！8點15分到，等左一陣就埋位坐，老爸點野食，見到出單係8點34分。突然心血來潮check 下單，點知落多左個豬肺湯，fine,同職員講第一次話落多左，職員行左收銀位一個圈拎番張單黎，冇改過。再講第二次，搞左輪就畫左單。8點34分出左單，9點15分都未有野食。2老都鼓燥，我明中秋唔夠人手我忍。同職員講左話等左好耐啦，1碟野都未黎wo....好啦，開始慢慢出野食，出現既係豬肺湯，點丫？講左幾次冇點都仲要出！！野食方面，其實一般，點左個雞翅，我嫌個雞湯淡味，媽媽話d 翅好腥。。最後埋單時，老爸話要收據，第一次職員唔記得again 話再拎比我地...然後等左陣見唔對路直接去cashier 等，職員先話"丫，係喎"...........就算野食再好食，噤既服務真係唔ok,況且野食仲要唔特別。

一家人中秋迎月夜到酒樓吃晚飯應節，訂位在煌府西九龍，這裏交通方便，吃晚飯前先逛逛街和商場，行累了就開飯啦！我們選擇中秋慶團圓精選套餐，啱食又不用傷腦筋。還有晚飯優惠芝士焗美國龍蝦（伊麵底）套餐很快上枱，原盅燉湯看見湯料有豬肉、雞腳、淮山、嚮螺.........粵式燒味拼盤，除了半肥瘦叉燒比較冇咁受我們歡迎，所有的燒味如：玫瑰油雞、燒鵝、海蜇、薰蹄全部吃光，粵式燒味拼盤好味道好吃真係無得輸！清蒸沙巴龍躉，好滑又鮮味的蒸魚，配合廚師靚豉油，適當清蒸火候，吃得十分愜意！脆皮農家雞，金黃色澤很吸引，脆皮入口香氣四溢，咀嚼時發出卜卜聲的皮脆聲像樂章，吃得我樂透了！拔絲咕喱肉，拔絲，當然要測試先，可惜只能拔到半吋絲，明顯糖漿做得不完美！咕喱肉就可以做到皮薄脆沒有厚粉漿，頗滿意的！濃湯鮮竹泡菜苗，一桌子都是美味肉食，濃湯鮮竹泡菜苗成了「萬綠叢中一點紅」，帶動「中和」與「平衡」角色，很受歡迎啊！我們添加芝士焗美國龍蝦（伊麵底），美國龍蝦肉質夠爽，$108是晚飯優惠，抵食。中秋節快樂！飲勝！甜甜蜜餞桂花糕，吃過生活甜美！萬事如意！

我一向都好喜歡去煌府飲茶的。 因為價錢好大眾化，款式又多，食物味道方面都能保持水準，所以我同屋企人或者約朋友出來飲茶，煌府會係我既首選。仲要煌府有多分店都近地鐵站，真係十分方便。因為興祝中秋節，今天公司特別請我哋飲茶，所以我就即刻提議去西九龍中心煌府試下，因為超近我地間公司。之前我去過既煌府，例如石門、將軍澳，裝修都好有創意。E間西九龍的裝修比我既感覺好舒服，而且佢既現場佈置仲好華麗，都幾適合其他宴會。我留意到佢地既點心真係有用心思創作的，好似"天鵝酥"甘，真係好特別，睇見都吾捨得食。另外，仲試左好特式點心和甜品，例如: 龍蝦湯珍菌金衣卷、青芥吉列蝦漢堡、花之戀臘腸卷、熱帶鮮果沙拉盞等等，都好好味，真係連我D同事都食得很滿意。另外侍應向我們推介粉麵飯孖寶，本來睇到好抵食好想叫，但我地女仕們怕澱粉質，所以吾敢叫，留返下次同屋企人去食先再試。最後要讚一讚員工態度一流，值得一讚！🖒🖒🖒🖒😋😋😋

裝潢不錯食品不錯尤其是燒賣 但服務員態度也太差了吧門口經常見到的接待員只顧玩手機😅攞飛仔的時候態度也不好 黑住面留意到她對其他顧客也是黑住面老實說接待員是我們顧客對這家店的第一印象影響很大的

勁鍾意食片皮鴨嘅我 ，一聽到任何酒樓有片皮鴨賣，就會撲過去試下正唔正！ 今日都唔例外 ，原來西九龍中心煌府呢度有片皮鴨食㗎，仲好近我屋企添， 唔係話唔去試下話(≧∇≦) 位於西九龍中心9樓的煌府婚宴， 原來地方好大，而且裝修好靚果然係婚宴專門店！ 一坐低就立即攞個餐牌出嚟，睇下係咪真係有片皮鴨食先！ 原來這裏做緊4選1優惠， 可以以特惠的價錢選擇片皮鴨或者清蒸一條石斑仔或者鹽焗雞……我當然二話不說就選擇了片皮鴨啦！ 其他片皮鴨之外我還選擇了晚餐嗎寶晚餐孖寶包括了半隻燒脆皮雞和一份上湯龍蝦焗伊麵， 不過我再加咗30蚊轉芝士焗，因為老公鍾意食芝士焗，覺得好味啲，加30蚊都ok啦！ 先來的脆皮燒雞賣相幾靚喎！ 堅係可以睇到個皮燒到好薄好脆咁， 而且個顏色亦都非常之紅卜卜好有醬油feel! 套餐原來係半隻嘅份量，兩個人食就啱啱好喇， 唔使驚會浪費咗！ 果然食嘅時候會聽卡刷一聲， 燒雞塊皮好似薯片咁脆呀！正到呢！ 而且夠曬醬油味 ，完全唔使點醬汁都已經好夠味！ 至於雞肉的肉質都夠嫩滑！ 到我期待已久嘅片皮鴨出場喇！ 食片皮鴨就唔係淨係食鴨皮，一定要埋其他配套先算完整。 例如有一個蒸籠蒸好

友人最近轉咗去深水埗上班，相約我到她公司附近吃飯一聚，暢談近況。印象中，深水埗大多數以街坊小店為主，地方細小，不大方便慢慢坐，慢慢傾。原來友人心思細密，早有安排，選了西九龍中心的婚宴專門店「煌府」，說那裡不但布置一流，而且地方夠大，地點方便就腳，啱曬我這個路痴。翻查過網上資料，原來西九現時只有兩間中式酒樓，而位於 9 樓的「煌府」是今年一月才進駐。踏進店，地方偌大，樓底特高，而且裝潢極具睇頭，據說全場可筵開 40 席，配上中央的大禮堂和天花懸掛著的多盞閃耀璀璨水晶吊燈，盡顯非凡氣派，非常適合用作婚宴場地。入座後拿起餐牌細閱，菜式選項甚豐，有醒胃前菜、養生湯羹、主食、滋味共享、家嚐小菜、精品推介、海鮮薈萃、滋潤甜品等。而另外兩張菜牌就有燒味天皇、雞年孖寶、合時田園蔬、宮廷雞煲翅、燉湯、海鮮自選孖寶及四款晚飯優惠，不過就只可以 4 選 1。至於茶錢方面，晚市茗茶每位 $12、餐前小食每碟 $12，而絲苗白飯就 $12/碗。既然友人在區內返工，點講都算是個地膽，所以選菜任務就一於交由友人發辦。先來一碟至尊潮蓮燒鵝 ($128/例)， 燒鵝上桌後，一看，嘩！竟然俾咗鵝髀，正。友人先挑了件鵝肉品

難得平日放假，又係時候同老豆老母飲早茶，今次去左西九龍的煌府，早茶燒賣$6.8/籠，好似好平，但係就只有兩粒，計返其實同外面差不多。燒賣正常SIZE，無話特別大或細粒，味道方面，跟平時食開的無太大分別，蝦仁都爽口，豬肉都是雪豬。蝦餃又係一籠兩粒，人少都可以食到，蝦肉爽口彈牙，味道不錯。皮蛋瘦肉粥煲得幾綿，但皮蛋及瘦肉都不多，特價粥品，無咩要求。特價點心款式都算多，有粥又粉再配點心，一盅兩件啱哂老人家。味道不過不失，跟價錢成正比。

食物味道質素、服務態度先不評論。單看到這一籠名乎其實的真菌「黑松露燒賣」完全令人打晒冷震！陰影啊大佬！去第二次，服務質素比第一次更差，舉手個陣，個個喺附近嘅服務員都好似當你透明，唔緊要我俾耐性等，終於叫到人，阿姐態度嘅一樣不耐煩，唔講以為我地做錯啲咩。一間供應食品嘅店俾客人發霉嘅食物/器皿連道歉都冇句，完全不能接受！

這店下午茶(14:00 – 16:00) 茶位$8, 週末,假日點心價如下:$14.80(小), $18.80(中), $20.80(大), $28.80(特)內部新裝, 光潔明亮, 雖然光猛咗但座位空間都幾窄作為想升級的酒樓來講應該將客人座位空間感加大只有靚裝修等於有樣無內涵, 無法持久留住客人, 點心味道幾好,叫咗超值孖寶 : 义燒腸&菜苗餃 $26.80(份) 腸粉皮做得幾好有些靱度, 义燒餡一般但無咩綠色在內, 菜苗餃則饀料係蝦膠同菜苗一半半, 以呢個價位計係抵食嘅, 燒味湯米以免19.80/碗計又係不二之選, 燒味的义燒同燒鵝質量一般啦! 米線係粗身嗰隻, 湯的味精唔算多, 牛乾菌醬金錢肚(大)$20.80 牛乾菌只係個名感覺唔到! 金錢肚就啱啱好口感, 金牌甘荀流沙飽$22.80 普通野唔覺特別有什麼甘荀味道! 的確係幾富挑戰性架要將蔬菜汁入落飽皮度, 唔止要有色重要有味! 通常咪落少少色素囉, 呢度個飽色都好人工下, 同時飽皮有一大片被撕破咗, 睇嚟出品把關嘅質控還是有改善空間!可能當日時運高我們並沒有撞到太令人意外嘅員工, 以新酒樓而言整體只是一般合格吧,