燈籠滷味 (朗豪坊)

营业中

休息中

燈籠滷味主打台式熱食滷味，有多款食材可以配搭，就好似車仔麵咁。有些滷味食材都幾特別，如豬嘴邊肉、豬脷、生腸、肝連、鴨胗、麻吉燒等。旺角這分店比較大，樓底比較高，無壓迫感。點了豆皮，蘿蔔，雞翼，鴨眕，貢丸及空心菜，湯底含多種中藥，帶微微肉香，味道甘甜，食材吸收了滷湯，特別是豆皮，十分入味。亦點了麻辣鴨血冬粉的台灣小食，份量都頗多，鴨血入味，嫩滑，麻香足夠，少辣。冬粉有咬口，帶微微煙韌感。花枝丸炸得金黃Q 彈鍾意檸檬冬瓜茶，好清新解膩

因為我經常都會喺旺角朗豪坊做facial不過成日都fAcial前後想食嘢，唔知食咩好今次俾我搵到一間，我姑姐好鍾意食嘅嘢就係滷味 台灣口味我今次一個人食叫咗牛筋肉 豬耳朵 空心菜去台灣王子麵當然食台灣嘢梗係要食王子麵睇吓佢同香港嘅出前一丁，有咩分別果然比較彈口QQ 再叫一杯台式飲品必點嘅燈籠黑糖珍珠奶茶 🧋雖然價錢都唔係話好經濟叫咗一碗麵加一杯嘢飲都要$100多啲咁話晒都係大型商場 黃金地段所以都冇辦法，一定要俾返咁上下錢但整體嚟講係值得一試，我下次都會再食嘅

今日放工去左速食朗豪坊既燈籠老味，我地夠早可以直入，夠local，好有feel，每首歌我都琅琅上口🎶！我地之前係銅鑼灣分店食過佢既冬粉好正，今次我地都有再encore，仲加咗底添🤭！我地揀左通菜、牛肚、豬腸、冬粉索晒啲汁超入味！💯花生醬火腿起司蛋餅花生醬控必點！啲🥜花生醬每啖咬入口都咇晒出嚟🤭！香酥花枝丸好香口，好彈牙😍Shake Shake海苔鹽酥雞我哋一半shake shake一半鹽酥，好酥脆！啲海苔粉多到傻左😂，建議就咁咁點啲少少粉食會好啲😆！冬瓜仙草檸檬好清新，啖啖仙草好滿足🥰。佢既2人餐幾抵！純粹係無我想要既combination先散叫🫣。

下就4黎到，唔洗等即入。個場唔算太滿，都半左右啦。坐底無耐就俾左QR code自助落單。落完單就等，等左都差唔多20分鐘，諗住台灣係比較Chill 少少，就無催。然後覺得唔對路，唔通係落單出左問題。然後再問職員，職員話係落左單，話再等多陣。等左40分鐘左右，遲過我入黎坐低既都食緊。於是就問職員，大約要等多幾耐先黎到。佢問完之前過嚟話漏左單，等多陣。之後再等多陣，的確黎到。第一眼見到既係一堆葱🫠🫠🫠omg，不過唔緊要，可以’不’走佢唔食然後見到鴨胗既，姐係點都有個餸變左另一個唔係自己嗌既。不過okay既，至少唔係啲我唔食既餸。鴨胗 林既，易咬開豬耳 中間條骨唔硬，易咬開通菜同金菇 正常水準 無特別 到最後，食左三分一碗都未有杯野飲，我再問左職員，到杯野飲黎已經係17:18分🤣🤣🤣今次既用餐體驗就真係幾麻麻地食物素質 不過不失，可以食一次，下次都未必會再食。環境方面 坐低既時候 枱面仲有辣椒油🙈凳都有飯粒🙈等待食物方面 個人認為耐咗少少🤏🏻🤏🏻

見開左甘耐原本諗住去試食一餐，早左到諗住拎定位坐低等另一半過嚟，入坐個陣冇提醒話限時，以為都可以食耐啲啊，坐左10分鐘後落單，點知食物等左成20分鐘先到，食到一半無啦啦行過嚟話差唔多夠鐘，仲係度問啲嘢食要唔要，我反問返佢，點解隔離4人枱坐左甘耐你唔同佢講夠鐘？啲嘢食遲左上仲要催我，會唔會有啲唔合理？之後仲要黑我面先走去隔離枱叫人走。同埋出邊又唔係排哂長龍，真係唔可以鬆手啲俾人慢慢食完先走？下次真心唔會再去食

香港都有唔少台灣餐廳，但大部分都係食牛肉麵或者滷肉飯為主，較少主菜係食滷味，呢間燈籠滷味就打破傳統，以台灣夜市滷味為主菜，餐廳環境佈置充滿台灣特色，而且仲會播住台灣歌手嘅歌🤣，但注意餐廳用膳時間係一個鐘，所以食得都係有啲急🥸❣️「豪豪吃」二人套餐 $198📍招牌燈籠滷味總共有6款滷味，蹄膀、豬耳、甜不辣、花枝丸、百頁豆腐同高麗菜，推介豬耳同甜不辣，入味但唔會過腍，麵底揀左台灣王子麵，煮得爽口，但個醬汁偏甜，食落怪怪地😅📍人氣蔥抓蛋餅蛋餅新鮮整起，但肉鬆同芝士少得可憐🥺，芋泥算飽滿但唔香濃，食落都係偏甜📍甘梅香脆地瓜條地瓜條新鮮炸起，加上大量梅子粉，香脆好食👍🏻📍苿香奶綠 味道一般，唔推介🥸👅好味度：7.5（10分滿分）味道同台灣夜市滷味仲有一段距離😅，野食唔知點解都係偏甜🥸，如果台灣菜嚟講係香港應該有其他更好嘅選擇🤣🏦是次消費總額 $217.8（人均消費 $108.9） 🍴須加一服務費

第一次去食結果遇上垃圾服務 限時一小時內食完套餐 夠鐘先發現漏上糖水 仲要等左10分鐘先上到 幾分鐘食左半碗之後未問我要唔要就收走我未食完噶糖水只為逼我走 哩D咩餐廳來？？？你以為碗糖水只有水？芋圓唔洗咬啊？唔好食我先算數 走人！以為係有好多人等位先咁逼我 結果外面只有一張台等位！

花生醬火腿起司蛋餅： 必試之選！！！！花生醬非常濃郁，蛋餅新鮮煮起熱辣辣，口感適中，貼近台灣STYLE，唔會太厚太淋，意想不到係花生醬原來同火腿蛋都幾夾！不過真係有啲「漏」，同埋要好鐘意花生醬先會鐘意食自選滷味： 汁偏淡，唔太入味，除咗豆腐其他份量偏小，牛展如圖得一塊半，雞腎得 3舊左右 海苔鹽酥雞：味道不錯，而且夠香，但雞炸得太乾，好硬，有啲位完全食唔到，唯一可取係唔會好厚粉 餐廳其實都舒服，而且都算整潔，

朗豪坊見到裝修幾靚既台灣餐廳 餐廳係用手機落單 但都會有menu派 呢方面幾好 叫左個午餐set 加小食花枝丸 味道唔錯幾入味 配料真係多 我叫左冬粉本身以為係寬果隻火鍋粉 原來只係粉絲 花枝丸應該係即炸 下面墊左啲沙律菜 勁熱 食果陣要小心啲🥹我就⋯⋯辣親了黑糖珍珠奶綠 幾好飲 珍珠都唔會太林佢茶底有啲鞋 奶比較多 甜就唔會似出面果啲死甜 本身我落單唔小心㩒錯左熱 好彩職員可以幫我換 職員幾好禮貌餐廳有提供紙巾 收銀既話要行返出去門口比

今日4月10號2:30出面收銀短髮女人態度極差，唔知以為我殺咗佢父母！食物方面，湯底好甜，份量極少，旁邊有個客人詢問其他店員關於手機落單的事情，完全冇心服務客戶，回答一下馬上離開，要客戶再次叫返佢轉頭。不過態度最衰都係個短髮女人，俾錢嗰下真係一肚氣，好似得罪佢今！

身為台灣人在香港看到台灣滷味真的超級無敵期待！畢竟家鄉味難得難得～雖然牆上可愛的霓虹燈非常港味但肯定要支持一下但…..剛上菜百葉豆腐中間居然是🧊冰的冰的Omg 然後高麗菜非常的生 感覺很像在吃生菜沙拉！瞬間台灣味美夢破碎～～～如果要說他是台灣滷味我覺得他口味蠻像香港車仔麵的味道但是是冷掉的車仔麵🥲以下是菜單🥲價錢真的超級無敵不可愛！台灣價格香港匯率但在物價高的香港又進駐商場肯定不便宜但希望台灣餐廳可以好好經營！至少不要食物中間是冰的！根本沒煮熟～畢竟在台灣吃真的不是這樣😵如果這篇食評雷到你，希望香港朋友下回去台灣玩記得打開openrice找一家道地的滷味試吃看看～～

當我品嘗這道燈籠滷味時，我不僅僅是感受到了它的味道和口感，更是感受到了它所蘊含的文化和歷史背景。這種小吃源自於台灣，是當地人民常常食用的美食之一，隨著移民和文化交流的發展，逐漸傳到了香港。這道燈籠滷味所傳承的不僅僅是一種食品，更是一種文化和歷史的傳承。當我品嘗著這道美食時，我不由自主地想起了台灣的夜市和香港的小吃文化，想起了那些用心製作每一道美食的人們。這種感情讓我更加喜愛這道燈籠滷味，也讓我更加珍惜每一種食物所蘊含的文化和歷史價值。這種感情也讓我更加願意嚐試不同的美食，探索不同文化之間的交流和融合。因此，這道燈籠滷味對我來說不僅僅是一道美食，更是一種文化和感情的體現。每當我品嘗這道美食，我都能夠感受到其中所蘊含的豐富的情感和價值，這讓我對飲食文化更加熱愛和敬重。

首先講明我不太喜好台灣食物，所以是有保留的。但男朋友今晚突然開聲話想食，我就委屈地陪佢食呢餐吧🥲先不說食物，環境真係好鬼迫。我明白餐廳想做多啲生意…但真係迫到一張長枱坐8個人🙄只用3塊圍板隔住，隔離講咩我都聽到哂，自己講野又要就住就住，完全沒有空間🫠由於我不太好台灣野，為左揀自選餸麵最穩陣吧。嗌左3餸 （墨丸 貢丸 油墨菜）+王子麵。 老實說 叫我食多幾多次我都不太懂得欣賞個湯底，而且王子麵份量少得好可憐⋯男友嗌左呢個肉碎飯反而有驚喜地好食，甚至比我個麵更好！我哋仲嗌左炸雞，蛋餅同糖水。炸雞好熱幾好食，蛋餅就無乜味好啖… 雖然我不太中意台灣食物，但偶爾一兩餐也可以去的

食台灣燈籠滷味多年，呢間香港分店完全唔係果回事，滷水汁完全唔同味而仲好淡味，用料最基本例如甜不辣都唔係台灣味道，問可唔吾以加辣佢比包辣椒油黎😓，都係去台灣先食得番

太掛住台灣夜市小食試試好多人排隊的燈籠滷味人氣蔥抓蛋餅奶油芋泥、肉鬆、起司$56火腿、玉米、起司$54最好味最大驚喜是蛋餅外皮鬆脆香口芋泥完全融入蛋餅麻辣鴨血野菜冬粉$52辣味十足但鴨血未必人人喜歡台灣紅燒牛筋肉滷肉飯$78味道正常沒有太大驚喜招牌燈籠滷味王子麵包括豬耳朵、甜不辣、百頁豆腐、花枝丸、高麗菜滷汁都算入味王子麵好好味Shake shake海苔鹽酥雞$48炸粉不算太厚將鹽酥雞放入紙袋內加入海苔粉搖勻甘梅香脆地瓜條$38甘梅味道清新蕃薯比薯條較少油膩感