牛摩+ (沙田中心) (已結業)

有兩粒鐘空檔可以做咩? 趁天氣寒寒地，最好就係食火鍋，因為我哋嘅食力指數其實唔太高，90分鐘就足夠我哋㗎喇。今晚嚟到牛摩，客人都算多，呢個現絕對跟氣溫有直接關係。揀咗食平啲個餐，即係$249嗰個極品牛小排。選了沙爹湯底，辣辣地會惹味啲。主力都係食肥牛和豬肉，其他的配料，即係丸類嗰啲呢.....只食了少少。豬牛質素唔差，絕對食得過，我哋食咗3轉牛兩轉豬，都收工喇。再食啲生菜、粟米、甘筍平衡一下，就夠晒皮喇。

朋友中有個肥仔，食普通餐多數唔夠食，佢建議食任食既先得，咁好啦，就下佢，晚市唔係等好耐，入到去地方又夠闊落，拎野食都唔怕撞，好過去d又細又迫既，叫左個最普通既餐任食，雖然d牛就唔太易入口，但豬同雞反而幾滑，最重要其實本人多食菜，佢又勁多蔬菜類我揀，食到十成飽，可以再同fd去。

老公無啦啦話想打邊爐，本來我想簡簡單單食個飯，最後就去咗呢間餐廳，一個價錢任食嘅火鍋放題，我哋叫咗一個豚肉、一個牛肉，我叫咗壽喜燒湯底，老公叫咗麻辣湯底，之後我哋仲拎咗好多菜丸等等，味道都唔錯㗎，特別係墨魚丸同貢丸，老公話鍾意我個湯底多啲，我唔識得辣就無試佢嗰個啦，仲有值得一提嘅係佢嘅醬料，有好多柚子醬，都幾特別另外比較驚喜嘅就係個雪糕，我本身唔係好鍾意食朱古力味雪糕，但係我有覺得幾好食，奶味好濃，又有朱古力味，食飽都可以再食，哈哈

放工後，因為有東西要買，所以來到沙田。買完後，就跟老公去食晚飯。在沙田，基本很多食店都非常多人，我們找一間不太多人等就算，剛巧路過，看到二人桌下一位就到，於是就按票等候。等了十分鐘左右可入座，算是快吧。放題火鍋吃得多，但在沙田都是笫一次。我們點了昆布清湯，小牛排，煲是一人一煲。餐內有任食美國小牛排，牛舌，豚肉及雞肉。這個是美國小牛排，賣相都很好，入口不韌也不粗糙，非常有口感，感覺很新鮮。豚肉也不錯，入口軟熟。雞就入口味道一般，很普通。外面取的配料，跟其他火鍋店都差不多。最特別應是壽司吧，不是每一間火鍋店都有提供。而雪榚並不是有牌子的，自斟的。這個是朱古力雪榚，加了少少棉花上。雖然不是甚麼牌子，但味道都可以吧。這個是熱朱古力，朱古力味濃，但味道比較甜了一點，不過朱古力迷都會繼續喜歡它。這些甜品，反而我覺得有點驚喜。左上面是朱古力泡芙，右上面是草莓泡芙，下面是朱古力雪米糍。朱古力泡芙是有很濃的朱古力味，甜度剛好，裡面不是淋淋的，有咬感，少許像雪榚。右上面是草莓泡芙，也是非常好味，跟朱古力泡芙一樣，只是味道不同，我很喜歡。而朱古力雪米糍，口感是軟軟的，煙煙韌韌，朱古力味不及泡芙香濃。這間食店

老人家有長者咭平d，令長者開心😃👍🏻環境衛生，食物味道也不錯早時段如5-7去比較好，人少少，可以傾下計但可能要放假才可以菜多肉少，但勝在新鮮，牛雞豬都有甜品也可以以芒果沙冰，我爸爸飲了2杯😅

通常諗起日式放題火鍋，就會諗起啲叫牛乜牛乜嘅食店，而通常叫襯牛乜嘅都唔差得去邊。根據呢個理論，於是搵左呢間叫牛摩嘅火鍋店原來呢間店主打新界地區，怪唔之得向來活躍於港島同九龍嘅我地無見過啦入到黎見到呢個調味料吧同配菜吧～野食比想像中多喎，菜有四五款，丸類菇類種類都多另外有壽司吧，errr無野蓋又望落唔多靚咁，我就唔多想食喇，好似都無咩人行去壽司吧夾黎食，感覺好似唔擺仲好咁我地揀左蕃茄同豬骨湯底，正正常常湯底冇咩好特別兩個人唔係夾左好多料。想平平地打個邊爐仔吹下水，揀呢間店都算幾唔錯最尾指定動作就梗係不埋雪糕先走啦

現時香港有很多任食火鍋店，牛摩可以算是數一數二的。他們有5-6種套餐供選擇，深夜9時後更可以優惠價進食。沙田分店的火鍋配料與其他火鍋店相比並不是特別多，但一般會有的都會有。

野食一般，員工服務態度極欠佳，叫左5次洛單，求其敷衍下就算，等左好耐下都冇任何野到，我成碟豬同雞食完我叫既野食都仲未到！同經理反映，反被罵反轉頭！簡直不知所謂！

啱啱同朋友係沙田做完gym ，好肚餓加上想補充下啲蛋白質，就入咗去食呢間放題店。我地入去嗰陣已經9點，所以有宵夜優惠。咁我哋就揀咗個上級美國牛肉放題，價錢係130蚊，好似話因為宵夜所以平啲。一入到去職員俾咗卡位我哋坐，都坐得幾闊落舒適，原來係一人一個鍋，個人認為有d多餘。牛肉質素都幾高，雪花同脂肪分布都好平均，雖然色澤上面好似深色咗啲，可能因為未完全解凍，但食落完全冇影響。本身我哋九點入場應該食得一個鐘，但係佢10點3都未趕我地走，仲幾好service ，真係唔錯

而家市面上好多專食牛肉既火鍋店，牛摩就係其中一間。今次食佢既中價牛任食，同埋出面水吧野食野飲任拎。可能因為比較夜，啲牛肉既質素麻麻地，淥完之後都幾韌，而第二盤來既牛肉好似仲未解完凍咁，啲牛肉白白地。雖然冇乜雪氣味，但牛肉本身質素不太好。而水吧出面啲野飲野食都冇乜試，睇落麻麻，除左啲菜😂😂。

今日有人堅持要午餐打邊爐，門口又要排隊，害我等到下午3點幾先有得食。午市套餐有係幾抵食嘅，平平地 $80 起已經有牛肉同任食 60 分鐘火鍋。牛肉份量好足，8 片大大片嘅（我試過有間食牛肉鍋成 $100 卻只得 4 小片牛）。其他食物係正常火鍋料，不過不失。唯一對佢嘅 wasabi 丸有少少意見，攻鼻得嚟味道亦怪怪的。另外飲品選擇都幾多，凍飲除咗汽水仲有沙冰。最近戒緊凍飲仲怕無嘢啱我飲，點知佢又有熱柚子茶，呢個真係唔錯，我欣賞！限時 60 分鐘任食，夠鐘都唔會趕我哋走（可能係人手唔太夠，而且旁邊都仲有好多空位），所以感覺又抵咗～ 哈

午市幫襯90分钟放題，長者有优惠，都唔错呀。不过门口接待位哥哥仔，耐性及礼貌欠奉，需要改善一下。牛肉都可以，但自助区与其他牛肉放题店比较，种类选择实在太少，沙律吧较混乱，甜品亦一的都欠奉，飲品系汽水机，与其他店全雪柜，每罐独立自助有距离，相信唔系因为午市问题，因为摆放区应系已经规划好啦，咁冇得变啰！自助🍧朱古力味，味道还可以的。此放题不试亦冇损失，因应有其他更好选择，只系沙田区只有佢一间，就腳方便而矣！

今日沙田搵野食，身為大胃王既我緊係搵間自助餐廳或者放題黎拆返餐飽，經過牛摩門口，俾個餐牌寫住$109自助餐吸引住左，即刻問身邊女友想唔想試下，最怕諗食乜野既佢去到呢間舖門口，見到入面又有汽水機又有蔬菜吧又有日式打邊爐，緊係話冇問題啦，誰不知準備入門口之制，待應講返清楚，$109只係包括自助蔬菜吧同甜品汽水吧，仲要係9點後，當時仲有30分鐘先到，同埋要包括豬肉雞肉牛肉就要加錢，果一刻心諗，反正都問左女友話冇問題，唔諗喇，食左先算，跟住就直接入左去坐低。 因為我地2個人，所以我地可以叫兩個湯底，一個係豬骨濃湯，另一個係壽喜燒湯底，野食好快就上左枱(因為好明顯係切左先🤣)，我見D湯未滾，所以出去蔬菜吧攞野先，蔬菜吧有好多種菜，真係諗到乜有乜，連我最鐘意既玉子豆腐都有，我攞左幾舊粟米、金針菇、玉子豆腐就返去枱，因為用電磁爐，所以個湯好快就滾，我以9秒9既速度放晒d牛肉落湯，跟住就以9秒9既速度就夾返上黎，D牛肉真係超正，肉質鮮嫩，有牛味，仲要係肥瘦適中，冇5分鐘就俾我地2條餓鬼清晒，待應見唔對路，跟住就轉眼攞過另一碟出黎俾我地，個份量仲要多成倍😍，但又係因為食得太快，所以我地又唔夠半個鐘就飽到

今日夜晚喺沙田游完水好鬼攰，行到沙田廣場搵嘢食，見到shabu shabu放題，唔理三七廿一，就即刻衝入去我哋叫咗壽喜燒同豬骨煲，壽喜燒送多隻蛋烚下烚下我哋叫咗牛豬雞放題任食第一碟牛比夠肥啲，肉比較嫩身到我哋再encore第二碟牛，唔知侍應係咪驚死我哋唔夠飽，份量竟然比第一碟係Double咁濟第二碟牛比較瘦身，但牛味相對重，好多我就非常之鍾意啦豬肉切得好薄，好易熟，肉質不過不失。至於雞肉就係普通雪藏雞，但係起碼冇雪水味，普普通通冇咩特別，所以豬同雞都冇再叫過第二碟。自己的蛋自己烚，滲咗壽喜燒嘅醬油味，加埋葱花同少少辣椒，咸咸地又無掩蓋蛋香味，送飯最好神啊！where is my rice???😭😭😭蔬菜、烏冬、丸呢啲都係打邊爐正常食材，冇乜特別驚喜。依家只係有黃芽白、白菜仔、生菜及油麥菜可以揀，就只係得今個冬菇，如果再多啲菜嘅種類就好啦！啤酒任飲，Skol雖然唔屬於貴嘅啤酒，不過佢麥味中等又帶少少crispy，打邊爐不錯嘅選擇我地八點半入座，有個半鐘時間食，但我地食到九點半都已經好飽。至於侍應服務就一般啦，reception個哥哥仔好似唔憂做咁，冇人坐卡位都唔係好想帶我地過去，唔係我哋

同男朋友一直都好鐘意打邊爐 結果今日又嘴癮起沙田既選擇唔多 除左吉野家就係牛摩我地一早係apps度拎左飛 但結果都等左近半個鐘先有位好既係每人都有自己一鍋 可以揀自己鐘意既湯底我就揀左韓風泡菜湯 男朋友就揀左新出限定既越式牛肉湯我覺得我個泡菜湯唔夠濃味 但佢個牛肉湯就好入味 同平時食越南牛肉湯河既湯底一模一樣 鐘意既朋友可以一試但係呢度既配料選擇真係好少 得普通既菜同丸甜品除左乳酪之外仲有好幾款可以任拎 我就最鐘意食原味泡芙同埋朱古力糯米糍