牛大人台灣火鍋吃到飽 (鱷魚恤中心)

营业中

休息中

如題 食完頭輪之後使用自助點餐系統10分鐘內落3次單，但係嗌完之後等左2x分鐘先出到（第1單仲係催完店員先有）；第2單又係等，又要19分鐘（有咁遲出餐經驗所以有計時🤭）先出俾客（又係要催店員先有，但係又唔係自己嗌既份量喎🤡）第3單？再過多10分鐘（正常返啦！）睇落又唔係人手唔夠，因為見到係有出餐車同執野既車出出入入、比例大概1:4咁;好明白任食餐廳要控制成本，但係嗌完野食，等咁耐時間既體驗真係好差。呢間連鎖已幫襯過不下十次，經過今次後應該都不會有下次了😅

《牛大人》120分鐘極上和牛吃到飽火鍋套餐 $328 ，湯底10選1，可加$50選鴛鴦湯底，每位客人均附送2粒澳洲M9和牛牛丸湯底揀咗台灣濃香番茄鍋，番茄味濃郁鮮甜，健康之選 😋呢款套餐有好多款唔同嘅牛可以揀，一場嚟到更係要食盡佢，樣樣都試勻晒，真係食到停唔到口呀😌和牛M5牛肩卷、SRF美國黑牛後腿肉、牛胸爽、封門柳、一口牛、安格斯牛小排牛肩卷入口即溶，仲有超嫩滑嘅口感後腿肉煙韌有咬口，牛味非常突出牛胸爽薄薄一片，淥一淥就食得，口感爽脆，牛味濃海鮮方面點咗海蝦、真台灣鯛魚片、沙白，全部都好新鮮，好嘢梗係唔可以俾佢停啦，我哋encore咗好多次🤭台式小食就有我個人特別喜愛嘅鴨血、真豬小香腸、鹽酥雞、皮蛋豆腐同糖醋甜不辣等等飲品種類都好多架，不過我就特別鍾意揀佢哋嘅自家製花茶同埋冬瓜茶飯後甜品Movenpick/仙草凍

牛大人進駐左香港都一段時間本身就以靚牛肉 靚湯底 中中價錢作為賣點而且仲有好多台灣嘅特色小食包括台灣豆腐 肉燥飯 芋圓仙草糖水等等今次我哋點咗麻辣同埋蕃茄湯底講真，好食嘅麻辣湯底真係唔易整牛大人嘅麻辣湯底真係好貼近喺台灣食嘅火鍋店嘅水準入邊仲有鴨血 落埋寬粉去食一流而蕃茄湯底就非常鮮味 通常我都會加上新鮮蕃茄 腐竹 同埋粟米令到成個湯更加鮮甜先飲一碗湯再開始食牛肉值得一讚係 上菜非常快自助落單形式 數量亦都有多無少！今次我哋仲點咗芭樂鹽小麥聽個名就覺得好有特色入口，有啲酸酸地 感覺都幾有新意

朋友生日，想儘情的吃一頓，偶爾見到這家火鍋店的廣告便嘗試一下。首先，訂座必須網上訂，不接受電話預約。主打是牛，但沒有牛肉的味道。脆肉鲩又有泥味，魚腥味及霉，不夠爽脆。唯一可讚的是長者（65歲）可優惠＄100大洋。

介紹咗咁多餐廳，我居然未介紹呢一間咁出名嘅牛大人，等我今次就講吓佢有啲咩啦🤣🤣🤣✏️首先呢一間餐廳非常之full，所以建議大家都要book咗位先去，然後佢嘅嘢食主打台式料理，所以佢嘅湯底都係會有唔同嘅台式湯底。我個人就普普通通咁叫咗個蕃茄湯😆✏️除咗普通嘅火鍋配料之外，仲有得叫鹽酥雞，台式香腸等等嘅臺式料理，而飲品都係有得揀台式嘅飲品，無論出去拎定係掃code都有得揀，個人比較鍾意佢嘅麥茶。✏️自助區度仲會有特色滷肉飯同埋滷水牛肉，勁豐富漿料嗰度仲會有自家製嘅牛肉汁，正✏️食完賣單嘅時候，仲會有得揀一款甜品/雪糕。

難得三五知己約埋一齊食飯，食咩食邊間其實無咩所謂。最後朋友揀咗呢間一齊打邊爐，醉翁之意不在酒，但的確有驚喜，難怪咁多人嚟食。我地食夜晚9點，好彩朋友一早book定咗。最驚喜嘅係啲牛任食之餘仲好好味，絕對唔似啲200任食果啲普通貨色。最重要嘅係你用apps點餐啲食物係嚟足！最好食嘅食物如果無記錯就係澳洲M9和牛牛丸，雖然要加錢，但呢隻丸個人覺得仲好食過振興濃汁牛丸，仲要大隻啲，好味到係咁加，一試就沉船！有機會會再食

之前成日吃，好耐無吃，今次朋友聚會再吃。比之前出菜混亂，催了多次也沒來。 幸好投訴完D高級人員也補回所欠食物。2,4,6人也用一鍋，錢照收足，雖然你有寫明，6人一鍋，但希望改善一下6人2鍋，否則好快就比其他同行超越。

今日約左屋企人黎到觀塘既牛大人食dinner🤍，已經好耐冇食啦🙈 我覺得佢哋嘅火鍋放題係非常之高質💯 性價比非常高😊今晚我哋一於食好啲 我哋食嘅係澳洲極上和牛餐$328/一位，需加一，任飲任食120分鐘😍-我哋叫咗個台灣鳳梨雞鍋，湯頭清甜且濃郁💯澳洲M9和牛丸 每次都勁期待食佢，因為佢非常之彈牙，而且牛味濃厚😍-嘢飲方面，佢哋嘅種類繁多 有茶類，果汁類 ，汽水類，少量台式特飲等等 而我最鍾意都係飲佢哋嘅自家茶 感覺上打邊爐得來又唔會太邪惡😍冰冰涼涼好舒服🤍-配料係自助的 有好多唔同嘅蔬菜種類 丸類等等，任君選擇 但係記得食得晒先好拎呀，千祈唔好浪費🙏🏻 -重頭戲當然係肉類啦，有安格斯牛小排，和牛m5牛肩卷，手切封門柳，黑牛後腿肉，安格斯牛版鍵等等，我最鍾意就係牛小排，因為佢油脂分布好平均，入口即溶💯💯🤍-另外，佢哋都有各款各樣嘅海鮮，包括蝦，蜆，魚，墨魚滑，蝦滑等等，啲蜆又幾咁鮮甜喎🤍-牛大人，簡直係我同朋友聚會食火鍋嘅首選😍價錢相宜，雖然佢種類唔會話太多，但係每一樣都好新鮮💯-

好食嘅野一定要encore，今日再一次嚟到觀塘牛大人分店，餐廳依然甘熱鬧人多，果然係必食火鍋店之一，我最鍾意牛大人嘅湯底，好有台灣地道風味，再加上靚靚牛肉同鴨血，真係令到我不停返轉頭再食。-今次叫咗澳洲極上和牛set，除咗有牛小排、牛板腱、和牛粒之外，仲有各款小食同海鮮等等，而且仲有鴨血同花膠添。牛肉脂肪分布均勻，食落好有牛味亦都好有油脂感，當中我最最鐘意牛小排，食落口簡直入口即溶。另外，牛後腿肉都好吾錯，咬落較有口感，而且牛味更加濃郁。-除左牛肉之外仲有好多好野食，蝦、花甲都好新鮮，幾吾錯。另外，鴨血亦都係必食之一，超惹味又有咬口，好食到我停唔到口，叫完一份又一份。-除此之外，我特別鍾意牛大人嘅飲品區，佢有好多唔同種類嘅茶，解膩之餘又健康。如果想飲啲邪惡啲嘅話，又有冬瓜茶金桔茶等等嘅台灣飲品，另外仲有芭樂鹽小麥啤酒，飲落酸酸地幾好飲又易入口。

多區都有牛大人嘅分店無論平日底假日 都係勁爆場好彩朋友醒目一早book定枱今次嚟觀塘店，食物一樣好有水準食足120分鐘，充足時間食到飽湯底有唔同選擇<台灣濃香蕃茄鍋>未放食材之前飲啖湯底，超香蕃茄味味道夠濃唔油膩揀咗最多選擇嘅「澳洲極上和牛」每位都會送上兩粒✨澳洲M9和牛牛丸超彈牙，好Juicy✨澳洲和牛M5牛肩卷薄薄地，肉味濃，口感嫩腍除咗必食嘅和牛之外，仲有好多台式小食特別喜歡✨真豬小香腸✨士林鹽酥雞海鮮方面：沙白非常新鮮，粒粒飽滿又無沙難得呢度飲到台灣直送嘅< 酉鬼啤酒>梗係點返杯啤一啤✨芭樂鹽小麥台灣精釀小酒廠精釀出嚟嘅啤酒，平日唔鍾意啤酒嘅朋友都話好飲。自助區密封式放著不同蔬果同配料，衛生又整齊。仲有大量飲品選擇 最後仲會每位送上自選甜品滿足又豐盛嘅火鍋放題

牛大人是一個非常受歡迎的火鍋放題餐廳，提供了多款美食，尤其是牛肉。他們的極上和牛吃到飽，每位只需$338，非常物有所值。湯底鳳梨雞鍋是這裡的招牌之一，而且湯底非常美味，充滿了鳳梨和雞肉的香氣，讓人口感非常清爽。和牛牛丸配上濃郁的牛湯濃汁，一試難忘。除了牛肉，他們還有多款非牛肉的菜式，如山水滑豆腐、私房鴨血、新鮮沙白、鮮甜海蝦爽脆炸魚皮、鬼馬老油條、即炸午餐肉和韭菜水餃等，每一款菜式都有自己獨特的風味和口感，好味😋牛大人的牛肉絕對是餐廳的一大亮點。澳洲和牛M5牛肩卷，肉質柔軟，肥瘦均勻，入口即化，每一口都能感受到肉汁的鮮美。安格斯牛小排，肉質飽滿，油脂分布均勻。SRF美國黑牛後腿肉，肉質鮮嫩，帶有濃郁的肉香味和細膩的肉質口感。最後，讓人感到滿足的甜品有名牌雪糕，揀了Oreo口味和士多啤梨味。尤其是在火鍋後，吃一些甜品，感覺非常舒服和滿足。

「牛大人」係坊間出名性價比高嘅日式火鍋放題，但我竟然到今天才有時間親身光顧。觀塘分店面積好大，裝修間隔舒服闊落。樓底夠高，又有仿木系窗簾仲打着柔和的燈光，走高格調文青台式火鍋路線。飲品凍櫃款式好多，聽朋友講每次嚟都有新嘅發現。我喜歡自家出品嘅「白桃烏龍」及「洛神花茶」，濃淡得宜唔會太甜。Like 店家嘅社交平台仲送「益力多乳酸綠茶」。包裝衞生，味道唔錯，台式茶飲店的質素。👍🏻入座時已選好火鍋底:「阿嬤養生濃湯」。湯底清甜滋潤不燥熱，有大白菜、桂圓、桃膠、蟲草花等等養生材料😋咁難得嚟到，我哋揀咗至top 套餐 「極上和牛吃到飽」反正怒吃一於要盡興😋🌟先送上和牛牛丸，大大粒超大牙，咬開仲爆汁，牛油豐富，肉味好濃，非常美味。真想問問那裏有成品可賣~巴洛鹽小麥啤酒 $68/400ml估唔到巴洛（番石榴）也可融入啤酒。味道清爽帶點果酸嘅啤酒，酒精較輕，好容易handle～精選牛肉、和牛系列、安格斯系列夾埋都有約8款牛肉。推介幾款回本款式：澳洲和牛M5牛肩卷：肉味濃，脂肪分怖平均。安格斯牛小排：牛脂牛肉味同樣豐富，肉質竟然比M5澳洲和牛牛肩卷更嫩滑！手切封門柳：牛肉最原汁原味，接近零脂肪嘅牛柳，健

⭐真的強烈推薦這間高質台式牛肉任食火鍋！餐廳有多個套餐選擇，豐儉由人，我就選擇了晚上120分鐘澳洲極上和牛放題⭐湯底有九款可供選擇，我選了牛大人秘方麻辣鍋，豬骨湯+香料味+花椒麻辣味，好吃😋⭐套餐有十多種肉類可選，包括安格斯牛板腱，安格斯牛小排，一口牛粒，澳洲和牛M5牛肩卷，美國prime級肩里肌，還有幾款豬肉和雞肉，三種滑，以及牛筋牛肚⭐肉類之多，可以滿足你全部需求😋而且絕非重量不重質，有牛板腱等帶筋爽口的，亦有牛小排等油脂豐盈的，十幾款不同口感的牛肉，絕對滿足👍🏻⭐各種魚滑漿類亦十分優秀，每人贈送的兩粒澳洲M9和牛牛丸，牛味濃厚，非常好吃⭐其他火鍋配料選擇亦非常豐富，總共有幾十款之多，光是自助蔬菜+丸類+豆製品類+餃類都已經眼花繚亂，其中我推薦豬血糕，油條，凍豆腐，水蓮，蝦，海帶結，芋頭，淮山，太多太多，其實所有配菜都新鮮，選材不馬虎，全部值得一試⭐飲品方面，除了滿滿一排可自助的冷泡茶/汽水/果汁外，還有幾款自製飲品，包括酸梅汁，烏梅汁等等，開胃解膩的上佳選擇⭐還有幾款小食，包括台灣香腸，鹽酥雞，甘梅地瓜可選，都不錯⭐吃到最後有一人一份movenpick或仙草奶選擇，口味都很不錯

【觀塘區】【牛大人】其實呢間嘢都冇咩好講架喇，我相信有睇 foodie page 嘅朋友都好大機會會嚟過呢度打邊爐。佢哋受歡迎嘅原因有好多，有台式元素，有任食元素，甚至可能牽涉政治元素。我就唔喺度探討喇，反正入得去嘅，都係一個選擇。我就係同以前電台同事食飯，平時都比較少約，約到咪打吓邊爐囉。咁佢哋話去呢間我都唔會反對嘅，雖然 1am0339 嗰時我已經連 menu 都打埋入 post，但今次係 $288 嘅「美國特級安格斯牛吃到飽」餐，食得豪過上次喎。湯底加 $50 可以要鴛鴦鍋，我哋就揀咗「牛夫人秘方麻辣鍋」同埋「台中蒜頭雞鍋」，當然睇得耐啲嘅朋友就知我唔太食辣，所以係後者先係我揀嘅。然而兩者都略為滾吓食吓嘢之下，感覺兩個湯底都係偏薄身，唔太夠濃。嘢食方面，今次就唔講咁多喇，主要都係食「安格斯特選牛板腱」比較多，我自己就偏好「真台灣鯛魚片」，朋友就唔太熱衷咁解。嘢飲都係一如以往嗰啲，冇乜大嘅變化。三位埋單係 $1005，正常而合理嘅價錢囉。。。（地址：觀塘開源道79號鱷魚恤中心5樓全層）#1amfoodie #foodie #hkfoodie #thatfoodiething #hk

之前呢都食過其他分店嘅🐮🐮牛大人，今次因為呢同朋友喺觀塘行街，然後見到都開咗牛大人就決定打個邊爐😆唔知係咪都係一樣咁好嘅質素～上到去呢我覺得環境已經好企理、乾淨，因為呢我係六點去到所以未算好多人！因為我同朋友兩個一個好辣一個唔好，所以呢我哋叫咗鴛鴦鍋（牛夫人秘方麻辣鍋+阿嬤養生濃湯鍋），麻辣鍋呢一如既往嘅麻味十足，養生湯都不乏淡淡人蔘味，最欣賞呢呢啲放題嘅套餐湯底都係做得好足！我哋揀咗「極上和牛吃到飽」套餐，果然好正，冇令我哋失望！和牛肉味夠濃，食落唔會係鞋身！私心推介墨魚蝦滑，估唔到咁鮮味、出色👍🏻非常之有口感！朋友話脆肉鯇魚片都唔錯，又爽口～同埋最欣賞佢既即炸午餐肉，好少打邊爐呢會幫你炸埋，拎嚟打邊爐，口感係完全唔同！見到有新嘅啤酒，試左個「芭樂鹽小麥」第一次試咁香果味晚啤酒，同打邊爐都幾夾😆尾聲呢仲要有呢個Häagen-Dazs同Movenpick雪糕做總結，任食嚟講$288其實真係唔錯，今次發現觀塘呢間分店，下次一定會再嚟！‼️好食指數 9/10‼️推介指數 9/10🍽️ 牛大人台灣火鍋食到飽(鱷魚恤中心)📌 觀塘開源道79號鱷魚恤中心5樓☎️ 3953 9370⏰ 星期一至日12:0