牛一香港仔魚蛋粉專門店

营业中

休息中

鹽焗手撕雞配白飯 $42都算係平民價 雞嘅份量唔多但係都食得飽 佢嘅雞醃得都算入味 正常水平呢個價錢都算係可以一試回頭度：🌟🌟=======================

星期六訓到勁晏，訓住做gym前食下野，就心血來潮去左e間低調黃店，大埔區少有既粉麵黃店）入到去都係得7-8人，座位都算闊既，雖然係似傳統粉麵店，但原來仲有賣越式湯粉叫左個七寶河，不過不失，都幾大碗抵食👍🏻但原來個手撕雞淮山麵先係皇牌，好多食客都叫e個，有麻辣，鹽焗，同蒜香味揀下次黎真係要試下！對面枱食既越式春卷好似好好食啊！！去食之前要預鬆時間，店入面得2個人serve, 上菜較慢唔知佢有冇告急，但坐左一陣，真係冇咩生意

呢日好想食牛腩，行經呢間餐廳，見到有越式牛腩湯河，於是就決定喺呢度食午餐。.落單過程好搞笑，店員有啲撞聾，寫咗幾次單都係錯嘅🙈，去到第四次先落啱單。.我嗌咗個越式牛腩湯河，湯底甜中帶咸，牛腩肥瘦均勻，外貌吸引，份量適中，飲完湯後唔覺得頸渴，值得再嚟幫襯。

疫症下，周圍都冇乜人敢出去食野，而我咁岩出左去番黎，又唔想煮，所以去左食上次叫外賣唔錯既牛一食晚餐，仲記得上次叫既豬頸肉撈檬真心唔錯，豬頸肉係炸既，脆口又好味，但今次堂食就太油膩喇，食左幾條就食唔落，第二係個檬粉太乾，乾到飲左成枝汽水都食唔落去，加左勁多魚露都咁乾，之後就放棄再食。正所謂有失必有得，個火車頭河竟然真心唔錯，牛丸入味，生牛唔錯，個湯河就正，所以我清哂朋友個湯河，推左個豬頸肉撈檬俾個FD食整體黎講，其實唔錯，可能當晚表現有D失色，期望下次再黎果時，個質素會提升番正常水平。

初初開都冇乜生意，見佢係黃店食過幾次，五一黃金週諗住支持下，唔知係咪依家唔憂做喇，啲店員態度好惡劣，你見咁嘅情形決定離開，店員仲叫你唔食咪唔好食。大埔仲有好多黃店，奉勸各位千祈唔好去呢間！

友人常常嚷着說要去牛一，還以為已經吃過，是一間好介紹，原來跟我一樣都是第一次去。看到餐牌有越南菜式，或是港式的潮州粉麵，牛腩麵魚蛋麵等等。🤔於是我還是點了個牛腩麵，麵條的份量相當少，基本上面頭放幾舊牛腩，😰但其他的東西都不太多，沒有什麼其他配料。面頭的牛腩，質地相當好，肥瘦均勻，中間夾着少許皮、少許脂肪，這個質地的肉質相當好，都有五六件左右，底下就是比較少的麵條，麵條剛剛端來，還有點彈性，煮得剛好，唯獨是份量偏少。辣椒油的味道亦都比翠怡花園那邊的半肥瘦餐廳比較淡味，因為那邊加了炸蒜，這兒的辣椒油中沒有什麼特別。😫凍檸茶都影得普通，這杯凍檸茶，茶味欠奉，檸檬亦都不算特別香濃，亦都比起半肥瘦那邊遜色得多

疫情之下要減少人群聚集，又要減少出街次數，所以假期啲人多數瞓得晏，我哋就早小小食午餐同買嘢啦。我一向喜歡呢度啲魚麵，上次食墨魚丸偏咸，估唔到今次叫魚皮餃都係偏咸，反而佢個炸豬扒撈檬唔錯，好鍾意佢哋個汁。清湯蘿蔔無得輸，大大碗好抵食👍👍最攪笑係我哋食個咸檸七，佢送咗上嚟無睇，篤完個咸檸就開罐汽水倒入去，飲咗 2 啖先發覺嗰罐喺忌廉唔係七喜，而味道又唔錯喎 🤭🤭由於法例要求每張檯坐唔多過 4 個人又要探熱，我哋要等咗陣先入座，老闆娘好好禮貌，唔好意思前唔該後 💝💝 下次要再幫襯先 😍😍

難得的留在大埔吃午餐的週末在妹妹推介下來到牛一，她推介我要試手撕雞麵呢！間中都會經過此店，不過之前都沒有考慮過要光顧，因為區內已經有好幾間合口味的粉麵店呢～～老公選吃牛雜河我就按妹妹的推介，打算吃手撕雞准山麵，有麻辣﹑蒜辣﹑鹽焗及蒜香四種口味！老公不吃辣，我最終就選了最簡單的鹽焗手撕雞！牛雜河，湯底的味道略略帶牛味，幾香，味道不會淡牛雜的款式不算好多，份量較多的是金錢肚另有牛腸和牛肺內臟都算乾淨爽口，沒羶味～河粉幼身滑溜，不會煮得過稔只是牛雜的份量不太滿足到老公～～鹽焗手撕雞准山麵配熱湯，賣相都算可以！准山麵上鋪有一層帶點油的手撕雞，再灑上芝麻，增添了香氣！一見到手撕雞就覺得肉質應該幾嫩，果然不出所料的夠嫩滑，而且雞絲不會太幼身，有咬口！准山麵麵質幼身，微微的潺滑質感，來自於准山本身的特性～～～由於麵只帶准山香氣，味道較為清淡而熱湯的味道溫和，不會重味精，每一口麵配一匙湯來吃，味道剛剛好！幾有興趣下次試試辣味手撕雞啊凍檸茶的質素則很普通，茶味不夠香濃又略略帶點澀！偶爾想吃准山麵的話，都值得再來吃的！牛雜河雖不差，卻有更合個人口味的食店丫～不過店員人手不太足夠，雖然未有滿座情況但執枱﹑落

<難得有粉麵檔係黃店>通常好多粉麵店都係深藍， 難得地俾我發現呢間 join左黃色經濟圈既大埔既牛一 除左粉麵正外 仲有越南小食 撈檬等菜式 質素唔錯。👍🏻 但我幫襯時佢甘啱得兩個人做野 所以上菜速度偏慢 . 但可接受🍴麻辣手撕雞撈准山麵 40 蚊🐥🍜近排越黎越多粉麵鋪有准山麵 , 麵質夠爽彈幼身幾有口感 雖然佢係麻辣 但其實佢麻味多 d 🌶️ 甘我就再加左枱上面既辣椒油 撈埋一齊十分惹味 我幾鍾意佢有 d椰菜絲撈埋落麵度增加口感🌿 雞皮夠爽滑 肉夠彈牙 🐤 雞味濃 . 食啖麵 飲啖撈麵既熱湯 好味🔥🍴炸蝦餅 42 蚊🦐估唔到一間粉麵檔會有高質蝦餅 蝦餅應該係三件切成6 件炸 炸得勁香又大件 一咬開熱辣辣 充滿蝦味 蝦膠又夠彈牙厚肉 點埋甜酸汁冇得輸👍🏻😍🍴潮州七寶麵42 蚊🍜七寶麵我覺得係老板是但放七樣野入去😂 牛丸 墨魚丸 彈牙潮州魚蛋🐟 貢丸 皮夠口感既魚皮餃 爽彈既魚片頭 juicy豬肉丸🐷 質素好好 麵質夠爽 係幼麵黎 點 d辣椒油食已好正😍#蝦餅 #炸蝦餅 #魚蛋 #牛丸 #貢丸 #魚皮餃 #幼麵 #越南菜 #粉麵 #手撕雞 #准山麵 #麻辣Score 平均

早兩日見到介紹，見到d人話呢間舖頭幾高質，就同朋友黎試下啦。一睇menu發現選擇超多，望左陣先揀到食咩。我哋叫左蒜辣手撕雞撈淮山麵、越式香茅雞扒湯河、炸蝦餅、椰子汁。Menu(越式)Menu(粉麵)Menu(小食、粥)Menu(飲品)Menu(飯)炸蝦餅。爽口彈牙，炸得脆但係唔會食到成口都係油，控制得幾好，好正！食物合照。蒜辣手撕雞撈淮山麵︰淮山麵味道比較淡；蒜辣手撕雞超正，雞好滑，蒜辣味都好夠。越式香茅雞扒湯河︰湯底味道較淡；雞扒非常好食！煎得好香脆，肉質仲係好滑，唔會乾身，而且好入味，唔多油。湯粉份量超多，好夠飽。店員好有禮貌，環境都好好。老細超好人，咁啱有個客喺電話教緊個朋友點樣黎，個老細會幫手講，然後行出門口教個客黎。超有心，抵讚！

今次應該係我第三次幫襯，算係街坊嘛 🤭🤭見人話佢啲魚麵得，所以特登叫個墨丸魚麵試一試，又見到有人話蘿蔔好味，唔係唔試埋呀？首先上個蘿蔔，嘩我無諗過咁大碗喎，好彩係蔬菜嚟啫，蘿蔔好夠淋好入味，無渣，非常美味，好彩早到，跟住嚟有 3 位美女想叫但賣晒，仲偷聽到其中一個話好失望，可唔可以隔離街市買條蘿蔔嚟佢哋煮，佢打完波返嚟應該食得 😅😅到個魚麵，的確係爽口彈牙有魚味嘅，可惜個墨丸咸得滯要扣返啲分!我諗嗰位係老闆仔，好有禮貌，佢遞食物比我時我想接，但佢驚淥親我，堅持要放喺檯 👍👍因為都諗住會再嚟食，所以想話比佢哋知墨丸過咸，但是晚佢哋太忙所以無機會，下次再講啦 🤣🤣

瘦編依家成日都要去大埔山上，今次繼續用網上外賣平台叫左外賣，因為有8折。😋-今次叫左依間叫牛一 ，其實就係以牛嘅菜式為主，佢個個牛腩飯超級好食，啲牛肉勁嫩又肥美，個汁都好入味，配一碗紫菜湯。😍-另外仲有手撕雞撈准山麵，有好多種口味包括麻辣、蒜香、蒜辣、鹽焗等等。啲雞都好嫩好食嘅，不過味道比較淡，如果你同我一樣重口味就未必太岩啦。😱-味道評分▶️🌕🌕🌕🌑🌑 (3)抵食評分▶️️🌕🌕🌕🌑🌑 (3)回購評分▶️️️🌕🌕🌕🌑🌑 (3)-➡️牛一香港仔魚蛋粉專門店 (大埔)📍大埔運頭街75-87號永和樓地下-

依間嘅魚麵係好有魚味，好多魚肉整成，忍唔住食兩碗，因為真係好真材實料。我食過好多魚麵，依間係最好味其他果d魚麵得個彈牙，魚味欠奉，依間真係好唔同，我食完仲買碗外賣返去比屋企人食，真係好掂

嘩，啲野真係好好食呀！手撕雞有好多唔同味揀，有鹽焗、麻辣、芥末、蒜香等等等等，份量都好多，仲有呢到有准山麵，無乜地方會賣准山麵，對啲想食得健康嘅人黎講真係好fit！最緊要係啲伙計好好人，好有禮貌，好建議大家去食！

原本想去嗰間排長龍，行過呢間諗住食個快晚餐，店舖名係魚蛋粉，但有越南嘢食，又有淮山麵人。店面主要有個男人負青，落單係佢，收錢係佢，裝飯都係佢，炸雞翼同豬扒都有香茅味，但飯就硬咗啲，咁嘅價錢都無得投訴。