燒肉LIKE (新都會廣場)

营业中

休息中

今日中午比較得閒，工作唔多，好想食個燒肉獎勵下自己今個星期工作，但又得自己一個人唔想去食牛角，就決定左去葵芳燒肉LIKE食。好彩係12點幾記得燒肉LIKE係 The Gulu係有得拎飛，如果唔係去到先排一定無1個鐘都唔洗食。我點左個3樣肉嘅餐，包括左牛五花，橫隔肉 同埋我最最最喜愛嘅牛舌。牛五花: 今次睇相都睇得出佢牛五花唔算好肥，再之前有次牛五花太肥，成個爐著左火。不過今次油脂味都好香，配飯食係一流。橫隔肉: 3款肉黎講 佢肉味係最濃，不過份量只有4舊，如果想再食要另外再加。牛舌: 無記錯好似有4-6塊左右，份量算唔錯，佢牛舌唔係牛心嘅位，相對食無咁有口感，不過約$100我覺得都可以接受。呢個餐廳可以比人揀埋飯量，好岩女仔食唔多又唔想浪費。再加上有kimchi，當多個小吃都好好。

一個人原來都可以盡興 🦦坊間普遍好多燒肉舖頭都係for兩個人以上 不過近期留意到市面上就越開越多一人燒肉 好一人friendly💓一人卡位 每人一個爐仔 個燒爐仲要係除煙 就唔怕食完成身都油煙味😶‍🌫️入到有個QR CODE search自助落單，連埋單都自助形式！🔹三部合奏套餐（150g $78/300g $108）三部分別係:豬五花腩、豬頸肉、雞腿肉🍗套餐會包 一個沙律🥗/泡菜、海帶湯、白飯今次肉就揀左150g 白飯就挑戰最大個個300g🍚一上枱嘅時候，肉既擺盤唔係話好工整 然後啲有部份肉未用晒雪❄️ 旁邊有好多款醬汁可以自己任意調製🌈韓式辣醬、辣味噌醬🌶、胡麻醬、黑椒有好多選擇 可以按照返自己嘅口味點醬💓整體味道正正常常 ，勝在一個人都可以食燒肉過下隱，燒肉like主打「美味、快捷、超值」，咁呢三樣嘢佢都真係做到👍🏻就類似燒肉界既快餐店🍟

好想烤肉，叫咗個牛舌＆牛板腱＆橫隔膜肉套餐。牛舌切得剛剛好，易入口，烤完軟軟的，好夠濃味，食完口腔有回甘味。牛板腱唔算肥，入口一啲都唔韌，而且肉味好濃，輕輕烤一烤加埋啲油香，簡直一流。至於橫隔膜肉 ，肉同脂肪比例剛剛肉，入口爽滑而且好香，加埋泡菜一齊放入口，中和咗油膩嘅味道，係一個非常好嘅配搭。

Weekend就多啲時間可以用Gulu四點幾網上攞定飛🤭。輪候時間差不多去到7:30pm就可以入座。當然我係響屋企撳住個電話攞飛，唔會響嗰度等咁傻豬豬啦🐷！呢間嘢真係唔係講少，又開業到而家都係要排咁耐。🙈今次可以用呢個方法攞飛，我先至就住時間再出去入座🤣。估吓我同另一位點咗邊個餐？😜🥩人氣組合🉐🐂牛舌，牛板腱，橫膈膜肉套餐 （200 grams)-自己加咗個生菜，(食燒肉我一定係用生菜包，以飯類我比較少食，飯就俾晒隔離嗰位食🤣）-牛板腱，肉質口感燒到八成熟就可以食喇，口感油花啱啱好絕不會肥膩。👍-牛舌薄切，又係燒到九成熟我已經可以食得。好味道，薄切就係夠爽。👍-橫膈膜肉，睇落去好似好厚嘅一舊，燒起上嚟原來六成熟已經好夠，咁樣食落去先至有肉汁同肉味。千祈唔好燒到10成熟否則就會韌咗啲。🥩稀有部位🉐🐂日本產和牛上級肩肉，牛五花套餐 （100 grams)-🥰見到個和牛嘅油花真係靚，分布得唔錯唔會只係一部份肥，放響爐入邊會邊燒8秒都已經可以辣出火🔥。食落去唔使講喇一定係最幼嫩，入口就溶化嘅感覺。最好撈飯食仲要配埋佢嘅紫菜溫泉蛋飯，諗起都回味😂。醬汁都好齊，但係我只會用一兩款，燒烤汁同埋蒜汁🤗

燒肉like📍葵芳新都會廣場 L1 112.另外係沙田，旺角，銅鑼灣，上環，九龍灣，上水都有分店.可能葵芳平身無咩燒肉餐廳，一到lunch time/ dinner就超級多人建議大家一定要提早拎位，我今次都等左大約45分鐘先入到去.❇️用餐時間60分鐘 - 其實落單又要自己落，又要係手機比錢，都花左唔小時間，仲要等d肉燒好..如果食野慢既朋友，就唔係好建議尼食🙈 .❇️環境佢有Bar台位同卡位，仲有一人位卡位都算ok，唔會好細.❇️食物今次點左兩個唔同既Set (Set 係包左肉、飯同沙律/泡菜)⭕️豬三部合奏套餐300g $108⭕️牛五花&橫膈膜肉套餐200g $138.女生200g絕對夠晒午餐男生就可以300g.+$18 可以變紫菜飯同埋加生蛋.⭕️醬料佢啲醬料都是用心，有好多款式味噌醬，鹽味醬，蒜蓉味醬，原味，韓式辣醬，芝麻醬仲可以自己扭啲鹽同埋黑椒落去.整體來講嘢食都唔錯，件五花幾好食，食落唔會好韌

今日得一條友搵食，去左日本人氣~一人燒肉店，點左個餐廳都推薦既”like套餐“，可以一次過試3款肉(牛舌、牛五花、橫隔膜肉)，跟餐仲有白飯、和風湯、迷你沙律，好抵食。

一個人原來都可以盡興💁🏻‍♀️有冇諗過一個人都可以食燒肉呢？自修室座位，自我享受燒肉的味道😋點了牛五花橫膈膜套餐100g先$70另加一份牛舌沙律菜普通牛五花相對較薄身，但油脂充足，配飯一流橫膈膜肉牛肉味比牛五花較重，而且牛有口感，個人喜愛橫膈膜肉❤️牛舌有8塊，份量充足醬汁任君選擇，個人喜愛鹽味醬，調香牛味一個人連埋飯食，食到勁飽🐷🐷🌟大滿足🌟麵豉湯亦唔會過鹹，一人解鎖💁🏻‍♀️今餐日式快餐燒肉一人浪漫體驗整體不錯✅📍燒肉like  全線分店我食分店系，(新都會廣場) (葵芳)葵芳興芳路223號新都會廣場L1層112號舖溫馨提示，提早拎飛/用app拎，好多人排隊等啊‼️

成日經過都無機會試因為見如果多人反而唔方便傾計gathering🤣一一一終於有次經過系一個人又見到唔多，就排隊入去雖然得三幾個人排但燒肉應該都耐排排下都成半個鐘先入得🥲一一一入去前都已經睇定哂餐廳決定左要 no.1之選 like套餐 250g版裡面包左三款肉牛舌，牛五花同 橫膈膜肉之後因為肚餓點多左50g 牛五花味道黎講就正正常常啦當然唔系好出色個啲牛舌太簿，無咩牛舌口感。橫膈膜都幾有牛味既。而牛五花就始終比較肥叫多50g有啲太漏了埋單都系百幾蚊其實已經超值了

人生一大難題，就係午餐要食咩🫣😮‍💨今次我哋三個人，就去左食燒肉🥩⋯⋯里間燒肉平時好多人，不過今次好好彩👍🏻⋯⋯攞到位😃入到去就立即諗食咩😅⋯⋯今次我哋三個人都叫左最平嘅牛五花套餐🥰，起初諗，禁平，質素應該一般….但食過之後，又唔禾，又ok 禾😃🤤😮唔係太差，啲肉肥瘦分明，燒完剛剛好🤤🤤😪，加埋白飯，正😄🥰重有好多醬汁選擇😃⋯⋯☺️ 不過我諗里個份量，女仔食會剛剛好，我諗男仔就唔多夠😅又一證明，平野未必無好野嫁😄☺️

燒肉LIKE 呢間一人燒肉店都開咗好一段時間‼️ 覺得佢個名好特別所以有深刻印象❤️ 超受歡迎嘅佢晚市通常都企滿人等位💁🏻‍♀️ 今次星期五晚終於有幸試到🤗入座前揀定嘢食💬 門口嘅哥哥好有禮貌咁解釋比第一次嚟嘅我聽佢哋嘅套餐會跟飯💯 飯又有分3個size🍚 仲有一個沙律或泡菜🥗 同一個湯🍲仲要有佢哋新推出嘅宮崎和牛🤩分別有宮崎牛上級肩肉同宮崎牛肩胛肉😍 分別有單點同套餐選擇👏🏻 兩款都分別試咗100g 嚟到各有5件🥩 呢兩款牛嘅油脂分佈都十分平均👍🏻 燒起上嚟好惹火🔥 宮崎牛上級肩肉係稀有部位❗️ 食落油份更重 啱晒鍾意重油脂嘅人😋 但係個人鍾意宮崎牛肩胛肉多啲❣️ 感覺更有肉味 價錢上差唔多 所以好視乎個人對肉嘅偏好🤤因為想試多啲唔同肉款🤟🏻 所以點咗牛舌&牛板腱 &橫膈膜肉150g套餐❕ 再單點牛五花同牛小排 各50g 咁樣就試到5款🥰 兩個人食👫🏻 再加150g嘅飯 份量啱啱好💕佢哋有Asahi Super Dry生啤酒杯罐🍺 個蓋係可以成個拉起🙋🏻‍♀️ 效果成個杯咁😎 一拉起個蓋就見到啲啤酒泡自動浮起🥳 仲多到浮出杯面 好神奇🤹🏻‍♀️ 用罐都可以做到用啤酒杯飲嘅效果🥇食完8點門外仲企滿人

一向都知燒肉LIKE呢間一人燒肉店性價比高，行街行到三點見唔係好多人等位就決定試下😋用電話落單，俾埋錢好快就有食物送上，幾個人去鍾意一齊叫又得，鍾意分開叫亦得，非常方便👍🏻🎈宮崎牛上級肩肉套餐 (100克) $248🎈宮崎牛肩胛肉 (100克) $192見到二百幾蚊就食到宮崎牛，仲要係稀有部位─上級肩肉，當然要點嚟試下啦😋😋上到枱果然無令到我失望，滿佈均勻油花，100g大約有六片，真係值得一試😋我地仲另外叫咗宮崎牛肩胛肉，肉味較濃，係另一推介之選😋😋🎈壽喜燒牛五花 $38另外我仲特登叫咗壽喜燒牛五花，配埋一隻生蛋，兩款宮崎牛都可以蘸埋蛋汁一齊食，燒肉最佳組合😋😋今次仲俾我見到有Asahi Super Dry 啤酒罐，罐身經過特別設計，一開罐自帶綿密泡沫，口感媲美居酒屋生啤。不過因為打完針唔飲得酒，就唯有等下次再啤啤佢😝😝另外亦都非常欣賞佢哋有多款調味料選擇，啱晒唔同人嘅口味😋😋

我平時都食開呢間燒肉，嚟到嘅時候最右邊個個男職員同我講話停止撳飛，咁我就話Walk in可唔可以，跟住佢竟然同我講話轉頭返嚟睇有無位，但我見到附近有人喺度等緊，我繼續依然喺度等，企喺到又叫Walk in呢度排隊，咁我又覺得點解當初唔叫我直接喺呢度排隊，如果我走咗咁我返嚟一定係冇位囉淨係識成班喺度傾偈，差到一個點。唔怪得知攞咗飛嘅人都會走晒😮‍💨

早兩日放假同太太係香港人最愛既行街地方之一嘅葵廣行街街，掃下街😂行到咁上下，又到食晚飯時間啦😊過左去新都會廣場果邊搵到一間人氣燒肉店😋就係「燒肉Like」😊去到店舖門口已經有好多人排隊🙈宮崎牛上級肩肉套餐(100g)呢個宮崎牛上級肩肉油脂分布得好正！入口仲即溶，又好香口😋宮崎牛肩胛肉 (100g)呢個宮崎牛肩胛肉好嫩滑☺️煎起上黎亦係好香🤤流哂口水😬😜Asahi Super Dry 生啤酒杯罐 x2

呢間過江龍燒肉十分出名，主打一人燒肉，基本上你行經口痕，又冇朋友夾錢，食呢間就最好。因為佢一個套餐既價錢，基本上任何人都搵到適合自己嘅套餐。而且加錢會多左好多肉，飯又可以免費揀大中小size。環境黎講，就真係麻麻地，因為佢抽煙其實做得麻麻地，而個爐索到d油好搶火，所以唔好太大火，好易燒濃。咁我比較大食，揀左最大份量既肉餐，味道的確合符預期，而且佢好多不同醬選擇，食落叫做唔算抵但一定岩一個人口痕而又唔想貴食燒肉。

生咗小朋友之後，有時候好想一個人Me time，我通常都會去食一人燒肉😂葵芳呢一間燒肉店價錢都算相宜，同埋味道都算唔錯。晏晝下午茶時段直程唔使等位，今次叫咗個250 g燒肉套餐，發現份量都唔少，我就叫左個細嘅飯，加枝烏龍茶。佢而家係先付款落單，食完就可以拍拍囉柚走人，我覺得咁樣都幾方便。喺味道方面，我個人幾鍾意佢提供嘅醬汁，燒肉嘅味道總括來講都算滿意，但係枱面嘅衛生程度就有待改善，如果再乾淨啲，成個感覺會提升。總括嚟講我都會繼續幫襯，佢哋嘅服務都唔錯。