熊本牛鍋 (永勝商業中心)

营业中

休息中

其實我平時好少食雞煲😆 因為怕會好辣🌶 但最近去咗一間覺得味道啱啱好👍🏻 感覺仲好似有d 似沙嗲醬加埋咖喱魚蛋個醬咁🥰 我覺得好好食😍 所以好想推介俾d 唔係好食得辣嘅人😎入邊仲有好多海鮮🦞 有鮑魚、有蝦🦐 有蜆、好多雞件🐥 超足料👍🏻 飽魚彈牙，啲蜆肉脹卜卜😍 最特別係裏邊落咗番薯同埋芋頭😎皇牌和牛套餐🐮($268)佢地有幾款任食套餐🥰 全部都係任食180分鐘😍 我地個日揀左最平個個😆 基本上個個set 都會送我岩岩講個個和風雞煲😎 食完個雞煲就可以加湯打邊爐啦☺️ 我依個set 係頂級牛小排、牛肩胛任食👍🏻 牛小排肉味香濃，質地軟熟❤️外邊自選bar 都有好多唔同嘅配菜可以揀🥰 飲品選擇都算好多👍🏻 除咗平時見到嘅汽水之外🥤仲有韓國嘅飲品🧃啤酒🍺 同埋自家製嘅茶🍵佢地依家仲做緊優惠🥰 可以2選1👍🏻1️⃣ 由即日起逢星期日至星期四可以$1088一個價錢包你四位任飲任食澳洲和牛套餐😍 仲要免加一✨2️⃣ 當月生日嘅客人，WhatsApp提早預訂同講明由依個優惠😍 4人或以上，壽星就可免費食到$268皇牌套餐/$298澳洲和牛套餐啦😎佢地仲會員獎賞計劃添嫁🥰 詳情可以睇返熊本牛鍋個社交平台📍熊本牛

雖然想減肥， 但見到朋友約去放題，總會抵擋不住誘惑！❣️呢間主打海鮮鷄煲+火鍋放題，鷄煲内都幾多海鮮，有鮑魚、蝦、蜆等，幾豐富❣️初頭驚食鷄煲後加清湯會好肥膩，但呢到整到濃度同鹹度適中，唔會太肥太油膩!❣️估唔到外面配料如雲吞、韭菜餃都好有水準1．和風海鮮雞煲🐔- 湯底味道唔會太濃味，少少辣，入面好多海鮮，如鮑魚、蝦、蜆等，都幾新鮮- 鷄肉熟度同份量剛好，唔會太飽肚2. 肉類- 頂級牛小排/牛肩胛/豚肉（任食）- 雖然係最basic嘅set，但每款肉都有水準， 頂級牛小排同牛肩胛油脂分佈平均，唔會太肥- 就連豚肉都有水準， 肉質juicy滿滿油脂香中帶濃豬肉味道3. 任食配料🥟-外面自助區有好多配料選擇，如韭菜餃、鮮蝦雲吞、陳皮魚蛋、響鈴、鴨血、墨魚滑、菜類等等，選擇都多！ - 韭菜餃大大粒，皮薄且好滑身，味道幾好。另外鮮蝦雲吞薄薄一層，真材實料有蝦肉4. 飲品選擇都齊，有汽水、茶飲、啤酒等，完全可以暢飲暢食！以呢個價錢來說，都幾有性價比！餐廳服務都好好，會時刻睇住你需要咩。餐廳入面都坐得舒服，難得任食火鍋環境咁decent。ps星期日至四去更可以$1088包四位任飲任食澳洲和牛套餐（免加一

有時返工返到攰攰地，都想自我放縱食下好西，呢晚就同fd子去左食雞煲火鍋放題，一個價錢任食，野食質素唔錯，仲有得食足3個鐘，可以慢慢吹水😌❀和風海鮮雞煲❀雞煲入面雞件份量幾多，食落啖啖肉，仲要幾入味，另外仲有鮑魚、海蝦同埋蜆，令到雞煲更有鮮味，鮑魚肉厚，味道濃郁有咬口；海蝦新鮮又彈牙；蜆肉就比較薄身，食落甜甜地又冇沙😋❀牛肩胛❀牛肩胛脂肪含量較多，肉質鮮嫩有彈性，牛味濃厚，係打邊爐必點嘅食材。❀豚肉❀豚肉切得薄身，肥瘦均勻，食落鮮味幾出，唔會有雪味。❀無骨黑魚片❀黑魚片薄到透透地咁，煮一陣就熟，入口滑溜，好似食緊酸菜魚嘅魚肉咁🥰❀墨魚滑❀墨魚滑墨魚味好重，軟硬適中，有嚼勁。❀雪糕❀有3款味，食埋雪糕大滿足，為呢餐晚飯作結。臨走之前，發現佢地做緊生日優惠，如果有朋友果個月生日，只要有4個或以上黎食，壽星就可以免費食$268皇牌套餐/$298澳洲和牛套餐，而且仲有會員獎賞計劃，黎消費就可以蓋印仔，儲夠5個印仔可以換海鮮塔；最勁儲夠20個就有得送兩位免費$388嘅A4和牛任食餐，決定下次有朋友生日就黎食先！

熊本牛鍋位置係山林道，我自己覺得佐敦exit D會近少少✨落下會見到廣告牌～澳洲和牛🥘海鮮雞煲首先會上海鮮雞煲，海鮮有驚喜✨鮑魚肉質q彈有鮮味；海蝦都幾大隻，肉質結實鮮甜；蜆肉最梗要係冇沙😍雞肉份量都好足，而且肉都幾多👍🏼調味唔會太肥膩又唔會過鹹～加埋芫荽、洋蔥炒香～都幾香口😋火鍋食完雞煲，就可以加湯打邊爐啦😙自助區選擇好齊～有各式丸類、餃類、滑類、蔬菜、麵、醬料、甜品& 飲品😙 丸類有我最愛嘅麻吉燒，入面包住年糕煙煙韌韌；墨魚滑都好推介，食到有墨魚粒粒，都幾鮮味，我地encore 咗兩轉😝蔬菜都好新鮮，尤其係芋頭，不過記住煮耐啲先有綿密嘅口感，入口即化🤤甜品當日有三款雪糕 & mini puff，我最喜歡排名 士多啤梨〉 cookie&cream〉mango 土多啤梨味雪糕有好多果肉，超足料！飲品選擇都唔少，云云當中我地都係選擇經典嘅可口可樂同無糖茶🤣肉類打邊爐當然唔少得肉類😛呢個set包咗五款肉，四款牛，一款豬～牛肉分別有澳洲和牛、牛白肉、頂級牛小排&牛肩胛～澳洲和牛油脂分佈最平均；牛白肉油脂好香，好適合餸酒；頂級牛小排肉質鬆軟牛味亦出；牛肩胛肉味最濃🤓 豬肉都鬆軟唔「鞋」👍🏼見到

香港人一年四季都好鍾意打邊爐今次又黎到山林道👀聽講有間隱世高質火鍋店🍲就黎試下一去到門口已經見到有會員獎賞計劃嘅poster草印仔換野食/套餐 好似幾吸引😍見佢社交平台有詳細details 大家可以去參考下店舖主推幾款任飲任食套餐, 今日食嘅係…⭕️ 皇牌和牛套餐🔹 任食180分鐘🔹 先上和風海鮮雞煲一鍋🔹 再任食頂級牛小排/牛肩胛/豚肉🔹 以及自助區嘅火鍋配料同飲品第一眼已經覺得個雞煲好澎湃有鮑魚有蝦有蜆 海鮮一啲都冇揸流攤肉質鮮而又足料👍🏻當然仲有主角 好多嫩滑雞件 都幾多肉同一啲配料: 豆卜/洋蔥/蕃薯等等湯底好濃郁 微微辣 好香口惹味食到咁上下就加湯打邊爐啦😌第一round店員會主動上一盤豚肉/牛肩/牛小排全部都好高質 油花好靚🤤 仲好有牛味個人認為豚肉都唔可以被睇低大大塊 油脂夠 食落幾爽 唔鞋口😋另外出面自助區仲有唔少火鍋配料 私心推介🔹 墨魚滑🦑好彈牙 重墨魚味 食得出幾鮮 重點一筒份量都幾多🤩🔹 炸魚皮幾大塊 唔會話碎濕濕落湯拖兩拖 浮游係半脆半索湯嘅狀態正🤤🔹 牛舌偏向薄身 好重牛味 食落幾淋身依款有驚喜😍📣期間限定由即日起每星期逢星期日至星期四$1088一個價錢就包你

呢間餐廳店🍲位置有d隱蔽，其實都唔係咁容易見到，小妹行到條街枱頭望先見到餐廳🍴名🙈加上附近冇宣傳，所以想食用細心觀察👀入到去感覺幾舒服😌坐位間好寬闊，坐得舒服🧡 適合一班朋友/家庭聚會黎食。呢間餐廳主打任飲任食日式火鍋放題，$268可以任食頂級牛小排/牛肩胛放題，仲可以先食和風海鮮雞煲，先開始慢慢打邊爐😋因為時間有180分鐘，點都夠時間食，難得可以慢慢嘆黎食，小妹梗係享受埋環境啦😚🍲和風海鮮雞煲和風海鮮雞煲內有2隻鮑魚，鮮蝦、蕃薯🍠、紫薯，洋蔥🧅、花甲及雞，相當足料🤤職員更表示呢個雞煲可以加湯用黎打邊爐🍲但小妹今次冇將雞煲加湯，想試埋另一款豬骨湯味🙈不得不提呢間自助吧😲有多款火鍋🍲配料選舉，芝心竹輪、芝士魚腐、日本雞肉、蒟蒻、腸仔、蟹柳、蔬菜🥬丸類等…加上全部自助形式飲食，鍾意邊款就拎邊款，正😄當晚仲有3款雪糕🍦選擇🤗 豬骨湯味火鍋煲發揮正常，湯底較淡，感覺幾健康😋飲品同樣自助形式，款式一般，唔算好少…冇無糖茶，多款韓式特色飲料🥤如忌廉牛奶🥛等…值得一提呢間有自家製涼茶，夏枯草/冰糖紅棗燉雪耳，即時清涼下，正😝小妹覺得呢間既牛味算係不錯，而且其他食物質素同樣不錯，算多選擇💓加上職員上肉

同事相約我今晚食生日飯, 特意book咗山林道一間樓上舖火鍋店放題, 無限時任飲任食, 啱哂我地邊食邊閒聊。餐廳面積不大, 環境格局亦不算光鮮, 但勝在食物上得快, 添得快。分別有三個價錢套餐選擇, 我地揀咗最平嘅-----皇牌和牛套餐 HK$268/位套餐可任食牛小排、牛肩押、豚肉、全場火鍋配料,同樣可以品嚐和風海鮮雞煲, 再加入豬骨湯底打邊爐。先送上和風海鮮雞煲, 雞煲已熟, 上檯滾起就食得, 每件雞件都很入味, 被鹹甜汁醬包住, 配有爽彈鮮甜鮑魚、海蝦、蜆, 豐富惹味。食完首round雞煲, 加入湯底打邊爐,餐廳設自助吧, 分別有丸類、蔬菜、餃類、麵食等…肉類就經店員order送上。牛小排相對最好食, 牛脂分佈平均, 肉質嫩一點。牛肩押牛脂較少, 較有口感。豚肉豚嫩。火鍋配料中, 墨魚滑同埋牛柏葉最值得encore。墨魚滑有墨魚鮮甜, 微微爽彈。飲品方面, 啤酒汽水等任飲, 不過店員指雪櫃壞了, 所以飲品都唔凍。甜品就有雪糕同埋蕃薯糖水。當月生日, 經WhatsApp提早預訂, 4人或以上同行, 壽星可享免費$268皇牌套餐/$298澳洲和牛套餐。

👧🏻😋👅🍽✨見過最長限時任食火鍋3小時-熊本牛鍋🇭🇰 尖沙咀山林道21號永勝商業中心2樓A號舖 🇭🇰-💰見到鋪頭promotion, 當月生日客人透過WhatsApp提早預訂, 4人或以上同行, 壽星即可免費$268皇牌套餐/$298澳洲和牛套餐, 多$30有埋牛白肉同澳洲和牛要揀啦👍🏻💰仲有會員獎賞可以儲印仔, 除左熊本既火鍋餐, 仲有得送隔離J.L Private Kitchen既甜品/生蠔/5 course套餐, 食得多送得多😍💰食足3個鐘: 鋪頭地方唔算大, 但有得包房, 仲要食足180分鐘慢慢食, 超抵食-🥩澳洲和牛套餐 $298 / 位✔️海鮮雞煲: 有鮑魚, 大蝦, 蜆肉同超多雞件, 個煲同洋蔥炒香好惹味✔️任食澳洲和牛+牛白肉+牛小排+牛肩胛: 牛白肉油脂豐富, 好特別, 常見任食邊爐都少見✔️任食自助火鍋配料: 最鍾意食水魷魚勁新鮮, 仲有多款蔬菜同餃子雲吞; 欣賞餐廳唔會一次過放勁多出黎, 反而見拎到七七八八先勤D fill, 保持食物新鮮✔️汽水+啤酒+店家製涼茶: 泰象啤正! 熊本自家製冰糖紅棗燉雪耳清甜解膩✔️甜品: Dreyers雪糕當晚有3隻味任食, 仲有忌廉泡芙

珍藏火鍋店｜熊本牛鍋熊本牛鍋係一間位於尖沙咀近佐敦嘅樓上任食打邊爐，有別於一般街鋪，佢冇做太多地面上嘅宣傳，所以佢主要係做熟客仔同回頭客生意，要有一定水準同保質保證先做到👍🏻推薦大家都試吓依間的色但牛肉品質高嘅火鍋店😄180分鐘澳洲和牛套餐🍽️人均：$298（加一）🕰️時間：180分鐘（平日晚市）❤️👍🏻和風海鮮雞煲食任何和牛任食火鍋套餐，餐廳都會先贈送一鍋和風海鮮雞煲🍲真係好足料，有鮑魚、蝦、同大量雞‼️湯底微辣超好味🤤套餐會先上豚肉、牛白肉、小牛排、牛肩胛、同澳洲和牛。全部牛都好新鮮，可以追加。而自助區亦有大量飲品，食物同菜，仲有雪糕同泡芙😍食物質素都好唔錯👍🏻期間限定‼️由即日起每星期逢星期日至星期四$1088一個價錢就包你四位任飲任食澳洲和牛套餐😍仲要免加一✨勁抵食呀！Bible rating: 8/10📍地址：熊本牛鍋 (永勝商業中心) (尖沙咀)尖沙咀山林道21號永勝商業中心2樓A號舖

睇食評好好，所以去試左澳洲和牛放題地點、裝修：地點都少少難搵，上到二樓有兩個門口唔係好知邊個。求其推左一隻，入到去都幾舊，好暗，好有衝動即刻走人，但坐低左就算。海鮮雞煲：雞煲有兩隻鮑魚仔，兩隻蝦，一些蜆，雞，唔算特別好食，可接受邊爐：食物選擇不多，最好食墨魚滑，但我見出左5支後冇再出現過；其他就普通野食囉；牛肉都正常嘅，唔係特別好食，冇咩牛味；雞煲轉其他湯底要加$20，叫咗壽喜燒，唔太好味 雪糕：邊爐食到唔想食，所以連雪糕都冇食，亦唔覺得吸引，因為係一大筒唔知咩牌子仲有一點，我食過咁多邊爐，佢嘅豉油係我食過最咸嘅😣咸到食唔到二人買單爭少少700，真心唔值呢個價，食連鎖牛x仲高質，或者佐敦大x口仲抵又好食過佢🙈🙈唔會有下次，唔好比啲食評呃咗。唯一較好係有位女侍應態度超級好。

香港人真係好鍾意打邊爐，一年四季都要打，大家烚吓烚吓，近排朋友介紹我去咗山林道一間雞煲火鍋放題，時間仲要係180分鐘😜，一個價錢已經包晒雞煲同埋火鍋，今次我哋就揀咗澳洲和牛套餐，當中已經包咗和風海鮮雞煲，雞煲呢裏面除咗有雞件之外，仲有唔同種類嘅海鮮，都算係高質，例如大蝦，蜆，鮑魚，仲有豆卜放底吸晒啲汁食完雞煲之後，職員就會準備豬骨湯打邊爐，今次我哋個套餐包咗澳洲和牛，牛白肉，頂級牛小排，牛肩胛同豚肉可以任叫任食，另外仲有嘢飲都係可以任飲㗎，都有唔少啤酒可以飲到，出面仲有火鍋配料俾你選擇，種類唔算多，不過都係高質，例如鮮魷，牛柏葉，萵筍，羽衣甘藍，鮮魚片，墨魚滑，另外仲有雲吞麵底最後，仲食埋個雪糕，有三款口味，真係食飽捧住個肚走，正！

今次我哋嚟到尖沙咀嘅熊本牛鍋，都係睇推介上咗去🤗去到嗰度搵嘅時候會比較難少少，要另外喺旁邊嘅大廈電梯進入！平時比較少去樓上的火鍋鋪，感覺都比較特別🤭第一次嚟，我哋叫咗中間價位嘅澳洲和牛套餐！第一round 我哋全部肉都叫咗一次！整體的肉都比較厚身，唔會太薄，牛白肉即係平時所食嘅胸口油，其實都有幾香嘅油味！本人比較鍾意食牛小排多啲，感覺牛小排的牛肉味道比較濃厚，感覺其實唔錯😬豚肉嚟講，都幾有豬嘅味道！味道都唔會太Hea….呢個驚喜嘅，就係佢包一個雞煲火鍋，而呢個火鍋有海鮮啦入面！估唔到佢會有原隻鮑魚！真係算幾驚喜😮不過值得一讚嘅，就係佢入邊嘅員工，全程都好有禮貌，而且好快幫我哋清走啲垃圾，令到我哋全程都食得好乾淨！同埋會及時幫我哋加湯，整體服務態度都幾好！同場見到有其他人食日本直送A4和牛套餐，見佢個擺盤都幾靚，下次可以試吓😬

好幾年無食過雞煲😂突然癮起，搵到間系尖沙咀既雞煲火鍋放題貪佢可以食成180分鐘 足足三個鐘🥹吾駛好似出面食得個半鐘⏳趕住交枱咁chur.🙈餐廳有三種和牛套餐選擇，每個套餐都會跟一煲和風海鮮雞煲.裡面既海鮮有鮑魚、蝦、蜆，種類吾算多，但系份量都ok☺️食落都新鮮🤤而主角既雞 肉質都幾嫩，雞煲個汁整得好惹味🤤 勁中意😍另外雞煲仲有d豆卜，洋蔥、蕃薯做配料，全部勁入味 正啊😍食完雞煲就可以加湯打邊爐啦😎我地揀左中價位既「澳洲和牛套餐」(ᴴᴷᴰ298/位)🐮咁就包左澳洲和牛、牛白肉、頂級牛小扒、牛肩胛、豚肉任食✨牛肉既色澤幾靚，都有番一定既厚度，吾似出面有d薄到紙片、半透明咁。佢既肉質都非常吾錯🥰 牛味幾香濃🐮個人覺得牛白肉幾特別，我都系第一次見😂一開始見到勁似切左片風乾既蘋果😂其實佢系牛胸前肋骨上一塊細小既筋膜類肌肉，食落勁重牛味同爽口😬另外餐廳仲有個自助區，可以拎其他火鍋配料、醬料同雪糕。雖然自助區只系短短十零步已經行得完，但種類都算多，竟然連田雞肉都有得拎😳其中我最中意就系墨魚滑🦑勁彈牙 瘋狂encore🥹仲有飲品同啤酒🍻都系任飲呢！基本上食完三個鐘真系飽到郁吾到😂😂臨尾用最後一口氣 食埋

位於尖沙咀既熊本牛鍋環境比較偏僻 喺工廠大廈附近會先上一鍋雞煲之後再上一個九宮格比人試足9款牛有自助區但選擇較少 衛生情況普通和牛質素唔錯呢個價錢食到好飽 性價比十分高👍🏻

有良心又高質的雞煲和牛放題首先，入口唔算難搵，係商業大廈入面入到去服務好好，未到齊都叫你坐低先，飲住野等揀好食298 食澳洲和牛餐，下次要食和平要預早book定先有😭店員會先上一個鮑魚海鮮雞煲，食完之後會上齊澳洲和牛，頂級牛小排，牛白肉，牛肩胛，豚肉片豚肉片有驚喜，不過只尸都係食牛，個人喜好澳洲和牛，嫰口d，牛小排都吸引，牛白肉即係牛脂肪，燒烤會好好食，火鍋就會留一層油騷味，未必個個岩食，我就會用兩片和牛夾住牛白肉，食落去就好似食肥牛咁🤪🤪呢到仲一大埋基本配菜，都係d急凍野黎，我就DIY左一個響鈴墨魚滑餃，拆開響鈴片，包住墨滑，出面咁就又幾十蚊一碟喇，慳番最後，食足3個鐘，加埋Oreo曲奇，同滿滿果肉嘅士多啤梨雪糕，食飽晒🤭🤭 芒果雪糕同泡芙就唔建議啦仲有會員制度😂😂📍熊本牛涮鍋地址：尖沙咀山林道21號永勝商業中心2樓A號舖#hkfoodie #hkfood #hkig #hkigfood #foodmap#food #尖沙咀美食 #佐敦美食 #和牛 #雞煲 #火鍋 #異世界生活的大食仔