營足四季

营业中

休息中

呢間泰菜以露營為主題真係室內都可以露營🤣除此之外 佢地仲有埋室外 夠晒心思 而且佢地仲係Pet Friendly添🩷我地坐係露營車出面原來露營車都可以坐入去架🩷不論係枱櫈定報置都充滿露營感覺岩晒打卡👍🏻▪️泰式拼盤 $238食親泰國野我就最鐘意食泰式拼盤 貪佢咩都有齊晒而呢到既泰式拼盤有生菜包 燒菠蘿同埋沙嗲串燒中間仲放左D蝦片 份量都大 2個人食真係好夠而且泰式拼盤有生菜包都係第一次見 又幾抵食wo▪️香蒜黑椒炒牛舌粒 $68牛舌炒得剛剛好 保持鮮嫩多汁 微微咬口香蒜加微辣既黑椒香 好開胃👍🏻▪️黃咖哩炭燒豬頸肉手抓餅 $115+$20豬頸肉燒得幾靚，外層微微焦香 入面仲好Juicy而黃咖喱香得黎唔會死辣 另外加配左手抓餅 點咖喱食一流

So Pho tasted and smelled great but the noodles were way over and a bit fall aparty. My wife's ox tongue was great as was the lettuce with minced pork.Need tissues or napkins if serving finger food.No diet drinks like coke zero which is very disappointing if you can not take the full fat sugar.Some of the seats are like normal tables afew are like sun chairs and low tables. For these it is great to have drinks and snacks but very awkward to eat.So mixed bag.

每次經過都深深被呢度嘅露營設計吸引住‼️今晚特登約埋🐻一齊嚟食dinner~~餐廳內有一架露營車，真係好有feel原來呢度係主打泰國菜，同一般嘅露營餐廳好唔同「泰式香茅焗烏頭」鹽焗烏頭可以鎖到啲肉汁，令到魚肉一啲都唔乾肉質好嫩滑，散發出陣陣香茅&檸檬葉嘅香味❤️「黃咖喱炭燒豬頸肉」炭燒豬頸肉燒到有啲燶邊，特別香口，好岩我口味 入口充滿油香，加上口感好爽嫩反而個咖喱就無咩特別，唔算好有記憶點～～「蒜蓉魚露炒芥蘭苗」呢個炒菜一嚟到，出奇地吸引到我哋因為炒得勁香，又夠鑊氣‼️每一條芥蘭苗都好入味，估唔到咁簡單嘅一個炒菜可以令我哋咁讚歎

星期日和朋友去觀塘食泰國菜，朋友推介這餐廳，好有特色，有戶外露營feel ，餐廳內還設置了一架露營車，一班朋友坐進去進餐，感覺很不錯。泰式拼盤，相當豐富，有生菜包、各種串燒、燒菠蘿、蝦片等等，串燒好好食，燒得又香又惹味，加上黃咖喱更正，而且肉質嫩滑，一點都不會柴。泰式生蝦，份量都幾多，有10隻，好新鮮，入口爽脆，不會太辣，配上生蒜片更美味。清新柚子煙三文魚洋蔥薄餅，餅皮烤得夠香脆，有香濃的麥香，薄餅鋪滿了煙三文魚，入口油潤香脆，加上烤洋蔥的甜味，確實不錯。黃咖喱雞扒配手抓餅，咖喱濃郁，帶微辣，雞扒皮香嫩脆口，這菜式配搭手抓餅最適合，手抓餅吸收了黃咖喱，超香。馬拉盞通菜，食泰國菜怎可少了它，通菜脆嫩，馬拉盞夠惹味，無得輸。

📍營足四季 (觀塘)📍觀塘鴻圖道86號中富中心地舖🟡泰式拼盤 $238🟡炭燒豬扒撈檬$85🟡越式牛丸生牛肉河粉$85🟡泰式糯米釀雞翼（兩隻）$38泰式拼盤是經典的泰式開胃菜集合，同平時好多炸物唔同，呢度嘅拼盤有生菜包、燒菠蘿和沙嗲串燒等。每樣小吃的味道都相當到位，生菜包既肉好足味又足料，沙嗲串燒既肉串燒得好香，菠蘿就稍微有啲酸，整體份量相對較多，2個人食哂會好飽！炭燒豬扒撈檬的豬扒得外層焦香內裡柔嫩，脂肪比例適中，撈檬的醬汁酸甜平衡，非常開胃！越式牛丸生牛肉河粉湯底好豐富，帶有濃郁的香茅和牛骨香味。牛丸有彈性，生牛肉切片薄而滑嫩，好讓人滿足。河粉不會過於軟爛，口感剛好！泰式糯米釀雞翼雞翼外皮脆口，內餡糯米的香料味道濃郁且層次豐富，是一道好值得食的小食。餐廳裝潢好似去咗露營咁，好有空間感，服務員態度友善，整體用餐體驗不錯！

露營主題泰國餐廳成間餐廳都係露營風格喺度食嘢又有得打卡超正成班朋友仲可以入露營車度食嘢㖭真係好過癮丫🉐🉐泰式糯米釀雞翼（2隻）＄38雞翼外脆內軟包住滿滿嘅糯米真係一啖咬落去雞翼嘅肉汁爆曬出嚟，加埋啲糯米真係好味🤤🉐🉐泰式拼盤＄238呢個拼盤包括咗多款泰式小食有串燒，生菜包同朋友分享樣樣都有啲就啱晒啦🤗🤗鍾意露營風嘅，你點可以錯過呢間餐廳呢🤗🤗佢哋亦都有戶外嘅用餐範圍可以帶埋毛孩一齊食嘢勁開心露營主題泰國餐廳成間餐廳都係露營風格喺度食嘢又有得打卡超正成班朋友仲可以入露營車度食嘢㖭真係好過癮丫

營足四季 - 觀塘的露營美食體驗最近去咗觀塘的「營足四季」，一間以露營為主題的餐廳，食物好味，加上環境特別，真係好有feel！炸泰式魚餅炸泰式魚餅外脆內嫩，咬落去魚肉鮮甜，仲有香料的獨特香氣，配上甜辣醬，真係一口接一口，完全唔會覺得膩。泰式香茅焗魚香茅焗魚味道非常香，魚肉鮮嫩，香茅嘅香氣好濃，食落去有種清新的感覺，搭配啲檸檬汁，真係好開胃。泰式辣椒膏海鮮意粉意粉煮得啱啱好，海鮮新鮮，辣椒膏的味道濃郁，既有微辣又有香甜，食落去每一口都有驚喜，真係食到唔想停。露啤 香港手工啤露啤清爽可口，啤酒味道純正，飲落去非常舒服，搭配食物一齊，真係令整頓餐更加完美，絕對係夏天嘅必備飲品。總之，「營足四季」嘅露營美食真係一流，無論係味道、環境都令人好開心，絕對值得再來！

<泰式拼盤🍱$238>呢個拼盤真係好豐富，有生菜包，6串雞牛豬沙爹串燒、好多蝦片同埋燒菠蘿 每一款食物都好好味，特別係沙爹串燒，燒得啱啱好，醬汁好濃，肉質都好鮮嫩🥹 菜包肉都唔錯，菜嘅清新同肉嘅香口配合得好好，燒菠蘿甜甜地，好多汁，好開胃🤤
<黃咖喱炭燒豬頸肉手抓餅🌮 $115+$20>好鍾意呢道菜🤤 豬頸肉燒得啱啱好，外脆內嫩，配上黃咖喱嘅香味，真係好惹味。我地仲加左$20轉手找餅 手抓餅軟熟又有咬勁，同黃咖喱好夾😚
<蒜片墨魚蟹肉意粉🍝 $148> 墨魚同蟹肉都好新鮮，同意粉好夾。蒜片的香味好出，令到成個意粉嘅味道提升到另一個層次。雖然辣，但係真係好過癮，食完仲想再食❤️

忙咗成個星期，終於可以唞一唞🍻 啲人成日話喊咗出嚟會舒服啲，原來係真事😅 不過絕對唔係有人蝦我，而只係透過電影嘅情節，將平日積埋嘅鬱悶發洩咗出嚟啫🤭 幾個喊到眼紅紅嘅我哋由戲院🎬行出嚟，點都要搵個地方回一回氣🥹 醒起街尾近 #鴻圖道 有間以 #露營 為主題嘅 #特色餐廳「 營足四季 Season Camping 」，一於帶大家去食返餐開心吓🍻香港地方淺窄，可以喺市區搵到就連 #露營車 🚍 都擺得落嘅餐廳，實在難得🔥 餐廳佈置得有聲有色，四處都可以搵到有關露營嘅佈置同餐桌，好有儀式感⛺️ 朝早只係食咗塊麵包嘅我，肚仔打晒鼓😅 好在餐廳老闆夠細心，就連下午茶時段都可以搵到 #正餐 同各種各樣嘅 #小食 同 #飲品 🍻 真係望住個餐牌上嘅美食已經夠晒興奮🤪 🐥泰式糯米釀雞翼 - 脹卜卜嘅雞翼，咬落去熱辣辣，師傅將軟綿綿嘅糯米釀入去咗骨嘅雞翼裡面一齊炸，食起嚟特別香口🤤🍖泰式黑椒焗豬手 - 師傅將火爐控制得非常好，甘香嘅豬皮，充滿骨膠原，最啱貪靚嘅女士們用嚟補一補🤭 豬手肉入口淋滑，配上淡淡嘅黑椒風味，好惹味呀🤤🐟柚子煙燻三文魚洋蔥薄餅 - 薄薄一層嘅薄餅底🍕好香脆，師傅再喺上面鋪上煙燻三文魚，

呢排老公返工辛苦，搵咗間露營⛺️主題餐廳食晚餐輕鬆一下，其實我都係第一次嚟，入到去好有意外驚喜😲 中庭位置真係擺架露營車！！當晚仲有駐場歌手自彈自唱🎵🎤 成晚唱輕快歌真係令人變得好放鬆～而且仲可以喺佢地社交平台點唱，當晚有人慶祝生日，佢地都有現場唱生日歌添，好有氣氛！餐廳主打泰國菜同西式菜，亦有全日happy hour啤酒🍻 菠蘿炒飯份量岩岩好適合二人而且蠻多配料，有鮮蝦、蜆粒、魷魚、菠蘿、提子乾，撒滿肉鬆帶出濃厚風味，不得不說菠蘿粒實在太甜太juicy😋泰式拼盤呢個拼盤未免太豐富 ！有蝦片、串燒、生菜包、燒菠蘿.🍍我自己特別鐘意生菜包嘅肉碎，充滿香茅味但味道又唔會過濃，仲要唔辣添，好岩我!! 有剩嘅肉碎用嚟撈菠蘿炒飯一齊食，原來勁夾🤣 每一款串燒燒得香口，雞肉肉質依然好嫰，一定搭配沙嗲汁，椰香味濃！夏威夷菠蘿莎拉美腸薄餅 pizza係薄餅底，莎拉美腸切片鋪喺芝士下面，同時間菠蘿甜味滲出嚟，簡單又邪惡😋

今晚同老公食飯 決定去朋友介紹的營足四季📍天花佈置彷如置身在帳幕之用享用美食，岩晒打卡📸-我地首先點左泰式無骨鳳爪作為前菜🥗酸酸地，開胃。-之後點左泰式扎肉併魚餅檬粉🥣材料十足，檬粉有口感🥢配合特製的魚露，惹味-主食點左泰式積茅焗魚🐠由一層鹽層包裹，切開魚身，味香肉嫩✅再配上甜酸醬汁，好食😁不過要等差不多20分鐘🔎-飲品點了龍眼冰，略為太淡同多冰呢‼️-在餐廳用膳如置身野外營地，但係露營椅坐得太耐，有點不適👻要伸展一下😛

觀塘有一間好有特色嘅餐廳——營足四季佢哋主打泰式同西式菜式仲有露營主題嘅裝潢真係好chill🥳✨泰式糯米釀雞翼（2隻）$38 呢個雞翼外脆內軟包住嘅糯米香滑可口真係一啖咬落去就滿足到爆！雞肉多汁配上特製醬汁味道超級惹味😋✨泰式拼盤 $238 呢個拼盤包括咗多款小食有串燒，生菜包等真係好適合同朋友分享！每一口都充滿泰國風味👌✨炭燒豬頸肉撈檬 $85 豬頸肉炭燒得啱啱好肉質鮮嫩多汁加上特製撈檬醬🤤 ✨泰式無骨鳳爪 $88 無骨鳳爪入味十足口感滑溜又唔會太膩食完仲想再來一份！每一口都帶出濃厚嘅泰式風味😚🎶🎶🎶 Discover the vibrant flavors of Thailand at Ying Chuk Si Gai, where every dish is a delightful journey for your taste buds. With its unique camping theme and mouthwatering dishes, this restaurant is a must-visit for food lovers in Hong Kong

琴晚同朋友去左觀塘行街，其中一個朋友介紹一個好chill 嘅餐廳，啱晒我，試下先：環境：喺室內造出室外嘅環境，有部露營車，有野餐枱櫈，入去坐，成日人都好relax，一流。服務：服務員好勤快，出菜亦快，快得嚟有控菜，好出色。食物：蒜蓉通菜，正常馬拉盞椰菜，個馬拉盞幾惹味，唔錯喎蒜蓉包，選用法包，蒜香一流，亦夠晒脆，值得一試泰式拼盤，有蝦片，生菜包同串燒，味道一流，未試個有生菜包喺拼盤，非常出色，佢個燒烤醬另上的，有靈魂泰式黑椒豬手，醃得味道啱啱好，一啲都唔韌，必試炸魷魚鬚，越來越少地方食到以前茶樓式嘅炸魷魚鬚，又係必試夏威夷菠蘿沙拉美腸薄餅，正常烤雞墨西哥Taco，又唔錯喎，個饀好豐富，唔會膩，要試炭燒雞扒湯檬，雞扒好香，湯底靚，檬都煮得好爽炭燒豬頸肉撈檬，豬頸肉大少適中，炭燒恰到好處，加上佢嘅撈汁味道非常好，少酸不刺激，要試金不換蛋炒飯，喺無加辣嘅情況下，味道都幾好，睇得出連煎蛋都係有用心，唔錯總結：4個人食咁多嘢，都係人頭300, 雖然位於較僻嘅工廠區，但咁chill 嘅地方，僻啲都值得一去

同朋友去咗觀塘嘅營足四季，呢間餐廳嘅菜式好有特色，融合咗越南同泰國嘅風味，仲有啲西式甜品。最吸睛當然就係架露營車，配合返餐廳主題。慢煮牛舌撈檬，$98牛舌分量好多，慢煮得非常軟腍，入口即化，完全冇半點韌，仲帶有牛肉特有嘅香味。配埋檬粉，酸酸嘅醬汁令成個味道好平衡，食落去好清爽，唔會覺得太油膩。泰式黑椒焗豬手，$178外脆內嫩，入面啲肉仲保持住嫩滑。黑椒嘅香味好突出，帶少少辣，但唔會過火，令豬手更加香口。越式生牛肉湯河粉 $78熱氣騰騰，香味四溢。碗裡面有鮮嫩嘅生牛肉片，配上軟滑嘅河粉，加一些辣椒同青檸，令整碗湯河粉更添層次感。 芒果菠蘿沙冰，$38呢個沙冰真係又甜又清新，芒果同菠蘿嘅果香味濃郁，飲落去好解渴，特別係食完啲重口味嘢之後，呢杯嘢飲真係啱晒。最後，梗係唔少得甜品啦！叫咗個朱古力牛角包配雪糕，$98。牛角包外層焗得脆卜卜，內層鬆軟，配埋香草同朱古力雪糕，呢個組合perfect‼️ 

外賣揀咗炭燒豬扒撈檬，附有2盒撈檬汁，撈檬汁嘅味道比起一般嘅淡，但都夠味，豬扒算香口，食得出唔係劣質豬扒，只係叫咗多粉，但粉嘅份量依然係唔多。喺外賣app揀餐廳時以為間餐廳係注重健康，行健康風格，所以叫營足四季，但攞外賣時發現餐廳原來個營定食露營個營字，幾特別