牛摩+ (沙田中心) (已結業)

天氣轉涼，放工即刻想起打邊爐呢三個字讓我最鐘意嚟既原因係因為我可以自選湯底之外，我更可以用自己既方法提升我既湯底質素添通常我都會先選番茄濃湯湯底，但今晚去到發現佢新推既～麻辣湯底呢！雖然要額外加$10，但唔理得咁多喇！加就加喇！除左湯底之外，佢既牛肉都分左幾個價位，不過因為佢本身仲有自助bar枱，所以我只選了牛肉同雞肉，其實佢仲有豬肉同海鮮可選，不過當然價錢亦有所不同喇！兩款肉都唔錯㗎！男朋友仔亦好細心幫我攞定一大碗芫茜，用嚟夾住牛肉食，即時加分原有既麻辣湯底好香，而且都好夠辣，我仲自己響自助bar枱攞左好多番茄加落去，湯底即時升級為麻辣番茄濃湯另外，自助bar枱仲有不同既丸、菜、豆腐、飲任飲任食，兩個人每人$170，個人覺得幾抵食，值得推介

同事成日嚟呢度食lunch 話覺得好健康可以食好多菜wo 🤣今次嚟試下啦 呢度lunch有60分鐘揀一碟肉 再去自助拎野食 而午市90分鐘放題就貴d 我叫左個精選牛肉 蕃茄湯底一叫完野就好忙咁要出去拎野食 拎豉油個d 反正佢個鍋都要一段時間先滾起 出面菜都有成4款 選擇好多 但丸類就少d啦 另外有部沙冰機 好似思樂冰咁自由裝叫左蕃茄湯底再夾多d蕃茄粟米落去煲濃佢好正 碟牛無影到添 不過係幾靚幾好食 唔太肥又有牛味 精選先$72係抵嘅 仲有佢個拉麵好有咬口好好味 我食左2兜仔蕃茄濃湯拉麵 最尾有雪糕機裝左杯朱古力味雪糕 都濃朱古力味wo 不過一個鐘食真係好趕 又要等佢滾起 如果時間長d就好啦

難得兩個人，想shibushibu，選擇左精選牛肉放題$159/人 90分鐘任食！⚠️食物：肉類包括精選肥牛、豬肉、雞肉湯底選擇了昆布湯底以及九洲麻辣鍋各一沙田分店既熟食種類不多，只有少量壽司、咖喱，不可太高期待。飲品種類不多，以汽水為主。有提供啤酒。火鍋配料以自助形式，以蔬菜為主。甜品方面，除了泡芙、蛋糕還有即製乳酪bar👍下單等待時間不長，店員主動收拾，不過不回收餐碟（我估計人手不足，洗唔切）⚠️環境：沙田分店的地方不大，沒有卡位，火鍋配料種類亦不多，但是食物質素還可以。唯一開心就係，有frozen yogurt bar⚠️價錢：$159+1 Total :$350/兩位唔想洗野，黎食下火鍋都係唔錯既選擇。不過要提早少少，我地大概等了接近45分鐘有位置。

上網見到有介紹，話用學生證嘅160蚊左右任食1.5小時安格斯肥牛，仲要送海鮮啵，聽到咁平咁抵，唔去試吓點得呢。如果冇學生證嘅同行朋友，都係$200左右(要收返正價嘅服務費)。~~~~~呢隻牛肉靚野啊，真係好有肉味，肥瘦又算適中，真係好正。唔知大家有冇食開任食火鍋啦，好多任食火鍋當你添加第三第四碟以上，你會發現佢嘅肉質素會變得好差，同你第一碟相比完全兩回事。但係呢一間店完全冇咁嘅問題。當日我兩個人食叫咗五碟牛，質素仍然都係咁上下，所以值得一讚！豬肉，好食，亦可以無限添加。雞肉海鮮，不能添加出面有自助吧，有不同飲品選擇，呢杯係自製嘅棉花糖沙冰。除咗飲品，仲有放喺自助吧嘅其他啲配菜都係任食嘅。

收工過左去沙田牛摩，咁見佢個9點後$129宵夜優惠，於是係入去試下。咁入到去有原來有壽司/沙冰同乳酪再加埋d基本邊爐料例如係菜/腸仔/各式各樣既丸，飲品任飲。野食既質素同價錢係成正比既，呢度好在連埋飲品甜品，任你去食。我地兩個人都食左幾碟牛肉，同出面邊爐/放題既質素相若。我會覺得呢度既飲品同甜品係比佢d主菜更加好食😂😂呢度應該d野食都幾乾淨，番到去無肚痛。如果鐘意任食形式而又想食牛，呢度可以試下：）

我哋今日嘅lunch就去咗食牛摩，諗唔到黑衫待應態度好似對世事不滿咁咁點解佢唔辭職？ 我哋想加多個位佢用對罵同我講唔早啲講， 今日嘅服務態度可以去到咁我完全明白點解冇生意 ！老闆幾有頭腦都冇用請到咁嘅下屬？

午市火鍋幾抵食 !! 湯底 + 1 份自選肉類 + 自助火鍋配料任食 !! 湯底同肉類有好多選擇 , 有平有貴 , 我揀左特級牛肉 , 連加一 , 總共 $ 87 ~ 湯底方面 , 壽喜燒鍋會有一隻生雞蛋 !  🥚特級牛肉 - 有大概 7 片 , 質素都唔錯 自助區有沙律吧 , 試左個麻醬撈烏冬 , 烏冬太腍 , 麻麻地熱食有和牛炒飯 , 用電飯煲保溫 , 味道正常 , 有牛肉碎 , 食番火鍋配料好 d 😂😂火鍋配料好健康 ~ 好多蔬菜 ~ 菜有唐生菜 , 油麥菜 , 娃娃菜同小白菜 其他配料有南瓜 , 蘿蔔 , 薯仔 , 蕃茄 , 冬瓜 , 獅子狗 , 2 款丸 , 芝士豆腐 , 芝士腸 , 金菇 , 豆腐 , 木耳絲 , 蒟蒻 , 粉絲 , 拉麵 , 烏冬 , 簥麥麵我食左好多芝士豆腐同唐生菜 😆飲品都有好多選擇 , 我揀左提子沙冰 , 甜甜地 , 無咩特別甜品有北海道低脂乳酪 - 配料有棉花糖 , 朱古力 , 蜜糖星星同可可球 , 酸酸地 , 唔錯

之前試過牛陣既放題，今日再黎試下牛摩。夜晚價錢都分好幾個，視乎你食乜嘢質素嘅肉。今日我哋試咗一個最平果款既牛肉。肉質同平時係凍肉鋪斷磅買果啲差唔多，不過叫冇咁肥，咁既價錢冇乜要求是常識吧！有碟雞、豬隨爐附上，今日食左個壽喜燒湯底加上隻疑似日本蛋，出面可以任拎既有幾種菜同丸類，仲有啲慘不忍睹既壽司 🤦🏻‍♂ 整體而言牛陣好食好多 完

與朋友一起在下午兩點幾才吃午餐，朋友吃素，但又好想食打邊爐，其實都幾矛盾 ! 點知呢度可以選擇唔食肉，只吃自助餐枱的食物， 頓時茅塞頓開， 即刻幫襯無需一定要客人吃肉，安排超抵讚

今日中午行街行到有d肚餓，就同朋友找地方醫吓肚先，見到呢間未食過，又好似好吸引，而且未試過中午打邊爐，一於入去試吓呢度太多款組合選擇，第一次試就選中等價錢嗰款先，選左食60分鐘，一碟牛肉，其他食物就任食，我選左壽喜燒湯底而我朋友就選左蕃茄湯底兩款味道都可以，我朋友選左極品牛小排而我選左澳洲極上和牛牛肉入囗都算可以但唔係好多片，而且唔係好大片，食落都有牛味，至於其他任食既嘢，原來係得一些魚蛋、不同種類既丸、多款蔬菜、沙律，熟食有豆腐，一款飯和麵，還有不同飲品添，只可講肉既質數唔太差，但其他食物款式太少如果再有機會去會選擇任食牛和食90分鐘，60分鐘太趕

今日中午行過沙田，見這裏人頭湧湧，而且附近又唔知食什麼，上網見這裏的食評也不俗， 所以試一試。我點選的是澳洲極上和牛套餐，牛肉上枱之後我俾佢嚇一條，真係得啖笑，嗰啲牛肉嘅色澤十分之差，仲差過美國的牛小排，而且切得十分之薄，數一數大概有六片，憑肉眼所見呢啲應該係一早切好，然後放入雪櫃，我明白味道係很個人，我話唔好食但可能其他人都話好食，但是賣相真係非常之差！至於湯底可選擇要壽喜燒，雖然我唔係這方面的人才，但我記憶中這個湯底應該係甜甜地的，我用匙羹試昧，我飲唔到任何一點甜味，只有一種苦澀味，就算我放入牛肉之後再加上疍汁，仍然使不到湯底的苦味，無奈之下我選擇了柚子醋作為代替，這樣才可以入口。Bar台上，都係一般大路的食材，我沒有影相，但係我自己就覺得比較港式少少，看不到任何日本的元素， 選擇和其他類似競爭的對手就比較少，唯獨是這裏有一個小小的沙律 bar ，可惜衛生情況有待改善。由於我坐的位置可以看到廚房入面，我見到大量蔬菜放在地上，我唔知他們有沒有清洗之後才放上bar台，但作為一間有責任的餐廳，應該要注意一下衛生。

天氣濕凍想食返啲熱嘢暖暖身，見到有時90分鐘邊爐，晚上等咗半個鐘就有位👍🏻 因為朋友唔食牛，我要食啲牛補補血，所以揀咗有齊雞肉豬肉同牛肉嘅$169餐。其實仲可以加$10要埋個海鮮，不過我呢排胃麻麻哋，所以無叫到。自助位置有4至5款菜，有豆腐金菇南瓜蕃茄蘿蔔，仲有龍蝦丸蟹籽丸貢丸脆皮腸，壽司芝麻八爪魚，拉麵烏冬等等！牛肉脂肪唔多幾乎無，好彩熟咗都算軟腍。😂值得讚嘅喺乳酪雪糕酸酸甜甜作為涮涮鍋嘅結尾真喺一流👍🏻

適逢週末嚟到沙田周圍都人山人海， 呢間舖頭都唔例外夜晚好多人喺門口等緊，我哋等咗差唔多半個鐘頭先有位入去我哋今次揀咗最basic嘅精選牛肉 湯底有好多款畀你揀 我今次就揀咗壽喜燒湯底，會配多2隻日本雞蛋比我點牛肉 呢度除咗牛肉要經待應叫之外其他全部都係自助式嘅， 先攞d菜同芋頭滾下d湯先咁我見啲湯未滾就先出去睇下有咩食，出面個吧枱有好多嘢揀，有菜，肉丸，芋頭之類，仲有壽司和牛炒飯添 另外仲有汽水機同埋乳酪雪糕機 先呢幾件壽司食下 作為以牛肉為主打嘅火鍋點我都唔expect 壽司質素有幾好但求放得落口就算，啲三文魚唔錯 色澤光鮮 食落好香魚油味唔錯 不過舊飯就唔得啦 好硬而且 冇乜醋味 一點 豉油就散，失敗牛肉食落牛味重但油花唔多，而且容易散開，塊肉已經切到好薄但食落去係鞋鞋地嘅，認真麻麻，要撈埋d蛋汁食先ok豬肉正正常常，不過不失咁

放飯時間去食左個一碟牛既自助火鍋, 價錢加埋一都唔洗一百蚊, 碟牛既份量都唔算少咖, 大約十塊左右, 火鍋配料既選擇都不算太多, 不過就夠曬食. 有面有烏冬~ 湯底方面我揀左壽喜燒~壽喜燒湯底比其他湯底特別既係佢多一隻雞蛋比你落落個湯底到令佢變蛋花湯~總括黎講都算值既~

在沙田新城市廣場逛街，中午吃飯時間刷點評刷到這家，仔細看了評價好像一般，但是小伙伴很想吃所以還是過來了。12點才開始營業，來到店門口先自己取個號，然後會一個一個叫號，叫到號的先在門口服務員會確認吃什麼價位的和要什麼鍋底，進場速度很慢啊…環境還不錯，桌椅空間比較大，出入自如，整體也很乾淨衛生。菜品：這次點的是170港幣的特級牛肉+海鮮餐，用餐時長90分鐘，第一次上的牛肉是最好的，後面再加的就和第一次完全不一樣了，看得出是冰了很久那種…但是我只吃瘦的肉所以就算老柴一點的口感我也能接受。海鮮是蝦，帆立貝，小魷魚，可是菜單上是青口，沒有了就換成魷魚，我不是很喜歡，但是品質都ok，肉質還算爽口緊緻，不錯啦。其他蔬菜肉丸是自取，種類不算多但是品質不錯。飲料：比較失望，喝的都是兌水那種淡淡的味道，雪糕也只有一種服務：一貫的沒笑容愛理不理的態度。整體感覺一般，畢竟之前也吃過香港其他家日式放題，一對比這家就輸慘了