牛太郎 (已結業)

No beef no life 係唔少人既人生格言，每隔一段時間都會有大大啖食牛肉既衝動！如果你都係牛魔王咁呢間牛太郎就絕對岩晒你，叫一份300g既肉絕對係食到超級滿足😋😋😋咁呢度地方都幾大通風唔錯，有幾款唔同既牛肉選擇道道都用石板上，廚房本身應該幫你燒好左大約20%熟，再自己鐘意燒幾熟都得好方便今次就試左澳洲牛肩同牛肩脊肉，300g真係超超大舊😆😆😆個人覺得兩款都好香牛味爆多肉汁，自己就鐘意澳洲牛好似牛味再香啲，但兩款都好正呢度仲湯沙律飯任飲任食，呢期仲有特價，真心好抵食

今日同媽咪去左旺角行街街咁一定要醫左肚先有體力啦咁我地就去咗食「牛太郎」係登打士街附近架炸好易搵到啦每期都有唔同優惠 大家黎到睇下撞正有咩優惠啦咁我地就簡左 澳洲肉眼300g 同埋秘製牛筋腩金錢肚飯因為嗌左石燒系列 可以湯品·麵飯·沙律任食野食未黎之前就整定個沙律食住先 開胃d呀嘛佢醬汁都好齊 有咩需要都幫到你黎到不斷傳出 咋喳聲 👂🏻喳！喳！喳！喳！喳！喳！喳！喳！好細心用吸油紙隔住唔怕比油彈到上鐵板時其實係一成熟 可以自己選擇幾成熟 切細細粒咁食因為冇特別多既調味 可以食到本身牛既味道嘩連碟飯都大大兜好足料呀

今日一早就肚餓唸食咩好，跟住上網搵到80元有180克牛肩肉，最重點前菜同白飯任，味噌湯任飲。滿心期待12:00 去到仲未開門，行左一圈都未開，咁就入去問下職員，原來開 12:30，下次再去就知道不用太早到。每期優惠有，原價$120元 300克牛肩肉，今日98元就有，比多18元就多一倍份量，咁就唸都唔唸就點這個餐啦。有得多不同醬料，牛油，生蒜蓉等。 沙律加上千島醬及芝麻醬，很好吃，又開胃。牛肩肉眼份量十足，好淋，超有肉汁，用牛油同蒜蓉煎一煎就很可口美味。石燒最岩我，我比較愛吃生牛扒，兩三成就最合我心意。白飯也很好吃，又任食，加醬油，或蒜蓉味噌湯，做湯飯也很不錯。最後只有一樣不太好的，在日本吃餐每枱都有一壺冰水，這餐廳基本上沒有水供應，問了服務員都只拿熱到要命的水，如果能改進就更好了。

這一陣子香港開了不少牛扒館....呢間係個日行旺角個陣搵野食見到新開....見佢門口有做特價，所以入去試下!!坐但見人唔算多，環境都幾大!最後叫左牛扒同雞扒~但係食扒之前當然要食下任食既野先!!有椰菜沙律、泡菜、木耳、青瓜....味道係幾好食既!!都食左幾碟....之後就上主菜~牛扒係幾好食既.....有牛味...唔會太柴....但係雞扒就一般...一般唔係佢唔好食...而係真係太生.......塊野出黎切開真係好似全生咁...雖然塊石係熱....但真係燒唔曬生塊雞扒..到後面食都真係仲半生.....夾硬食曬....下次真係要食雞扒可以同佢講叫佢煮熟小小先拿出黎會好的......

同朋友去旺角食最近紅爆既日式燒牛，好新鮮既體驗！去到旺角呢間牛太郎係食石燒牛，最近熱爆食法！有自助位任添飯，沙律、牛湯。其實佢都仲有好多嘢可以燒，牛脷、鯖魚，豬同雞都有，不過最主打既係牛。牛有牛肩肉眼、澳洲肉眼、西冷牛柳，和牛，每款都可以揀大中細，最大份400克，中size 300克如果想好似食板餐咁，唔食飯中size都夠曬飽！我同朋友揀咗一份300克西冷，一份300克牛柳。塊石板上枱自己燒，感覺好刺激，自己變左大廚咁。肉本身好厚身好多汁！塊板熱度好高，好驚食得慢的話牛會太熟，成個過程就係快快手切一塊，立即熟完四邊就放入口！幾成熟由自己決定，牛夠嫩口又香濃，自己揀。西冷肉汁豐富，餐廳挑選嘅扒都十分高質，大大嚿，食肉獸志愛！

白色情人節要撐枱腳鋸個扒是常識吧？唔知由幾時開始愛上左食熱石牛扒可能因為性價比真係好高😍又可以依自己喜好 要幾多成熟都得👍🏻🍴所有套餐價錢已經包括任食沙律吧、湯同飯.🥗有沙律、韮菜、勝瓜、雞髀菇可以夾可以就咁食 亦可以放上熱石度燒黎食🤩湯係日式牛肉湯 飲落陣陣蕃茄味 仲好足料👦🏻飲左4碗 實在太鐘意🤪🍚值得一提既係白飯係珍珠飯啊‼️即刻食多幾碗～.1️⃣澳洲牛肉眼 300g $98 (👧🏻)⚠️留意返呢個係promotion既價錢 原價要$140店內提供牛油🧈 加埋一齊燒會令肉質再滑啲🤤有彈性 有筋 可能難咬少少 但口感幾好❌唔好既係佢本身有啲大舊同厚身 食到最後有少少韌2️⃣牛柳 200g $120 (👦🏻)好嫩好juicy 個底放耐咗都唔會太硬食唔到👧🏻食左幾舊都表示好腍好好食😋.好味指數：🌕🌕🌕🌗🌑窮遊指數：🌕🌕🌕🌕🌑性價比：🌕🌕🌕🌕🌖回頭指數：🌕🌕🌕🌕🌑

有一日同幾個食肉獸朋友經過旺角搵咗呢間牛太郎食lunch😆 一坐低睇Menu當然就係嗌肉啦！店舖好細心每一款肉都分唔同gram數選擇。因為在場有食肉獸係到，所以我地嗌左最大gram數既肉肉係用鐵板上嘅，因為佢仲係好熱好滾，驚啲油彈到周圍都係，待應用紙巾cum住，有種好高級嘅感覺肉質唔錯，呢個價錢食到咁大塊肉性價比真係好高！另外值得一讚嘅係，佢有自助區，有白飯、味噌湯、沙律同埋嘢飲任斟，非常抵食！食完一個字講哂: 飽！滿足😆😆😆

上星期去了朋友所介紹既牛太郎食石板牛，由於是她大力推介，所以就決定光顧一下呢！西冷(400g)：我們選了最大的份量可供我們二人分享；餐廳既石板牛會預先燒至一成熟，之後由客人自行控制熟度。西冷既肉質帶少少林口既口感，當中滲出肉汁，牛香味足夠；可配合餐廳所提供既調味可提供當大既肉鮮味啊～澳洲牛肉眼(400g)：我們同樣選了最大的份量，牛肉眼既肉質較彈牙，冇西冷甘林口，較少少實肉。同樣地，牛肉眼一樣不時滲出肉汁，吾會乾身。另外，餐廳提供了小食，沙律，冷麵等等讓客人自助形式來食用；而飲品方面就有檸檬水，這正正可減低油份呢～

行街行到旺角女人街尾，挑剔朋友說明要揾有特色的食店，上網睇睇，新開有間《牛太郎》，這間日式石板燒牛肉餐廳看似不錯也抵吃。形式似吃西餐鋸扒，各人點選自己喜歡的牛肉，包括有牛柳、西冷、牛肩肉眼及和牛等等，因應自己嘅食量選擇重量，價錢非常相宜，除了牛肉，也有黑毛豬腩、鯖魚、雞扒、牛舌等。出面自助區的餐湯、白飯及冷麵任吃， 石板燒蔬菜可選翠玉瓜片、雞髀菇片及韭菜。今天是羅宋湯，熱辣辣 ，先來一碗酸咪咪，十分醒胃。肉類配飯加紫菜很合適。冷麵加點燒汁及牛油放上石板熱一會，是另一款吃法。火山石板熱力好夠，牛肉生熟程度由客人自己控制，要食生一點的就要趁快，我個人比較喜歡熟一點，可以慢慢享受。食店好細心，雖然客人會有圍裙，上菜時會有張紙放於牛扒上，避免熱油彈到客人。牛肩肉眼~ 鮮嫩粉紅色，可以食到生一點的朋友就要趁快，牛肉味香。澳洲牛肉眼~ 又是另一種感覺，牛肉味偏濃。牛柳~ 肉的質感比較淋，容易咬開。西冷~ 較有口感，會有少少筋位。黑毛豬肉腩~ 豬果然係豬，腩肉的脂肪含量那麼高，烤香的氣味令人垂涎欲滴，腩位爽口，好適合配飯。鯖魚~ 兩大條份量確實多，基本上已經是熟的，放上石板燒熱一點便可以了。薑汁、牛

🐂旺角 $98抵食300g 石燒澳洲牛肉眼🐂有人話過食石燒牛是一件好廢同唔識食的事情，只要一塊熱石板將牛肉煎熟就得，但我又唔係咁睇，因為牛肉生熟程度完全係由我話是，去牛扒屋食都未必燒到自己燒的咁啱心水🐂有見及此所以個人都幾鐘意食石燒牛，剛好經過見到位於女人街內的一間石燒專門店，最平雞扒$45起，白飯湯沙律湯配菜任裝，一定夠飽又夠抵食🐂澳洲牛肉眼300g $98,不用加一，包湯，沙律，配菜，白飯任食（每期優惠1/3-15/3 )🐂300g 呢個份量真係唔細，平時呢個份量都要百五蚊起跳，唔好笑我咁大食，因為牛扒黎講300g 份量先夠滿足，上檯時只有一成熟，切開紅紅的，用上石板烤熟，加入黑椒及玫瑰鹽，煎至全熟都不會太鞋，一口一口啖啖肉食曬🐂呢到的白飯，湯，沙律，配菜都是自取任食的，湯今日的是羅宋湯，比較淡而酸好一般，椰菜沙律切定已放到乾乾地，白飯可以加紫菜增加香氣，配菜是雞脾菇，翠肉瓜可以放在可板煎熟🐂石燒牛普遍問題都是石板太細熱力不夠，需要中間麻煩店員更換，但呢間的石板size 比較大，可以一次將300g 牛肉及配菜完全煎熟都不用換板，方便店員都方便到客人，平平

牛太郎呢個名好早已經聽過，今日適逢行過旺角，見到佢呢個餐牌咁吸引，就直入去試一試。 入到去發現都幾多選擇㗎喎。不過我哋當然食佢最抵食嘅，澳洲牛肉眼扒300g， 同埋西冷扒都係300g. 你唔好睇小依300g ,其實加埋佢免費嘅蔬菜，白飯，冷麵，已經好夠食。 啲蔬菜白飯醬料同埋牛腩湯都係任食嘅，唔夠飽嘅，可以攞多少少。 個牛腩湯清清地，夠曬暖胃， 喺食扒前可以，先飲一碗解濟。 呢份主菜梗係絕不欺場。厚切西冷扒大大件端上，石板上嘅時候仲熱辣沸騰，啲滾油彈到都差啲切唔到呀。 師父會將佢燒至一成熟然後自己慢慢加熱到喜愛嘅熟度。西冷扒肉質軟淋，牛肉味香濃， 亦有充足嘅油脂感。加埋鹽，蒜蓉，牛油等等嘅配料一齊食， 有唔同嘅口感風味。 同樣地98蚊嘅澳洲肉眼 ，大大份，男人嚟講一定夠食。 肉質有別於西冷，肉眼扒肉質較為散碎 更有口感咬勁， 味道依舊濃郁，但就冇咁多油脂，咁抵食去邊度搵。

現在外出吃飯的人不多，是一個機會讓我和男友不用排隊來吃石燒牛！夜晚很早就到了牛太郎，暫時沒甚麼人。這家牛太郎還有代表自己的娃娃~座位寬闊不會逼，吃石燒都不怕鄰枱的油彈過來。不同種類的牛扒當然是這裡的主打，不過不吃牛的朋友也有其他選擇，各適其適。白飯、湯、沙律和菜就以放題形式供應。多款配菜及醬汁自助可取。他們的蔬菜湯很有驚喜，酸酸甜甜的好開胃，菜也燉得香軟，我喝了兩碗呢！白飯還能加紫菜，不會dry~我和男友都是牛魔王，所以選了兩款牛，分別是牛肩肉眼和牛柳各300克。牛柳是超厚的啦！看這份量十足，絕不欺場。只有簡單撒過蒜片，外層灼熟了就以加熱的石板上菜，滋滋作響。所以切開後仍是生的，切片用石板的熱力自行調整熟成度，個人建議加點鹽會更出色。牛柳的肉質很嫩，易咬又不多筋，啖啖肉又充滿肉汁，好奢侈的感覺！另一款牛肩肉眼均勻的厚度比較易控制熟度。這種牛扒的特點是牛味突出，肉帶點筋度有咬勁，卻不黏牙那種。同是牛肉，卻跟牛柳不同呢！邊切邊灼邊吃，其實都頗忙的。要是石板不熱了，讓店員幫忙換就可以啦！百多元有如此水準，抵食啊

某天晚上同朋友去女人街附近閒逛，突然好肚餓去左一間叫牛太郎既牛扒餐廳，未入門口已經好貼心甘有消毒洗手液裝置供客人使用，我地坐低左之後職員推介我地食牛柳，肉質鮮辣，比較淋身，牛柳會燒至一成熟，之後客人可以按自己喜歡的熟度放石燒上煮，另外仲叫左一款西冷牛扒，肉味較濃，口感煙韌，西冷脂肪比較多，比較肥美，呢度仲有個自助吧，有燒既翠肉瓜同雞脾菇，仲有檸檬水，羅宋湯，飯同埋沙律，最特別既係有淮山麵，加埋千島醬，芝麻醬等等既醬汁混埋一齊食，好健康。自助吧全部都係任食嫁，如果石燒板唔夠熱仲可以叫職員幫忙換新既石板。

今日約咗朋友食飯， 行經平日人來人往嘅女人街（通菜街）， 現在人流比較少， 可以唔使太匆忙慢慢行，發覺原來平時被檔口遮住嘅地舖有唔少嘅餐廳， 間間都好似幾有特色。行到去近油麻地嗰邊， 個friend就畀 一間專門食石板燒牛肉餐廳吸引著， 而對價錢比較敏感嘅我則因為看見餐牌價錢 而停下腳步～ 一客最少有成百幾g嘅石燒牛肉價錢都不過 一百蚊鬆啲， 其他扒類有雞， 黑毛豬腩肉或鲭魚都只係六，七十， 仲要包括前菜， 湯，飯任食。完全唔需要考慮推咗個friend入去～當然格局就唔可以要求氣氛， 不過簡簡單單乾淨企理 已經非常ok。更有圍裙圍裙提供畀顧客， 唔使煎肉嘅時候啲油濺到， 非常貼心。去前菜，調味料區望吓先。有蒜蓉，牛油和各式醬油，燒汁。 前菜只有一款冷麵， 雖然很幼細乾身， 但好明顯是中式生麵而且比較硬， 加了麻醬都搞唔掂。其餘還有翠玉瓜，韭菜 ，菇片等等可以放上石板燒。白飯也是自取，仲可以加添紫菜碎， 唔怕唔夠飽～湯品有羅宋湯。。 以為會有味噌湯。。 ok嘅微微酸唔係好多料～研究完出面嘅配菜， 主角終於出場！牛肩肉眼 $80/180g选了 basic重量，竟比預期中夠份量！熱石極高溫已

自上年開始香港食店突然興起一股石燒牛熱潮大家對自助點餐機、美味牛扒任揀以及配菜、白飯、麵豉湯任食這個新配搭極為受落自己以前都曾經食過兩三間,但位置偏遠店舖空間又窄今次來到通菜街的這間牛太郎就真係值得一讚了首先店內空間夠寬敞,餐桌之間不會靠得太近檯的空間亦夠大,這點很重要因為除了放石板,又要放飲料湯碗及飯碗動作大一點也不怕撞親隔離檯的食客這裡除了有牛肩肉眼、澳洲牛肉眼、西冷、牛柳可供選擇外仲有牛脷、鯖魚、豬肉同雞肉不過我們當然還是選擇了食牛,各點了份西冷及牛柳300g在等待期待就先食配菜如沙律菜及湯等椰菜爽脆解膩,選日式醬汁或沙律醬食就更開胃而這店的麵豉湯超級好飲,好清甜,無味精亦無油我幾乎飲了兩大碗湯, 連他們免費任飲的檸檬水也沒喝過,哈侍應好快就捧來熱辣辣的石板到來肉扒上面還貼心蓋了張紙巾防止油花四濺由於上扒的時候廚師只會煮大約一成熟所以切開的時候還會看到有點血水之後大家可以因應自己喜歡食生一點還是熟一點來煎因為石板非常熱的關係除了要小心自己的手外,也要記得時不時反轉塊扒以免煎到燶了西冷牛扒好厚身好多汁,牛脂香濃如果能煎到外層乾身脆口,裡面肉軟嫩滑就最perfect了牛柳肉質實小小,