牛極 (庇利金街) (已結業)

看大家的都是一大塊牛扒,怎麼我的卻是三件大小不一的肉眼?而且帶著很多筋及肥膏。有大有小的肉眼,很快熟透的就是最少一舊,切的時候已經發現很多筋,咬不下呢！另一舊還好,吃得下。最大一舊連著很多肥膏及筋膜,一看已知吃不到,切掉之後只剩下一半。200g的肉眼我想應該有80g或更多是吃不下的。看著大家的正面食評,滿心歡喜去吃扒,誰知會吃到性價比低的套餐。雖然有任吃的白飯、沙律和餐湯,但總不能只吃這三樣來彌補性價比低的肉眼吧。

今次小仙子帶左小🐷去自助鐵板燒牛極，坐好之後要自己去門口自助機度落單，等一陣就會送到枱面架啦😛等緊既時候可以出去拎圍裙餐具，仲有沙律、牛肉湯同飯任添架！牛肉湯都幾足料😂我地點左牛肩排360g ($150)同日本和牛赤身(富油脂)180g ($230)，牛肩排上菜嘅時候係1成熟，可以按住自己嘅喜好煎牛扒😉牛肩排肉質有咬口，重牛肉味，可能小🐷食得慢😅鐵板食到一半已經唔係太熱，不過可以叫職員幫忙換板😚而日本和牛上菜時已經切好一片片，食嘅時候好方便😙和牛好嫩滑，油脂分布好均勻，有入口即溶嘅感覺🤩有驚喜雖然座位唔太舒服，比較迫，不過勝在性價比高，前菜湯飯任食😗不過全程感覺好忙，又怕煎燶🤪都好多間分店架，lunch價錢仲優惠😌經開可以試試

今日行經過佐敦又好好好想鋸扒🥩，咁啱見到間自助形式嘅牛扒店，用嘅係自動售賣機好有日本嘅感覺，而且價錢一d都唔貴好商議，牛嘅種類都好多選擇，因應自己鐘意邊個種類黎食。最特別係用石頭燒熟塊牛扒，可以選擇牛肉熟嘅程度，自己鐘意自己搞。我點左牛肩排180g，牛扒都好厚身我切到一小件再煎煎佢，點埋燒汁就更加正喇，仲有沙律菜、羅宋湯同白飯任食。食呢d更係要飲野，我點左罐裝蜜瓜汽水🥤有驚喜好重蜜瓜味好好飲。

今日嚟佐敦附近食午餐，呢間石燒牛肉好似好抵食，午餐只係50幾蚊包晒主菜，餐湯🥣，沙律🥗和白飯🍚，佢係採取自助形式，買咗飛之後就會有人送餐日式鰻魚 $60石燒上碟熱辣辣，鰻魚都幾厚，有兩大件，食起上嚟冇骨而且唔會好韌日式雞扒 $50雞扒好厚身好大塊，外皮煎到好香脆，內裏肉質Juicy, 我哋特登問店員攞咗啲燒汁，一到落去就吱吱咋咋，燒一陣令雞扒有啲焦香味餐湯🥣，沙律🥗和白飯🍚都係自助無限添加，餐湯係蕃茄牛骨湯，蕃茄味同牛肉味香濃，唔會好油；沙律菜新鮮爽口。呢個價錢性價比真係非常高，即叫即做，大份又抵食，而且唔使加一服務費。

之前在油麻地的店体验就很好，这次和朋友一起，来打卡佐敦这家店，我们上午去的，应该是当天刚营业的时候没什么人，依然是进门就开始点餐然后付款，店员给我们安排到了一个不用拼桌的大桌位，并指导我们，怎么用桌上的调料，以及自取米饭汤生菜，餐品不用说就是一如既往的美味加价格合适。

真係Lunch抵食之選午餐相對平時嘅餐黎講好平，平時一份牛最平都要80蚊，而lunch的話有除咗牛之外的好多選擇，例如雞扒（55蚊）、鰻魚（ 65蚊）仲要免費任添沙律、醬料、湯、飯沙律正正常常咁，可以按自己嘅口味加沙律醋或麻醬醬料有芝麻燒汁、辣汁、蒜蓉湯食新鮮熬製的牛肉羅宋湯，通常底部真係會有牛肉，有洋蔥同蘿白，很足料，不過就視乎好唔好彩會唔會俾人筆晒。呢款湯飲咗之後好回味，朋友就係因為呢款湯所以成日黎食，當自己飯堂咁飯都不馬虎，好似係珍珠米，粒粒分明咁，可以自由添加飯素

今日朋友帶左我去呢間牛極食晚餐🤪🤪order左牛肩排(180g)$80🤩咁平既價錢食到咁高質嘅牛，而且飯仲可以任添😏幾大食嘅人一定夠飽真係可以再嚟食多次😋

朋友今日話想食牛扒，時常經過好多區域都見到呢間牛極，今日係開佐敦呢邊就試下啦～入到去之後先係售票機果到買左飛先，好似日本既拉麵店啊！可以選自己想食咩款式既牛同幾多份量！岩曬各人有不同需要啊！我呢，就叫左200g既牛柳$110，朋友就叫左80g既牛肩$80！之後我地坐低左，店員話可以去拎飯同沙律係自助同任食既！但行到去發覺仲有牛肉湯同各式醬汁配牛肉既！為免彈到成身都係油，仲好貼心有圍裙提供tim!等一陣牛扒黎到啦，牛扒黎到時係一成熟既，放到一塊好熱既石板上，每塊切開時再係石面煎一煎，煎岩自己喜歡既熟度就可以食啦！我呢塊牛柳，好淋啊！牛本身有d調味，所以都不用太多額外調味，夠味！不過朋友鐘意食濃味d,都有加小小辣醬，話都好夾既！另外呢個牛肉湯，類似羅宋湯既，都幾好飲，有夠蕃茄牛肉湯味！另外沙律都幾新鮮，配埋芝麻醬可以自己落幾多都得，好食啊！另外白飯任裝啊！白飯係日本米，都好好食啊～食到中間如果石板唔熱，可以叫店員再換，繼續煎黎食架～另外朋友既牛肩肉都係好juicy 好香牛肉味既❤️呢間牛極真係cp值超高啊！

今日放工同同事去佐敦食飯，我一直都想試下石燒牛扒，所以就黎左呢間位於佐敦既庇利金街名叫牛極既石燒牛扒店試試喇！呢度落單係要用呢部自助售賣機落既，十足十似係日本某啲餐廳咁，真係好有日本風啊！👍🏼👍🏼叫完野食塊扒未到但係又好肚餓添，唔洗驚，有個位係自助區黎，可以係果度免費任舀沙律、白飯同埋湯既，另外仲有自家製燒肉汁、辛味芥末醬汁同蒜蓉蘸汁用黎稍後沾牛扒既，咁就可以食住前菜醫下肚啦😋😋等左一陣我地兩個既石燒牛扒終於上枱喇！石燒扒既好處就係本身塊牛扒唔會太熟，然後等食客按自己既喜好去決定生熟程度，風味真係截然提升！👍🏼👍🏼我就叫左呢份牛肩扒($80/180g)試試，嘩！真係不得了！肉汁完全鎖住係塊扒入面夠哂豐富，沾少少燒汁更加令到味道變得特別濃郁，而且肉質亦都鮮嫩無比，就算係塊石上面燒左好耐都唔會好韌，正！而同事就叫左牛柳($110/200g)，佢試完都話肉質嫰滑而且又富有彈性、味道仲夠哂濃厚，而且佢仲話石燒牛扒係比較少油既，所以食完都唔會有太油膩既感覺，值得一讚👍🏼👍🏼

我叫既係A4日本和牛$230 大家自己睇圖 d牛完全唔對路 根本唔似a4 而且一夾起發現d牛唔係一片片 佢係砌返一片片姐 夾起先見到係條形黎 姐係你打邊爐肥牛個種條形 而且 肥位勁多 個d肥膏位正常係會切走 我係食到嬲 有食開和牛都知 $230求其搵一間質素都好過佢 10分滿分我1分都唔想比 以後唔會再幫襯

同朋友兩個黎食，咁岩一入就有位！我地叫左牛肩排同牛柳，店員超有禮貌～服務態度勁好！由於大部分係自助，我地可以勺飯、沙律同湯，無限refill都冇問題，勁好！沙律仲好新鮮tim!塊排黎既時候有紙巾蓋住，唔會彈到周圍都係，好貼心，食食下塊板唔夠熱都可以換板～ 我自己中意牛肩排多d，牛味重d又唔會韌，牛柳會淋少少，唔中意太硬既人就岩哂，兩件都好juicy! 真心推薦～～～自己切同燒真係可以最岩自己口味，無論大細定熟既程度，而且仲有幾隻調味料俾你自己加，我覺得就咁已經好好食😛

朋友生日，打算去佐敦牛極食生日飯，四大兩細（六歲小朋友）本來開開心心叫四個二百克牛扒加兩個沙律餐比小朋友，點餐機有寫小朋友唔食扒餐就叫沙律餐，我一個一百八十磅既大男人都係食二百克，店員竟然要求小朋友點一個一百八十克既扒（我個小朋友食廿克已經唔食）.....其實我都幾經常去食，仲同D公司同事行八人十人去食，見過幾次D二大一細都冇點沙律餐，咁點解對我又雙重標準呢？係咪唔歡迎家長帶小朋友同行呢？不推薦呢間食店

the steak is served on a piece of hot stone so you can cook it to your liking. tastes really good with their homemade steak sauce. the salad, soup and rice are self served. you can eat as much as you want, so you won't have to worry about hunger 😆 they don't have any fancy or unique dishes, but sometimes this kind of food is the best!

我確實非常喜歡吃牛扒，哈哈，見到這間餐廳竟然還可以任吃沙律、湯、白飯任裝，簡直是窮人恩物啊！！！！店鋪內有好幾款扒肉，任君選擇，豐儉由人見到如此豐富的選擇，哈哈哈，我真是選擇困難症發作啦！！！第一次來當然要試下最抵食的80蚊扒啦見到不少食評都是首選推介啊首先在門口自助櫃員機揀選食物，如有需要，可以購買飲品，飲品都是汽水，我就不點啦。倒不如好好享用店內的湯和檸檬水我去的時候是中午，人不多，入座後不久就上熱辣辣的牛扒啦！期間我就去自助位裝其他食物白飯圓碌碌是我喜歡的，加上芝麻粒，竟然幾香幾好味~ 今天的湯是紅蘿蔔牛肉湯，隨意一勺，就看到很多牛肉塊和各種湯渣。。雖然是任喝的湯，老闆也一點也不隨便啊！！牛扒剛上餐時都是1成熟的，自己選擇熟度，切開牛扒，肉汁帶著血慢慢滲透出來。。嘶嘶嘶~~~切得太樣衰啦。但好味就得啦正 啊~~~

冇得去旅行，特別掛住日本嘅美食。之前都食過壽司、拉麵果D，今次試新野，難得經過佐敦，就試下石燒牛！牛肩排即落即上枱，岩上枱時大約得一成熟左右，可以隨自己喜愛去燒到幾成熟都得！本人偏好熟少少嘅牛肉，所以都燒到7成熟左右。一入口真係有驚喜，燒到7成熟果時都擔心會太韌太硬，但完全唔會，重牛味之餘肉質又夠軟！澳洲牛肉眼牛味濃、牛脂感重！一路燒一路加蒜，色香味俱全！食落去更加唔洗講，同樣肉質夠軟，食肉獸至愛！最值得一讚係佢塊板燒過10分鐘依然係好熱！仲有強烈推薦加蒜同佢嘅自家醬汁一齊食！一塊扒份量好似好少咁，其實佢係白飯、湯同沙律係任裝咖，所以絕對抵食！