燒肉牛蔵 (已結業)

慶祝好友牛一大喜日子，到了這間日式烤肉店吃放題，由於不是自助餐，social distances 有一定距離，全食店依然滿座，可點單的食品種類繁多，肉類品質不錯，其他食物、飲品也很美味，miso soup 我也連喝了 3 碗呢！ 😋😋😋不同部位的肉類，上桌時有寫上肉名以茲分辨，很是細心！以這個價錢來計，值得幫襯唷！ #㊗️壽星女身體健康、生活愉快 🍰🎂🎉#喺呢段時間仲肯出嚟同你見面食餐飯，肯定係生死之交系列 😆😆😆

預訂左星期六午市特價 288免加一一入去俾左張對住廚房出入口既枱我地要scan個QR code先可以落單等左5分鐘都未有開單俾我地完全無人理我地想搵個人問下 問左個女侍應佢行近兩步 聽完我地講野無俾任何反應 就走左另外有個男侍應放低頭盆問佢可唔可以掉枱佢好唔耐煩咁應我地 已經full booking 無得轉枱但我地後面成排都無人坐問左第二個侍應 呢個就好好態度都有幫手問 最後都有成功轉到枱燒左個頭盆黎食 覺得啲肉完全唔好食 無味又有筋有人會黎提last order 係兩點半但唔知道原來野飲甜品區都會關最後連雪糕都食唔到食物質素同服務都唔好唔會再有下次

如果鍾意食和牛，又鍾意食燒肉嘅話，又唔使就住就住咁食，呢間係最好嘅選擇，價錢又唔算貴，不過就好難book位，已經食過兩次，兩次都ok, 甜品有Häagen-Dazs雪糕任食，仲有Movepick 同埋一啲韓國雪條。啱晒我哋食牛和甜品控。其實靚嘅和牛，係唔需要太多調味，亦都唔需要醃製，所以呢間野好啱我，依家越來越多人知道，所以book位非常之困難，希望佢哋啲質素可以keep到落去啦，因為我仲想食第三次。

和牛放題聽個名可能會覺得好貴, 但實際上同其他放題個價錢其實差不多呢間既和牛放題係除左有和牛食到之外, 仲有好多不同既熟食可以點黎食所以個價值都係哂度黎到呢度必食既和牛, 好多唔同既PART都可以點, 按住自己鐘意既口感同味道去點自己鐘意既部位食呢度既燒爐都好高級, 燒野食快而且油煙唔多和牛係真材實料!! 食唔停口燒雞翼除左有牛之外仲有其他野可以燒, 第一個推薦就係呢個燒雞翼, 超香脆天婦羅同樣出色而且外脆內嫩!! 超好味炒飯熟食一樣係咁高汁, 呢個三文魚炒飯可以話係超香既三文魚香味, 口感一流最後食左個榴槤雪條做飯後甜品, 出面好少食得到!! 超香濃既榴槤味

＊＊＊聲明＊＊＊ —以下內容及所有照片都是原創，就是本人拍攝的原圖，並沒有對照片進行任何加工，務求將食物最真實的一面呈現給各位觀看，謝謝。—呢間餐廳係位於尖沙咀the one的餐廳, 主打和牛放題 有幾個唔同既價位今次揀左呢個係無限時和牛放題, 加左酒任飲^3^超爽的一去到坐底就已經送上左一盤超靚和牛, 有齊哂唔同部位, 每個部位既味道都唔同和牛肉眼, 和牛西冷, 和牛胸腹, 和牛牛筋肉, 薄切上等牛舌, 美國穀飼牛咁多種入面我最鐘意既就係呢個和牛肉眼, 入口即溶而且好香既牛肉味牛舌都唔錯, 好爽口而且油香極重!!! 最岩我呢d牛控任飲酒區, 要加錢但係超值!! 有各種不同的酒可以飲到!!最後就緊係食埋個甜品先走啦, 呢度超多不同既選擇, 超滿足的一餐

想食燒肉, 又驚夜晚食到頂住個肚, 於是一早打電話BOOK定午市既位一係ISQUARE食和牛燒肉! 皆因佢做緊PROMO, 1200-1500無限時任食任飲(不包括酒精飲品)成人只係每位288蚊! 無限時對我黎講係最最吸引, 因為一般120分鐘食燒肉真係有少少趕, 今次可以慢慢食啦!估唔到平日既中午都可以爆滿, 好彩BOOK定位! 一坐低店員就會安排一個和牛拼盤, 等你每隻肉都可以試下而且懢番等候時間, 真係一坐低就開始食。款款肉都係咁厚切咁大塊絕冇欺場, 油花又靚, 而家睇到張相都想食呀! 款款都咁好食咁JUICY, 軟腍又有牛香, 你係絕對唔會食到韌既牛呀~ 正! 除左牛, 當然要試下其他野。海鮮類海蝦ok正常, 螺有驚喜, 好鮮甜。主食類和牛炒飯係香, 亦夠乾身, 唔錯, 不過都係原盤和牛吸引D! 天婦羅類炸衣薄, 即炸所以夠香脆, 炸蝦必點~蔬菜類沖繩秋葵, menu上有兩種秋葵, 一種係就咁比你燒既, 而另一種就係依隻已經拌左醬汁既即食秋葵, 秋葵望落翠綠新鮮, 醬汁有d wasabi同埋柚子醋既味道, 好清新, 解膩一流。甜品類haagendazs同movenpick任食既

20年5月6日早放工了，見疫情好了點，太太正好放假，我約她去尖沙咀吃日本菜，不過太太突然說因疫情關係，很多店也在做特價搶客，我建議的一家並沒有，於是她在網上找，便找到有這一家。說是和牛燒烤放題，$288 一位，覺得超值，即管去試試，七點半左右去到，人山人海，我們打過電話，但太遲了，所以建議直接 walk in，一直等，先叫已經訂枱的，才到 walk in，因規定放題可以由五點坐到十點，所以大部分人也死磨(這是正常的)，我們等了一個小時，當中我建議轉陣，不過我太太罕見地想死守(平時她一見人多便會走)，直至9:10pm (即等了一個小時四十分鐘)才排到，晚餐變成夜宵了，價錢也平了，$260一位。以為真有好日子過了，坐下來，店員已很貼心的為我們先準備了一盤「和牛」，一看，是真的很專業、吸引，我立即燒，好吃！不過燒完面頭的一層，下面的就真的嚇死人了，除了牛舌、牛肋之外，其它也很差，牛腹怎至咬不開。最後連這一盤也不能吃完，實在太難吃了，所以之後沒有再點牛了。話說回來，公平一點，服務態度、其它食物也是非常好，所以我個人覺得很可惜，主打和牛，但牛的質數竟然這般差。我建議他們應該標榜「燒物放題再加送一

尖沙咀isquare呢間和牛燒肉有三小時任食價錢二百幾蚊包曬 勁抵！有haagen Dazs Movenpick任食淨係見到呢啲內容已經忍唔住去試😂我哋食咗星期六嘅午餐入面係爆場🥶雖然都有每個位隔開 但係其他位係坐滿曬一開始會上一大碟和牛每一隻都好好味 見到雪花冇雪味 入口即溶！特別推薦和牛牛脷 同埋和牛牛筋肉一咬入去嗰陣真係一流 佢唔似其他放題叫好耐都唔上佢真係穩打穩紮 你叫幾多牛就畀幾多牛來來回回我哋都食咗五六碟 寫幾多份就畀幾多份 上菜又快啲牛肉都好新鮮唔會有雪味食完頭盤和牛之後 可以用個q r code上佢哋嘅網頁立即點其他嘢食🙈有大量美國安格斯牛肉 和牛 豚肉 任點任叫唯獨醬料少咗啲 得燒汁可以點不過食牛肉嘅味已經好足夠 熟食方面有烏冬 牛肉鍋 等等天婦羅方面有炸蝦炸蕃薯 等等另外仲可以加錢配海鮮😁今日我有叫帶子生蠔蝦同魚全部都好新鮮好靚啱曬燒依家唔食得打邊爐好在仲有燒肉頂下除咗網上點菜 甜品嘢飲方面都照顧周到有清酒有啤酒 同埋日本酒另外罐裝嘢飲都有兩個大雪櫃滿曬甜品有一個凍櫃任夾任拎推薦牛奶布甸真係又滑又香芝士蛋糕亦都唔錯 另外仲有一個雪櫃可以任拎haagen daz同mo

市道低迷前都幾高價嘅和牛燒肉任食而家一個價錢$288無須另加一就可以食到😆緊係襯減價去試下啦仲去左兩次添😂第一二次體驗分別都幾大！💢肉嘅質素好參差不一一時靚一時有筋⛔️送到嚟嘅牛肉好唔好食真係睇你彩數😅😩🤨小編第一次去係未夠6半到walkin最後要等頭輪客人食完夜晚8點入座9半就last order同埋單10點離座 認真 環境好似平價放題燈光暗 感覺唔係好乾淨 裝修無特色好難想像呢間係原價$500+嘅和牛燒肉放題店坐低乜都唔使揀會先上一碟牛肉拼盤色澤脂肪紋路都幾靚😍以和牛筋肉最好食 唔韌充滿油脂🥰點海鹽食令牛味更出😋肉眼西冷相對較有嚼勁唯獨牛舌薄切無口感又易燶追加再點 嘅牛質素都維持到係後期愈切愈細塊😂無乜hold單問題另外醬汁豬肉雖然只係bbq嗰類醃肉😂但又醃得幾入味😂除左肉之外 都有少量副產品小食充撐下場面嘅😂小食大路野有中華沙津、枝豆、螺肉、泡菜熟食有烏冬，炸物天婦羅炸粉好厚而且感覺佢係一水一水咁出即係點完撞唔啱剛剛炸好嗰水就要再等師傅下一轉炸先有得食雪糕有杯裝movenpick、haagen dazs❌❌❌甜品櫃大伏！！❌❌❌第二次食早鳥時段$288再9折有預約 5半入座7半離

午市$288，不收加一。疫情下座無虚設，侍應生非常忙碌。店員服務態度呆滞，不想回答任何人對點餐的疑问。 相信是他們太忙了吧。點餐是用自己手机scan的QR code。飲品及甜品以自助形式。精選牛，一口切，每款4小口。味道尚可。其他食物->一般。 上菜速度快；用餐桌滿，侍應會繼續從旁边的空位攝進来，冒求完成使命。這種服務，本人不可能再次光顧的食店。

幾款和牛都很好吃、有蝦、元貝、魚任叫任食……很很滿足加68元有紅酒,白酒,日本清酒日凊生啤任飲;飲品的確很齊全、和牛質素不錯,吃了三round,最後還有叫肥牛火鍋,雜菜煲｡

呢度$288有和牛燒肉放題，啱哂鍾意食肉既朋友😍首先會送上一碟和牛拼盤，有卡仔寫住邊個部位，食完一輪發現和牛西冷油脂分布最多最腍🥰雞肉好嫩滑，骨付腸都好香除左肉類仲有唔少海鮮，蝦好新鮮爽滑，縲肉又大粒又鮮甜👍🏻炸物有天婦羅，全部新鮮即炸熱辣辣，天婦羅好鬆脆🍤飲品有好多選擇，解綠茶清清地解膩最正甜品亦係今餐一大重點！有建議加熱既泡芙同鯛魚燒，燒到脆卜卜好食😍雪糕又有Haagen Dazs 同 movenpick ，好高質呀！

睇YouTube介紹話好好食跟住老公生日咪去試吓囉點知勁失望😞坐低佐佢地自動俾佐一碟和牛勁吸引同好食 雪花好靓 食完個碟跟住自己落單追加d肉完全唔同曬 根本唔係同一個質素無下次啦

疫情之下，個個都在家煮食，餓底也不倒外，但煮得耐都悶，內心吶喊著：好想食好野呀！朋友見狀就帶了餓底來吃和牛放題！入座後店員就捧了碟和牛過來，有六個部位：肉眼、西冷、胸腹、牛筋肉、牛舌＆穀飼牛，前四款都是和牛，份量已經好多，不夠的話還可以再追加，簡直就是牛魔王的福音！初初燒諗住來個medium啦，唔好浪費左靚既肉質，後來發現，原來燒熟啲肉味更濃！和牛就係和牛，點燒都唔會韌！哈，於是塊塊都燒到好焦香先食，十分非常極之超級好味！除了和牛，還有炸物、蔬菜類＆鍋物可以任點，質素都不俗，尤其是係烏冬，朋友大讚好滑溜，同埋菇類用來燒都好香，可能係個烤網沾左啲和牛既油，硬係覺得燒其他野都好味啲，哈哈！

一週年紀念，男人今日帶我食燒牛，成日話好好食，講咗好耐終於實行，疫市期間推優惠，去到門口已經好多人，大多數都係卜咗位等叫冧巴入座坐定定先會比一碟有唔同款嘅牛肉你試吓邊隻好味再叫，不過食完都唔記得食咗邊款，好味就得，仲要有暖男廚師落手燒，所以唔理啦，都係叫哂咁多款，其他食物就少叫啲雖然無限時，不過啖啖肉食咗一個鐘到就開始飽，開始放慢腳步傾偈聽歌等雪糕refill#牛藏燒肉 #gyukura #gyukurahongkong #grilledbeef @ 牛藏Gyukura(尖沙咀)