牛大人台灣火鍋吃到飽 (偉華中心)

营业中

休息中

一直都係咁多人排隊，今次就2點幾等到冇乜人排先入去食，午市任食90分鐘都幾抵食。雖然啲牛就唔係仼食，但係可以仼攞出面夾丸&蔬菜 仲可以手機落單叫啲鹽酥雞 脆薯 台灣腸 花枝滑 餃子等。鹽酥雞係幾推薦，應該係即炸嘅，上到枱都好夠熱。野飲方向就有勁勁勁多款可以揀，點都有野岩每一個飲。除左佢地嘅特色茶之後，值得一讚佢有蘋果梳打飲，呢隻野飲冇乜地方有得買，係呢間間台式火鍋店到有係幾正嘅。雪糕依家轉左做香芋味，就得一款可以揀就比較可惜，希望嚟緊可以有多啲選擇。

午市時段超級抵食既火鍋放題店💯💯牛大人既熱湖從沒減退♨️午市任食90分鐘都只係$148（+1）除咗可以係出面夾丸&蔬菜 仲可以手機落單叫啲鹽酥雞 脆薯 台灣腸 花枝滑 餃子等各類食物😍性價比係超級高佢醬料區都有好多款唔同醬汁比你自己調配🤩最推薦佢既秘製牛肉汁🤪加辣椒再增風味仲設有滷肉飯可以自己裝💕食多兩碗已經回本了飲品類都激多選擇！有佢自家製既茶飲 汽水 仙草飲等等 點都有野啱你飲🍻唔啱都仲可以加錢要啤酒/黑糖珍珠鮮奶🤣🤣打邊爐最啱飲白桃烏龍解解膩🍑🍑以前午市只有焙茶雪糕 個人覺得唔好食依家轉左做香芋味好食好多！

食火鍋大家對牛大人一啲都唔陌生。因為食唔到辣，湯底我哋多數點：阿嬤養生濃湯鍋。台式嘢食特別喜歡鴨血和寛粉。有得任食真係好開心。牛大人的花枝滑非常值得一提。近日口痕想食滷肉飯，發現佢哋滷肉都好好食。飯粒唔係番煲好多次的一pat pat 而係粒粒分明有咬口的。丸類款式非常多。最欣賞佢菜都可以任食，有多款選擇。牛大人的炸地瓜，新鮮炸出嚟，暖暖哋入口蘇脆，非常可口。無糖的桂花烏龍茶係我其中一樣心頭好。牛花均勻的牛肉食到飽真係好滿足。已經食到好飽，但食埋甜品會覺得一餐更完整。香芋雪糕甜甜地，奶味較重，我真係非常喜歡。

身邊好多朋友推薦我去試下，去到好多人啊！估唔到女大人咁受歡迎👏👏食物質素好好，好新鮮！！湯底我就揀咗養生濃湯，食落唔會太有罪惡感我個人好鍾意食佢嘅五花肉！會再幫襯

牛大人其實都知sell咩呢？sell湯底啦 甘麻辣湯係唔錯既， 但你話想好好食個打邊爐 不如去大快或吉野啦，1個鐘 食到咩 ，落單等煮熟都要時間既，要食1小時既 記得做功課 揀簿牛揀滾2下就食得既火鍋料，飲晒煲湯可能差唔多飽

好耐冇入過黎沙田行食玩，經過見到牛大人開到黎沙田，聽過好多朋友都話正，自己又未食過所以下午順便試下。星期六，一開頭帶客入位都正常，多人食熱鬧但枱多所以唔洗等位，我5點入座食60分鐘放題，但知客放低張QR code就行開咗，咁我慢慢揀湯啦，坐低左約10-15分鐘左右就叫侍應落單，點知我坐到5點40分，突然叫我埋單，仲話仲有5分鐘last order，6點要離坐，我真係當下忍唔住問侍應「我啱啱先坐低咋喎？！」，侍應好唔耐煩高音反問「啱啱坐低？入坐係5點喎，啱呀！」本身我覺得呢間餐廳侍應送餐同執碟態度已經好差，唔講以為自己去咗茶餐廳食放題，點知仲要俾個收銀侍應咁樣對待我真係不敢恭維，下次不了！（如果台灣負責人看到的話，我上面是在給差評，服務態度甚差，你去問問看沙田店到底怎麼了）

終於比我恨到可以食下哩間長期都爆嘅牛大人不過 可能試得太多其他店我又唔明點解可以成日爆場平又冇話係特別平啲牛肉話到M5 好似好L勁咁 但好似.. .有牛筋牛肚 可以任食 係我個人喜好麻辣湯底 比起我食過嘅其他店 佢算唔錯 夠麻辣 唔油出面自己夾嘅食物 啲丸咁裝ok但啲菜都搵個細到咁嘅膠盒裝基本上一個人係已經可以一次夾晒 見到真係滴汗飲品有超多都值一讚 但啲泡茶會唔會大支咗小小呢或者可以有細支裝比人揀成餐打甂爐唯一最值得食嘅係杯雪糕丫~又真係比起好多某某出名牌子好食 超滑！！不過有個敗北 就係得香芋味囉.. .

˜”*°•.˜”*°• 牛大人台灣火鍋吃到飽。•°*”˜.•°*”˜天氣呢排都開始轉凍🌬️又黎到我最鍾意打邊爐嘅季節最近有朋友生日, 所以就去左牛大人度慶祝🥰可以任食牛肉🤤 牛大人佢有好多分店, 今次我地到訪既係沙田分店😊室內位置非常多, 仲見到入邊有一啲卡位嘅位置, 私隱度高🤩 裝修都好古色古香, 感覺座得都幾舒服✿ 極上和牛吃到飽套餐 💵HK$288湯底餐廳有好多選擇😙由於朋友唔食辣嘅關係，我哋今次揀咗一個台灣鳳梨雞鍋💗湯底非常清甜, 入邊仲有一隻好大隻又肥美嘅雞髀, 重點係一D都吾鞋架, 仲好嫩滑😆食牛大人嘅話重點當然係D牛到啦🐂佢地牛既款式有好多唔同嘅選擇🤤我覺得最好食就係SRF黑牛同埋澳洲, 牛M5牛肩卷同安格斯牛小排😍肉質非常紅潤鮮嫩, 油脂分布平均💗牛味濃郁😚 另外, 店仲送左M9和牛牛丸🥰M9和牛牛丸我覺得超級好食好彈牙，牛味真係超級香濃, 一咬落去肉丸嘅肉汁出哂黎💕超正❗️❗️❗️除此之外，肉類方便佢哋嘅豬肉同雞件都好好食㗎😙 佢亦都有其他食物款式可以點嘅, 有海鮮亦有台灣美食😝真係勁多選擇👍🏻牛大人亦設有自助Bar😂有超級多款嘅醬料俾你可以混醬🤪同勁大嘅雪櫃有各款唔同嘅飲品

呢度吃到飽台式火鍋湯底好多選擇，我揀左個阿嬤養生濃湯鍋，足料有養顏桃膠、紅棗、蟲草花等等滋陰材料。味道清清地似飲湯，做火鍋湯底仲無咁熱氣添。我個餐係極上和牛吃到飽，有4粒免費澳洲和牛牛丸。爆汁彈牙牛肉味濃真係超級好食！好多款肉類選擇：質地軟淋d就美國和牛M5牛肩卷、美國極級肩里肌牛味濃d但纖維多啲、有咬口嘅就安格斯特選牛板腱、淥一淥就食得手切封門柳、紐西蘭羊卷肉等等。呢期自製生啤有promote強波酸啤，酸酸地嘅啤酒幾得意～仲有必點私房鴨血、章魚珍珠漿、蟹籽墨汁漿同自取招牌冰豆腐，尤其係鴨血本身入哂味，湯底整熱就食得！海鮮類我都會點d一向有水準嘅，例如魚味濃嘅真台灣鯛魚片、真正脆肉少骨嘅鯇魚腩、爽口海蝦。飲品任飲包括自家製茶類，尾聲仲包括每人一甜品，CP值高！

如果同行有人係長者記住要有長者咭呀收得比成人平今次食5點個場食到7點交枱食過尖沙咀分店、觀塘分店，而家試埋沙田分店真係冇得輸牛大人已成為bino必去處！間間分店質素都如一唔會第一轉啲牛就靚啲第二轉就變樣（有啲連鎖bino好興）次次上碟都靚色靚質地除左牛正豬肉都滑身唔乾平時對豬一般般既都會愛上出面自助既菜連皇帝菜都有屋企既師奶都認證夠新鮮夠靚高質絕對唔係hea!手機落單仲可以叫埋水蓮街市唔多架仲要座位闊落食得舒服Bino牛大人世一！

今晚約咗朋友仔去牛大人開餐，成日都好掛住佢嘅台式湯底！！ 今晚要咗麻辣（大辣）拼酸菜白肉鍋，好好味🤤🤤牛肉一於以往咁高質！ M5和牛肩卷、美國SRF黑牛同埋安格斯牛小排都係必食推介，牛味香濃，牛肉脂肪多，我哋不停encore😂 如果想肉味重啲瘦啲，封門柳都唔錯。台式小食都唔好錯過！牛大人啲火鍋材料好多款又高質！香芋貢丸、風琴豆腐、凍豆腐、支竹同埋新竹米粉係我嘅至愛😂 蔬菜亦都有好多款式，最正係有萵筍同油麥菜。飲品都好多選擇😄 佢哋自家製嘅冷泡茶唔錯，解膩一流。最後甜品可以揀仙草或者雪糕，我揀咗仙草，配料都幾豐富～ 雪糕亦有新口味👍🏻

氣温急降之: 人氣台式火鍋牛大人我地又黎啦! 食開實知訂定枱唔使等有著數, 一去到我地就喺成張list十款鍋底揀左2條辣椒嘅: 🍲牛大人秘方麻辣鍋🌶️🌶️勁大鍋紅卜卜放滿各種椒, 辣椒, 花椒八角, 圓型嘅辣椒🌶️總之就足料🤭.•我地食最多款揀, 牛最高質嘅set, 第一round點左好多款牛都好好食.🥩澳洲M9和牛丸, li個每人限定嘅和牛丸超正, 超濃牛味, 又彈牙, 仲要大大粒.🥩澳洲M5牛肩卷 唔會太多肥膏, 瘋狂encore之一, 鐘意li度切得厚薄適中, 淥一淥即食.🥩SRF美國黑牛後腿肉, 安格斯牛板腱, 安格斯牛小排唔使用牙力嘅牛無得輸, 牛小排油花夠哂靚, 牛肉味香濃.🐮牛 胸 爽 好正好爽must must eat!!!!!!! 佢係白色嘅一塊塊, 淥10秒左右就會卷埋一舊, 入口勁爽好好食..🍲第二round我地食左紐西闌羊肉卷, 淥嘅蝦一剝就離殼好新鮮爽口, 蟹籽墨汁漿, 黑松露海鮮漿好食又好玩, 食左好多件鴨血好飽.🥢喺自助雪櫃夾左新鮮唐生菜, 蒿荀, 蓮藕, 芋頭, 響鈴, 最後先食, 湯底已經吸收哂濃濃嘅肉味道.🥤巨大雪櫃多款飲品選擇, 個人推介甜度適中嘅洛神花

今次黎到牛大人沙田分店打邊爐點咗極上和牛餐 瘋狂食M5和牛M5和牛雪花紋好靚 淥完肉質都仲好嫩滑而且仲充滿肉香 同朋友食完一碟又一碟跟餐送嘅和牛牛丸爽口彈牙 裡面爆哂汁 黎呢度當然要食返台灣直送嘅食材啦個人喜歡手打墨魚漿 真係食倒一粒粒墨魚小食有我鍾意嘅皮蛋豆腐同台灣小香腸海鮮質素亦唔錯 海蝦 蜆 花膠仔都有鮮味麵類除左一般嘅款式 仲有王子麵同新竹米粉朋友叫咗杯啤酒 撥開雲霧蓬萊仙島個名夠哂特別之餘 飲落都幾滑易入口最後再食埋個椰汁珍珠仙草凍 真係大滿足

小童收費用高度釐定非常不合理，6歲小朋友最後要被收取成人收費。有關收費準則網頁上及confirmed booking時完全沒標明及解釋，進入餐廳前才被截停度高及通知要收取成人收費，職員態度亦非常強硬。如果不是大人已入座，一定會選擇去第二間。

又同老婆去食🐮牛大人！日日都超多人，訂位方便得多。我哋揀咗澳洲極上和牛 120分鐘吃到飽套餐。呢個套餐每人有兩粒好出名嘅和牛牛丸，超級juicy好味！加錢仲有得飲台灣Hazy IPA「撥雲霧見 蓬萊仙島。呢款IPA勁有啤酒花苦味，不過同時亦有啲果香。Hazy IPA作為IPA嘅新貴，飲落真係唔錯。我哋仲見唔少人會加錢飲珍珠奶茶🧋。阿嬤養生濃湯鍋原來係濃郁嘅雞湯，配菜配肉都啱。又有啲藥膳香，味道幾温和。牛肉嘅款式都幾多。最推和牛M5牛肩。佢卷肉味勁濃，唔會好肥，口感好嫩。章魚珍珠漿鮮甜又有超多章魚粒，仲好食過港式墨魚滑。蝦、蜆質素都幾好，甜品可揀一杯Haagen Daz雪糕/一碗仙草凍。仙草滑溜，加埋花生、紅豆好豐富。