牛奶冰室 (順福糧倉)

营业中

休息中

牛奶冰室嘅早餐好抵食🤝🏻不過好唔好食就見仁見智啦😂😂今次同小朋友兩個人食一個蕃茄碎牛福麵，早餐包飲品再加新出嘅芝士拉絲菠蘿包$22，埋單都係$70有找！元朗區內都算平。講吓拉絲菠蘿包先，可以揀凍或熱上，唔係好明凍食係點拉絲😂穩陣啲揀返熱嘅，芝士係鹹+菠蘿包係甜😳感覺有啲奇怪，不過一試無妨😃但係佢個蕃茄肉醬福面就好一般，可能食唔慣福面比較生同硬😢又食唔到啲肉碎。。。蕃茄味都唔係好夠，係勝在早餐包埋飲品、多士同炒蛋，價錢唔貴，不過質素一般。一坐低除咗有職員俾QR code落單，之後基本上冇乜人理你🥲想搵洗手液或者濕紙巾抹手都冇，服務有待改善，要去廁所又要出返門口轉入商場，都幾唔就腳。

第二次來到順福糧倉店，入座時安排到了一個二人位。但入座後發現座位旁是雪櫃旁邊，發出的熱力會有點燙的狀態，跟店員反應後也沒有理會… 之後再坐一會後，實在太熱所以要求調位。但職員就面露不悅(明明店內還有很多空位) 。 而且本身那個在雪櫃旁的地方就不應設有位置？然後點餐時叫了常餐，見選蛋類時需要選擇熟蛋或生蛋，便選了熟蛋 (其實我們是想要跟餐的炒滑蛋).. 結果上餐時原來是煎蛋🥲🥲🥲 原來要炒滑蛋是不要選擇仼何一個選項才對…

一個56 加凍野飲3鮮牛通咁普通既常餐 都可以咁qx難食通粉發到至漲牛油多士 可以係生。。。焗一陣都得呱，晒1分鐘都好， 咁難架咩。。而家d冰室真鬼求其。。奶茶凍檸茶都可以難飲，老到呢！

早餐五香肉丁伊麵～加煎雙蛋蒜蓉牛油多士凍奶茶總共$45五香肉丁份量多肉粒大～有咬口我煎嘅係雙蛋熟蛋黃～食落去竟然好滑好腍～正蒜蓉牛油多士～都濃味多士都脆口熱辣辣凍奶茶飲落口好滑～茶味都適中唔太潔唔太濃

📍牛奶冰室大C妹同媽媽食Tea 又未食過呢間仲見不停有人排隊 諗住試試佢 點知一試難忘我食到懷疑人生 排隊等入離食嘅人源源不絕🧐🤨被安排坐喺最近門口嘅位 呢個位根本唔應該比人坐大門長期開閂 熱風不斷湧入 冷氣又吹唔到全程汗蒸住食嘢🙃🙃🙃香煎雞扒蔥油撈麵💰43其實點樣嘅認知先會當啲雞粒/雞丁係雞扒🫠雞肉好重味 又乾又嚡 同比我隻貓啲脫水雞肉有得fight蔥油冇蔥油香 麵又凍又淋🤢🥴🥴鹽酥雞滷肉飯💰55呢個係咁多樣入面叫正常鹽酥雞岩岩炸起 不過都係好重味 個味似好cheap嘅鹽酥雞咁😵‍💫滷肉汁肉碎都比得多 但都係好重味😅🫠😵‍💫五香雞翼(3隻)💰+11我食左1隻 攞走見有鑊燶我仲問媽媽點解留隻燶嘅比我點知媽媽話呢隻係最少燶㗎喇🥹🥹🥹凍奶茶💰+3甜到痴線又冇茶味😶🫠🥴———————ᶘ ᵒᴥᵒᶅ—————————📍 牛奶冰室🏠 元朗壽富街60號順福糧倉地下G26-G27號舖📆 星期一至日 07:00-21:00

食晏時間門口要攞飛等位，我一個人，等咗大約20分鐘，見到侍應安排入坐都會優先選擇兩位以上嘅客人Number飛仔，最後叫剩一位嘅客人，先至安排獨個嘅客人入座。。。無奈！選擇全日餐，瑞士雞翼撈公仔麵，配煎雙蛋反蛋，蒜蓉多士。單獨講瑞士雞翼係好味嘅(5/5分)但係個公仔麵底就真係唔好食(1/5分)煎雙蛋反蛋，嚟到變咗好似炒蛋咁😣打上面有啲啡色嘅汁，好似係豉油，但係又冇味😔煮得太熟(2/5分)，飲品叫咗熱檸水，冇新鮮檸檬，只係用精製檸檬汁加熱水🥴整體評分麻麻哋。

咁啱同朋友即興想食下午茶，來到順福糧倉，見呢間冰室有人排隊，覺得應該有好嘢食，結果等咗5分鐘就有位啦！點咗呢個非常邪惡嘅雪糕黑糖西多士，賣相比想像中靚，舊雪糕好大個，西多士本身已經冇得輸，加埋雪糕一定無敵好食！但個人覺得西多士係襯黃糖漿好食啲⋯⋯但補充番，黑糖都好食嘅😊特別一提，佢嘅飲品可以有好多加配選項，我呢個凍華田竟然可以少冰，走甜，濃啲，呢個效果真係冇得輸！好耐冇飲過咁濃郁嘅華田，拎出嚟明顯見到上面落咗好多奶，好滿足！

牛奶冰室自從去年底吃過之後，我們幾乎每週都去一次堂食或叫外賣。它的香蔥雞扒是我吃過最好吃的雞扒飯，雞扒不知道是什麼方法煮的，每次吃都覺得很嫩（雖然有時候邊邊有點像烤焦了），勁多蔥油配著香甜綿軟的白米飯，讓我覺得沒有菜都能吃上一碗白米飯。香蔥豬扒則比雞扒略為遜色，所以這個倒不是每次必點。酸菜魚的魚片雖然比較厚，有時略有點腥味，但總體而言還比較嫩，而且分量足，有萵筍、菇、大豆芽菜等配菜，69元感覺性價比挺高，所以我們也常點這個菜。另外，紅豆雪糕牛奶非常好喝，不像焦糖紅豆牛乳那麼甜。其他的菠蘿包和蛋撻也吃過，總體感覺還不錯。

早幾日去咗yoho mall 新開嗰間分店試食，覺得晚餐多選擇，都幾好食。是日帶老公去尼間分店晚餐，之前食過下午茶餐，雞扒撈丁，已覺圖不符實，比咗付評。今晚比多次機會佢，再會一會佢晚餐，點知又中伏，老公叫咗個鐵板雞扒餐，都可以接受；我就食瑞士汁雞翼撈公仔麵餐，啲麵完全係無味道，以為自己味覺有問題，叫老公試吓，佢都問我點解無味？我從未食過如此難食既瑞士汁撈麵，啲蔥完全係生既放上面，唔覺係蔥油囉，簡直係難食極品，多士就遲遲未到，催單2次先至送到，無辦法唔比付評佢，唔會再有下次🤮🤮🤮

區區都有牛奶冰室，終於開返一間喺元朗市中心，估唔到平日早餐時間已經要等位，五香肉丁麵五香肉丁好香同平時嘅其他餐廳五香肉丁唔同，會好辣， 份量多， 好味。麵底軟硬剛剛好。$3一杯凍奶茶QR code落單可以自由選擇多冰、少冰、少甜、走甜、茶底香濃程度。喺早餐$40樓下好食好抵，下次會再嚟

蒜香蜜汁腩叉蔥油飯$60得2嚿正常腩叉，3小嚿好似斬靜嘅餸尾，仲有一嚿大肥膏🫠承惠$60價錢上已經好唔合理😰味道有蜜汁味，但腩叉好柴，蔥段又好大嚿試過一次唔會再試，仲話係必食推介😬

話說小弟犯左個好大既錯 如果等咁耐都仲未到就直接走人唔等算了 而唔係黑曬面不停等🙇‍♂️🙇‍♂️小弟1:10等位 1:30落單叫左一個香蔥豬扒飯 咁諗住是但食個飯就算數等左半個鐘都仲未到 我諗住吹佢點解仲未到 我忍不住追單 追左4次先同我講漏單 態度已經好差結果等左55分鐘先比到我食 個餐已經要$58 不包括飲品至於味道方面 坦白講 同茶餐廳完全係一模一樣 搵唔到佢呢個價錢既原因不過都要讚小小既 佢啲蔥相信多啲啲 加普通煎豬扒配啲汁都入味 但啲飯真係好難食 似完全唔知食左咩Overall 極度不推薦呢間餐廳 雖然我等左近1個鐘 但其實其他人平均都等好耐 唔知佢係咪即整即食 而味道方面同普通餐廳一樣 搵唔到值得去既原因

見佢新開張 諗住同朋友食個快飯試下佢晚市，到達餐廳嘅時候係夜晚八點三，餐廳門口寫明係收9:30，但係已經封起咗一半嘅座位拖緊地 好似準備收工咁樣，所以我哋都坐得比較迫夾。後來因為越來越多人入嚟食晚餐，佢又開放返嗰啲座位⋯⋯食物嘅種類唔算好多，可能都係一個系列嘅咖喱飯 蔥油飯，有豬雞牛俾你揀 但比起一般嘅茶餐廳算係好少選擇。我叫咗一個果香咕嚕肉飯，上枱嘅時候已經覺得普普通通，成個碟頭飯咁樣。我期望咕嚕肉會有少少菠蘿，但係一舊都冇，不過餐單設計係咁樣都冇辦法。可惜佢嘅味道都係非常之差，醬汁係勁酸，食到後來個口有少少灼痛嘅感覺，最慘係佢將咕嚕肉直接倒係飯上面，連飯都酸埋😞 咕嚕肉嘅份量都好少，有啲時候淨係食到炸皮，肉粒切得好細，炸完之後又乾又硬，係我一生人食過最難食嘅咕嚕肉。見到隔籬枱嘅咖喱牛腩飯 賣相同樣衝擊，我覺得我哋兩個飯夾埋先至可以成為一個兩餸飯，但係佢嘅價錢就比一般嘅貴好多👎🏻 以後都唔會再嚟食飯

坐位迫都不特只, 服務態度十分差, 反映問題時顯得十分冇禮貌, 唔承認跟錯單, 還要反駁, 叫客人自己看清楚落單內容. 其實跟錯單本應問題不大, 但回應時的態度差才是問題所在

與HQ路過此店數次, 是被那拉絲波蘿包吸引去試此店；那$20價格讓我成功抗拒嘗鮮. 今天周末與HQ路過見大羣人在輪候, 我們也就排除排隊恐懼, 去拿輪候票. 但負責派位的女Crew(她T shirt是印這樣的字）, 卻把簡單的程序複雜化. 冰室門外就放著一部自助派票機. 相信絕大部份的港人都習慣叫號過了的處理方法：一是取銷, 一是看排隊情況, 先處理按輪候號碼, 先分配給正在叫的號碼. 但此位Crew姐卻把已過的號碼（ 已叫了一段時間的）先入. 更有甚者, Crew姐居然連按幾個號碼, 有客户問理由. Crew姐說是看看那個號碼在！若Crew姐記憶強的話, 都可以. Problem isCrew姐有的是goldfish的記憶. 超按的號碼沒撤回, 結果是等候號碼早到的不入而是入後來的. 我們和另外一組客一樣都是給Crew姐這一個行徑, 讓心中的不滿, 立馬溢於言表😠對此Crew姐不是致歉而是叫客户稍安無噪🤔Crew姐咁都得？ 把自己過失說成人家暴燥？ 食物其實可以啦, 但並非有驚喜, 再加上Crew姐的處理, 這行絕非一個愉悅體驗, 但HQ和我應該不會再來. 寄語牛冰認真檢查你們的輪候