煲仔王

营业中

休息中

今早同亞媽齊齊放假，便叫上亞爸去嘆個早茶，便步行至天恩商場去揾食。到達酒樓時，基本上可自行入去揾位，恰巧今天較為人多，行了兩轉都揾唔到位，於是便叫侍應姐姐幫手揾，問左一個又唔太應人，於是再揾第個姐姐幫手，揾左5鐘先揾到。坐定定之後，就行出去樓面去望下車仔有甚麼點心食，行左2轉，來來去得3-4架車架，感覺冇咩好食，又未有煲仔飯推出。於是便到小食亭望下，最後揀左3款平時少食又較為清淡點心，等左5分鐘左右，鯇魚片粥就送上，份量足夠3-4人食，鯇魚片適量，薄身，每一啖都食到薑絲，而且粥質感綿細，剛好為寒冬添上一點温暖。其後有雜菜炒麵，麵乾身而且幼，食到少少鑊氣，配料有紅蘿蔔，火腿及椰菜，整體不油乾爽，配搭粥一齊食非常夾。另外蝦米腸粉，約有5條，表層都佈滿蝦米及葱花，非常香口，略微腸粉有點厚身。最後叫多2個包點同小食就同家人離開了，整體除了食物還可以外，服務態度需要改良，部分侍應員真得問了都唔踩人，下次未必會再黎幫襯。

和家人去飲茶等了一個鐘我們都冇投訴，問一問知客仲有多少張才到！知客仲閙番我地頭先叫你叫你號碼又唔x應！跟住我話我地企係前面都聽唔到，就算聽唔到都唔使講粗口閙人呀！ 之後個知客仲不停爆粗！嘈到個另一個經理叫許收聲都唔停。呢間野真係唔係第一次，日後都不會再去！

呢晚約左一班一年見得2,3次既朋友既煲子王食飯，天水圍唔係我經常黎既地方，不過同一大班朋友既話食飯地點就要互相遷就喇。呢個男人一定有返咁上下食量，所以啲餸都幾大堆頭豉油雞肉質嫩滑唔會過鹹，而且師傅刀功唔錯，件件雞都大大件，無咩碎骨，容易食蟹肉豆苗賣相唔吸引，餸菜顏色亦見單調，如果加D蟹子o係面係咪會好好多?西芹雞丁炒得一般般，不夠乾身，有點過鹹, 而且腰果亦不脆口沙巴龍躉見佢蒸完出黎條旗好挺身，就知條魚非常新鮮。結果食落口就知條魚雖然未去到話好滑咁誇張, 但至少唔韌又有魚味呢個伊麵就大受歡迎了，面頭的蝦晶瑩剔透，十分爽口。而且高湯很惹味，配合著伊麵來食簡直是絕配!椒鹽鮮魷炸得很透徹，一食落口熱辣辣，上面加了不少炸蒜，為鮮魷加分~!沒有預料到冬菇會這麼大隻，而且鵝掌亦很新鮮加入味。底下的生菜鮮甜爽脆，不會因為只是配菜就隨隨便便。

一年容易又到媽媽節，咁就請媽去飲茶啦~一點半到達拎左飛，等呀等，等左三十五分鐘有得入座，等媽媽來到即開始拎點心，此茶樓最難得嘅地方係仲keep用點心車推住點心喺茶客中穿梭，以致每拎到嘅點心都可以保持熱辣辣。香茜餃本身好鐘意呢樣點心，皮薄，香茜味重，加埋木耳 又香又爽，可惜今次啲肉有啲梅梅地……蝦餃個皮略厚左啲，但啲蝦又的確包得幾大方嘅，可惜唔會荀尖蝦餃可惜蝦肉唔夠爽香滑奶黃包金黃外表好醒神，奶黃唔會話杰tata,可惜奶味重，幾乎食唔到蛋黃味題外話:小妹比較鍾意茶內嗰張一體式嘅bb櫈，感覺就是比較安全。另外茶樓最左手邊嘅卡位原來午市時係俾人打麻雀用架，但啲麻雀友根本會一路打一路食煙，小妹好不幸地所坐嗰張檯同麻雀區只係有一個屏風之隔，而我地又有老又有小朋友，嗰一下真係想call控煙辦所以在此提醒唔想吸二手煙嘅人，入座睇下係唔係近住麻雀區，又或者準備定控煙辦個電話

這陣子很多朋友都做了媽媽，我同老公亦趁周未時間帶我們家寶寶探訪女友人與她的小男孩. 兩小朋友玩瘋了，累了，睡著了！等小朋友醒來後，友人建議在她家附近的煲仔王用餐後才回家……光聽煲仔王這名字我最初以為是吃煲仔飯的大排檔 / 茶餐廳，但原來去到卻是一家酒樓！到茶樓後發現原來快到9點了，客人不算多. 時間不早了，我們看了看餐牌，最後點了二個小菜套餐及一個煲仔飯套餐. 小菜套餐定價$56 (包括1客小菜 + 1盅燉湯 + 1碗白飯)， 另可選擇單點小菜，一款$48. 而煲仔飯只有套餐可選，選擇不多，共6款，多了1份白勺時蔬，定價$58.是日燉湯: 節瓜排骨湯. 雖不是什麼名貴燉湯，但以這實惠價錢，味道算是不錯的，湯料亦很足！友人推薦的秘製柚子骨，肉夠 juicy 鬆化，聞落有陣陣柚子香味，甜度適中，但咬落並沒有因蜜糖而變得痴牙，好好味！ 食完一塊接一塊，停唔到口呢！鹹魚雞粒豆腐煲- 食不出鹹魚味，亦看不到有鹹魚…… 難度厨師漏落了嗎？ 雞粒切得相當"大粒", 味道亦較為鞋口，豆腐亦不夠入味，好淡口…… 原叫的榨菜牛肉煲仔飯因用清榨菜，最後伙計建議改用梅菜，我們沒有異議. 牛肉是用上一片片的

第一次食, 係大年初四, 剛好有朋友住在TSW, 他都未食過此店, 但因為新年, 營業的食肆不多, 所以試一試此店.這次是第二次來光顧, 是一周內第二度光顧的食肆 由於仍是新年, 所以先訂枱為妙.7:45到, 已經FULL HOUSE了, 門外也有食客在等位, 幸好有訂枱, 雖然我們遲到, 但仍有安排枱比我地.(值得一提, 帶位亞姐都有比說話我地聽 )安頓好後, 便點菜了, 點了:雞煲: 此店的雞煲是乾乾的, 清哂D雞就會比雞湯你放湯, 然後散點火鍋料. 雞的味道的確十分好, 值得我一周內第二度幫襯咕嚕肉: 比想像中一瞬息, 但味道仍然是OK的主角到了, 煲仔飯, 我們一行六人, 點了.....4個煲仔飯, 哈哈.麵醬五花肉煲仔飯: 此味道是我未曾食過的, 超掂蝦乾鱆魚雞粒煲仔飯: 完全想像唔到, 加了幾隻蝦乾落去, 會令整煲飯的鮮味完全提高刴土魷肉餅飯: 可能是手剁的, 令到兩者肉質不像絞碎般有"梅"既質感.老實講, 以上3款飯都分別只係$38/$48/$58, 質素比起X街的好幾百倍, 雖然是需要加一服務費, 但日後想食煲仔飯, 我一定會來此店食. 皆因X街的性價比越來越低了,

"煲仔王" 顧名思意 主打係煲仔菜。原來佢個前身係"多福居酒家" 首先講下間店舖的裝修先, "煲仔王"同以前"多福居" 相比 空間地方感覺比以前大左,可能拆卸左個台階同個風屏,以前大部分地方好似以快餐店的方式就坐,如果成大班人圍住坐選擇的地方比較少,宜家大圓台多左,就算一大班朋友坐都唔怕冇位簡,其次,地方比以往整潔得多,燈光光猛,地方又通爽,未食都令人留下良好印象!晚上十點幾係頌富站附近,同朋友係商場四周轉黎轉去,睇下附近有咩野好野食,無可否認,頌富商場自從"領匯"接手之後,地方的確多引進唔同類型的店,地方比以前清潔左,店舖的間隔多左,但賣衫的店多個飲食的地方!如今個頌富商場,可以比人坐係到慢慢食個地方十隻手指可以數曬,大家樂、吉野家、元綠壽司、銀龍、叙福....十點幾,唔少的店舖都放閘放狗了!最後決去天恩睇下,睇下有咩野好野食,再唔係去俊宏軒大排檔,最後去到天恩商場,見到 "煲仔王" 見佢還未放閘哦 門口見佢個牌話打麻雀時間去到十一點半個時個埸真係黎依肚真係少之有少,鬼咩十點幾就算黎依肚的人都食完啊!個時一入到去選好個睇電視好位,Waiter 就過黎問飲咩野茶,順路比個晚市ME

今日陪呀媽去飲茶, 雖然天澤有間BUT 食過都怕怕, SO 寧願去遠少少的 ~都係叫D普通嘢BUT 對於好耐冇飲茶GE我就好味啦~~ 佢D鳳爪排骨好軟好入味, 而且好受OTHER 食客歡迎, 一陣就冇哂~~燒賣唔少得, BUT 好普通, D肉好"鞋", 冇稻香咁好食~仲食埋果鮮蝦菜苗餃, 粒蝦好爽, 值得一讚 最好食都係碟煎腸粉, 煎到金黃色, 入面係好軟好軟GE腸粉飲完啖香片就走人LU ~~

突然好想食煲仔飯, 所以貪就腳去咗呢間煲仔皇! 這間跟一般的酒樓冇乜分別! 但人流很少!!! 其實心知不妙!!!! OK! 即管試下! 叫個豉汁大鱔煲仔飯, 臘腸雞飯, 和蒜蓉炒菠菜! 大鱔其實是很瘦的鱔!!! 細細"舊", 勁失望!!!! 好想食肥美的蒸鱔呀! 飯也比較硬身! 不合格的煲仔飯!!!!到過雞飯, 都是失望的選擇!!!! 雞過鹹, 飯又硬!!! 只係條臘腸好味! 真無奈! 碟菜超多油, 又鹹! 食物喪都不特只, D服務態度仲更加惡劣!!!! 個個黑口黑面, 尤其係個經理!!!! 我一定唔會再幫襯!!!!

第1次食完已經覺得幾好, 隔o左幾日忍唔住又同老婆去encore, 水準不錯, 服務就一般, 個唔知部長定經理次次都黑口黑面,不過o黎呢度都係食o野唔係食服務!第2次就叫o左個金銀蛋浸豆苗,我覺得幾好,老婆就話太油!

晚上6:45已經到，已有8成坐滿，好在唔駛等。一行三人叫左3小菜一湯，好大碟，好好味。食物選擇多，招呼都OK，佢會係我地屋企人的週末飯堂抵食亞絲平時好咀刁，但佢居然主動話要去呢間野食，講真，頌富商場內真係冇咩好食既食店，想找河`點新鮮食店也很難，不過亞媽果然好介紹，抵食好味，特別係個魚頭煲，成隻手掌甘大，又厚肉，煲底又有燒肉、燒豆腐、大"沖"真係回味，仲食唔完，要打包飯屋企。