煲仔王

营业中

休息中

最近天氣依然炎熱🥵，周末氣溫☀️都係高，但都係最愛😍食熱辣辣的煲仔飯。貪佢夠惹味。行吓行吓就嚟到煲仔王。話得叫✌️煲仔王，梗係要食佢嘅煲仔啦！📝✔️煲仔飯🍚甘香、口感偏硬，但粒粒分明✔️配料非常夠味🤤✔️豉油是另上，味道偏甜，淋在煲仔飯上面非常濃味🔥✔️飯焦也做得出色，微微焦脆的口感，沒有煲得焦黑，焦可以整片起出來，香脆但不黏牙，充滿炭火香😄✔️油香四溢的臘腸、膶腸，非常惹味👍🏻

每逢過新年必定入來天水圍同長輩們拜過早年，位於天水圍天恩邨商場，酒樓格局，地方夠大。此茶樓最難得嘅地方仲用點心車推住點心喺茶客中穿梭，也可以拿記錄咭自己出去選擇，可以做到每枱茶客拎每款點心都保持到熱辣辣。很喜歡呢種舊式茶樓，好懷舊的感覺，香港已經很少見到傳統的點心車（推車嘅點心車）酒樓。雖然食物有太多選擇，點心足料好味，茶都夠濃，價錢都唔算太貴和平民價錢，整體水準ok，員工服務態度良好、有求必應、對答有禮，起碼叫人嘅時候都會有人理。

難得平日唔使返工，於是走嚟食下午茶，食完主食嗌咗兩碗綠豆沙，店員就比咗個大外賣兜我哋。食到一半驚見碗內出現咗唔應該出現嘅嘢⋯⋯即刻搵咗經理嚟，雖然佢都好爽手免咗我哋單但⋯⋯ 無下次

點心經店員推車仔送上充滿懷舊氣氛，也可以拿記錄咭自己出去選，即製食品區也是自己走去落單稍後取。點心整體水準ok，但醬汁咸左啲，而糯米包裡面的糯米炒得好香好好味，及第粥的豬潤就過火左少少。

難得媽媽同我都齊齊孖公仔放假，一於去飲下午茶﹗聽朋友介紹，天水圍有間仲好傳統的茶樓，仲有推車仔點心嫁﹗於是就特登坐西鐡去試下﹗去之前預先打咗電話問清楚下午茶時間，因為而家的茶樓的下午茶開始時間間間唔同，有D2:30 有D 3 點，好彩呢間係兩點正開始，唔洗捱咁耐肚餓當日的接線生都好有禮貎喺天水圍西鐡站E出口出咗轉輕鐡，出咗閘經過奇華餅家，周圍望下邊到有705 或者 706 輕鐡坐，好彩我呢個大鄉里都好快就揾到﹗坐咗唔洗10分鐘輕鐡，喺頌富輕鐡站出閘，轉左就見到天恩商場，入面就有我地的目的地 - 煲仔皇! 我地喺平日去既，當日唔洗等位，一入到去就發現茶樓裝潢真係好懷舊下 ，唔係好夠光，同埋用具及枱枱凳有歳月痕跡 (不過可能有D人會覺得衞生麻麻，尤其果洗手間)我地兩個人叫咗四個食物，味道正常無乜特別，食金錢肚時有雜毛，仲要係無限的雜毛.... 不過算啦，呢間喺屋村茶樓，唔能夠要求咁多不過有D失望就係呢度的茶錢要成$8 一位，但茶味無乜，呢個係相對上較貴.

今日下午茶出咗去搵好嘢食見到頌富站嘅天恩商場有間煲仔王好似幾吸引之前都聽過鄰居有提過所以就入去試吓啦好好彩佢都冇乜嘢唔使等位價錢都唔算好貴平民價錢同埋都見到傳統嘅點心車好有懷舊嘅感覺另外都叫咗唔同類型嘅點心（香荽餃）一籠有四隻，個皮包得好好，唔會太厚入邊有蝦，木耳同埋芫荽，仲有豬肉咁多樣嘢夾埋一齊配合得好好唔會有其中一樣過分突出下次會再叫嚟食（牛肉球）個喼汁同牛肉球加埋一齊突出到芫荽嘅香味正常水準（金錢肚）正常酒樓水準不過不失$17抵食（鳳爪排骨飯）2:00搭正下午茶時間開始供應$13就有交易。你到時會見到好多老人家排晒隊記得唔好錯過雖然價錢相宜但完全交足功課飯粒唔會好濕，排骨個味都好香，必食之選推介菜式：鳳爪排骨飯芫荽餃牛肉球#平民點心店#下午茶#性價比高

係以前去飲茶都仲有啲姐姐推住架車仔喺度講話「大包！燒賣！鳳爪⋯⋯」喺2021年，呢個情景可以話買少見少！今日喺天水圍原來仲有酒樓係用點心車！呢家係敘福樓集團旗下嘅煲仔王！入到去好似去咗時光隧道咁！見返以前嘅情景！想食咩點心，唔會有筆俾你畫，緣份到自然食到！今日就唔係好肚餓！淨係叫咗少少點心食！有點心車到！咁就要咗龍排骨！排骨冇咩肥豬肉！但亦都唔好話太瘦！配上芋頭！個人就唔係咁鍾意芋頭啦！但整體上，都好食嘅！亦唔會太鹹！而第二間點心車又離到，又叫左個牛肉球！味道就OK，有少少馬蹄係入邊，配上喼汁，味道更濃郁！而且都無overcook!食完呢兩樣嘢，又見到點心車行過，今次就叫咗個珍珠雞同埋鴨腳扎！鴨腳扎包住見芋頭！有見好似雞肉嘅物體！一隻鴨腳，味道都濃郁！又唔會太鹹，雖然鴨腳就細隻啲，但都可以接受！最後珍珠雞，味道普普通通！而且餡料並唔係太多！可以話有些少失望！員工服務態度良好、有求必應、對答有禮！

今天公眾假期同家人去食下午茶，雖然迫d要搭枱，但食物質素可以，價錢也合理的…環境一睇就知唔係特別乾淨，始終係舊式商場的舊式酒樓，可以接受… 但點都冇諗過，埋單排隊俾錢時，有個職員見到枱面有隻中型小強，一手掟落我身上！！😱 😱😵😭😭 當時真係嚇到我彈起！個職員仲要話: “我見你唔到呀嘛，隻野好細隻啫” ，然後就走左，當冇事發生…講真食肆有小強唔係第一次見到，但將小強掟落客人身上實在未見過！！！😫🤢😰😡註: 唔係每個職員都咁冇禮貌，係某一個特別有問題

如果係天水圍食小菜除咗酒樓之外，我一般都會去煲仔王😜雖然食物選太多選擇， 但係我價錢尚算合理😉 味道也可以接受😊唯一係比較早收🙈由於星期一至五奇妙雞煲做特價98蚊😂 一於試下佢有幾奇妙先😆 雞煲仲跟生菜😇 另外再叫咗個黃鱔同埋水餃雲吞雙拼做配料😋雞煲份量唔算多但係由於雞件切得比較細件所以醬汁比較入味。 醬汁少少辣偏濃味🤔其實我唔鍾意食黃鱔因為我覺得好多骨🤐所以我食咗一嚿就冇食🤫水餃同雲吞不過不失🤭員工服務尚算可以，最起碼叫人嘅時候都會有人理我😅

天水圍天恩商場1樓108號鋪 煲仔王食物質素差劣，衞生環境完全不能接受，名正言順在貼有不準吸煙貼紙範圍內設有吸煙區，並容許客人你先吸煙，並詢問其他等候客人是否介意進入吸煙區。員工容許熟客不用排隊，完全無視正在輪候的客人......

天水圍係一個美食沙漠，住係度好多時都唔知食咩好，但出外食飯偏偏經常出現。煲仔皇唔似傳統嘅酒樓，有好多特色小菜食，最多人點一定係煲仔飯，因為唔多地方有。但天氣開始轉熱，食煲仔飯好似格格不入，所以今天的2人晚餐就叫了小菜。《沙嗲銀絲肥牛煲》這味菜式無論我去邊度食，都經常會叫，味道不過不失吧，帶有少許辣味，很吸引。肥牛偏un偏乾，但勝在粉絲入味，且份量很多。落單5分鐘就有得食，熱辣辣，配白飯一流！《涼瓜魚柳煲》這道菜式份量亦很多，魚柳略為偏咸，始終有汁，味道偏濃，要配白飯平衡一下。可惜的是涼瓜大部分都很苦，要食到唔苦嘅涼瓜真係好睇彩數！唯獨食到最尾發現好多油，偏肥膩。煲仔皇在小商場屹立多年，說實話環境不算太好，過幾日後終於裝修，期望會帶來一番新景象，以及轉換一下菜式。

工作中早餐，在附近商場搵咗呢間餐廳，初時預期係茶餐廳同小廚類嘅餐廳，點知係食點心嘅！店內大堂好大，仲有左邊兩排嘅間隔枱，有私隱啲，不過裝修比較舊！店員姨姨比咗私隱位置我哋，自己攞卡出去攞點心，大堂仲有點心車（好耐無見到點心車了直通車孖寶（$22）家鄉炒米粉：炒得乾身，有啲米粉卜卜脆，配料足料，火腿、蘿蔔絲、椰菜好味！炒得鬆又好味牛肉腸粉：腸粉正常，牛肉餡打得滑，夾雜啲爽脆馬蹄粒，落咗甜豉油好味！沙嗲金錢肚（大點）牛肚淋身，炆得入味，沙嗲醬好杰！鹹香好味！鳳爪排骨飯（頂點）同事食臘味飯（頂點）同事食店員姨姨幾好，有笑容又幫手！私隱位推唔到點心車入來，佢味會行入私隱位嗌，好落力！點心車的回憶！

每朝帶完小朋友返學後，都會經過天恩商場既煲仔王，當然啦，好多點心都新鮮熱辣，門口可以買最愛排骨飯，因為平時都好多人買，所以都會試下，我就是外賣回家食，一個排骨飯只賣18蚊，平，靚，正，味覺不錯，鳳爪夠淋，又夠味，排骨又夠味，平時得閒都會約朋友去飲下茶，食個包咁，午餐都好抵食，飲茶唔高要求食物都不錯，不過午茶飲得多，早茶真係好少會去飲，下次可以唔外賣，直接約埋同學仔媽媽一齊去飲個早茶先，食排骨飯最正就係即拎即食

颱風完左出去食飯 揀左間唔使等位既煲仔王 皆因佢抵食得黎多選擇所有套餐都幾抵 煲仔飯都係$65 仲有時蔬同湯送見到呢張燒味紙 好想食叉燒同脆皮雞 所以我地叫左燒雞 之後揀左鳥頭同炒蓮藕及清湯浸時蔬每晚呢度都好full 雖然好多人都話態度唔係咁好 而印象中佢啲staff真心不太友善 一副愛理不理的樣子😒可能呢區中菜都無咩選擇 又或者大多是街坊情由於炒蓮藕是套餐 送左碗例湯 無咩特別 呢碟西芹雲耳炒蓮藕 個人覺得炒到太多油 西芹同蓮藕雖爽脆 但都被油味蓋過 呢碟雙拼 講起就無奈 原本叫燒雞 無燒雞叫我地揀雙拼 揀左叉燒同油雞 又無 轉貴妃雞 都無☹️ 所以就問佢咁有咩 點知得番白切雞同少少燒鵝 個阿姐話你要唔要 唔要咩都無😰果幾舊鵝除左皮同骨 肉得20% 個雞脾都正正常常 尚算嫩滑 鳥頭蒸得唔錯 咸檸加甜醬油令魚肉更為鮮甜 呢碟莧菜都不錯 清清地 唔會浸得太稔🤞🏻

打電話去問有冇雀局飯，佢答有，再問打麻雀最夜可以打到幾點，佢叫我等陣，等左五分鐘佢就收左我線，我谷鬼氣再打去，佢連電話都唔接聽，呢間咁既野喺今時今日既服務態度真係揾鬼(鬼佬)幫襯先得