燒洒一族 (顯徑街市)

营业中

休息中

燒洒一族近年多左好多分店，得過南昌就決定帶佢地既招牌西式燒味返屋企，點知見到佢地既冷盤酒醉系列出左新包裝，店員仲話好味左，所以決定放棄燒味了。買左5款包括溏心蛋，豬手粒，雞中翼，雞腎，雞卷。完全有失望呀，酒味真係好濃，而且樽蓋變到好方便，平時晚餐加餸就靠佢。雞翼同雞卷都夠入味，豬手就口感超好，感覺勁多膠原蛋白，我自已就成日食腎片，一樽夠分2餐，真係好扺食。屋企老人家話好入味，超鐘意食，好耐冇食過呢類。建議大家雪櫃拎出黎就食，唔使加熱。

有時假日夜晚屋企人多諗唔到食咩餸，最啱就係斬料加餸，喺街市裏面就搵到呢間新式派嘅燒味店——🌟燒洒一族🌟，係家族經營嘅傳統燒味店，有別於傳統一般嘅燒味店，最鍾意就係燒味物陳列嘅透明度高，又衛生🌟佢仲有酒醉系列嘅凍盤，好特別好吸引想試下😍今次就揀咗呢幾款返去加餸😋._.🐖｜德式燒豬手（特大）｜🐖98大大隻好脆身，呢個唔洗加熱，一拎返去就已經食得👍🏻舊舊都好香脆✨豬手唔會太鹹，餸飯啱啱好😋·🍖｜慢煮醬烤豬肋骨（珍寶）｜🍖68醬汁好濃味，慢煮完嘅豬肋骨，肉質淋身，肉汁鎖緊，唔會乾身💕·🐥｜酒醉雞翼尖｜🐥30雞翼尖係我最愛之一，酒醉嘅雞翼尖好少搵得到，好特別🌟酒味香濃，最啱夏天當涼盤咁食🤩._.📍燒洒一族
📍店舖地址:
✨沙田大圍顯徑街市30 號鋪


香港人對燒味的印象，往往都係傳統嘅燒鴨、叉燒、燒肉及切雞，墨守成規之餘仲欠缺新意。其實，所謂嘅燒味，外國人稱為barbeque food，好似燒豬手、燒春雞、燒豬肋骨等等，用黎加餸都係唔錯嘅選擇。「燒洒一族」係多區街市都有分店，有別於一般燒味店，呢度食物總類好多，由叉燒到燒豬肋骨，以及冷盤醉品系列都有。「屯馬開通真的很興奮」，是日去顯徑探訪親友，點可以兩手空空呢？所以係附近買左少少野食上去。香草法式燒春雞：店員好細心地問我地幾時會食雞同鴨胸，知我地晚飯先會食，就叫我地臨食前先斬開，再派左張卡仔教我地點翻熱。斬過雞後再整返熱，雞皮香脆，表皮見到有唔少香草，皮薄肉多，肉質嫩滑，香草味非常香，雞肉咬落去有好多肉汁流出黎，非常juicy。蒜香南乳燒春雞：蒜香南乳味非常突出，帶輕輕嘅蒜香味，醃得都幾入味，亦唔會太鹹。雞皮呈金黃色，外層香脆，雞肉肥瘦適中，肉質嫩滑之餘咬落多汁，簡直係人間美食。蜜糖黑椒煙鴨胸：煙鴨胸有輕輕嘅煙燻味，蜜糖同黑椒呢個組合非常夾，食落惹味之餘入口亦唔會太乾。酒醉雞卷：雪凍左嘅雞卷食落凍冰冰，夏天食非常消暑，酒味剛剛好，雞味香濃，食落啖啖肉，值得一讚。

🐷 大圍 燒洒一族嚟到顯徑街市，當然要去「燒洒一族」斬料加餸，就嚟父親節，順便孝敬爸爸！ 🐣 香草法式燒春雞 （$65/隻）第一次食呢個香草法式燒春雞可以$65食到😱！仲有師父斬埋隻雞，而且仲好大隻好夠份量超抵食🤭 雞肉嫩滑之餘，仲好香添🤤🐽 沖繩黑糖叉燒 （$48/條）蜜汁叉燒食得多，黑糖叉燒就係第一次😍 估唔到黑糖叉燒係咁夾，比起蜜糖叉燒香之餘，仲冇咁油膩添🥳🐥 酒醉花雕雞（$65/半隻）酒醉系列食得多，花雕雞都係第一次試🤩 花雕酒香味非常香濃，酒味揮發喺空氣之中，真係超吸引！ 雞肉肉質嫩滑，正😋🍳 酒醉溏心蛋 （$18/盒）只需$18就有三粒溏心蛋，我每次都一定會叫嚟自己食😋 溏心度十足、蛋夠香濃，仲有酒味都好夠🥳

天氣熱，最好就斬料加餸唔洗煮咁多望落乾淨整齊，食物又吸引，價錢唔貴全隻酒醉薰蹄夏天食真係一流，因為係涼拌，而且份量足夠，花雕酒味幾香濃薰蹄爽口彈牙又入味，不錯德式燒豬手（大）店員即時起骨同切件，切既時候都感覺到好脆，卜卜聲果然係招牌野，豬手外皮好香脆，肉質好鮮嫩，就算冇點任何醬汁都好好味用嚟送啤酒一流沖繩黑糖焗叉燒呢個叉燒都好正，平時都會特登過黎買個黑糖汁好惹味，叉燒肥瘦適中，推介下次一齊再來買其他試下

天氣熱，自然唔想煮是日買野斬料街市入面有好多小店，乾淨齊整，就買黎試下見都有唔少街坊黎幫襯買左隻蒜香南乳燒雞$65大大隻，店員仲會問是否需要焗返熱肉質嫩滑，淡淡南乳香味沖繩黑糖焗叉燒 燒到有少少濃邊，幾有咬口，肉唔會梅沖繩黑糖唔會好甜，好好撈飯，好食見一盒盒擺到幾靚，就揀左兩盒，酒醉薰蹄，酒醉雞卷可凍食亦可以熱食，叮返一分鐘左右就得。份量都唔少，配罐啤酒一流薰蹄彈牙，而且幾入味酒醉雞卷，涼爽又開胃，熱天食岩岩好！

買完餸經過呢間燒洒一族，見到食物幾吸引，玻璃櫃放左燒豬手、燒春雞、燒豬肋骨等等，另一個櫃就放左酒醉系列，包括有溏心蛋、雞翼尖、豬手粒等，價錢唔貴，所以就買左3樣野試一試🤤德式燒豬手（大）｜$95點完之後店員即時起骨同切件，切既時候都感覺到好脆，肉連埋骨一齊包裝，紙盒有個開口方便疏氣，唔會焗住豬手，相當貼心🤣入口脆卜卜，油香滿瀉，份量超多，夠3-4人食黑糖烤焗叉燒｜$48/條$48一大條而非例牌，不過叉燒比較瘦，雖然有加上醬汁，不過肉質比較乾，如果有得揀半肥瘦就好🙈酒醉花鵰雞｜$65雞本身就切好一盒盒賣，一份就大約半隻雞，花雕酒味好香，夠入味😋肉質如果再嫩滑就perfect

師傅給新鮮出爐熱辣辣原隻豬手，皮脆彈牙，88 超級底食，酒醉花雕雞同酒醉薰蹄，酒味濃，厚肉彈牙，味道好味，食肉獸一流，會經常光顧，下次會試埋其它。店家有傾有講，服務態度一流。

今日出咗成日街，勁攰唔想煮飯，決定燒味斬料返屋企慢慢歎😎去咗🌟燒洒一族🌟位於大圍顯徑既分店✨想試佢地既德式燒豬手好耐架啦😍貴為新派西式燒味店，除左款式選擇多，價錢仲好相宜添，所以勁多街坊支持🎖️❇️德式燒豬手$95/大表皮金黃焦脆，焗至皮脆肉滑，外層煙韌得黎好香脆，豬手肉質嫩滑，入口脆卜卜且肉汁豐盈，正啊💖❇️沖繩黑糖叉燒飯 (蜜糖豉油)叉燒色澤鮮明，帶點微焦，入口細膩緊緻又多汁，好軟嫩！加入沖繩黑糖，營養價值特別高🥳追加❇️香茅烤雞扒醃得入味又唔會過鹹，皮脆肉嫩夠哂juicy💡❇️慢煮醬烤豬肋骨經過慢煮令豬肋骨更滑嫩，絕對唔會柴口，燒烤醬醃得惹味，烤得軟腍，風味十足🪄燒洒一族最近仲新出左酒醉產品，等我下次又試下先😆😆

今次介紹呢間，係做外賣燒酒一族。見到價錢唔算話太貴，而且有好多款唔同嘅嘢食，睇相都覺得好惹味。😀所以就同朋友們揀選左呢間做今晚嘅晚餐。送到黎嘅時候一盒盒，有曬紙盒同餐具，乾淨衛生。我哋都買咗好幾款唔同嘅嘢食。德國豬手，鴨腎，雞軟骨，豬耳，雞翼，雞，五花腩。德國咸豬手大大隻，肉質軟腍腍，豬皮卜卜脆，不過可能因為叫外賣焗耐左，所以冇想像中咁脆。之後比較深刻嘅就係花雕雞翼同埋雞軟骨，呢兩個一食落口就充滿咗酒香味，而且雞肉好嫩滑，雞軟骨極度卜卜脆，呢一個下次再叫到會必點嘅菜式。

之前買過豬手，覺得佢燒得好脆皮，肉又夠淋唔會乾柴柴，而且之前到5點幾6點已經賣晒。到琴日再買，差不多7點仲有得賣，依然脆皮肉又嫩，可惜咸得濟，食完飲左成L水都仲覺得好口渴！

星期六唔想煮咁多嘢，去買咗”燒洒一族”顯徑店嘅燒味做晚餐，分別order咗德國燒豬手、慢煮醬考燒肋骨、酒醉細薰蹄及黑糖叉燒。先講吓個德國燒豬手，記得一定要訂，唔訂就要睇彩數，因為好快賣晒。不得不提呢隻德國燒豬手，一如過往硊皮到不得了，鹹味適中加上配上的芥末醬完全係絕配組合，會食完想再食。慢煮醬考燒肋骨非常香口，味道非常入味，燒得合度好處又有足夠肉汁，不會覺得乾身。酒醉細薰蹄，又係一個非常出色的款式，好清香的酒味，味道停留口中回味，除了薰蹄片更有薰蹄粒，口感各不同，好適合用來同朋友一齊邊食邊飲。黑糖叉燒，非一般叉燒味，平常叉燒只有甜烤味，但係黑糖叉燒再多了層甘香甜味，食落去多了一層啖啖的甘甜感。佢呢度食物好多選擇，下次去試吓其他！

作為一個沙田友，會到屋企附近嘅街市搵下食尋下寶！依家啲新式街市都開咗好多新派店鋪，水準仲要有返咁上下。經過呢間鋪頭見到好多洒醃食物，心心眼停低揀返兩盒。款式都好多樣化，酒醉燻蹄、酒醉花雕雞、酒醉海蝦、酒醉雞中翼，多達12款酒醉系列！揀左半隻酒醉花雕雞，返到屋企淋上花雕，即刻可以食！嫩滑嘅雞件浸沉著淡淡嘅花雕酒香，喺喺肉涼涼地好啱夏天食☺️原來呢間喺西式燒味店，用西式煮法嘅燒味，味道比傳統燒味更有突破。沖繩黑糖焗叉燒一條都只係$48，明碼實價，唔怕俾人呃秤😆。每塊叉燒厚薄適中，黑糖味道濃郁，甜得嚟帶點鹹，肉質軟腍。慢煮醬烤豬肋骨$48細份，其實都好大份。色水好靚，慢煮肉質燒到好軟腍，骨和肉容易分離。蜜糖黑椒煙鴨胸，肉質滑嫩，帶點香甜，帶點黑椒味夠開胃，入口有淡淡嘅油脂好香口。香甜蜜味烤雞髀🍗香甜口感配上肉汁豐富嘅雞肉，啖啖肉好有口感。

平時去燒臘舖來來去去都係食嗰啲嘢，欠缺新意。今次嚟呢間燒臘舖，就見到好多唔同嘅食物，連燒鴨胸、豬肋骨都有得食！另外，佢仲有一系列醉養生嘅食物，選擇真係好多元化！我哋選擇困難症發作，最後買咗幾樣野返屋企豬蹄係必食推介！佢個醬汁同平時唔同，濃味啲，好食香草燒春雞都幾好，$65一隻雞幾抵食，份量都唔少㗎！雞肉肉質嫩滑，亦都醃得夠味鴨胸平時都好鍾意食，佢嘅黑椒味唔算好重，鴨肉幾淋幾juicy豬肋骨調味幾好，落咗好多蜜糖，鹹鹹甜甜咁好好食，兩個小朋友最鍾意就係呢個！！！下次試吓醉養生系列，醉蝦、醉雞卷嗰啲好吸引！

老公收工經過顯徑街市，特登去“燒洒一族“買份德式燒豬手準備送飯。話比德國餐廳便好多，又大份。師傅好有心，幫忙切成一小塊一小塊，方便食用。總配有2種醬：黃芥辣和酸椰菜。我鐘意吃原汁原味，所以我冇沾醬料。豬手外身卜卜脆，咬一啖，就可以聽到“咔嚓“聲，而且鹹鹹哋，容易送飯。但肉身只是嫩滑，味道冇皮咁重味，但係皮同肉一起吃，就可以互相平衡味道，唔會鹹也唔會淡。如果只想吃肉身，也可以沾店家提供嘅醬料。咁樣就變成另外一種口味。但總體來說，呢份豬手好抵食！