燈籠滷味 (朗豪坊)

营业中

休息中

今日嗌咗手工烏龍麵，結果只有餸冇烏龍麵！由下晝一點打電話到鋪頭，但到而家三點都冇人聽，到底想點樣？係唔係想做生意架？外賣無現場好食。好差勁！以後都唔會再食佢哋啲嘢。

今晚去朗豪坊買化妝品，朋友想飲珍珠奶茶同滷肉飯就4樓燈籠滷味啦😍甘梅香脆地瓜條-厚厚地瓜條，味道清甜，外層有開胃甘梅粉，外脆內軟，味道帶酸甜甜，十分惹味麻辣手撕雞手工烏龍麵-手撕雞微辣，麻味食落香口，鴨蛋比較實，但有口感，碗上手工烏龍麵好配合，烏龍麵彈牙，爽口，夏天之選燈籠古早滷肉飯（小）-成配滿滿的，用上半肥瘦豬肉，肥而不膩，味道濃，軟綿米飯吸入滷肉汁精華，一流燈籠黑糖珍珠奶茶-賣相有漸變畫面，選配自己喜愛甜度和冰塊，茶香爽滑，珍珠甜帶煙韌九份經典芋圓QQ蕨餅-芋圓同珍珠煙韌，紅豆帶甜，建議混合一齊食，抹茶味清香。整體可試

呢間餐廳回頭率好高 我已經第三次黎 而家變左自助點餐 好方便 見到有二人套餐 好適合有選擇困難症既食客燈籠飽飽二人餐 $228招牌燈籠滷味（已包左6款精選滷味：蜂巢牛肚 豬耳 百頁豆腐 麻吉燒 白蘿蔔同黑木耳）蘿蔔索晒滷水汁 入晒味 又夠淋 唔會有渣 好味 另外 麻吉燒好爽口 入面既芝士 甜甜地 好特別 牛肚份量都多 另加1款自選蔬菜就揀左 西蘭花再加麵底 黎呢度一定要食正宗台灣王子麵 配滷汁一流一款台式小食 台灣夜市必點既台式香蒜腸 腸仔薄切 煎到好香 配埋蒜蓉 岩岩好地道夜市小食燈籠古早滷肉飯（小碗）份量唔多 但肉躁好夠香 配埋白飯 令人懷念的台灣味道餐後甜品九份經點芋圓 有芋圓 地瓜圓 配埋珍珠 大滿足跟餐仲有兩杯飲品 👍🏼

悠長假期即將展開，心情興奮當然要行街shopping買靚衫啦～原來這家餐廳已開到旺角朗豪坊，不得不試。裝修不錯，去到發現全場爆滿。燈籠黑糖珍珠奶茶冷氣充足，奶茶絲滑，珍珠軟糯，不太甜，熱飲很暖胃。燈籠古早滷肉飯份量剛好，滷肉飯也很快上，香菇肉碎香噴噴，尤其肉汁滷得入味，飯粒煮得也剛剛好，推介抵食。食物選擇亦多，和朋友超喜歡吃台灣蛋餅，於是今日一次過滿足哂三個願望。花生醬火腿起司蔥抓蛋餅蛋餅煎得不油不膩，和雞蛋完全融合，蔥帶少少香味，和咸甜的花生🥜醬跟火腿軟綿綿，第一次試這種濃郁花生組合，再加芝士，口味重，建議三人分享。火腿玉米起司蔥抓蛋餅 較上一道加了清爽的玉米，倍添健康元素，口感輕盈，更能吃到煎火腿的咸香，蛋餅帶少少蔥味，質地香脆，調味相當，飽肚之選。奶油芋泥肉鬆起司蔥抓蛋餅 最出色的一款，香濃甜甜的芋泥十分軟滑，肉鬆很香口，配芝士已不能更滋味了，蛋餅令人大滿足。食後感：價錢合理，座位坐得舒服。

今日係旺角行街，順便係朗豪坊搵野食，見到哩間台灣滷水好似好好味☺️就同朋友去食啦☺️佢有個2人套餐，咩都有啲，我地簡左唐生菜同冬粉，裡面有牛肚、豬耳、豆腐麻吉燒、蘿蔔同黑木耳，小食我地簡左炸花枝丸，火腿玉米起司蔥抓蛋餅，有個經典芋圓，抹香奶綠同荔枝紅茶滷味都好入味，特別係牛肚，豆腐麻吉都係☺️☺️☺️有台灣既味道火腿玉米起司蔥抓蛋餅好好食🤤啲芝士熱食好似流心咁☺️好香炸花枝丸☺️一貫水準芋圓係必備，好具台灣風味既野☺️不過略略有啲甜價錢性價比好高，係朗豪坊亦唔算好貴😉

昨日休息和家人去了元朗食完台灣風味的午餐，今天上班，仍心思思想食台灣味道的飯店。所以一到放食飯時間，二話不說就去了朗豪坊四樓的燈籠滷味，去食帶有台灣風味的晚餐。佈局特別，有很多招牌匾貼在牆上，環境富有地道風。燈籠古早滷肉飯（小）$35本來以為餐牌寫小，應該是一小碗，加上看見價錢是35元，所以猜想應該份量不太多。所以就叫了其他小食。怎知，一送到上枱面，份量和體積都不小，食完其實都已經有點飽。哈哈。醬汁、肉碎加白飯，簡單又美味。惹味搭香鹽酥雞$48肉嫩，脆香可口，夾完一件又一件。金黃糖心滷鴨蛋$20鴨蛋的味道果然與平時食的糖心雞蛋有所不同。加上烹調醃製過，鴨蛋微硬，但富有彈性。微鹹，蛋黄金黄色的，有通透感。別有一番風味。香炸花枝丸$32 香炸花枝丸，我的至愛。平時外出食湯麵都必叫的就是花枝丸。今次改用另一種炸的烹調方式，味道更出眾，外表帶有微硬脆感，裡面就保持彈牙口感，滋味在心頭。燈籠黑糖珍珠奶茶$28茶味濃郁，奶香，同時沒掩蓋茶香，香醇可口。加上有珍珠，增添口感咬口。

燈籠滷味主打台式熱食滷味，有多款食材可以配搭，就好似車仔麵咁。有些滷味食材都幾特別，如豬嘴邊肉、豬脷、生腸、肝連、鴨胗、麻吉燒等。旺角這分店比較大，樓底比較高，無壓迫感。點了豆皮，蘿蔔，雞翼，鴨眕，貢丸及空心菜，湯底含多種中藥，帶微微肉香，味道甘甜，食材吸收了滷湯，特別是豆皮，十分入味。亦點了麻辣鴨血冬粉的台灣小食，份量都頗多，鴨血入味，嫩滑，麻香足夠，少辣。冬粉有咬口，帶微微煙韌感。花枝丸炸得金黃Q 彈鍾意檸檬冬瓜茶，好清新解膩

因為我經常都會喺旺角朗豪坊做facial不過成日都fAcial前後想食嘢，唔知食咩好今次俾我搵到一間，我姑姐好鍾意食嘅嘢就係滷味 台灣口味我今次一個人食叫咗牛筋肉 豬耳朵 空心菜去台灣王子麵當然食台灣嘢梗係要食王子麵睇吓佢同香港嘅出前一丁，有咩分別果然比較彈口QQ 再叫一杯台式飲品必點嘅燈籠黑糖珍珠奶茶 🧋雖然價錢都唔係話好經濟叫咗一碗麵加一杯嘢飲都要$100多啲咁話晒都係大型商場 黃金地段所以都冇辦法，一定要俾返咁上下錢但整體嚟講係值得一試，我下次都會再食嘅

今日放工去左速食朗豪坊既燈籠老味，我地夠早可以直入，夠local，好有feel，每首歌我都琅琅上口🎶！我地之前係銅鑼灣分店食過佢既冬粉好正，今次我地都有再encore，仲加咗底添🤭！我地揀左通菜、牛肚、豬腸、冬粉索晒啲汁超入味！💯花生醬火腿起司蛋餅花生醬控必點！啲🥜花生醬每啖咬入口都咇晒出嚟🤭！香酥花枝丸好香口，好彈牙😍Shake Shake海苔鹽酥雞我哋一半shake shake一半鹽酥，好酥脆！啲海苔粉多到傻左😂，建議就咁咁點啲少少粉食會好啲😆！冬瓜仙草檸檬好清新，啖啖仙草好滿足🥰。佢既2人餐幾抵！純粹係無我想要既combination先散叫🫣。

下就4黎到，唔洗等即入。個場唔算太滿，都半左右啦。坐底無耐就俾左QR code自助落單。落完單就等，等左都差唔多20分鐘，諗住台灣係比較Chill 少少，就無催。然後覺得唔對路，唔通係落單出左問題。然後再問職員，職員話係落左單，話再等多陣。等左40分鐘左右，遲過我入黎坐低既都食緊。於是就問職員，大約要等多幾耐先黎到。佢問完之前過嚟話漏左單，等多陣。之後再等多陣，的確黎到。第一眼見到既係一堆葱🫠🫠🫠omg，不過唔緊要，可以’不’走佢唔食然後見到鴨胗既，姐係點都有個餸變左另一個唔係自己嗌既。不過okay既，至少唔係啲我唔食既餸。鴨胗 林既，易咬開豬耳 中間條骨唔硬，易咬開通菜同金菇 正常水準 無特別 到最後，食左三分一碗都未有杯野飲，我再問左職員，到杯野飲黎已經係17:18分🤣🤣🤣今次既用餐體驗就真係幾麻麻地食物素質 不過不失，可以食一次，下次都未必會再食。環境方面 坐低既時候 枱面仲有辣椒油🙈凳都有飯粒🙈等待食物方面 個人認為耐咗少少🤏🏻🤏🏻

見開左甘耐原本諗住去試食一餐，早左到諗住拎定位坐低等另一半過嚟，入坐個陣冇提醒話限時，以為都可以食耐啲啊，坐左10分鐘後落單，點知食物等左成20分鐘先到，食到一半無啦啦行過嚟話差唔多夠鐘，仲係度問啲嘢食要唔要，我反問返佢，點解隔離4人枱坐左甘耐你唔同佢講夠鐘？啲嘢食遲左上仲要催我，會唔會有啲唔合理？之後仲要黑我面先走去隔離枱叫人走。同埋出邊又唔係排哂長龍，真係唔可以鬆手啲俾人慢慢食完先走？下次真心唔會再去食

香港都有唔少台灣餐廳，但大部分都係食牛肉麵或者滷肉飯為主，較少主菜係食滷味，呢間燈籠滷味就打破傳統，以台灣夜市滷味為主菜，餐廳環境佈置充滿台灣特色，而且仲會播住台灣歌手嘅歌🤣，但注意餐廳用膳時間係一個鐘，所以食得都係有啲急🥸❣️「豪豪吃」二人套餐 $198📍招牌燈籠滷味總共有6款滷味，蹄膀、豬耳、甜不辣、花枝丸、百頁豆腐同高麗菜，推介豬耳同甜不辣，入味但唔會過腍，麵底揀左台灣王子麵，煮得爽口，但個醬汁偏甜，食落怪怪地😅📍人氣蔥抓蛋餅蛋餅新鮮整起，但肉鬆同芝士少得可憐🥺，芋泥算飽滿但唔香濃，食落都係偏甜📍甘梅香脆地瓜條地瓜條新鮮炸起，加上大量梅子粉，香脆好食👍🏻📍苿香奶綠 味道一般，唔推介🥸👅好味度：7.5（10分滿分）味道同台灣夜市滷味仲有一段距離😅，野食唔知點解都係偏甜🥸，如果台灣菜嚟講係香港應該有其他更好嘅選擇🤣🏦是次消費總額 $217.8（人均消費 $108.9） 🍴須加一服務費

第一次去食結果遇上垃圾服務 限時一小時內食完套餐 夠鐘先發現漏上糖水 仲要等左10分鐘先上到 幾分鐘食左半碗之後未問我要唔要就收走我未食完噶糖水只為逼我走 哩D咩餐廳來？？？你以為碗糖水只有水？芋圓唔洗咬啊？唔好食我先算數 走人！以為係有好多人等位先咁逼我 結果外面只有一張台等位！

花生醬火腿起司蛋餅： 必試之選！！！！花生醬非常濃郁，蛋餅新鮮煮起熱辣辣，口感適中，貼近台灣STYLE，唔會太厚太淋，意想不到係花生醬原來同火腿蛋都幾夾！不過真係有啲「漏」，同埋要好鐘意花生醬先會鐘意食自選滷味： 汁偏淡，唔太入味，除咗豆腐其他份量偏小，牛展如圖得一塊半，雞腎得 3舊左右 海苔鹽酥雞：味道不錯，而且夠香，但雞炸得太乾，好硬，有啲位完全食唔到，唯一可取係唔會好厚粉 餐廳其實都舒服，而且都算整潔，

朗豪坊見到裝修幾靚既台灣餐廳 餐廳係用手機落單 但都會有menu派 呢方面幾好 叫左個午餐set 加小食花枝丸 味道唔錯幾入味 配料真係多 我叫左冬粉本身以為係寬果隻火鍋粉 原來只係粉絲 花枝丸應該係即炸 下面墊左啲沙律菜 勁熱 食果陣要小心啲🥹我就⋯⋯辣親了黑糖珍珠奶綠 幾好飲 珍珠都唔會太林佢茶底有啲鞋 奶比較多 甜就唔會似出面果啲死甜 本身我落單唔小心㩒錯左熱 好彩職員可以幫我換 職員幾好禮貌餐廳有提供紙巾 收銀既話要行返出去門口比