牛摩 (沙田中心)

营业中

休息中

今日係沙田附近行街，試下呢間開左好耐既牛摩火鍋放題，佢地係一人一鍋，可以各先款擇自己中意既湯底我地揀左港式特濃沙嗲湯同埋博多美人骨膠原啫喱雞白湯，兩個都好正Lv4 極尚牛小排放題都係 $278一位，好抵食極尚牛小排牛味好濃，夠牛味又爽口，油脂分布平均阿古豚梅肉都好出色，賣相都好靚仲有好多炸物可以叫，雞軟骨最正，新鮮熱辣辣好脆自助吧都有好豐富既菜類菇類同丸類，個人認為最正係貢丸仲有好多甜品同飲品可以選擇，夠哂滿足👍🏻👍🏻👍🏻

今日去開沙田，行行下街，小朋友又想打邊爐😅上網睇下有冇好嘢，喺牛摩嘅其他分店試過，有保證，再入去呢間試吓。今次叫咗壽喜燒鍋同蕃茄鍋，我覺得壽喜燒鍋甜甜地好好味，小朋友就鍾意蕃茄鍋。牛肉冇得輸，牛肌腹好香牛肉味。阿古豚梅肉好腍滑。另外仲可以任飲任食，我就鍾意食牛舌，小朋友鍾意食雞件。出邊仲有大量蔬菜，丸，蘿蔔，芝士腸，都好新鮮，有雪櫃超凍咁樣雪住。甜品櫃有啫喱、大福、泡芙。雖然種類唔算好多，不過主要打邊爐，之後仲有甜品都幾好，另外仲有軟雪糕自己攞，超多Toppings可以揀。想讚一讚嘅係沙律，而家夏天有成34度，個雪櫃嘅菜，超級冰涼，因為放得耐都怕會唔新鮮，但係竟然覺得佢嘅沙律超級正，凍冰冰又夠新鮮。除咗有罐裝汽水，仲有果汁汽水機，同埋熱飲。我試咗雪梨汁，好清涼，唔算太甜，我鍾意。另外想讚一讚沙田分店，因為出邊實在太熱，其實小朋友話去打邊爐我都有啲卻步，不過暑假就就下佢啦，食到一半，仍然覺得冷氣充足，完全冇熱嘅感覺，差唔多食完，仲有啲涼嘅感覺，好少火鍋店，做到冷氣可以咁勁。牆上嘅裝飾亦都令人感到好日本風，食得幾開心。

父親節約了吃飯，明明在指定時段（十分鐘留枱時間出現），第一次父親在指定時間來到說沒有預約記錄，隨後我亦在十分鐘留枱時間來到，跟職員說入座，他說我已過時。叫我從新排隊，我說當初已預約了，父親來到的時候又說沒有記錄，又說我父親沒有出示訂位記錄，但是職員當時根本沒有說要出示訂位紀錄，只叫他說聯絡電話，現在態度不佳說我們沒有出示訂記錄，遇到這些職員真是無語，加上我也是在留枱時段出現，但竟然沒有留到枱俾我哋，所謂嘅OpenRice 預約都係嘥氣最後足足在店外等了10多分鐘才能入座 😟

牛摩打邊爐嘅好處係一人一鍋，我鍾意一個鍋煮牛肉，一個鍋煮蔬菜，咁樣煮蔬菜會清淡啲，唔怕蔬菜吸晒油脂肥淋淋🤭 今次叫咗昆布鏗魚清湯同博多美人骨膠原啫喱雞白湯，雞白湯好得意，個啫喱係牛摩個公仔，加熱之後會慢慢溶解😆 雞味都算幾香濃，唔洗特別點豉油醬料都夠晒滋味💯餐廳係QR code落單，上菜速度都好快，試咗幾款牛肉，牛肩胛味道濃郁，牛小排質素再好啲，無論口感定味道都好正，性價比幾高🫶🏻 另外我最推介嘅，係自助區嘅芫茜丸！我都係第一次食，估唔到一食愛上，芫茜味好濃，芫茜控必食😂 自助區都好多選擇！！QR落單都不妨叫多啲蟹籽墨魚滑、腐皮蝦寶同海蝦🦐 海蝦好新鮮，蝦寶有啲似春卷咁，有好厚蝦膠，外面炸到好脆👍🏻 最正係墨魚滑，encore咗三四轉🤭 餐廳仲有雪糕、甜品🍦🧁🍬 同埋免費飲品，無糖飲品選擇都唔少👍🏻

沙田牛摩+ 隨住商場翻身工程亦將店面都重新裝潢，新的店面設計令空間感提升，枱與枱之間亦唔會有侷促感覺，而且增添左一人一鍋座位，咁就每人都可以揀返自己喜愛嘅火鍋湯底啦👍👍牛摩+一共提供六款價位嘅火鍋任食，我哋今次就揀咗Level 3中間位嘅阿古豚梅肉，連埋level 1 & 2 嘅食物同自助區嘅蔬菜丸類，足足有超過50款美食可供選擇，包你一定食到捧住個肚走🤭🤭湯底方面都有9款，其中六款為基本款式，另外仲有三款需加購嘅升級精選湯底。我哋就揀咗關東豐壽喜燒同埋牛魔別注版博多美人骨膠原啫喱雞白湯🤭後者嘅骨膠原啫喱仲有牛魔公仔樣，記得趁佢未用之前要先打卡呀📸📸肉類方面，精選牛肩胛同阿古豚梅肉都係必食推介，前者油脂較少，而且牛味濃郁，後者五花梅肉脂肪分泌尚算平均，放入美人骨膠原雞白湯入面煮熟💯💯海鮮類就有魷魚圈、帆立貝、蟹籽墨魚滑等，每次按件數下單，亦唔會有漏單情況👏小食方面都有唔少選擇，較少見嘅雞皮餃子、紫金地瓜丸都有得無限任食🤭雞皮餃子入邊仲係滿滿肉汁，而紫金地瓜丸煙煙韌韌咁，encore 咁幾次添😌😌自助區仲有甜品櫃雪糕機，食到最尾記得要留返食埋甜品呀😏😙

成日都經過牛摩， 但每次都無機會入去試，今日終於夾岩時間去入面座位好闊落，整體感覺舒服乾淨，見佢有大大張牌寫住和牛認證不過始終未試過，就試下最簡單個餐睇下質素如何先揀咗佢個Level 2牛肩胛個餐，湯底要左一個蕃茄薯仔， 一個壽喜燒估唔到雖然係最平個餐，牛肉質素都好唔錯，脂肪同肉嘅比例非常平衡，肉嫩完全唔嚡口除左牛肉，仲可以任食羊卷肉，羊味好濃郁，除此之外仲可以自取多種火鍋配料例如蔬果丸類等。最中意佢個南瓜、蕃茄同粟米，全部都好甜，仲有蒟蒻，全部都好食。最特別係自助區仲有有少量壽司選擇，包括三文魚壽司，幾有驚喜總括黎講，一人一鍋，加上任食配料，呢個價錢性價比真心抵～店員亦十分快手，叫既野食好快就黎到，仲完全無走單，值得再訪！下次食級數高d既先！

同朋友喺沙田附近辦完事咁呢大家都有啲肚餓就行吓啦，諗起都有好耐冇食過牛肉放題啦，咁朋友就推介食呢一間放題，因為之前佢喺其他分店有試過就話呢間質素都唔錯，咁我哋就坐低試吓。整體嘅感覺係幾好嘅啲牛肉，特別係牛小排好好食，然後上菜都上得好快唔會話故意拖延亦都冇漏單嘅現象。服務態度特別好！呢一間係放題，所以除咗牛肉係需要人上菜之外，其他啲飲料啊雪糕啊配菜啊同埋沙律小食啊全部都係自己去拎嘅，小食其實都幾好食，大家得間都可以試吓嘅。

勞動節前一晚食吓shabu~shabu要勞動後賺錢先有錢食好野🤣宜家附近商場都裝修後好多商鋪唔同晒周邊行完順便去食吓火鍋見佢佢有個湯底好吸引好得意係博多美人骨膠原啫喱雞白湯充滿骨膠原啫喱公仔十分可愛😍加熱時慢慢溶掉瞬間變成美味鮮雞湯另一個選擇蕃茄濃湯蕃茄湯就勁濃酸酸甜甜蕃茄味我地選擇左Lv. 3 既阿古豚梅肉😋任飲任食130分鐘呢款豚肉名未聽過🤔食落真係好香豬味一D騷味都唔覺得有👍🏻同黑豚肉差不多有二款牛比你選擇又有其他肉類同海鮮熟食食物品種都好多選擇Mini 版牛肉飯😋可選擇加蛋𠻹熟食最好就係每件叫唔怕大嘥鬼👍🏻飲品有台灣茶又有日本茶包可沖熱茶甜品區都好多品種👍🏻有軟雪糕仲有埋d 脆脆配料唯一係d 菜放得比較高有代改善😅

打邊爐 差不多每個月一定食一次，而這間 極尚牛小排 質素都保持到水準，所以有時想食牛都會嚟食返餐每款牛質口感不同但都是比較軟熟口感，牛肉味牛小排幾濃，當然仲有牛舌，薄薄的，又有咬口十分好味最後叫了2碟。豬肉和羊肉都新鮮各叫了一碟，之後就專食牛肉出面有不同菜同丸選擇仲有前菜同壽司味道都正常，熱食餃好炸得香脆，有最愛枝豆和紫菜鹵肉飯加溫泉蛋海鮮的蝦味幾重感覺都新鮮。湯底各自叫一個沙爹湯真心幾濃又唔會太咸，蕃茄薯仔湯最清新開胃，之後可以再在外面取蕃茄同薯仔令到味道再濃啲…哈哈甜品拿了其中3款都可以但因為太飽食不到咁多，由八點多食足差不多2小時勁飽而且價錢$612/2位價錢都合理

好耐冇黎呢間打邊爐，經過見冇人就入去食，點知瀨晒嘢，我未試過打開個點餐app，咩都沽清咁滯，餐內包左嘅免費小食，一樣都冇，洋蔥都冇呀大佬，不如唔好打開門做生意啦，我仲要唔係晏，6點幾就入座，呢個時間已經咩都冇，咁再晏啲入座嘅咪仲慘？仲有，佢嘅自助區種類十分少，野飲又唔多比心揀！呢間野我永遠唔會再幫襯！啲員工全部冇服務，唔知係咪想慳皮，全部請晒啲暑期工，而家啲餐廳啲管理層真係要學識咩叫服務，香港嘅餐廳再咁落去，好快齊齊結業，到時唔好怨香港人唔幫香港人喇！

今日同朋友去咗沙田中心嘅牛摩食午市90分鐘火鍋放題。餐廳環境闊落，有2人座位同4人座位，每個座位都有獨位電磁爐，每位食客可以享受一人一鍋。肉類有六種級別，分別LV.1星級牛肌腹、LV.2精選牛肩胛、LV.3阿古豚梅肉、LV.4極尚小牛排、LV.5 M7和牛、LV.6 A4霜降和牛。我地點咗LV.4極尚牛小排放題，所以我地可以品嚐哂LV.1至LV.4嘅肉類。一人一鍋可以自選湯底，我地點咗人氣博多豚骨濃湯同蟲草花雞白湯。餐廳有火鍋豉油同配料區、自助放題區有蔬菜、丸類、粉麵、豆腐等，另有果汁機、咖啡機、雪糕機，還有甜品區包括糯米糍、泡芙、啫喱等，提供非常多唔同種類嘅選擇。火鍋放題除咗唔同級別嘅肉類，仲可以任食海鮮、小食、炸物、飯等。我地點咗LV.1至LV.4嘅肉類、溫泉蛋、鴨血、海蝦、蟹籽墨魚滑等。推薦鴨血，質地細嫩，口感彈牙，好食。肉類方面，LV.2牛肩胛牛味非常濃郁，而LV.3豚梅肉肥瘦相間，味道唔錯，食落唔韌。左上 LV.1星级牛肌腹右上 LV.2精選牛肩胛左下LV.3阿古豚梅肉右下 LV.4極尚牛小排整體而言，一人一火鍋選擇多，配料款式多，肉類味道唔錯，值得一試。

今日天氣好凍❄️，嚟到沙田中心牛摩食晚市火鍋🔥放題。本身唔係特別鍾意食肉嘅人，都係叫咗最便宜嗰款Lv1 星級牛肌腹，肉質當然唔會話好靚，但都ok嘅湯底今次我試咗特濃沙嗲湯，沙嗲味濃嘅，但我覺得一般般，都係傳統嗰啲日式壽喜燒好味啲。冷盤❄️有壽司🍣、泡菜、中華沙律🥗、涼粉。甜品有福餅、泡芙同啫喱。款式唔算好多，味道除咗福餅其他都麻麻打邊爐食品有豆腐、丸、菜🥬、菇、蕃茄🍅、粟米🌽、薯仔🥔、芋頭、甘荀🥕、蘿蔔、拉麵🍜、烏冬等等醬料款式有唔少選擇，櫃頂仲有公仔麵同蕎麥麵。飲品有果汁機🧃、咖啡機☕️同罐裝飲品軟雪糕🍦今日係朱古力🍫味，旁邊有少少配料我本身係會員，就用優惠卷送咗帆立貝一份四隻，如果單叫就要$28。帆立貝味道都唔錯嘅👍🏻環境方面，餐廳設計都算幾靚嘅，幾有日式風味。價錢方面，呢個餐原價人均$168，我係會員所以90分鐘放題有正價88折，計埋加一折後人均$165。

前排經過沙田牛摩見佢搬左新鋪，和邊爐控朋友去了一試。我們揀左90分鐘放題LV2 精選牛肩胛 ($198)。平日晚上時間超多人，價錢實惠，適合一班朋友聚會！當晚都好多學生們光顧，相當有氣氛！湯底我點了關東風壽喜燒，附鮮雞蛋一隻。朋友點的博多美人骨膠原啫喱雞白湯(+$10)以牛摩造型啫喱登場，慢慢煮溶後而成的濃郁雞白湯，十分可愛。牛肉有兩款 - 牛肌腹和牛肩胛，肥瘦適中，肉質結實，個人比較喜歡牛肩胛，牛味較出。另外豚肉和雞肉都不錯。估唔到仲有帆立貝，都幾大粒鮮甜，瘋狂加單。出面丸類/蔬菜類/飲品選擇都好多，包羅萬有。最後臨近新年仲送左包利是封應下節！

今晚又同阿媽食火鍋，例牌食極尚牛小排，幾乎所有肉都任揀，仲有海鮮食。極品美國牛小排係最好食，夠哂淋；美國極上黑豚肉極薄片同美國特選牛肩胛，就纖維較多質感厚d但肉味又再濃d。最抵係海蝦大大隻任食，阿媽話街市買細隻都要$60/斤，咁任食梗係抵！再加上仲有前菜、蔬菜、飲品、甜品任食，2個人想食多款式係不二之選。阿媽encore左幾有墨魚味同彈牙嘅蟹籽墨魚滑，仲有三文魚壽司，話質素唔錯。阿媽次次黎都要食自己整杯軟雪糕，話好好玩，朱古力味又濃。

懶得煮飯又係時候出去撐枱腳啦🍽️早前因店內裝修而休業半個月嘅沙田牛摩以全新面貌出現 🙌🏻餐廳環境 座位都比之前更開揚整潔 👍🏻晚市火鍋套餐有1-7 Levels 價錢最平每位$168 就已經可以任食超過30款火鍋配料今晚揀 Level 3 阿古豚梅肉 $258@有齊超過50款火鍋配料 小食 炸物等 😍 湯底有9️⃣個款式 一人一個火鍋 自己想要咩湯底都唔洗同人夾啦🤣🤣 朋友仔就揀咗惹味十足嘅港式特濃沙嗲湯試落真係勁濃郁 好香嘅沙嗲味 唔洗調味都好夠味🤤🤤而養生嘅我就揀咗蟲草花雞白湯 ✌🏼色澤呈奶白色 味道較清甜 🍲火鍋配料 🍲選擇種類豐富 有齊晒 基本嘅肉類、海鮮、丸類 仲可以揀阿古豚梅肉 /牛肌腹/牛肩胛/羊卷肉/牛舌等 🐷阿古豚梅肉 肉質嫩口 唔鞋身👍🏻👍🏻 🐮牛肩胛 油花比例平均 色澤粉嫩 🐮牛肌腹 筋位比較多 口感帶嚼口 🍤小食炸物 都有齊基本款式炸洋蔥圈 一口芝士 都係外脆內軟😍👍🏻 同場設有火鍋配料自助吧、飲品區、雪糕甜品區 今期係朱古力雪糕🍫🍧可以自己唧花加配料 自製靚靚嘅雪糕作今餐嘅總結🤤🤤🍽️🍴總結 🍽️🍴餐廳裝修後環境更開揚舒適 火鍋配料食物質素都能保持水準 一人一鍋 加上任