燒串煲 (已結業)

知道渡船街附近係串燒店嘅眾集地， 今日朋友揸開車終於可以過嚟試下~我哋揀咗間相對冇咁多人嘅燒串煲， 舖頭細細，但係座位與座位之間嘅位置都好寬敞坐得舒服！餐紙選擇都好多，睇到有啲花多眼亂😂清酒煮珍珠蜆一上菜已經聞到好香嘅清酒味 蜆肉煮得好夠味 而且分量都非常足 我哋四個人食啱啱好 連湯都可以飲埋！孜然烤雞翼 雞皮煎得卜卜脆 雞肉卻亦嫩滑同入味 辣辣地嘅孜然味令雞翼食落更加香口惹味安格斯牛小排 呢個相當推介 價錢唔算貴 但係牛嘅cp值好高 有牛味之餘 亦不失口感 而且燒得啱啱好 我哋都忍唔住嗌咗兩三碟😂雞軟骨作為雞軟骨嘅愛好者我哋又點會唔嗌雞軟骨 同人哋雞軟骨亦都係燒得啱啱好 咬落爽脆 而且加咗少少辣粉令到味道更香 佐酒啱曬！值得一提嘅係呢度除咗店員都非常熱心之外，食完仲有個抽獎活動 我哋抽中咗個牛舌，下次要再黎支持下！

食啲咩真係一個世紀難題，同老婆一齊諗食咩已經變為係一個娛樂，黎到依間「燒串煲」，故其名串燒加火煱，聽到都覺得正。串燒款式包羅萬有，唔怕無野啱食，蜜燒雞全翼，唔好意為係普通野，燒到金黃皮脆肉嫩無翻咁上下心機都唔得。日式雞泡魚干，夠咬口，加上沙律醬，野味滿分💯日本墨魚筒，墨魚鮮味配日式醬汁加上師傅手細，好食到不得了，重點推介。鹽燒黑椒牛舌，牛味十足，爽口彈牙。精選安格斯牛粒，牛嘅香味爆燈，加上燒到啱啱好，每一淡都有肉汁滲出，簡直停唔到口。令人難忘係燒菜心，兩公婆恰同抄都試得多，但燒都係第一次試，令人意外係燒完重有好多水份，咬落去菜水爆發，令人振驚。整體黎講，係好食嘅，因為菜心令我感到驚喜，期待下次試埋個火煱

Honey有朋友介紹，叫佢試吓去佐敦嘅燒串煲試吓，於是就問佢朋友拎咗個地址就帶咗我去試吓。雖然而家差不多個個人都有個地圖喺手，但有時揸起車上黎都唔係要搵就搵到。去到佐敦渡船街附近搵咗個停車場泊低咗部車再行去，都要搵一搵，因為條條街都差不多樣，不過都好彩順利搵到間小店。由於時間早咗到，去到即刻有位唔使等。職員安排好座位比我地後都有介紹野食比我地。我地叫咗個半隻嘅乾鍋香辣雞煲、孜然烤雞中翼、鹽燒黑椒牛仔骨、生燒廣島蠔半打、日本墨魚桶&燒蕃薯仔先講一講個雞煲，由於Honey唔太食得辣，只能叫小辣，反而個味道幾野味，D雞整到好滑，不過四季豆如果走埋油仲正！之後就上咗碟燒日本墨魚桶，燒到剛剛好，爽口燒雞翼就無咩特別燒廣島蠔，D蠔剛剛熟，唔會韌燒蕃薯仔，粒粒都好甜，好味最後上牛仔骨，咸咗些少

一直都留意到呢一間新開嘅食串燒鋪頭佢唔單止剩係得串燒嘅小食，仲有一個雞煲，有火鍋配料，可以俾你打邊爐。一次過滿足兩個願望呀打邊爐期間又可以叫串燒小食，為食一族嘅我哋梗係唔會放過呢間餐廳呀首先一坐低服務員已經好好態度可循環再用嘅Menu，完全係追得上現今社會環保嘅趨勢！呢一層係值得一讚！我哋首先叫咗娃娃菜韭菜蘆筍冬菇呢啲蔬菜，蔬菜呢啲應該最難控制火候，竟然上菜時，每一份食物都沒有燒焦的，勁啊！可能廚師係燒烤過程當中加咗特別的醬汁，咬落口十分惹味，完全係開胃呀！跟住就係食肉類，每一串嘅份量比想像中多，燒雞翼同埋燒羊扒食出驚喜！所有肉類都唔會燒到好老，肉質剛剛好，入面嘅肉汁亦都保持到水準。味道亦都不錯嘅亦都唔會好鹹。值得一試！

星期六總是想吃好一點, 遠離快餐店茶餐廳那些例飲例餸。這晚我倆突然興起想吃串燒, 就走到了渡船街那邊搵食。燒串煲看起來像一般的港式串燒店, 由蔬菜到海鮮的食材都可以串燒。此外, 原來這店還有雞煲等選擇, 不過這晚我們還是想吃一點較"小食"的。MENU 列了不少選擇, 越看越心多, 款款都好像很不錯。結果我們花了近十分鐘才點好第一ROUND 串燒。每人先來一隻金銀蒜絲燒烤貴妃蚌, 送來時傳來陣陣蒜香, 引得我口水快要流出來。貴妃蚌肉鮮甜爽脆, 海鮮味十足, 而且燒得剛好, 一點也沒有過火。加了金銀蒜不但減退了泥味, 令海鮮更惹味, 那絲粉絲更是不能錯過!把海鮮的精華都吸收起來, 軟滑好吃。平時我們愛點燒雞翼, 今次懶鬼一點連骨也懶去啃了, 燒雞扒正合我們心意。雞扒不會太肥太油, 皮脆肉嫩, 每件都能保持肉汁。而且用的調味也剛好, 不會死咸外, 還留有微甜的香烤味。 燒雞腎是我的favorite, 這兩串沒有令我失望呢! 火喉掌握得很好, 不會燒得太乾太硬, 內裏還是爽彈的。同時亦不會加上過多的孜然粉, 把食物的原味都搶走。風味燒五花腩看似普通沒有什麼味, 但吃落有驚喜呢~燒過的腩肉帶走了

聽朋友講話呢間野啲雞煲幾好食，我仲以為佢專食串燒，見到佢有個二人餐，好似乜都有齊晒咁，就唔想煩決定買呢一個餐呢個乾鍋香辣雞煲真係同出面既雞煲好唔同，擺左上檯滾左5分中到就食得啦！啲肉係林又易咬口，出面有好多雞煲啲雞都係硬啲！之後就上串燒，叫左雞翼娃娃菜豬頸肉翠肉瓜同埋帶子，串燒選左小辣都夠辣味，我平時食譚仔就食開小辣既😛我覺得串燒唔可以太辣比佢辣味姐住左佢個味！雞翼外脆內軟，果皮都燒得唔錯，帶子就加咗蔥花去燒，都唔錯只有豬頸肉就比較遜色左啲，可以加多啲汁會好啲，娃娃菜同翠肉瓜都正常小食會有皮蛋包埋，係冰凍既但唔會太硬嗰度嘅服務員招呼都幾好，非常體貼！最後仲有得抽獎贏咗牛舌優惠券一張😂下次可以再去食

今日同男朋友係尖沙咀行完街，我地想搵野食，但日本/台灣野又覺得悶，網上搵到一間專食雞煲串燒既專門店，評價唔錯，我地決定試下入到店內，環境清潔整齊食物選擇多，但我地見到有2人餐，而且唔貴就揀左包2杯無酒精飲品，揀左津路/夏枯草，又解渴又降火小食先到，黃金皮蛋，配上特有醬汁，酸酸辣辣，很醒胃蟶子王，很大隻，成隻中指咁長，蒜蓉味粉絲夠，配上新鮮彈牙既蟶子，好大元貝肉質鮮嫩新鮮，又係好味主角雞煲到了，雞很鮮嫩又滑，配上小辣，份量很多！雞翼燒得岩岩好，雞皮焦脆熱辣，肉汁夠花枝丸燒得不錯，大大粒，魚味夠，唔錯最後埋單$468，唔收加一，這個2人餐好夠食，食到好飽，相信2個男仔食都夠，與其百幾蚊食普通任食，不如俾多少少食高質素海鮮

好耐無食串燒，呢排又癮起，朋友話佢屋企附近有間串燒店唔錯，於是約咗呢晚喺度食飯。睇完餐牌之後，見到串燒以外，原來仲有雞煲，於是叫咗招牌香辣雞煲試吓，因為朋友唔係好食得辣，所以叫咗小辣，估唔到又幾好味，雞件食得出係新鮮雞，肉質嫩滑，有雞味，配上青椒洋蔥同煮，令個汁更香更惹味，而且只係得好少好少辣味，朋友都食到。食串燒雞煲點可以唔飲啤酒，叫咗枝 Asahi 啤酒飲，夠冰凍，好爽呀~ 香辣豉汁白鱔外皮燒得香脆，魚肉有少少彈性，食落唔會好膩，唔錯! 風味燒雞軟骨外面燒得夠乾夠香口，裡面仲係好爽脆，正! 泰式鹽燒烏頭加咗啲香料喺魚肚一齊燒，有助去掉腥味，雖然附上點嘅汁，但魚肉本身都夠味，所以就咁食都ok!小店沒有加一，店員有禮，值得一讚!

串燒我至 like, 如果唔係friend介紹都唔識黎！先黎啤啤佢 冰飲加串燒真係無敵！今晚食左好多野，我就揀d好食既推介下串燒雞腎，中辣牛舌，厚燒！ 超好食今晚最愛燒鱔！皮脆，肉有咬口！好味！安格斯牛排，juicy，油脂香！ 我個friend話肥！我就話正！哈哈 鹽燒烏頭，新鮮， 仲有芹菜香！配豆醬食，第一次， 原來味道幾夾食物好，服務好，仲有兩部大電視又坐得舒服！ 食完嘢又唔會一陣油煙味。 老闆娘話佢哋啲海鮮係日日新鮮返，下次可以encore試多d海鮮

朋友介紹，同家人即管嚟食下好少寫食評嘅我，真係都呢間小店D燒物真心好食，味道特別之餘，D野仲好新鮮，燒物燒得剛剛好，真係唔錯👍🏼👍🏼👍🏼🤤唔似出面一般果D一係食個沙嗲醬，一係就一pat牛油加一炸蒜蓉，整到油淋淋，完全食唔到鮮味🙅🏼‍♂️🙅🏼‍♂️樣樣都真係好食，個雞煲🐔都真係唔錯，屋企人都大讚🤤🤤

支持下小店先，呢道專食串燒，另有我提供雞煲。本來想試串燒，我地一行四人，見有套餐就揀咗個四人餐，有雞煲有串燒的。先黎頭盤，係冷盤醉鮑魚。份量比想像中多，少少酒香，剛好開下胃口。跟住就上雞煲，佢有特式雞煲(湯底)同普通雞煲(平時出面食開果啲)，我地就試咗佢個特式雞煲，無一般雞煲咁咸，有青椒等配料，口味都幾新鮮，又夠大煲。跟住到我地嘅主菜了，就係串燒雞翼同羊肉串，雞翼有啲似X仔啲土匪雞翼，但無咁咸。羊肉串都ok，因為好多都好易整到啲肉好梅，但呢道整得唔錯。燒豬頸肉燒聖子，燒得剛好，仲配埋粉絲底，粉絲入哂味另一推介，燒扇貝同燒聖子一樣，燒到剛好仲配埋粉絲，鮮甜呢個魷魚都好正，火路剛好燒蝦雖然我唔食茄子，但老婆同朋友都話好食，份量足成條茄子以燒菠蘿結尾清一清味蕾呢道啲串燒真係唔錯，建議食套餐就抵啲。以上只係我地揀嘅配搭，個餐有足夠嘅選揀同基本上要肉要菜要海鮮都有。我地叫四人餐四個大人都夠食，算幾抵食。

佐敦文字樓有好多食肆，大街小巷，有唔同各式各樣嘅食店，有串燒，有泰國嘢，有越南嘢， 又有酒吧，甜品，小食店。。。其實喺呢度食嘢，好似尋寶咁。。。雖然全部都係細細間，但各有各特色！今日我嚟到一間食串燒同雞煲嘅小店。由於時間尚早，店內暫時未有顧客。店員都好細心，問我地要唔要食辣， 但係我唔食辣，所以佢另外俾咗一碟辣粉俾我老公。以下係我哋今日點嘅食物涼拌鮑片 $52好特別，鮑魚片好乾爽， 口感煙煙銀銀。雞泡魚乾 $48小小甜，燒得又唔乾身， 點埋沙律醬一流。白鱔 $48好新鮮食，落索索聲。燒蠔 $30係日本廣島蠔，但就唔係好大隻，都好新鮮嘅。大元貝 $48呢個值得一讚，我哋叫咗細size, 但都好大粒。牛舌 $42都幾大件，初初送到黎，我仲以為係年糕。安格斯牛柳粒 $45肉質軟熟，大概係六至七成熟。鵝肝法包 $88本身我哋冇叫鵝肝，係店員搞錯咗落錯單， 但佢哋都好好，照俾我哋食食，免費嘅！仲係咁講唔好意思。。。芝士年糕 $28煙煙銀銀，好軟熟，雖然有芝士，但唔算好膩。燒五花腩 $32五花腩好爽口，口感一流。蜜糖芝麻雞翼 $48甜甜地個雞皮燒得好脆。所有燒物都燒得不錯。。。店員亦都好殷勤，態度

佐敦區太多串燒小店，價錢款式都大同小異。朋友向我強烈推薦要黎呢間燒串煲。燒串煲位於佐敦渡船角一仔隱閉巷仔內，真係唔係朋友介紹我都唔會識得黎。款式價錢都屬合理範圍之內，比較特別的係呢度仲有雞煲食添。忌廉 $10 & 王老吉$13食甘多串燒還是飲番罐王老吉安心d!脆皮燒賣 $18 燒賣外皮燒到超香脆再灑上辣粉，入面口感煙韌唔會覺得太乾。鹽燒黑椒牛舌串 $42雖然只得兩塊。黑椒惹味而厚切有咬口。火候控制剛好，粉嫩juicy有牛油香。風味烤羊肉串$32 共2串，孜然新疆風味，同羊肉羶的味道真係好夾，而且肉質依然唔乾。安格斯牛小排 $48牛油味超重，用上黑椒蜜糖調味,惹味juicy!生燒廣島蠔 $60雖蠔肉唔算好大隻，燒得非常入味，金銀蒜、蔥花完美滲入蠔肉內，海水Ge 鹹鮮突出。蜜燒雞扒 $28 呢個價錢超抵食，雞皮超香脆充滿蜜糖味，肉質嫩滑多汁。燒魚鮫 $42店家強力推介，蒜頭豆豉辣椒蔥花調味配合很好，唔會蓋過原來魚鮮，重點魚肉超級嫩滑。鯖魚$25 用辣粉及孜然，灑上檸檬食好滋味，好想要碗飯配。 燒串煲擅於用不同調味制作串燒，唔會全部都同一隻味，值得一讚！

每月好友聚會又來了，今次飯局既地方係佐敦文苑街一間叫燒串煲餐廳，喺我個為食Friend屋企樓下既，佢食過話唔錯，極力向我地推介，主要係食雞煲同串燒的，三日前已訂位，一行四人到步後，店員立即安排入座，地方唔算大，格局有啲似酒吧，不過都坐得舒服嘅，講返食物先我地選左餐牌上一個四人餐內有招牌雞煲一隻，另點選左銀蒜粉絲燒蟶子、銀蒜粉絲燒大元貝、香辣豉汁燒大蝦、燒墨魚筒、蜜燒雞中翼、豬頸肉、雞腎串、羊肉串、燒菠蘿、金銀蒜燒茄子，而前菜就選左涼拌鮑片，另外套餐就包4罐不含酒精飲品，套餐食物豐富，特別推介這裏的雞㷛，平時出面食開都是干炒的雞㷛，這裏係可以選擇(濕)既食法，而這食法除可保持倒啲雞件嫩滑外，亦整得好入味，同枱好友都話好好食👍🏻👍🏻必試，至於其它串燒都好好食，全部都燒得剛剛好，唔會太燶，亦唔會過咸，食得出都係厨師既心機之作，最後因我大食關係，在套餐以外再加左2串燒鱔片，這鱔片除燒到外脆內嫩外，還食倒鱔片的油甘香，食得出絕對是新鮮食材，非常滿足的一餐😋這間燒串㷛無論雞㷛同串燒都同樣出色，鐘意食雞㷛同串燒既朋友有機會就去試下la。

今晚同女友行街，大家行到肚餓想搵野食，我地都想食雞煲，但淨係雞煲又大單調，係網上搵到一間又有得食雞同串燒既餐廳*燒串煲*，我地決定去試下！店內環境清潔。食物選擇多，仲可以揀2人同4人餐我地揀左2人餐，飲品可以揀津路同王老吉，解渴又清熱！蟶子王先到，夠晒大隻，肉質飽滿有彈性，而且冇沙，配上粉絲，好食涼拌黃金皮蛋，解滑爽口，配上佢地特製醬汁，酸酸辣辣，醒胃豬頸肉，肉質鮮嫩多汁，加上燶邊，帶上脆既感覺，唔錯終於到我最鍾意既午餐肉，啖啖肉，夠晒脆同多汁，好食！廣島蠔夠晒大隻，肉質滑而多汁，配上蒜蓉，正主角雞煲出場了，份量多，雞件夠大，啖啖肉，冇雪藏味，而且辣度適中，好食！最後埋單$468，唔收加一，食材新鮮，而且即叫即做，味道又唔錯，真係值回票價，我地會再黎食！