燒肉牛蔵 (已結業)

之前來過一次Walk in , 太多人了所以等唔到,擇日再來。今次打電話Book咗位先, 八個人比一張長枱我哋, 有少少迫。一坐低就放左碟有幾個款嘅牛 俾我哋試吓, 試過邊款好再用手機落單。朋友話食唔食到靚牛係睇彩數, 每次質素唔同肉質鞋 又冇乜牛味 要加醬油一齊食呢個質素 絕對唔係和牛級喎🥴幸運的 今次有movenpick雪糕每人288一個人 我覺得質量普普通通唔係必食😉

已經無和牛了，不再是和牛專門店，亦都冇hagan Dazs, movenpick ，調魚燒，食物質素亦差咗少少，不過服務態度都幾好， 坐得舒服，食得開心，不用趕着吃，趕住走，唔會好似其他食店，㤺死你喺度過夜咁。

很多人去燒肉牛蔵，都會光顧他們的$298無限時放題，的確抵食，不過如果你想食好少少、牛肉靚多少少，我則建議吃他們的燒烤套餐。今天吃了他們的「燒烤4人前」，原價$785，現特價$628，全部是美國雪花牛，入口即溶，還有前菜、天婦羅、烏冬，贈送紅或白酒，分量多到根本吃不完，飽肚程度與吃放題無異，而且每人只需百多元，高質又抵食！午市定食都有很多選擇，不過我們今天剛巧有四人，就決定要個特價燒烤套餐。燒烤四人前 $628 (送紅/白酒一支、飲品四罐)看圖片就知道，這個套餐真的很大堆頭，我們三女一男，都差點吃不完。溫室番茄沙律先吃點前菜熱身。這個溫室番茄已經去皮，吃起來酸咪咪，清涼爽口，是很好的開胃菜。雜菜天婦羅四人餐共有兩碟天婦羅，我的最愛是番薯，十分甜美；漿粉香脆而不油膩，做得不錯。鐵板牛肉炒烏冬這個烏冬很有點驚喜，無論牛肉和烏冬都十分入味，叫我吃完一碗又一碗。美國安格斯肋骨美國和牛肩肉、美國安格斯肉眼、美國安格斯西冷、美國安格斯牛胸腹、美國安格斯一口牛、極上牛舌然後主角就來了，每款牛肉都充滿油花。燒至五成熟，放進嘴裡，入口即溶，牛油在口腔內爆發，真的是超級美味！幾款牛肉都很好吃，實在難分勝負

自從晚市放寬，想搵一間餐廳坐得舒服、又冇限時間、食物質素又好⋯咁啱天氣轉左，搵到間食燒肉➕海鮮係無限♾️時間任食！可以慢慢enjoy，所有牛肉質素意想不到地非常好，勁有牛味，肉質鬆軟，灑d玫瑰鹽鹽花喺面，簡直正到爆燈～我好鍾意佢地一開始就serve曬所有肉類款式，仲有字仔介紹咩肉。海鮮方面有海老🦐、簡直超鮮，不停加碼💕仲有有機菇類可以🔥如金菇，本菇⋯鍾意食🍄嘅你地，order真係唔少得天婦羅🍤即叫即炸，粉薄，肉鮮！另外，甜品選擇多，有自家製椰汁🥥糕、布甸、連雪糕雪條都係香港製、支持本土甜品。環境座位各方面都好舒服、一啲都唔逼。二人座位都好濶落。

係open rice 見到幾百個讚，滿心期待訂位去食聲稱日本直送的和牛！同人慶祝生日🎂因為大家都係食肉獸！但好可惜，期待愈大失望越大 😐本身諗住睇到OpenRice d comments 好似唔錯，我諗呢間野以前可能係，但近排啲評價每況越下！原來係真😓😓😓食第一round 時和牛都一般正常，但第二round開始，啲和牛真係唔掂！雪到冰晒....又多脂肪....咬都咬唔爛啲肉😖😖唉！好失望！貴唔緊要呀大佬！最緊要食得開心！點知今餐生日飯真係食到一肚唔開心！真心，要慶祝/食好野真係唔建議呢間！浪費左個胃之餘🥲浪費埋啲錢！😪😪但刺身正正常常，壽司係幾好食。不過你抱住食和牛心態去食，真心會唔開心囉😫

上個禮拜本身都想食呢間燒肉放題，仲好老定咁諗住行去Walk in，點知因為餐廳太full Walk in嘅話得一個鐘頭可以食，最後就決定喺OpenRice book位，再擇日去過。.今次終於食到喇，$298嘅燒肉放題。餐廳嘅裝修都幾用心一坐低佢就會上咗三碟嘢俾你先，一碟係靚牛一碟蔬菜再加上一啲醃製過嘅豬牛雞。我最鍾意嘅就係安格斯牛西冷同埋牛肉眼，我覺得呢兩款牛係最滑最香口，仲encore左好多次添。我哋仲嗌咗啲海鮮，蝦幾新鮮唔錯最後我哋由七點半坐到九點半，滿載而歸。

之前去咗幾間燒肉，都名多於實，見有2個kol都推介呢間，於是去試吓一嚟到就會先上頭輪食物，肉類有哂label, 我哋試完就可以target之後再order邊啲。食足3個鐘，全程無冷場亦無漏單。雪糕雖然無咗大司或movenpick, 但個海鹽雪糕又幾好食。同行的都食咗3杯🤣之後叫的燒肉都同第一盤質素相同，唔會走樣。全程都係安格斯，有肉味得嚟又有雪花但又無和牛咁肥膩。我覺得對得住個價錢。埋單$298+10%，食得好滿足。會再幫襯👍

食不停，好滿足，選擇多！牛實在好多款，全部任食任君選擇，好開心，我個人最鐘意切成方型的牛粒、仲有牛舌片。其他食物選擇也很多，我個人最喜歡榴連炸彈！外面又熱脆，內部又流心！味道一流！天婦羅也不錯，蝦果d就基本野肯定有啦，其他嘅就係冬菇天婦羅就最得我心！雪糕方面，多種味道，竟然有榴連味、益力多味，真係比較罕見。環境算坐得舒服。當然，同更貴的餐廳比較呢間d牛會比下去，但平均328蚊一人，又有咁多其他食物選擇，任食算幾抵幾好味了。

$298 無限時放題！訂枱時就話只得14:00-17:00hrs 16:30hrs last order不過見都有3小時任食都算OK! 而且見之前啲食評有出名嘅Movenpick雪榚，點知去到竟然無尼隻雪榚首輪佢哋會先比兩碟不同類型既牛，及碟蔬菜！一碟比較靚嘅不同部位安格斯牛肉但另一碟係好似BBQ嘅醃製牛肉唔明點解會夾硬比碟BBQ牛唔食好似好浪費但兩種牛完全唔夾而安格斯牛肉頭果幾轉都OK！但后期就有點出入！而服務就覺得有改善空間！4:45pm已經開始收拾看哋啲碗碟！明明仲食緊明明話食到5:00PM！雖然無趕你走！但都食得唔安樂海鮮～蝦一入去已經無帆立貝～一般雪藏貨！黃金螺～OK!天婦羅🍤～一早放低天婦羅汁，但職員無講解咩汁打咩汁，又唔見有蘿蔔蓉，再問職員先知係天婦羅汁不過我就對尼渡天婦羅一般豆腐雜菜鍋～分量唔少！菠蘿🍍～值得推介！可以中和牛嘅油膩

好耐冇同家人出外了， 難得今日有少少空檔就帶他們食吓野， 揀咗isquare牛藏食三式燒肉飯 ，我哋三個要分兩張枱，我覺得此處係食咁多次都咁好味嘅日式燒肉。本身呢道出名食燒肉放題， 一個價任食都好抵 ，但係本身食量不是太多的我們，燒肉午餐已經非常飽肚。裝潢很有日本風格， 黑色石牆十分有格調， 枱與枱之間十分較寬敞。三色燒肉套餐已包前菜醬汁八爪魚，白飯，飲品和麵豉湯。一份餐有齊豬牛雞， 份量唔少， 肉質好 ，師傅把肉醃得好入味，三種肉也用唔同調味來醃。自己親自燒 零舍好味。

天氣凍，經過iSquare想搵啲熱嘢食，見到佢呢度有放題嘅牛食，除咗牛仲有好多唔同款嘅肉，同埋唔同款嘅小食，價錢又唔算貴，所以就入咗去食。入到去，我哋坐咗係卡位嗰邊，佢會先上一碟拼盤俾我哋，入邊有豬牛雞，同埋蔬菜。我估係一啲比較靚嘅牛，佢每樣都會有兩三件，然後上面好細心有一個牌話俾你知佢每一舊係啲咩嚟。因為佢呢個細心嘅舉動，之後再返叫嘅時候就可以記住自己之前試過係邊一款鍾意，然後先再叫，唔使浪費嘢食。至於飲品，佢有一個飲品櫃俾你攞，而甜品櫃亦都有雪糕雪條咁。選擇都算多同正常。品質方面，啲牛確實係高水準，牛舌係一讚！有肉味，而且有足夠油脂，用黎煎一流。另外佢個香草醃的雞係好味，連我呢個平時唔好雞肉的人都要大encore 😆唯一美中不足嘅係佢個沙律，比較起上嚟有啲唔係太新鮮。除此之外，每一樣都唔錯。

心血來潮想食燒肉🥩🫑🥓🥬試過幾次去到full咗食唔到😓😓 今日好早去等位終於食到喇🥰🥰$288加一任食冇限時放題🤩🤩先來一碟乜都有嘅牛肉拼盤🐮仲有蔬菜🥬蔬菜燒到燶晒。。。🥺🥺店員教原來將啲蔬菜放喺肉上面一齊燒，燒出嚟嘅蔬菜就唔會濃👍👍 吸咗肉嘅鮮味仲好Juice㗎👅👅Encore😋😋😋我最愛嘅燒金菇😍😍炸天婦羅同我最鍾意食嘅炸蟹肉薯餅🤓🤓再Encore🤩🤩燒秋葵&菠蘿好食喎😚😚依碟肉肉係跟餐嚟，賣相似燒烤場嘅肉😅😅 所以最後先食🤣🤣🤣總括：肉嘅質素普通，但係呢個價錢丶唔限時丶又想滿足一下燒肉嘅樂趣，不妨一試☺️☺️

今日平安夜特登同男朋友再book位食佢，事關近年來佢轉左平價版$298任食和牛，多咗好多人幫襯，一定要book位先食到。以前佢做開和海鮮刺身任食放題都差唔多成$500位，中高價錢，但好高質！所以四年前已經開始每逢過時過節慶祝都會嚟幫襯下。點知今日返嚟再幫襯，改咗$298 + $108先去刺身任食，再加埋一其實差唔多價。但係質素真係好差，欣賞你成兜肉啱啱慘慘無夠完整，全部切到勁薄有勁細粒，燒完都好似肉乾咁，咩事呀佢哋以前唔係咁㗎喎。仲要攞咗單之後差唔多半個幾鐘先可以上到菜。啲肉唔掂，無晒mood就加咗$198二人特盛刺身，上到嚟真係不堪入目，完全勁劣質嘅質素。睇嚟今次真係幫襯最後一次，太失望。寧願佢做返以前貴價版。最後唔好意思冇影低相post上嚟，大佬梗係靚野先會想影相留念㗎啦，今日直頭影響晒無期望。

約埋d 朋友仔黎試$288蚊燒肉放題，問過staff ,佢地話可以任食到5點，一心上黎試試佢， 但質素一般， 牛肉肉質一般，有d'鞋'又唔多肉汁，唔夠牛味。另外，我地由12點30分開始食， 食到1點40分想落單叫多幾份肉， 但好多items已經寫住售罄，冇得點冇我得食，咁唔怪得之可以比人任食到5點啦，咩都冇🥵🥵最後，我地叫啲野食黎，呢樣唔齊個樣唔齊，勁冇癮，平均叫10樣黎齊8樣，要比多幾樣我地冇點既野黎🥶🥶🥶呢間野既好處都有既，環境唔錯，幾乾淨，staff 都肯幫人，that's all.一句講哂， 唔值288呢個價錢

叫左298任食，牛肉真心係高質素美國安格斯牛，而且有其他蔬菜類可以中和一下。建議淨係不停點餐單最頭頂既牛已經足夠，其他雞同豬基本上好似韓燒咁，無聊食黎浪費個肚，食牛基本上可以回本，而且每一塊細細地一啖，唔會太膩👍最推薦係薄牛舌!而米澤豚都可以試試。雪糕甜點都有，不過雪糕唔知係咩牌子嘅香港制造😅一般環境絕對好過一般燒肉店，檯唔會太近唔會好迫。