牛大人台灣火鍋吃到飽 (鱷魚恤中心)

营业中

休息中

食過幾次，啲員工態度唔好都唔係新鮮事，不過冇咩搞到我都唔點理話哂街檔。今次我係第一次寫呢間食評。一直以來都要用網上訂座，嗰日突然有位朋友想黎諗住打電話去加位，電話只有錄音冇人可以直接對話，然後手機有佢地嘅來電，但響左兩聲就收線一直都打唔到。最後要去佢社交平台私訊問叫我去walk in，去到佢同我講今日full哂，就算依家三人入座都係安排二人枱，我以為佢係話二人枱加張櫈然後佢話我知三個人坐二人卡位，嗰下我火起問嗰位小姐，不如你話我知你試下坐唔坐到啦，佢已經無言以對，最後佢要我地等叫號，前面有19張飛，但中間skip左好多，好快叫到我。佢話我地要同人share枱，不過間開兩邊我地ok。除左有個女侍應會黎收枱，其他嗰啲都係求其望兩下就走，我地啲碗同碟堆到差啲要放地下，唔夠人唯有降低要求，請嘅人係差唔多喇。睇返其他啲食客comment 係觀塘呢間啲人係差啲，上次食過尖沙咀啲侍應唔會西你面。經過呢次後，唔會再黎呢間。

放假去觀塘食牛大人，果然幾時都係人山人海🤣。✨澳洲極上和牛 120分鐘吃到飽套餐（$328/位 假期再加$10）春村白玉酸菜鍋湯底酸味好出，開胃清新，令肉類嘅油膩感大減。🥇️SRF美國黑牛後腿肉⭕️澳洲和牛M5牛肩卷⭕️牛胸爽❌安格斯牛小排👩🏻一向覺得「澳洲和牛M5牛肩卷」已經係最軟嫩，但原來期間限定嘅「SRF美國黑牛後腿肉」油花更多，而且油脂分佈更平均。牛胸爽口感爽脆冇得輸，間中轉換下口味都唔錯。安格斯牛小排就太太太肥了。⭕️黑松露海鮮漿⭕️澎湖花枝漿🥇蟹籽墨汁漿黑松露海鮮漿、澎湖花枝漿食落分別唔大，都係甜甜哋又有幾多花枝粒。我哋反而推薦食蟹籽墨汁漿。呢款最鮮甜最彈牙。⭕️屏東水蓮菜口感爽脆有啲似貢菜，淥一淥就食得。⭕️私房鴨血（辣）滑滑溜溜，一咬落去味道又酸又辣。✨強波酸啤 $68 買一送一少少水果酸味，清爽易入口。✨台中仙草凍/雪糕📍牛大人台灣火鍋吃到飽 (瓊華中心) (旺角)旺角彌敦道628號瓊華中心9樓

好耐冇打邊爐，簡左個$328 plan，極上和牛吃到飽，送澳州和牛牛丸，真材實料，唔錯。紅燒牛骨鍋其中一個黎牛大人必要試既鍋底，湯底好濃好香，打邊爐入哂味，正😋一開始點一堆牛肉先，除左必食既澳洲和牛，我地仲點左封門柳同牛小排，仲有期間限定既SRF美國黑牛後腿肉同牛胸爽。🔸澳洲和牛：好軟嫩😍🔸封門柳：不易變韌，而且牛肉味極為濃郁🔸牛胸爽：唔好以為白色就係脂肪，其實係軟骨位，好爽口仲有個必食既就係鴨血😍😍如果配埋麻辣火鍋就仲正。強波酸碑做緊買一送一，有果香，所以入口唔會苦👍酸味夠，好開胃台中仙草凍可以簡佢或者雪糕，我次次黎都係必食呢個😄有🥜碎 、椰果、紅豆、珍珠，配搭埋仙草💯

同幾個食肉獸朋友，嗌多幾碟靚牛埋單一定又幾千蚊先落得樓，所以今次就提議去牛大人，嗌多幾碟都無有怕。約正收工時間，裡面已經差唔多坐滿，好彩book咗位唔洗等，經店員帶位後就即刻可以選擇食物和飲品，落單透過QR Code自助完成，並且出面的自助區更有豐富的配料選擇，飲品區花多眼亂，不過我最鍾意就係佢地嘅自家製的茶類。有人唔食得辣，所以湯底選擇蕃茄鍋，再去自助區拎多一籃蕃茄落去熬湯，味道濃郁，等佢滾起之後就先飲佢個湯再先落食材，湯底未滾之前，叫咗好幾款台式小食了，梅甘酥脆薯、小香腸、鹽酥雞以及鬼馬老油條，每一樣都好有當地風味。肥牛方面 澳洲和牛M5牛肩卷、安格斯牛小排和手切封門柳，肉質保持在高品質水準，尤其是手切封門柳，牛肉的味道非常濃郁。海鮮方面 有海蝦、沙白、脆肉鯇魚腩等，自助區更有水魷，肉質鮮甜，沙白食落冇沙。自助區還有各式丸類 蔬菜 麵食 滷肉飯供應。最後，甜品有Häagen-Dazs同Movenpick口味雪糕可以選擇個個都飽到摸住個肚，平均每人都係300蚊左右，食物水準高，價錢亦非常實惠。再加上舒適環境和豐富多種食材選擇，非常值得一試再試。

牛大人聽人介紹就聽得多啦～今次都係第1次同屋企人黎試地點都好方便坐位同自助區位置都好闊落、好寬敞自助掃描點餐夠哂方便套餐我哋揀咗澳洲極上和牛餐每位亦都可以贈送一客澳洲M9和牛牛丸呢款牛丸食落好juicy，牛味亦好濃。要就屋企人唔食辣湯底揀左台灣濃香蕃茄鍋湯底鮮甜中帶有新鮮蕃茄酸味食落十分開胃，味道恰到好處我地每款牛肉都揀左黎試上腹牛五花都好嫩滑、安格斯牛小排入口即溶、澳洲和牛M5牛肩卷嘅油脂分布平均，食落油脂感香濃、封門柳亦都非常有咬口火鍋配料超過50款絕大部份係台灣直送而鴨血、手打花枝漿、鹽酥雞等都做得出色好有台灣風味點左2杯「強波酸啤」入口就會感受到少少果香，微微酸，苦味唔明顯, 幾易入口最後仲有甜品，Movenpick/ haagen dazs雪糕杯、自家製仙草凍等，食到超級飽好滿足

好久沒有午餐打邊爐，今日有時間就去附近觀塘地鐵站連接隔離商場5樓牛大人約了中午12:00入座，環境冷氣夠舒服，安排位置好好今次揀極上和牛 $208，午市有90分鐘6款肉類、多款自助配料及台灣美食有10款不同湯底可以選擇我揀咗台灣鳳梨雞鍋是台灣最經典古早鍋，有鳳梨、苦瓜熬制雞湯入面有半隻雞，有苦瓜、高麗菜，湯底非常鮮甜，有回甘味道。.其他台灣小食、肉類、用scan QR code落單，好方便而且下落好快會送到 美國黑牛後腿肉 後腿肉較重牛味都入好咬口安格斯牛小排油脂分布均勻入口好軟腍又嫩滑澳洲和牛M5牛肩卷片片油花好平均，牛肉味濃郁，好食呢花雕酒雞件大大件嫩滑又雞肉，微微酒味好食點了台灣小食小香腸、糖醋甜不辣、梅甘酥脆薯、及士林鹽酥雞梅甘酥脆梅即是炸蕃薯，外脆內軟仲有最面的梅粉，一口一粒更有丸、台式手工水餃、花枝漿、豬肉漿、鴨血等外面自助區可以自取醬料、配料、蔬菜、台式粉、麵飲品有強波酸啤Jumbo Sour 原來是獲得2022《AIBA 澳洲國際啤酒大賽》金牌自助區出一面有洛神花茶、白桃烏龍、桂花烏龍多款台式飲料、汽水、果汁服務不錯沒有漏單而且落單後都好快送到牛大人觀塘開源道79號鱷魚

我發覺牛大人已經成為左我同男朋友既飯堂，每次夜晚諗唔到食乜就會話: 不如去牛大人打邊爐喇🤣「澳洲極上和牛套餐」湯底：眷村白玉酸菜鍋，酸菜味濃郁，幾入味！👍🏻必叫野食有:🌟澳洲M9和牛牛丸彈牙多汁，每人只限兩粒！🌟美國PRIME極級肩里肌、澳洲和牛M5牛肩卷，呢兩款牛最靚，肉質軟熟鮮嫩🌟蟹籽墨汁漿彈牙，食到粒粒鮮甜蟹籽🌟牛媽秘製滷牛肚🌟台灣鱸魚片🌟花雕酒雞件🌟 新鮮沙白🌟 爽脆炸魚皮超脆！🌟 脆肉鯇魚腩黎打邊爐又點少得佢既自家製茶飲呢，我今次就揀左桂花烏龍同大紅袍，好清新，消滯解膩一流！最後可以揀一杯Häagen-Dazs雪糕，好滿足呀！☺️牛大人📍 觀塘開源道79號鱷魚恤中心5樓全層#likeforlikes #kwuntong #kwuntongfood #觀塘美食 #masterbeef #打邊爐 #和牛牛丸 #鱷魚恤中心 #台式火鍋 #cozy_kwuntong

牛大人火鍋係我食過性價比最高既火鍋，而且佢地既湯底選擇多🥳🥳🥳重係由台灣師傅親自主理，採用真材實料熬製成九種不同的火鍋湯底，而每款湯底各具特色，係全天然食材熬製的湯底，絕不會令你吃完有「口渴」的感覺💕舊同事話想見天氣凍番又落雨想食火鍋，不約而同就諗到食牛大人喇，今次黎就試左台灣鳳梨雞湯底湯底有杞子、鳳梨及苦瓜等，温補潤喉，重食到鳳梨的清香。雞脾肉嫰，雞皮滑溜，吸收晒湯汁精華，食完成身暖晒🥰🥰🥰我地揀左90分鐘澳洲極上和牛吃到飽套餐可能食到牛最好食既部位，有上腹牛五花，安格斯特選牛板腱，安格斯牛小排，手切封門柳，安格斯一口牛肉粒，澳洲和牛M5牛肩卷，美國PRIME極級肩里肌等等 而我最鍾意係安格斯牛板腱😋大大隻鮮蝦，超級彈牙😋😋😋重有台式小食😍😍😍最鍾意佢有好多唔同嘅台式飲品仲有超強台灣手工啤🥳🥳🥳最後有我最愛嘅🍦Movenpick🍓

一直知道牛大人起觀塘開咗分店，甘岩約咗幾個朋友在觀塘聚下，於是約好在觀塘牛大人相見。我地預早訂左位，職員安排一個卡位比我地，座位非常舒適寬敞。今日甘開心，一於豪氣d，點咗極上和牛吃到飽餐，120分鐘任飲任食，仲包送2粒澳洲和牛牛丸送添。淨係湯底巳經有10款可以揀，今次㨂咗台灣鳳梨雞湯底，呢個湯底用咗鳳梨同埋苦瓜調味，仲加左雞腿肉熬制而成，鮮味得嚟帶點甘香，唔錯。見強波酸啤做緊買一送一優惠，呢款強波酸啤Jumbo Sour獲得2022《AIBA 澳洲國際啤酒大賽》金牌，真系要order嚟試下，正呀，啤酒好夠凍，酸酸味味既口感，好爽。之後行去自助火鍋配料區，瓜菜肉丸款式都好多，所有食物用食物盒蓋好，衛生安全做到足。因為肉類可以任點安格斯特選牛板腱、安格斯牛小排、安格斯一口牛內肉、澳洲和牛M5牛肩卷、美國PRIME 極級肩里肌、西班牙豬梅肉片、豬五花肉、紐西蘭羊卷肉、花雕酒雞件、新鮮沙白、黑松露海鮮漿、海甜蝦。。。澳洲和牛牛丸口感鬆軟，牛味濃郁得嚟肉汁豐富。最欣賞台灣芋頭貢丸，肉質扎實彈牙，仲有芋頭粒起表面。必食。安格斯特選牛板腱肉質嫩口多汁得嚟有小小𡁻口；美國PRIME 極級肩里肌肉質嫩口

當你知道有朋友好耐冇啖好食，例如減肥、結婚、生仔、初一十五，事後最佳慶功場所，除咗牛大人，都諗唔到有邊度夠呢度飽胃民啱啱生完女，穩陣起見嗌個阿嬤養生濃湯鍋畀佢，等佢補一補。湯底嘅料有好多，有菇有菜，仲有桃膠𠻹，夠晒滋潤嗌最貴嘅餐，就乜都包，當中有澳洲和牛M5牛肩卷、牛胸爽、黑松露海鮮漿、SRF美國黑牛後腿肉等等大胃最推介，食完會再encore同埋佢地會送澳洲M9和牛牛丸，每人有兩粒，真係要嗒真啲，比起一般牛丸差天共地，堅有牛味除咗肉類，海鮮、餃子、熟食等等都可以QR code落單只係肉漿同餃子都有好多款選擇，口味特別而又真係好味叫得牛大人，連滷肉飯都係牛肉，連味道都比豬肉好味，真係服出去配醬汁就會見到，仲有特別嘅洋蔥牛肉汁同特製豬肉汁，一人三兜醬料先夠配丸類、麵類、豆製品或者蔬菜都係要去自助區自選，選擇花多眼亂，樣樣都試勻就冇乜可能，一定飽到喊，但真係好多款都好特別最近佢地新出一款啤酒，係比一般嘅啤酒較酸，果香突出，具有橙香檸香，台灣直送，鍾意酸味重嘅不妨試吓嘢飲同樣係好多好多選擇，最正係有幾款冷泡茶，消滯不錯。QR code落單都有幾款酸酸甜甜嘅嘢飲揀，胃同腎都飽差唔多last or

我食外賣《牛大人》火鍋就食得多啦，但今次都係我第一次堂食咋🤭估唔到堂食比外賣更有驚喜wor ，而且質素非常好‼️絕對係香港同樣價錢嘅任食火鍋之最🐷價錢《牛大人》有3個價位，1️⃣$248精選嫩牛，2️⃣$288美國特級安格斯，3️⃣$328澳洲極上和牛🐮我同朋友就揀咗最貴嗰隻試吓❤️食物食得《牛大人》就梗係要叫佢個秘方麻辣🌶️湯底啦，呢個湯底從來都無令我失望過，真係好正，唔叫唔得👍🏾至於佢d和牛嘅質素都好唔錯，係幾嫩滑，d豬肉同樣亦好出色，我忍唔住係咁叫咗好多🤭而其他比較特別嘅火鍋料，例如：章魚🐙珍珠漿、蟹子墨汁漿、滷大腸、蛋式蛋餃等等，全部都好得💯好有台灣嘅風味（有唔少重係台灣直送嘅），以呢個任食嘅價錢🤑嚟講，真係非常抵食💕至於飲品方面，呢度除咗有唔少任飲（唔少係台灣飲品🧃）之外，重有台式冬瓜茶、酸梅汁等。重點來了‼️重有我的最愛：黑糖珍珠🧋鮮奶，而家like同follow fb就有一杯免費🆓。雖然係免費嘅，但佢嘅黑糖真係好香，奶味都好重，分分鐘重好飲過出面嘅飲品鋪！我哋仲叫咗2杯強波酸啤$68（佢係獲得2022《AIBA 澳洲國際啤酒大賽》金牌）嘩，🍺係酸嘅😂但又幾得意喎最後，甜品🍮我就叫咗台中仙草凍

本人同客人去食晏，但因我先去攞位，同老闆及客人較遲，另外入座開始計時，有些同事與侍應在計時上有些爭議，侍應態度上不行。我們明白公司有規矩，但態度上不用太硬。但食物都好食，飲料都可以，甜品只有香芋雪糕。

牛大人火鍋店的美食豐富多樣，每樣都讓人垂涎三尺！先試試招牌牛骨湯，清爽不膩口，喝起來讓人心曠神怡。接著，我們點了C餐才有的澳洲和牛M5牛肩卷和SRF美國黑牛後腿肉，兩者口感都非常嫩滑，入口即化，讓人忍不住一口接一口。也有限的4粒和牛牛丸，咸香彈勁十足！除了牛肉，台灣風福建燕餃和高麗菜水餃也相當好吃，餡料豐富，口感鮮美。如果喜歡海鮮，不妨點選甜海蝦和脆肉鯇魚片，新鮮的海鮮和魚肉讓人垂涎欲滴。如果喜歡口感有嚼勁的菜品，可以試試他們的私房鴨血（辣）和真豬小香腸，口感豐富，香氣四溢。而章魚珍珠漿和水蓮也很值得一試，口感清新，讓人回味無窮。有不少自家飲品及甜品，自家飲品無糖夠健康，味道也相當不錯，值得推薦！除此之外亦都點了台灣特色啤酒，強波酸啤酸酸甜甜非常好飲，同打邊爐好夾呢！

今日又去咗打邊爐，最鍾意食肥牛嘅我當然揀任食，一個價錢可以有好豐富嘅食物。預先book咗位唔使等。坐低用QR code落單。我哋揀咗極上和吃到飽套餐$328一位。最鍾意食M5牛肩卷、安格斯牛小扒，基本上啲肉淥一陣就可以食。多款唔同嘅牛肉，款款都好食😋牛肉味香濃，而且富有牛香。每位有兩粒和牛牛丸，呢一個真係超超超超好味！牛丸一咬開勁多汁，非常香濃。嗰浸牛香真係充斥着成個口😍😍😍除咗牛當然仲有好多唔同嘅火鍋配料都可以用QR code落單或者去自助去嗰度拎。我鍾意食佢嘅餐肉，因為預先已經炸左，然後再去打邊爐🍲好味😋另外油炸鬼即炸，所以非常之夠脆。擺落邊爐湯到淥一淥，脆脆地咁。另外章魚滑都好味🤤章魚味好香，少少彈牙。甜品方便有雪糕、有仙草凍。揀咗朱古力雪糕，係movenpick☺️正！

在藍田附近叫外賣，叫這間牛大人，想不到，沒法去現場吃過，竟然能夠外賣都吃到牛大人。湯底是蒜頭雞，蒜頭份量都不少，不過都是越煲越滾，越滾越耐之後才喝到有濃香的蒜頭和雞味。不過這些雞越滾越耐，當然就會變得乾鞋；反而，花雕醉雞的雞，放進湯之後不太吃到有酒香，但是雞件比較滑，至少是能夠入口的那種肉質。其他無論是豬肉定還是牛肉，我覺得都相當之普通，至少不是特別矜貴那種牛肉，只是外表比較好看，但質地只較像肥牛那款。另外還有鴨血，鴨血也是比較普通，不過外面帶點硬，內裏也有輕微辣味。另外，包裝還有醬料，有荵、辣椒、生蒜、炸蒜，生蒜的質地切到非常之幼細，味道亦都帶點嗆辣，和自己自家製的那種生蒜粒有過之而無不及。難免會有人講句，不用自己去買餸，在家看手機「禁」幾個制就可以有火鍋湯底、配料、以及其他調味料打個火鍋，二人餐都只是$500左右，其實都算是挺為方便的