燒味滷師 (安發大廈)

营业中

休息中

燒味滷師 (安發大廈) (長沙灣)長沙灣長發街28號安發大廈地下D號舖至尊燒鵝$180 半隻半隻燒鵝都只係$180 ，燒得非常之靚，外皮令立立。肥瘦均勻，鵝皮脆卜卜，裏面夾着一場薄薄的油脂，鵝肉非常嫩滑！有鵝脾！ 用來送飯一流，半隻燒鵝足夠一家四口食。燒味佬叉燒$40叉燒肥瘦均勻，肉質有咬口，甜甜的叉燒醬在豬肉外牆，燒得香脆！一盒好多舊叉燒，自家製叉燒瀨粉配一盒非常吸引。原味手撕雞$60 半隻非常大盒手撕雞，芝麻鋪滿手撕雞上，鹹鹹的手撕雞非常送飯！

呢間燒味嘅價錢同質素都唔錯，所以今晚斬料加餸～至尊燒鵝(半隻) $180拎上手幾有份量，打開果然見到有好多燒鵝🤩 肉質肥美，帶油香味，皮同肉都好好食，點埋酸梅醬就更正🤤燒味佬叉燒 (半斤) $40肉質偏瘦，唔會太肥，所以比較無罪惡感😈 少少燶邊帶焦香，我唔使撈埋飯食，就咁食已經幾好味😋麻辣手撕雞(半隻) $60有原味同埋辣味揀，麻辣味香口，但唔會嗆辣，雞嘅肉質厚實，啖啖肉😋見到都幾多人買燒味，但夥計嘅態度都好好👍🏻 值得推薦😋

長沙灣有好多唔同食店，我今日係去探一個老朋友，喺佢屋企附近買咗啲燒肉幫佢哋加餸！覺得呢間野唔錯，店舖名好有趣，服務正正常常，不過燒肉真係好好食，一盒60幾蚊，好多，外皮超級趣，好高質素。另外斬咗半隻雞，真係好抵食，30幾蚊有半隻雞，好多肉，好大隻，平時30幾蚊都未必買到個麥記餐，呢度可以買到半隻大雞，真係唔錯！！高質素嘅燒味真係買少見少，好多燒味店都係由大陸攞貨落嚟然之後返熱，唔係自己做，只係半加工，不過呢一間睇得出係佢哋自己做，唔係入貨再加熱就算數，見到好多生嘅鴨和鵝，相信都係自己燒雞燒鴨燒鵝！

一向都知長沙灣長發街有間燒味好出名嘅店舖叫燒味滷師，今次經過附近就買咗至尊燒鵝半隻、燒味佬叉燒一斤同埋原味手撕雞半隻斬料返屋企同家人分享。至尊燒鵝真係冇得頂，燒得皮脆肉嫩，而且燒得好平均，每一塊都好香脆，鵝肉就真係好嫩滑好juicy，成家人都食到停唔到口。叉燒肥瘦均勻適中而且用咗秘製蜜汁，啖啖肉特別好味。原味手撕雞就好方便因為一啲骨都冇，加埋店舖特製嘅醃料，特別惹味，仲食得出雞肉嫩滑好有雞味。提提大家，而家至尊燒鵝做緊優惠，原本$420一隻做$360，$210半只做$180。

超抵食燒味店😎屋企人最鐘意食燒鵝～見呢間店成日都好多人排隊街坊話平靚正咁就一於買半隻返去真係屋係肥～而且夠晒入味外層個皮好香～我就鍾意食手撕雞😆之前食過呢度嘅麻將海蜇手撕雞好好味今次去到竟然賣晒呢個係麻辣手撕雞佢個辣味唔算特別突出唔係好食得辣嘅人都啱食叉燒來講我比較鍾意食瘦～呢條既肉質岩晒我～外層嘅麥芽糖好甜～三樣野夾埋先係$290☺️其實仲有好多款式有燒排骨、燒雞脾、燒肉、白切雞等等等我下次再買黎食先

今日放工做完野懶得番屋企煮飯，途經長沙灣呢間「燒味店」，俾佢個招牌吸引左，諗緊不如斬料番屋企食啦😋佢呢間燒味舖有一個招牌菜-麻辣手撕雞，我到最後落單叫左至尊燒鵝（半隻）$180、燒味佬叉燒（半斤）$50同麻辣手撕雞（半隻）$60。首先講講個燒鵝先，個燒鵝皮脆同啖啖肉，隨外賣附送左個滷汁，配飯一流。另外，個叉燒個皮係燶邊，半肥瘦，再外層配上個蜜糖汁，非常juicy最後，就係個麻辣手撕雞，份量超多，麻辣味非常出，唔算好辣，啲雞又滑，凍食非常正，值得推介，可以再encore!整體來講，呢到係4人份量，total:$290 , 人均都係$70左右。食物質素又不俗，呢間外賣「燒味鋪」性價比超高，值得推介！

.長沙灣❣️高質加料之選要加料，一諗就諗到燒味🤤見到有間高質係左近，一於試試佢，估唔到都幾有驚喜📍至尊燒鵝（半隻）肉質好juicy，唔會係好咬柴既感覺！個味道唔會太咸！知我地外賣就將燒鵝汁另上，咁樣就唔會令到啲燒鵝皮淋哂👍🏻📍叉燒（一斤）個叉燒面既蜜汁唔會太甜令到食唔到叉燒味🤤肉質又唔會太淋，加料返屋企，飯都食多碗👍🏻📍原味手撕雞（半隻）見到有賣手撕雞，即刻叫埋，最衰屋企人唔食得辣，所以試左原味😆大量芝麻超級香！夏天食哩啲冷盤就最岩👍🏻好味指數：8/10燒味滷師長沙灣長發街28號安發大廈地下D號舖

去奶奶家食飯，斬料上去圍桌吃，真的是常識了😂買左幾盒燒味，先2百多，還要是燒鵝，叉燒，手撕雞，真的烚棵菜，加碗白飯就已能開飯，超方便，價錢還很抵食，仍然是新開張價的價錢，質素又高，真的專程坐車來買都值得!今次買了至尊燒鵝半隻，燒味佬叉燒一斤和原味手撕雞半隻，一家六口吃都夠曬食!燒鵝很多肉，肉質嫩滑又有鵝香；叉燒半肥瘦適中，沒有硬的筋位，全是冧軟邊位帶微微肥膏，有豬油香；而原味手撕雞就是主力推薦要買了!雞肉有鮮雞味，肉質嫩滑有水份，調味也剛剛好，伴飯吃真的一流!

我好日都唔會去行街市，但係咁啱今日早左放工，就打算去街市買餸煮飯啦～ 經過保安道街市見到附近有一間好似新開嘅燒味舖，鋪面光猛搶眼，而且見到都有唔少人排緊隊幫襯！於是我就OpenRice search下啦～原來呢一間「燒味滷師」全港有四間分店，整體嘅評分都相當高！行到埋去其實都見到有唔少街坊捧場客，長期都有五六個街坊等緊斬料返屋企～櫥窗入邊掛滿咗燒鵝燒肉滷水鴨白切雞等等，入邊有三個師傅手起刀落咁斬到冇停手，講真真係幾好生意嘅～ 喺我等緊嘅時候，咁啱見到兩隻燒鵝新鮮出爐上架，見啲鵝油係咁滴，隻鵝又燒到脹卜卜，個皮又勁有光澤勁脆咁款，睇到我流晒口水🤤 咁都證明到啲燒鵝係新鮮製造嘅～最後我都係決定喺街市買少少菜算啦，今晚就斬料返屋企做餸啦😅 我嗌咗半斤叉燒、半隻燒鵝（可惜唔係我啱啱見到新鮮上架嗰隻）、同埋半隻麻辣手撕雞！呢三樣嘢加埋都係$290，份量仲要多得好誇張，真心抵食嘅！拎到返屋企其實都仲係微暖嘅，不過我哋冇咁早食飯！雖然臨食飯之前要拎入微波爐叮翻熱，但係都無影響味道嘅～主要係燒鵝皮冇啱啱斬起嗰陣咁脆（不過呢樣嘢都好難避免，除非係即燒即斬即食架姐😅）首先嗰個手撕雞我揀咗麻辣味，本身雞味濃

食得住家飯多有時都會想加餸食下燒味～朋友介紹燒味滷師乾淨企理質素有保證，開咗唔夠一年已經越開越多分店，今日嚟開長沙灣就幫襯下試試佢。燒味滷水種類五花八門，經過嘅伯伯都話啲掛爐燒鵝幾正。做緊新張優惠益街坊，燒味飯都只係22蚊盒，而家真係唔知喺邊度搵。跟下伯伯眼光嗌咗半隻至尊燒鵝，滷水汁另外袋上好貼心，可以返屋企先淋上，保持番燒鵝嘅脆皮。半隻燒鵝份量都唔可以睇少，燒鵝幾厚肉唔會太乾，鍾意食皮食肉嘅都可以滿足到。要咗50蚊燒味佬叉燒，叉燒肥瘦均勻，我自己偏好燒到帶啲燶邊嘅叉燒，搽麥芽糖燒過特別香，撈飯一流。天氣熱辣辣食手撕雞就啱晒，依度分別有原味、麻辣、胡麻海蜇手撕雞，今次就揀咗原味－手撕雞雞皮脆口，雞肉亦幾嫩唔怕嚡，屋企人話食到有少少沙薑味，唔會太濃味，如果麻油香重啲更正～

每次路過呢度附近，想加餸都會諗起呢間燒味滷師。✨麻醬手撕雞✨～雖然放咗喺雪櫃，都食到有雞味，而且充滿芝麻香。個人覺得呢款餸菜仲可以進步空間，即叫即撈係會比較Juicy，本身已經混合好麻醬就會比較乾身。✨至尊燒鵝✨～燒鵝肥大肉口，咸度適中，攞到返屋企，個外皮都仲脆卜卜，果然係皇牌。✨蜜味叉燒✨～叉燒啖啖肉，唔使特別order，都會提供半肥瘦嘅部份，食落口感更佳😍👍每款都份量十足👍真係性價比非常高～

今日行過長沙灣保安道街市附近見到呢間燒味舖d燒味飯賣得咁平，雙拼燒味飯都係22蚊，又有好多人買緊野，望落d燒味都幾靚仔，所以就買左幾樣野返屋企加料叫左半隻招牌至尊燒鵝，盒燒鵝真係好大盒，皮脆肉嫩好juicy，肥瘦又適中，唔會太多肥膏，又唔係瘦到好韌好難咬之前係其他舖頭都有買過燒鵝，不過一係就太肥咬落成口油，一係就太瘦好韌好難咬，所以我覺得呢次隻燒鵝好正，下次經過都會再買仲有叫埋叉燒同原味手撕雞，叉燒唔算好肥都瘦瘦地，不過食落都ok，手撕雞個份量都好多，d肉都好juicy好滑，下次要試埋個麻辣手撕雞

聽聞長沙灣有間人氣燒味店，假日經過，就買個外賣返屋企慢慢食。由地鐵站慢慢行， 5分鐘就到，好方便。黃昏六點的時候， 已經有長長的人龍，人氣十足，櫥窗亦掛滿新鮮的燒鵝叉燒燒味，很光猛，令人胃口大增。等候的時間也很快，三位店員很合拍，落單收錢，兩位負責打包外賣。燒鵝半隻$180買了半隻，皮脆肉嫩，確實燒得很香酥。叉燒$50叉燒肥瘦均勻，不會很鹹，味道適中。原味手撕雞$60手撕雞份量很多，下次要試試麻辣手撕雞。燒鵝確實令人回味，價錢合理。下次再買。

有時食屋企飯悶悶地煮都冇嘢好煮，就會諗起買燒味代替。最近得知有間超人氣燒味店《燒味滷師》長期現人龍，就叫咗孖寶爸放工搏一搏去斬料 #加送😏。已經到晚上七點，《燒味滷師》依然很熱鬧，很多人圍着買燒味，真係好受歡迎！燒味佬叉燒 $98/斤今次買咗$50試吓，因為俾孖寶食，我哋都會揀瘦叉燒嚟買，呢度嘅瘦叉燒真係有驚喜，一啲都唔鞋，軟硬適中，加上滲入甜甜的秘製醬汁，孖寶都大讚好好味，食完一舊又一舊，好快食晒，下次可以買一斤了😆。至尊燒鵝 $180/半隻燒鵝肉厚身，皮薄少肥膏，啖啖肉，一如以往配以經典酸梅醬，好滋味，不自覺食多咗😛胡麻海蜇手撕雞 $65/半隻我本身都幾鍾意食 #手撕雞，因為唔使下下自己拆骨😜。再加上麻醬、海蜇，有另一番風味。

朋友好介紹⋯⋯燒味滷師今天要到長沙灣辦事，朋友便介紹我到位於長沙灣長發街的燒味滷師買燒味來吃，我的朋友告訴我這兒的燒鵝頂呱呱！我買了半隻燒鵝，半隻手撕雞，還有半斤叉燒。這兒的燒鵝是自家新鮮炮製的，不是由工場交來，水準確有保證。燒鵝果然沒有令我失望，皮薄、皮脆肉嫩、肉質結實。好吃！手撕雞有分辣與不辣，我認為辣味的更為可口，但無奈家人怕辣所以選了原味。手撕雞雞肉很嫩，而且半隻的份量也很多。這兒的叉燒是淋滑那種，有很香的蒜頭味，十分不錯哦！