煜焙軒 (已結業)

一年四季，我都喜歡打邊爐，有次行開太子經過呢間，比佢既手工火鍋及純椰子雞湯底吸引，雖然好多地方都有，但寫明用4個椰青就唔係間間夠膽講，咁足料當然要試吓佢咩料啦😎椰子雞火鍋湯底入面有冇量即開既椰肉，直接品嘗到椰子同雞既清甜味，個湯一匙一匙飲真係好過癮好清潤😋唔知係咪新開張關係，有好多套餐選擇，啤酒大啤仲係買二送一，好肉呢個套餐B $398 巳有大大盤象拔蚌刺身拼盤 + 招牌豬骨湯底，非常新鮮💯💯💯而韓牛及牛魔王（船）都係必食🐮仲有我最最最愛嘅鮮雞子😆話明手工火鍋，當然點少得手切牛、手打丸、韭菜餃、蝦滑、仲有不同嘅小食等等我特別推介小食黃金淮山清爽嘅淮山配上香濃鹹蛋黃送酒一流，必食 💮呢度雖然冇打卡環境，但食材新鮮，環境舒適，價錢合理而且服務都好好，大家可以去試試😄

早排同朋友太子行完街,經過見有打邊爐就入咗去食款式選擇都多，尤其見到刺身😍（出邊火鍋店比較少）刺身質素高，食得出好新鮮，我見有生蠔🦪下次再試吓😍湯底嗌咗鴛鴦鍋同椰子雞鍋身邊朋友都話湯底好正，我個人勁鍾意食椰子雞鍋，超清甜，之前都試過其他餐廳嘅椰子雞，一般我覺得係有分別，呢間雞都好新鮮👍🏻另外其他食材都食得出好新鮮，牛味濃丸類同蝦滑都好食😋服務方面：態度好，上菜速度快呢間我絕對會再幫襯👍🏻地點又易搵

同家姐行街前經過見到都覺得幾吸引⋯ 到行完之後就直接入去試。之後先知原來開咗未夠一個月。兩個人食得唔多，所以只係叫咗好多嘢食。佢有兩個套餐揀，都幾抵⋯ 最後揀咗個花膠雞鍋配手切牛⋯ 散叫另加咗一個菜同4隻生蠔。最後當然啲雞係食唔晒😅 生蠔十分新鮮！牛肉都幾好味！散叫細size都$2xx 所以直接叫佢個套餐真係抵。另外一個套餐有象拔蚌，不過佢配豬骨煲。我哋唔太好豬骨，所以冇叫。入面服務員都好好，熱心，又有禮貌。環境都唔錯，新開好乾淨。不過可能仲係新，所以都冇咩人，將近9點時入去得一檯食緊，到我哋開始食時，佢都埋單走。之前再嚟咗一個男人自己食。不過到我哋將近走時都嚟咗兩檯自由行。整體來講我幾鐘意呢度，會再約朋友過嚟嘅！

這次十多人想打邊爐🍲，提前預約了一間房子,感覺空間都寬敞舒適❤️首先打電話訂了生蠔 和刺身,老闆提醒想去到有得食，要去之前跟他們先說刺身什麼時候上,首先先上刺身,大家都好滿意刺身好新鮮及鮮甜😋❤️食完刺身之後才主打邊爐😍叫了枝竹豆腐大魚頭湯底及招牌沙嗲湯底,前者好鮮 甜,後者好濃郁入味❤️其他配料都好新鮮,食材選擇也可以,食物即叫即重複叫了多碟安格斯肥牛同本地手切肥牛，很鮮嫩 😍❤️其他詳細的食物分享都在圖片裏這次大家都吃得好開心很滿意...❤️感謝老闆和員工亦都好熱情好客,有問必答十分值得推薦大家去一試

10幾個人，book左間房，空間寬敞舒適首先電話訂了生蠔🦪與刺身，去前叫佢地預備什麼時候上，首先先上刺身，大家都好滿意刺身好新鮮及鮮甜👍👍👍👍👍食完刺身之後才主打邊爐🍲叫咗枝竹豆腐大魚頭湯底及招牌沙嗲湯底，前者好鮮甜，後者好濃郁入味😍😋其他配料亦都好新鮮，食材選擇也可以，食物即叫即做，重複叫了多碟安格斯肥牛同本地手切肥牛很鮮嫩詳細的食物分享都在圖片裏今次大家亦都食得好開心及滿意老闆及員工亦都好熱情好客，有問必答，十分值得推薦比大家去一試

收工約埋班朋友去食刺身打邊爐，地點好方便係始創對面，好就腳。等朋友個陣啲炸物新鮮即炸，熱辣辣上枱。之後齊人就上啲刺身勁新鮮，象拔蚌同三文魚刺身出色。食完再打邊爐，湯底正記得飲碗先開始落配料，推介蕃茄花甲海鮮湯底同魚頭湯 啲蝦滑又好彈牙 豬肉唔同平時任食個啲，帶有口感同豬味。響鈴店員話即刻炸出黎，出平時出面舖頭同屋企食個啲完全唔同味，加埋蕃茄湯吸曬啲湯，正上加正。 店員服務都一流有禮貌，亦好關心客人口味，照顧周到。

零晨12點收工諗住同啲同事去食宵夜咁啱見到呢一間仲未閂門又咁啱係新開就同同事入咗去試吓佢啲碟好靚，又大碟嗌咗個刺身拼盤好新鮮呀雖然價錢都唔係平不過總括嚟講都好啱食😉兩個老闆都好好人 因為有啲朋友追酒飲食到凌晨差不多4點先走人食完龍蝦刺身，將個龍蝦剩低嗰啲打邊爐

今晚一大幫人聚餐⋯大約10個人⋯食物質素唔錯🌝🌝⋯老闆服務態度一流⋯最緊要椰子雞湯火鍋好正⋯湯好甜，雞肉好嫩⋯手打墨魚丸值得一試⋯飲品竹蔗茅根幾好飲👍🏻👍🏻⋯下次會再去⋯最緊要冇伏⋯😎😎