牛極 (庇利金街) (已結業)

因為想食鐵板燒牛所以上網搵，見到有幾間類似嘅舖頭，都有好多好評，所以就隨便揀咗間近近哋嘅試下！環境: ⭐️⭐️⭐️🌟(3.5/5)一入到去覺得環境ok有少少日本平民餐廳feel👌 叫嘢食就係喺門口嘅一部機到叫食物:⭐️⭐️⭐️(3/5)味道無想像咁好，見網上有好多好評，以為會係中上嘅味道。不過由於肉嘅分量都算大，而且可以無限加湯，沙律同飯，所以相對上算抵👌衛生:⭐️⭐️⭐️🌟(3.5/5)服務態度:⭐️⭐️⭐️⭐️(4/5)一入到去職員都立即安排咗位置比我哋坐，同埋都有解釋點叫嘢食回頭度:⭐️🌟(1.5/5)無咩咁特別 又唔算好抵

行街路過見到石燒牛，個肚即刻打鼓🥁，一於去試下啦～餐廳係半自助式，沙律、湯、飯、水都係客人自己裝。餐廳職員協助購票之後搵位坐低，就可以去拎野食喇！說時遲那時快，拎完野食，牛扒經已送到！餐廳預先煮到一成熟，然後客人按自己喜好再煮熟～點左牛肩排，180g先 $80！牛肩排係牛的肩膊位置，中間有條幼筋，但食時完全唔覺有筋既韌，牛味濃，煮至五成熟，肉質彈牙有咬口，大大舊，性價比極高！成餐既速度同食快餐差不多，但感覺就高質好多，突然想食好少少既話絕對可以過足口癮🥰

去佐敦睇完醫生經過間石燒牛，門口有部機買飛仔揀野食，幾得意咁，即刻「思鄉」病發，入去試試☺️餐廳裡沙律、白飯、湯、檸檬水都係自助型式任飲任食，想食幾多都得😋安頓好後牛扒就送到，火山石造成既石板非常熱，仲滋滋聲，餐廳預先將牛煮至一成熟，客人可按自己喜好煮熟牛扒，好彩餐廳有圍裙提供，唔駛怕整污糟件衫👍🏻牛柳200g $110牛柳煎至約7成熟，肉質仍然非常嫩，鬆軟多汁，一啲都唔鞋，輕輕加少少鹽同胡椒已經好好食😋呢個價錢有飯有湯有沙律，仲有靚牛，真係非常抵食👍🏻

牛極位置方便，係佐敦站附近。餐廳裝修簡約，店入面有部自動販賣機，客人自助點餐 ，非常方便。另有個自助吧，有醬汁、湯、飯同沙律無限添食，店員仲好細心左圍巾。我同朋友各自叫咗個set，落左單無幾耐就上碟，上枱時先用牛油紙蓋住，以免啲油會彈出，頗為貼心。我叫左牛肩排，鐵板本身得一成熟咁樣上嚟，可以自己調較熟度，自己鐘意幾成熟自己話事。牛肩排份量都幾多，食落幾咬口，牛味相當濃郁。朋友叫左個牛柳，肉質嫩滑，肉汁豐富，入口酥軟咀嚼無阻力。

火眼金睛𥄫實塊牛🧏🏻‍♀️一訓醒就出去搵朋友黎到呢到食個無比豐富既早午餐🤣 #食肉獸 既我不分晝夜都可以‼️ 朋友叫左亂切 我要左個牛肩排🥰 叫好野食就自助拎啲飯、味噌湯🙆🏻‍♀️我係非常鐘意飲味噌湯，足足飲左兩碗😈沙律菜有喜好既柚子汁 發覺食完牛排再食沙律菜可以解油膩感😍😍熱石黎到滋滋滋🙌🏻 美妙既聲音😋 本身1成熟 我食牛食開5成😂😂😂 慢慢我佢熟啲先 啲肉汁一直流🤤有朋友講佢上次食比較難咬但今次食我就覺得好軟熟易咬仲啖啖juciy就算有筋都唔會好難咬 感覺好好同埋店員都幾貼心我地兩個大頭蝦完全無醒起會彈到衫🤭🤭好在店員提醒返😜 午餐時間都多返工既朋友黎食絕對係午餐中性價比極高 ♥️ 有機會再試下其他分店同其他部位先因為今日特登出去 懶想一程車返就揀呢個位置

朋友之前介紹過呢一間餐廳，話啲嘢食好抵食，而且係好食嘅，唔會因為平而影響食物嘅質素，我覺得喜出望外啊！一入門口有自助售票機我今日揀咗個最平嘅餐，係牛肩排，只需要$80就有180g. 係等嘢食期間，我去咗自助bar拎咗啲沙律🥗湯同埋飯，啲飯可以加紫菜粉喺上面，牛肉湯唔錯，佢有好多料，幾好！我一路燒一路切開嚟食，肉質幾鮮嫩，食得滋味同開心呀我😋😋🥰自己可以睇住塊牛扒燒成想要嘅熟度，唔怕廚師煮得過生/過火👍下次我都會翻返嚟幫襯呢一間餐廳，這是回頭率高的餐廳🍴

石板燒我就聽得多啦，但真係從來都未食過，今日的起心肝去試！我去咗呢一間牛極嘅餐廳，餐廳環境乾淨，店員服務態度好。👍👍好細心仲提供左圍裙呀！我叫咗牛柳$110有200g, 落單冇幾耐，嘢食好快就到啦！佢用一成熟咁樣上嚟，自己煎幾熟嚟食都得。成塊肉真係好厚好大，另外仲有啲沙律、湯同飯任添，真係可以食到飽飽！😘😘我發現佢外賣好平呀，下次有機會試吓外賣先。整體來講呢一間餐廳抵食👍係抵食自選，鍾意食牛嘅你，又想可以食平啲，可以嚟呢間餐廳試吓😝😝

入店後係販賣機點餐 （現金/支付寶），跟住就可以坐低等牛扒！中間可以去出面拎醬汁 湯 飯 同沙律！🦁✅ 牛肩排 180g ($80)鐵板上 本身得一成熟，要自己切細 再係鐵板上煮調較生熟度。 本身醃左 即使唔蘸醬都好夠味。醬方面有生蒜 辛味芥末燒汁 自家製燒肉汁，前兩款較好，燒肉汁就比較偏甜。肉質方面都唔錯 有d位有筋 但整體都淋既。本身覺得份量唔多 但食食下發現好飽 🤣任食既沙律菜就可以點芝麻醬或者柚子沙拉汁，因為唔食飯所以足足食左5碗菜 😛日式牛肉湯估唔到咁足料 入面勁多牛腩 加埋洋蔥個湯超甜！飲左兩碗🦁 80蚊食到咁飽 好抵呀！仲好貼心有晒圍裙紙巾 食得好舒服！

今日係佐敦上堂 原本諗住食澳牛 點知無開門誤打誤撞見到食火山石燒 牛極 見到午餐價錢都ok 價錢由50-65左右叫左個厚切牛舌餐 包沙律🥗湯同白飯全部係自助形式 自己鐘意食幾多就拎幾多食沙律都已經好有日本既感覺 耶菜係用心去切 胡麻醬都好味 羅宋湯就好味過出面茶餐廳嗰d既火山石燒牛舌 真係不得了 大家記得一定要拎醬汁同加生蒜 真係同牛舌好夾 夠重口味 65蚊食到呢個質素真係好開心最緊要係好食！下次會再黎食牛排！到時再寫食評分享俾大家

放工諗唔到食咩好，男朋友話近近地去屋企附近的牛極据扒。餐廳門口有部自動販賣機，我地係先部機度下單同付款，再等waiter送餐黎。枱上有3款調味料，分別有BBQ、粉紅色海鹽同黑椒粒。自助吧有沙律、餐湯和白飯，另外仲有有3種調味醬，男朋友鐘情於蒜蓉，夾左勁多黎撈飯，哈。我地分別點左份牛肩肉同牛柳 ，牛肉嘅份量十足，上碟時大約一成左右，可以自己調較熟度。牛肩排 180g ，80蚊有交易，相當抵食。牛肩排肉味濃郁，肉質較爽口，油花比重較高，口感較豐富。牛柳價錢比牛肩排少少，200G $110，肉質較軟腍，肉汁豐富。

去開佐敦做嘢，見咁多正評所以入嚟試下午市嚟到，環境都乾淨企理，1點到大概有9位食客特價午餐除左牛舌就冇其他牛肉選擇，所以就揀左單點我叫嘅係澳洲肉眼200g，另外會有自助白飯同麵豉湯，沙律沙律冇試，但麵豉湯較咸但好多料，都幾好味牛扒好快到左，滋滋聲、又香，都幾吸引不過食落就，um.....好一般嘅水準...自己落左岩鹽調味，但牛味始終唔太出色如果佐敦食飯110蚊還可以啊，但唔好有好大期望😅午市有更多選擇

講到食牛扒，佐敦嘅牛極簡直冇得輸。呢間舖頭開張到而家，我大大話話都食過好多次，每次食完都好回味。但最近因為疫情關係，小左係舖頭堂食，轉戰外賣翻公司到食，食物質素都係同堂食一樣，保持到水準，除左唔洗自己燒之餘，仲有唔會吸收到燒肉嘅味道。今日中午又決定左食牛極，係openrice到order左一份180g嘅九成熟牛肩扒，配有白飯，蕃茄湯同埋日式沙律。大約等左20分鐘就有得拎，拎到翻公司，全部食物都係熱辣辣，仲會出煙。今次冇order到多飯，但份量都夠食。180g嘅牛肩扒一其有四塊，全部都係厚切，食得出係九成熟，唔會太老同太硬。蕃茄湯同日式沙律如果係堂食，可以無限添食，但外賣就會得一盒，不過一個人食，份量都足夠。此外，仲要讚一讚，牛極除左牛扒好食之外，店員服務態度仲好好，親切有禮，值得讚賞。

男朋友就黎生日,諗緊買咩送比佢好,今日約左朋友一齊去睇禮物睇完禮物之後大家都肚餓,見時間仲早,應該餐廳無咁多人,所以大家拿拿臨去食野先我地去左牛極,依度出名食牛扒,朋友想試好耐啦佢地牛扒都係即叫整刻整,放落爐度煎,煎煎下已經好香牛扒好大份,我叫左3成熟,入面仲係紅色嫁,好嫩滑,好多肉汁,好好食之後再食物沙律同個湯,夠曬飽,自助高級牛扒黎講都唔算貴,最緊要真係用靚野牛極 Gyuugoku Stone Grill Steak佐敦庇利金街53號地舖G/F, 53 Pilkem Street, Jordan

I like stonegrill in the near row. The type of Hao Caiyi is more and more open. Today, it’s not wrong to eat a beef shoulder steak. The beef taste is quite good. It is a little bit tough. It will be the best when it is fried until 4-5 mature. Both state.The format is the salad, rice and soup. I have to mention that today’s tomato and tofu soup has a surprise. It seems that the real ingredients are boiled and added by Li Wuyi, and you can drink 3 bowls 😎______________________________牛極Address: Sh

My colleague said that a lot of friends recently went to eat hot stone beef, but she had never eaten it, so she asked me to try it.After work, she took me to this restaurant where I eat stone-boiled beef. This restaurant is quite big, with card seats and regular seats. When we arrived, it was not yet six o'clock, and many people were still working. We took the card seat, it was spacious and comfortable, and the Japanese decoration was full of Japanese flavor.This is a self-service format, with s