牛大人台灣火鍋吃到飽 (銅鑼灣廣場二期)

营业中

休息中

其實食物質素都ok嘅，大致上中規中矩咁。但服務態度真係好差，令人唔會想再去。本身諗住天氣轉涼同朋友開開心心咁去打個邊爐，結果換來一肚氣，仲要比人急急腳趕走😤事源係咁嘅：佢係按入座/入單時間去計兩個鐘，咁但係呢張單嘅時間就比我哋真實入座時間早左差唔多10分鐘，但我同朋友都好肯定我哋絕對唔係佢所寫嘅時間入座，我哋嗰陣時仲喺街度過緊去。另外，安心出行都有曬紀錄，所以我哋絕對有理由可以反駁佢哋。佢哋一開頭已經不停催促我哋食快啲，仲要威脅我哋如果食唔切或者食唔晒啲嘢，就會額外計錢。咁都算，但佢哋不突止喺唔夠兩個鐘嘅時候已經屈我哋超時，仲要特登拎所謂嘅證據去同我哋嗌根據佢哋嘅紀錄我哋入座時間係嗰個鐘數。我哋都同佢哋解釋有可能係佢哋System出錯又或者一早入咗單，但佢哋依然好堅持咁樣趕我哋走。然後我哋都好無奈咁講話我哋都係食剩雪糕都唔爭在比我哋食埋去，更何況有證有據我哋的確未食夠兩個鐘🤕唔明點解要咁樣趕客走，搞到啲客食到咁倉猝，好唔自在。就算係要趕喺下輪客前清理枱面，就算依家牛大人有幾出名，都絕對唔會係用咁嘅服務態度對待客人囉😠用咁嘅價錢買成肚氣真係唔值，下次唔會再去！

天氣開始涼，又係頻頻打邊爐嘅季節，襯秋風起即刻約埋閨蜜一齊去牛大人食我哋最愛嘅台式火鍋❤️閨蜜話好想食封門柳同埋和牛牛丸，於是我地叫左極上和牛吃到飽套餐，同埋例牌嘅牛骨湯底我哋鍾意牛骨湯底係因為佢好夠味，而且亦都有輕微嘅辣，更加野味👍🏻極上和牛套餐嘅食材選擇當然多，尤其係我哋會狂色嘅牛肉，款色之多係最吸引到我哋叫呢個餐嘅原因，淨係食牛都物超所值啦！分別有美國SRF黑牛、澳洲M5和牛、封門柳、肥牛等等，頭三者係我哋嘅至愛，牛味濃之餘亦都好有口感。呢個餐亦都奉送和牛牛丸，每人兩粒大大粒，勁彈牙！除此之外，我哋仲叫左好多好多野食，其實menu 入面樣樣都想食想試，只係奈何個胃嘅容量有限，要試晒咁多款食材到真係要分幾次。墨汁漿同章魚漿個人因為好好食，每次都必叫，彈牙，加埋牛骨湯底，係一絕！另外我哋都叫咗韭菜餃、蛋餃、水蓮、魚皮、炸排骨、鯛魚etc, 我哋另外嘅至愛就係鴨血同埋海鮮，牛大人嘅鴨血喺眾多餐廳之中我覺得係最出眾，因為佢真係非常之軟滑多汁，出面食唔到。另外呢度啲先下都係新鮮大牙，又大隻，沙巴又係多肉無沙，洗得好乾淨，食得放心。出面任夾的蔬菜種類又多，我哋都食左唔少菜同菇，仲有水魷。今次我

上次食過牛大人火鍋放題相當唔錯，打邊爐發燒友約我再去牛大人銅鑼灣店，我地今次食極上和牛吃到飽套餐 ，價錢係$328/人，湯底一共有十種選擇，我地揀左唔辣嘅阿嬤養生湯鍋，湯頭清香又夠鮮味，配料有蟲草花、椰菜等，帶點輕微藥膳味道！太好味！🥩極上和牛套餐，包括有油脂均勻嘅澳洲M5和牛肩卷，肉質紥實香口！仲有軟身易人口嘅上腹牛五花肉味香濃、同埋最軟嫩嘅美國prime款款都好味! 🦐海鮮類🦐有魚片、海蝦同沙白😋沙白，海蝦新鮮爽口、蜆肉肥美肉厚 💛台灣直送丸類💛一向都鐘意食丸，真係好多選擇，今次食左麻辣丸、海膽丸，必食仲有花枝丸！🥟餃子🥟 高麗菜餃、台式蝦餃、蛋餃等，款款都好食！🍡台灣海鮮漿🍡鮮味十足，口感彈牙～推介！ 🧃台式飲品都唔馬虎，點了黑糖珍珠鮮奶！又香滑又好味！🍮今次食左西瓜士多啤梨味雪糕同埋台式仙草凍！太完美！牛大人台灣火鍋吃到飽 地 址📍：銅鑼灣駱克道463-483號銅鑼灣廣場二期5樓

凍凍地想打邊爐又懶得係屋企整咁麻煩，近近地去左銅鑼灣既牛大人食火鍋放題，今次揀左個最貴既澳洲和牛放題，每位再送和牛牛丸，湯底都有多款選擇，有辣有唔辣，我地就揀左個平時少食既酸菜鍋，估唔到用牛肉又幾夾眷村白玉酸菜鍋 古法自然醃漬發酵的酸菜，配以五花肉及蛤蜊等新鮮食材，湯頭酸而不嗆、口感溫和，還有濃濃的大骨湯味，每一口都吃得到豬肉的香與雞骨的甜，搭配酸菜微酸的口感，暖胃又舒心，叫得呢個酸菜鍋當然要叫返啲鯛魚片啦，來一個酸菜魚鍋吧，鯛魚片無細骨啖啖肉最適合我呢啲懶人食左咁豐富既火鍋放題一定要飲埋佢地既冷泡茶解膩，咁就唔怕好heavy啦銅鑼灣任食火鍋 必試酸菜鍋底

終於終於食到我期待已久嘅牛大人火鍋🍲，平時人山人海，好彩朋友預早book位，今晚終於試到。既然咁難得，梗係揀個最豐富嘅澳洲極上和牛套餐啦，食足120分鐘，正！🤩呢款套餐每位贈送澳洲M9和牛牛丸兩粒🍢，超級重牛味同好Juicy，仲有啲牛嘅選擇係呢個餐獨有，所以我都主打呢啲款式再encore。湯底方面揀咗台灣鳳梨雞鍋🍍🐣🍲，入面有原隻雞，苦瓜同鳳梨片，喺出邊較為少見到，味道都唔錯，可以一試。呢個套餐獨有嘅食品包括有：安格斯牛小排🥓、手切封門柳🥩、安格斯一口牛肉粒🐮、澳洲和牛M5牛肩卷、豬雪花肉片🐷等等。每一款牛肉都有佢獨特嘅口感同味道，所以爭少少錢揀呢個套餐真係好抵食，肥瘦均勻，入口即溶，基本上淥幾下就已經值得，非常高質。🥳除咗高質肉類之外，仲有好多出色嘅火鍋配料，包括有脆肉鯇魚腩🐠、台灣直送鯛魚片🐟、雲吞水餃🥟、手打魚滑等等，除咗喺電話落單嘅配料之外，出邊自助配料區，都有好多蔬菜🥬🥦丸類🍢選擇，多到根本冇辦法可以全部食得晒🤭食到最後，仲可以每人有一杯雪糕🍨或者仙草甜品🍮，係打完邊爐後最完美嘅作結。

今日黎到位於牛大人嘅銅鑼灣分店食飯，牛大人一向嘅食物都好高質，所以我定期都會去。牛大人嘅台式嘅食物依舊保持到質素，無論係熟食或者係肉類都好好味。熟食之中嘅鹽酥雞都幾正，外脆內軟，又多肉汁。佢地嘅牛肉我覺得係比其他打邊爐嘅店鋪更優質，牛肉味香濃，油脂比例又岩岩好，好好味。其他食物例如丸類等等都幾正，包括香芋貢丸等等，有肉味又有香芋食。最後個甜品都幾有特色，有椰香味，唔會太甜，仲有花生等等嘅配料。整體來講，牛大人嘅食物質素依然保持得好好，之後有機會嘅話都會再嚟。📍牛大人台灣火鍋吃到飽 (銅鑼灣廣場二期) (銅鑼灣)銅鑼灣駱克道463-483號銅鑼灣廣場二期5樓#牛大人 #銅鑼灣好去處 #hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodshare#hkfood#hkig#igfood#hkkol#fotd#hkfoodporn#amazing#相機食先#香

上星期和朋友到牛大人打邊爐，餐廳食物質素OK！當日有一位應該較高職級職員Jason服務有熱誠，有禮貌，對客戶嘅需要照顧得很周到，態度絕對值得嘉許，下次會再光顧！

是日同HONEY一早BOOK定牛大人，現在真的WALK IN都未必有位，證明真的仲KEEP住到人氣，同HONEY照都系叫左極上和牛吃到飽套餐，極上和牛吃到飽套餐今次加左個SRF美國黑牛後腿肉，真的好重牛味，大大塊真的好吸引，湯底都系食牛大人秘方麻辣鍋，牛大人秘方麻辣鍋加埋牛肉真的好好的配搭~LIKE埋FB就會有埋黑糖珍珠奶，食麻辣野，飲奶就可以保護好個胃飲品都系茶類比較正~~一人兩粒的和牛牛丸，真的好YUMMY~~牛肉都系KEEP住有水準，真台灣鯛魚片真台灣鯛魚片真的要食，啖啖魚肉又無咩骨~~台中仙草凍同埋H字頭的ICE CREAM，真的一個餐的GOOD ENDING 真的要BOOK位!唔系真的未必有得食~~

牛大人真係幾乎晚晚爆場，今次難得朋友BOOK到位，去到唔駛等太耐就有得入去坐。特別揀了極上和牛吃到飽，貪佢可以食多好幾款頂級靚牛肉，牛大人紅燒牛骨鍋湯底都渡錯，但如果牛骨味再濃點就更好。靚牛肉包括SRF美國黑牛後腿肉、澳洲和牛M5牛肩卷、手切封門柳、北海道十勝豚、安格斯牛小排、安格斯一口牛肉粒等，最好食的是手切封門柳，肉質嫩滑，牛味又濃。其他丸類菜式當中，最推薦的是澎湖花枝漿，入口真係粒粒花枝肉，唔好唔記得除咗手機點餐的餐單外，在店舖最埋面都有不少配料選擇，芋頭貢丸都係一定要食的丸類之一；至於海蝦同脆肉鯇魚腩都值得一食再食；其他台式小食如皮蛋豆腐、小香腸、豬血糕之類，淺淺輕嚐即可。基本上食材真的選擇頗多，不過來的份量太少，來一次只得兩塊，真的要不停拿著手機點餐，一邊食一邊點，其實可以多少少這樣就不用不停收碗，人客又食得舒服點啦。而且侍應提醒埋單的時候不太足，五分鐘前才告知，鍋裡的食物都未食完，明白人客太多，好想快點讓出檯來做下一輪生意，不過可以早少少提醒人客的。

之前到訪過旺角分店，今次嘗試到訪銅鑼灣分店。透過openrice預約12點半時段，六人同行，被告知只有一個鍋，不要緊。女接待員態度極度惡劣！「你們可以walk in分開兩張單是沒問題，不過我不會安排你們坐在隔離枱」。眼見當時有很多空位，請問你是故意為難還是真是你所說的公司policy?請問餐廳有心做生意嗎?多謝你這位女同事的招待我也不會再到訪此集團旗下餐廳可能你也不會稀罕我的來臨。難怪這間餐廳星期日都這麼容易可以在openrice預訂任何時段。

難得約到朋友食飯，就梗係要食好啲啦。上個星期同朋友一齊食牛大人，揀咗個最貴嘅澳洲極上和牛餐。而湯底亦都揀咗清清地嘅養生濃湯鍋，一開始飲碗湯都仲得！仲有得飲黑糖珍珠奶茶，完全係滿足晒我嘅願望🤣牛肉方面個人覺得安格斯牛小排可以食多幾碟！牛肉質素方面呢度一定有所保證，蟹籽墨汁漿我自己都食咗兩條有多🤣平時打邊爐都好少有機會食到除咗手機落單之外，出面亦都有唔同嘅飲品同食材可以揀。而佢哋嘅招牌自製飲品，非常之解渴！食到最尾仲有一款甜品可以揀，而我就揀咗佢哋嘅是日甜品竟然係西瓜配士多啤梨味嘅Häagen-Dazs🤣

知道牛大人好難book位，所以幾乎提前一星期就book定因為此店晚晚爆場，walkin唔知要等幾耐七點去到已經檯檯都坐滿幸好檯與檯之間走廊通道都寬闊，所以都算坐得舒服我跟朋友揀了極上和牛吃到飽湯底就要了牛大人紅燒牛骨鍋喜歡它熱量低又含豐富蛋白質嘛跟餐會先送一份澳洲M９和牛牛丸食入口真的跟一般牛丸不同彈力十足之餘，丸中鎖住香濃肉汁及和牛油香難怪只能送，不能任點任食，罕有矜貴嘛首先要食的當然是靚牛肉啦一口氣點了SRF美國黑牛後腿肉、北海道十勝豚、安格斯牛小排、安格斯一口牛肉粒、澳洲和牛M5牛肩卷、手切封門柳每樣都想試一下，好食的就再Encore其實款款都好食，幾乎每款都再點了三四次不過個人喜好最好食的是手切封門柳肉質好鬆軟，牛肉味又濃郁，油花較少SRF美國黑牛後腿肉及澳洲和牛M5牛肩卷同樣脂肪平均又夠肉汁，味香肉嫩另外北海道十勝豚亦都好好食通常豬肉會較韌及鞋口，但呢款油脂分佈平均肉質幼嫩入口Juicy有點似雞肉嫩滑至於漿丸類就點了較特別的幾款手打旗魚漿、真味牛肉漿及澎湖花枝漿最好食的是花枝，真係咬落口充滿粒粒花枝肉海鮮類選擇不是太多，鮮甜海蝦好大隻沙白亦都好新鮮而脆肉鯇魚腩及脆肉鯇魚片對比

已食過幾次的牛大人，水準係真係keep到！因為2點幾左右去食，唔洗排隊！仲要位置都好多🥹太感動！因為牛大人長期都要排隊😂唔知係咪啲人去晒旅行呢？🤣🤣嘢飲選擇都好多！上菜速度都好快！不過第一次試呢一個酸辣蕃茄湯😂一開始都覺得有啲奇怪！食食下都ok!

第一次食評。一路好想食牛大人，今日一試覺得好一般，用餐90分鐘，當60分鐘時就已經只可last order.只有牛嘅質素尚可，其他配料超一般，甚至乎係差。食物種類少，連甜品雪條都冇枝。食到一肚氣，冇下次

開始入秋，又到了火鍋的季節！這間人氣火鍋店大家一定不會陌生～入座每位即送台式黑糖珍珠奶茶！如果似我一樣不喜歡甜飲的，可只輕輕搖幾下，味道就不會過甜～ 而入座同時送的澳洲M5和牛丸口感彈牙，牛味香濃🤤肉類方面推介手切封門柳，味道新鮮而且嫩滑；豬雪花肉片及花雕酒雞件同樣不錯🙌🏻 另一推介是爽滑豬肉漿，滑滑的口感特別美味！豬紅口感嫩滑，不會吃到腥味～自助吧亦有不同菜類，如生菜、粟米、芋絲、菇類等，更有不同麵類選擇，可惜飽到食不落麵🤣 但甜品又是另一個胃！每位一杯Movenpick，完美的完結晚餐～