牛市 (已易手)

新開了2個月，今天就來食甚麼牛市☺️，原來主打食牛,而且特別煮法令我感到有驚喜🤗「特式牛腩濃湯拉麵」牛腩配拉麵我第一次食，湯底濃厚牛味，而且加了黑蒜，牛肋條部份爽口，而且易入口👍🏻👍🏻「咖哩牛腩河」咖哩有馬拉風味，好香咖喱而且帶有椰香，配上河粉，另有特別風味👍🏻😍😍另外叫了 「五香牛𦟌」冷盤，爽口👍🏻仲叫了2款自家制飲品 「洛神花雪梨茶」「金羅漢果花旗參茶」這個天氣飲杯熱飲，暖在被心頭🥰👍🏻👍🏻備註：店主好nice，詢問食物如何？而且介紹店內食品都是每朝新鮮烹調👍🏻👍🏻會再來食呀🥰

鋪面唔大，只設三張枱，容納12人，疫情期間更只坐六人，店員服務親切。✨食物80分，服務80分，環境75分。.🔸咖喱牛腩飯($68)可選河粉米粉都得，不過個人好喜歡咖喱汁撈飯。咖喱好香，夠味，少少辣，有椰香，非常惹味。內有牛筋，牛腩，蘿蔔，薯仔，全部好稔，又好入味，牛味都好濃郁。如果再俾多啲飯我都食得到，好想撈晒佢啲汁嚟食。.🔸特色牛腩濃湯拉麵($60)好特別，好fusion，有創意，平時食開牛腩河/麵，配拉麵真係未試過！湯底十分濃郁，厚身而不油膩，沒有味精。拉麵軟硬剛剛好，個人喜歡比較硬身，牛腩嫩滑，同樣口落好軟稔，牛味濃。.🔸洛神花雪梨茶(跟餐$10)酸酸地，好啱食完濃味野飲，好清爽。.🔸金羅漢果花旗蔘茶(跟餐$17)飲落甘甜充滿整個口腔，清熱潤肺，好養生。

今日同朋友一齊去灣仔，知道新開左間專食牛嘅小店，就係英皇集團中心嘅地舖，入口喺皇后大道東雖然店面細細，不過裝修雅致，燈光光猛，採用開放式廚房，一目了然，夠晒乾淨😊一定啱晒我呢個超鍾意食香港野嘅朋友😋牛坑腩好出名👍我哋叫咗✨牛骨濃湯坑腩～湯頭清甜，明顯係冇落味精！坑腩係牛腩嘅部位，肥瘦適中，師傅切得好細心，條條差不多大小，食完仲想叫多碟淨食添😁呢度嘅獨門✨馬泰咖喱牛腩炆得非常之入味，椰汁味香濃，有一陣馬來西亞嘅香葉味，而且夠淋，睇得係廚師心機之作👍另外跟餐可以加十幾蚊，就有佢嘅自家製飲品，我哋要咗洛神花雪梨茶和金羅漢果花旗蔘茶，唔會太甜，好健康！老細仲好好服務，好熱情咁介紹菜式添👍☺️☺️CP值好高呀！

抗疫期間，喺屋企自己煮飯真係煮到好悶，喺OpenRice見到有間新嘅牛腩粉新開，身為金舌頭我當然要去試一試啦。今次嗌咗個牛坑腩河，牛坑腩好有驚喜，湯底好濃郁，牛坑腩炆到林，好入味 ，肥瘦融為一體，一咬入去有好多唔同嘅層次，加上蔥蒜撈埋口感十足，雖然係外賣，但店舖好細心咁樣分晒湯，包裝有驚喜。而另一碗就嗌左咖喱牛腩粉，咖喱汁調得相當入味，唔會太辣但係又好香咖喱味，呢碗仲有埋牛筋添，而且勁多肉，可謂超級抵食。最正係佢唔係安排普通嘅汽水，係洛神花茶，又好飲又健康，的確係老闆嘅用心。

呢次嚟度灣仔接小女友收工，順道過嚟買啲外賣嘢食同佢撐下枱腳啦！咁啱就見到呢間新開無耐嘅牛腩專門店牛市，就決定一試究竟。入面唔算好大，大約有8-10個位，我地黎嘅時候已有好多人等緊外賣～ 我地幫下餐牌，諗緊食咩好，老闆就推薦試下牛腩拉麵，咁我地就試呢個再加埋一個咖喱牛腩淨餸～特色牛腩湯拉麵 $60有啲似日式嘅拉麵用上濃郁嘅牛骨湯湯底，佢哋用料上乘，真材實料，絕無味精，配上彈牙爽口嘅拉麵，再加埋佢哋遠近馳名嘅陳大哥牛腩，唔怪得咁多年輕人都會迷上呢款嘅拉麵。咖哩牛腩$68 呢度嘅咖喱係獨門秘製未食聞落都經已香氣撲鼻，辣度適中，辣而不燥，而唔多食辣嘅都能夠接受，而主角嘅牛腩亦煮得非常入味，仍能保持其口感不會話太爛。但份量就略嫌有啲少，男仔就一定唔夠喇～下次要加多個飯黎撈埋個汁先haha!

早前要去灣仔做嘢，搞掂差唔多到晚餐時間又餓又攰，於是就入咗「牛市」坐下，順便食啲嘢。小店細細，廚房同座位區面積各佔一半，但其實都算裝修得幾四正😄。小店用得「牛」命名，當然主打牛啦，牛，全部都係牛🐮！老闆大哥好友善，我問佢有乜推介，佢就話牛腩同咖哩一樣咁正，咁我就一於兩樣都試吓😝。馬泰椰香咖喱牛腩🍛，老闆專登整咗個迷你份量比我，因為得我一條友食嘛，正價份量多好多。咖哩香味撲鼻，但食落辣味都唔嘢少🌶。牛筋腩口感唔錯，另外亦有蘿蔔同薯仔。坑腩粉($78)，由於食完咖喱都過咗六點，冇得堂食，所以唯有外賣個粉返屋企食啦🥡。外賣碗有經過精心設計，因為可以將麵同湯分開，咁就唔驚河粉會浸到淋晒啦👍。坑腩紋理清晰，🐂牛味濃郁。湯底用牛骨熬製🦴，完全無味精，飲完唔會口渴。另外，客人可以揀芫荽蔥同炸蒜嘅量，加少少落湯底吊吊味，最適合不過。堂食嘅客人仲可以使用枱上嘅調味料🧂。總括嚟講，小店用心經營，客人係會感受到的。我認為整體唔錯，但略嫌價錢稍為貴啲啲，不過支持下素人嘅出品嘛😚。

位于湾仔軒尼斯道288號英皇集團中心地鋪新開了一家牛市，店面不大但牛氣衝天。店堂整潔企理，座位不多但座得非常寬落舒適。招牌菜以老板陳大哥牛腩命名：採用新鮮頂級坑腩崩沙腩，揉合傳統加以創新的烹調手法，烹熬而成，肥瘦相夾，肉香湯甜，牛肉味濃郁，齒夾留香，真材實料，絕無味精。獨門馬泰椰香咖喱：微辣帶有少少甜味，質厚味濃，口感豐富而有层次，辣而不燥。老板陳大哥放棄高薪厚職，樣樣親力親為，從食材到出品費盡心思，力求最好給到食客舌尖上的滿足，精神可佳，值得敬佩，願牛市一飛衝天，生意興隆！

在寒冷天氣下逛街逛到肚餓，食麵暖身就最適合。見附近有一間新開的牛腩麵小店就即管試試，結果頗有驚喜！店舖地方不算太大，只有四五張枱，但地方光猛乾淨，可能跟新開張有關。店員友善，服務不錯，加分！我跟朋友點了牛坑腩河及咖喱牛腩河，另外飲品則點了洛神花雪梨茶，以及羅漢果花旗蔘茶。牛腩河的配料豐富，除了牛腩牛筋外，另外有蘿蔔及雲耳絲。牛筋腩的牛味很香濃，筋位爽口彈牙，至於湯底十分清甜，沒有味精亦不會過於死鹹，喝幾口後很暖胃而且很舒服。而另一款的咖喱牛腩麵咖喱味香辣十足，但不會過辣，入口後有淡淡甜味的after taste. 至於河粉幾幼滑，每條河粉粗度均勻，配合清湯底或者咖喱汁各有滋味！至於我的洛神花雪梨茶酸酸甜甜，有點似酸梅湯的感覺，很開胃。雪梨茶底亦很潤喉，適合冬天飲用。總括來說整體用餐經驗良好，下次經過會再光顧，多點支持香港小店，加油！繼續努力！

又到午市時間 灣仔軒尼詩道人來人往 我趕時間要食個快速午餐 食粉麵飯係首選 -🍜#崩沙腩河粉 $98崩沙腩有嚼勁 煙韌彈牙 碗粉嘅價錢比想像中貴 最後都叫咗一碗 腩件有薄膜同豐富膠質 爽口肉軟 牛骨濃湯係足料熬製 -🍛#咖喱牛腩飯 $68牛腩大大嚿 咖喱汁好多 椰香味唔覺有 雖然唔辣都有咖喱香 撈飯食就啱晒啦 或者試吓配拉麵或烏冬 另一種食法-🥤#羅漢果花旗蔘茶 +$10難得喺粉麵店可以飲杯滋潤降火涼茶 套餐價只需加$10 相當抵飲-🧆🥚#五香牛𦟌加流心蛋 +$30 轉套餐牛𦟌炆得入味 流心蛋好食 幫碗麵或者碗飯加餸 食得豐富啲-📍#牛市灣仔軒尼詩道288號英皇集團中心地下G13號舖

經過灣仔188附近見到間專食牛腩既牛市，雖然鋪唔大，但都好企理，6點點後無堂食關係，唯有外賣回家吃！仲有9折優惠，慳得幾蚊得幾蚊！Menu主打牛腩，我就要左份咖喱牛腩米and坑腩河粉。回到家，乾濕分離！唔使粉麵吸哂湯汁而淋哂！先說個咖喱，惹味到一個點！咖喱帶椰香後勁帶點辛辣，相當好味，牛腩牛筋入哂味，好嫩滑。牛骨湯湯底夠濃郁，蒜香粒更香口，咖喱汁放上米粉上，超正！咖喱可以叫做必食。牛坑腩河個質感都好嫩滑！比牛腩更有口感，牛味夠濃， 蘿蔔又夠哂甜唔起渣，河粉q彈，整體好食。

店如其名，以牛來作主打。牛魔王朋友特別喜歡。店內面積不大，只有數張枱；食物方面，鎮店之作是牛骨湯的牛腩、牛坑腩、牛筋等製作而成的麵食。崩沙腩河粉先呷一口湯底的味道，以牛骨熬製而成的，湯頭鮮甜，充滿牛肉味，嚐得出沒有加添味精，吃完後也沒有感到特別口渴。崩沙腩連著橫間膜的部份，所以份量不多。肥瘦肉都有，而且有豐富的膠質，炆得很軟腍，肉質彈牙。另外浸在湯底裡的白蘿蔔甜甜的，而且十分入味。除了牛肉麵外，還點了一款小食。咖哩三寶三寶有魚蛋、白蘿蔔及豬皮，浸在咖喱裡面。咖哩非平日常吃到的那款港式咖哩，而是東南亞的椰香咖喱口味。馬泰咖哩的椰香味偏重，甜香辣俱備，變奏版的香港街頭小食。魚蛋豬皮都蠻彈牙，白蘿蔔很入味，吸進醬汁的精華，惹味非常。

天氣突然變凍，就是想吃一碗熱騰騰的港式地道牛腩河來暖暖身，所以今天有要事來灣仔後便試試這家新開的店。坑腩河粉上桌的第一時間就立馬喝了一口湯底，湯底味道鮮甜，充滿牛香味，但沒有油膩的感覺。我個人比較喜歡吃瘦的牛腩，這個牛腩正合我心意，雖然瘦但卻不會硬，可見店家應該炆了很長時間才能有這個效果。至於河粉方面，河粉有口感而且也能掛湯，感覺就像吃了整隻牛一樣！咖喱牛腩河這個咖喱聽老闆說是招牌，有很香濃的椰奶味和有一點點的辣勁，與普通的港式咖喱不同，這個咖喱充滿南洋特色，冬天吃就最適合不過。牛腩的質地鬆軟，還有薯仔、紅蘿蔔和白蘿蔔配菜，份量十足。河粉的湯底比起上面的牛腩河會相對清淡一點，因為咖喱已經是很濃味，清淡的湯底更加適合。咖喱三寶三寶分別有魚蛋、豬皮和白蘿蔔，店主介紹這個咖喱汁和上面咖喱牛的汁是一樣的，每款吸收了咖喱的醬汁，充滿椰香味，份量足夠。

舖頭細細 但內藏嘅野食真心高質 下次要再黎食多次 要再次回味一下崩沙腩河粉崩沙腩勁冧 而且牛肉既香味極重 肉汁係帶有絲絲既甜 好入味好香濃 而且煙靭彈牙 好有咬口 湯底都完全帶有腩既精華 飲哂都咖會覺得口乾 正咖哩三寶飯就咁睇以為好頹 但個咖哩汁好惦 原來佢係加左椰汁 估唔到係可以咁夾 好送得飯之餘 夾埋彈牙既魚蛋同超索汁既白蘿蔔一齊食可以話係一流 而且佢個汁係小辣得黎唔會好覺得食唔到咖哩牛筋咖哩勁入味 唔會太辣而且甜甜地幾好味 仲落左d椰汁 椰香令到成個咖哩汁既層次提升左一個層次 牛筋好香濃 質地好彈牙而唔會靭 食落去個種香味係充滿成個口腔 而且都好入味 同個咖哩汁夾得非常之好

灣仔是香港有名的商業地區，但說到美食，就見仁見智了，但今次讓我發現一間不起眼的黃店，而且價錢相宜，是上班一族的福音。位置：在皇后飯店那個街口轉左就會看到，正在英皇集團中心地下，離地鐵站約十至十五分鐘。環境：比較小，只有四個座位，兩邊兩個，門口的正後方就是廚房，牆上就是寫有招牌菜單，簡單裝修。服務：細心，會主動問客人對食物的要求或意見，例如牛腩要不要少肥膏。午市：咖哩牛腩飯$68+洛神花雪梨茶$10我和妹妹都很喜歡它的咖哩，因為又香又濃又辣，有椰奶的香，咖哩味道濃郁，帶有點點的辣勁，但不是麻辣，冬天吃真是一流。牛腩肉質軟腍腍，吸收了咖哩汁，送飯一流。我們真是一汁都沒有浪費掉。為了吃咖哩，加多一碟小食。洛神花雪梨茶比我平時喝的更酸一些，顏色亦更深色，是真材實料熬製，清熱解毒。牛腩河$60+金羅漢果花旗參茶$17呈上時帶有濃郁的牛香，師父給的爽腩不帶油膏，不肥膩，肉質爽軟，口感帶韌性。湯色是淺啡色，喝起來不油膩，但我略嫌氣味過濃，帶點牛騷味，只是蘿蔔未夠軟腍。花旗參茶有花旗參渣，喝起來潤喉，很適合需要養生的女士。咖哩三寶$25三寶是魚蛋、豬皮和蘿蔔，以豬皮吸引汁的能力最好，亦最好吃。咖哩帶有

一入門口老闆就好客氣招待客人 會先介紹鋪頭既招牌同烹製方式 我同友人2個就叫左2個主菜首先係崩沙腩河粉$98用左崩沙腩呢個部位價錢一定係會貴返少少 老闆話佢地既湯底係好似拉麵既做法 係用長時間熬出嚟既 而且冇落味精 湯底既味道的確有淡淡地 而且河粉都好滑😋 崩沙腩既份量都好多 大約6-7件 上下層都有軟膠質 而且好爽 之後就係咖喱牛腩飯🍛$68牛腩煮得好淋好入味 一咬得咬得開 而咖喱既椰汁好香 辣辣哋 甜甜地令到咖喱好惹味 一口接一口 紅蘿蔔🥕同薯仔🥔都好淋呢度既飲品唔係普通既咖啡奶茶 而係自家製既健康飲品 我地點左一杯熱既羅漢果花旗參茶 飲落淡淡既甜味 而且冬天飲暖既飲品好舒服 而另一支係凍既洛神花雪梨茶 酸酸地好解膩👍🏼睇得出老闆係每個細節位都花左心思 耐心對每枱客人講出佢既用心👍🏼