牛気 (將軍澳中心)

营业中

休息中

嚴選和牛+海鮮放題 (90分鐘)$358 #禁堂食前的最後晚餐壽喜燒 (另加$10) /豬骨湯底 (鴛鴦鍋加+$20)味道：🐧🐧🐧🐧🐧首先一讚，點了鴛鴦鍋，他們索性給了我們2個大鍋shabu shabu, 完全不用擔心湯底搞混在一起。壽喜燒湯底味濃，甜醬油味道突出，甜味鹹味比例適當，配搭牛肉食用絕配，令人吃不停口，非常推薦。豬骨湯底則不過不失，味足又不會過膩，穩陣之選。火鍋配料🍲種類：🐧🐧🐧🐧賣相：🐧🐧🐧味道：🐧🐧🐧🐧種類方面，除了套餐包含的海鮮、任食牛、豬、雞外，外面自助吧還有不同款式的配料選擇，例如各式丸子、蔬菜、菇類、芝士腸、雞蛋、麵食等等，選擇頗多。賣相方面，各式肉類、海鮮攞盆尚算整齊，色澤新鮮。味道方面，牛肉為澳洲和牛，經薄切後一淥即熟，肉質尚算軟嫩。肉片攝取了香醇的壽喜燒湯後，味道濃郁香甜，令人欲罷不能，必食之選。除此以外，亦十分推薦少見的蒟蒻麵和綠茶麵，口感彈牙爽滑。綠茶麵更能吃出淡淡綠茶香，跟壽喜燒湯底效果出奇地相配。熟食🍛🍢種類：🐧🐧🐧🐧賣相：🐧🐧🐧味道：🐧🐧🐧種類方面，有小食如魚蛋燒賣、咖啡牛肉、各式炸物、壽司以及店舖推薦的流沙奶黃包，選擇頗多但稍嫌雜亂。賣相方面，

今天天氣冇理由唔打邊爐，一直都覺得牛氣嘅壽喜燒個湯底怪怪地，總係覺得佢溝得唔算出色，但係勉強又可以叫做合格。今日選擇牛小排，牛小排嘅肉質一啲都唔鞋，好淋好食，二百幾蚊任食我覺得好抵食。今日見到一隻新菜，叫做水蓮，佢嘅質地都幾得意，感覺上條都係屬於纖維，但係佢有冇渣，其實點講先啱呢，佢唔係一款比較容易吞嘅蔬菜，比較要咬多幾下，同埋感覺煮極都唔會淋，算屬於爽口嘅蔬菜，幾得意。同埋每次嚟呢度打邊爐都一定會食一樣野，我印象中好似得呢一度地方先有，叫做麻吉西北燒，其實就係湯圓，有兩款口味芝麻同花生，不過將個湯圓放喺鹹嘅湯底裏面煮，煮咗個湯圓外咸裏面甜，識嘅感覺好得意，有少少複雜不過幾好食。

冬天最好既朋友就係被窩同火鍋假期訓到自然醒凍凍地就去牛氣食個早午餐午市90分鐘放題有豬有牛有雞仲可以每人減$40叫左日本牛骨濃湯，好香，少辣甜品有綿花糖機，小朋友最開心仲有雪糕做甜品大滿足😋

今日同朋友lunch嚟牛気打邊爐，咁啱午市有優惠（原價可以減$40）選澳洲和牛套餐仲可以升級做120分鐘放題，所以試咗呢個套餐！😍😍嚴選澳洲和牛+海鮮放題$348黑蒜豬骨湯底未食已經聞到陣陣香味，湯底入面有超大舊豬骨，豬骨味超濃，黑蒜味重！呢個湯底相當出色😋😋一坐低無耐就會有一round野食，上咗啲海鮮，三文魚，同最吸引嘅澳洲和牛！澳洲和牛油脂分佈平均，食落牛味好重，對得住呢個價錢😋😋第一round上嘅牛最好食，之後再點嘅老咗小小😣，但係都係咁好食。海鮮款式選擇都幾多，有海蝦、青口、帶子、花膠......不過唔算太好食，帶子比較韌，唔夠新鮮。三文魚刺身都幾厚，幾肥美，任食嚟講算唔差！不過食太多會好濟，所以都係集中食和牛😆另外仲有其他肉類，品質都ok自助區的丸類、菜類選擇都好多，比較特別的係有麻吉燒，同自製烏冬。麻吉燒等4分鐘就可以，有芝麻同花生選，食落比較似湯圓，皮比較厚。自製烏冬口感一般，唔夠彈性。另外仲有熟食選，選擇都幾多，流沙包、茶渍蛋、咖喱飯.....牛気作為日式放題嚟講，食物的選擇性好多，而且整體菜式的品質也不錯，回頭率高。

地方整潔，牛小排新鮮好味。90分鐘時間尚可以。星期五晚8：30pm 都冇人在外排隊等位，我哋雖然夠鐘，也不用不由分說將枱面所有嘢清哂，我哋仲拎住雪糕筒坐係度食緊的，服務實在太差了！

中秋節又到，又要諗吓去邊度同家人提早慶祝，家人見入秋想打邊爐，就想搵間日式牛肉火鍋試下，做完一輪資料搜集就一於試試將軍澳中心既牛気。當日去到見到門面都OK，有D牛仔既坐位喺餐廳出面，幾得意。我地一行五人揀咗美國牛小排放題90分鐘套餐: 主打極上美國牛小排、嚴選美國牛肩肉、特選豚肉、精選雞腿肉同埋蟹子墨魚滑，成人價錢$258同長者就係$198，都OK唔算貴。黑蒜豬骨湯底點左黑蒜豬骨湯底，好足料，豬骨大大件，湯味濃郁又夠甜。極上美國牛小排牛小排確實幾掂，牛味濃郁又切得夠薄，全家人都食得好滋味，叫左好多碟，好似有十碟以上。嚴選美國牛肩肉牛肩肉質素都唔錯，不過就多少少肥肉，我又OK，牛小排同牛肩肉我都鐘意，但家人就鐘意牛小排多D，所以都係主食牛小排。蟹籽墨魚滑蟹籽墨魚滑都幾彈牙爽口，仲加埋蟹籽，食落口感一流，都叫左幾碟。豚肉同雞腿肉就冇點試，但睇落都幾新鮮。自助吧範圍都有唔少選擇，都係果D丸類餃子蔬菜熟食雪糕甜品等等，特別在有手打烏冬，味道唔錯，仲有荔枝烏龍茶飲，打邊爐飲一流！服務都唔錯，侍應做野都算快而且幾有禮貌，添牛肉都來得好快。唯獨環境就迫左Ｄ，出入行走都好窄下。整體係滿意既，牛小排絕對

琴日同朋友夜晚去咗牛氣打邊爐，餐廳人流幾多，個環境感覺上都乾淨企理嘅。坐低咗之後就揀湯底，個麻辣湯底香味好夠，蕃茄湯就正常，出邊配料都多，又有其他嘢食例如流沙包、棉花糖、綠豆沙等等，整體唔錯。

因為即興想打邊爐嘅關係，我哋order咗外賣邊爐套餐《二人極上牛小排火煱套餐》$368⋯雖然牛気平時堂食放題都唔太貴，但外賣個套餐都包咗好多嘢食，湯底同嘢飲都有齊(好多仲可以自選)，兩個人一定夠哂食，計落只係堂食大約6折，既可慳錢又可以返屋企二人世界慢慢食🥰🥰⋯由於我哋為食🙈🙈，所以自己再另外買咗DD海鮮、魚皮、菜(本身餐可以揀，但我哋想食多D菜，所以另外買)⋯總括嚟講，D食材幾新鮮，個麻辣湯底夠哂辣好正(不過其實我哋食辣好渣架咋，只係落咗半個湯底再加水😅😅) ，D牛仲要唔錯，以呢個價錢嚟講，性價比超高🤩🤩又方便又好味，下次可以encore 😜😜

中午落商場食飯見到牛氣門口寫住中午放題每位減四十元 ，於是就同媽媽打邊爐做午餐啦，我哋選咗$188嘅餐，選咗博多辛口地獄湯，佢呢間唔係一人一鍋，係一個鍋一齊用，餐廳有少量熟食提供，竟然有茶樓出名嘅黑金流沙包可以喺度食到，我梗係要食返一個啦！呢度仲有自製棉花糖，我都試咗整嚟食，雖然整得好核突，牛氣有好多自家出品嘅配料，福袋同啲丸上面都有佢哋自己嘅logo，仲有港式打邊爐出現嘅炸魚皮，我覺得好似日式同港式混合嘅邊爐，最後我仲食咗杯抹茶雪糕做甜品

今日約咗朋友食午餐，經過牛氣聞到打邊爐嘅香味於是就轉場改為打邊爐，午市時間每位減$40 ，店舖提供嘅飲品種類都幾多，而且有日本嘅蘋果汁值得一讚，今日仲有朱古力軟雪糕，但係我覺得失望嘅係佢嘅烏冬，碌咗10分鐘都唔散，係一pat粉團，呢一個真係有啲失望，牛肉除咗第一轉係好食之外另外加單嘅都好「鞋」，豚肉都還可以，外面可以選擇嘅蔬菜種類及丸類款式比較少，，佢幾特別嘅係有芝麻同花生口味既麻吉燒，其實即係湯圓

同朋友聚下今次揀左打邊爐😆我地揀左第二級既牛小排 $258 1位 湯底就揀左蕃茄湯 蕃茄味普通 同隻味有啲假 首先講左牛既質素 望落都算幾靚 但呢個價錢既話我就覺得正常 唔算特別抵食 不過都幾有牛味 一啲都唔韌另外自助區方面都好多野揀 有好多種類既蔬菜🥬🥒🍅🌽同埋丸類 仲有打邊爐唔少得既響鈴 除咗打邊爐既料之外 竟然有炸薯條🍟炸餃子呢啲野食 甜品都好多 有雪糕機 仲有葡撻添另外呢個麻吉燒幾特別好似湯圓咁 花生餡好好食😋最後我地like 左牛氣既FB 仲有Movenpick 雪糕送😆⭐️雖然款式真係好多 Refill 既速度都快 但呢個價錢的確有啲貴 性價比低

辛苦得嚟至在食，想食好啲，坐得舒服啲，最後揀咗牛氣。6點多唔算多人，一直食開一人一鍋，今次一樣，原來牛氣鴛鴦鍋要加10蚊。叫了清湯及泡菜湯。係超餓嘅情況下，選了許多熟食，估唔到熟食都有好多選擇，連流沙包，葡撻及碗仔翅都有，夠多元。可惜包仍未熱，唯有放係鍋上加蒸。由於鴛鴦鍋大，所以湯要等好耐先滾，侍應唯有給我煲蓋，並加我哋30分鐘。有誠意！至於打邊爐配料，可能熟食種類多，所以蔬菜選擇反而少，烏冬係獨立包，有咬口，可惜就黏埋一餅，煮唔開，所以只食得半個。泡菜湯底比預期辣，牛肉較豬肉好食。整體可以喇！

原本話新開張減價$40，食個lunch諗住$200左右，點知買單都要$260，感覺好似冇減價咁唔算平又唔係好多嘢食，不過新開張話試吓啲嘢食都OK嘅如果唔趕時間食，食多啲都OK不過啱唔啱食就見人見智

將軍澳中心間間餐廳都有好多人，任飲任食嘅火鍋當然都唔例外，最啱d肚餓又唔想食太貴嘅朋友！除左相應放題嘅肉類，自助出去攞嘅食物有各種嘅丸同蔬菜，加埋大約有十幾款。熟食唔多，只有飯、葡撻、蟹蓋同埋湯！好彩餐廳好多都係梳化位，坐得幾舒服。 🍴極上美國牛小排放題 ($258/人) ⭐️⭐️⭐️⭐️ 基本上係CP較高嘅一個套餐，質素尚算可以，起碼叫幾多嚟幾多，好似冇漏單嘅情況。套餐包左美國牛小排、美國牛肩肉、特選豚肉、雞腿肉同埋蟹籽墨魚滑。牛肉嘅色澤幾靚，油脂分布算均衡，切得幾薄，食落唔韌！ .............................. 牛気 (將軍澳中心)  地址📍: 將軍澳唐德街9號將軍澳中心1樓140-141號舖 總評分: 7/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️ 衛生🧹: ⭐️⭐️⭐️💫 抵食💰: ⭐️⭐️⭐️💫

中午嚟到呢間牛氣，試吓呢間放提，本人對於牛非常非常熱愛，又喜歡食海鮮，門口帶位介紹我哋食和牛套餐，但三五知己不太喜歡澳洲和牛，所以選擇咗牛小排十海鮮套餐，價錢尚算合理首先對呢間店舖印象，帶位有禮貌，buffet枱上的食物選擇亦多，飲品竟然有十幾款，跟住肥牛和海鮮，牛小排肉貨算嫩滑，而蝦竟然係大虎蝦最重要有我哋喜愛嘅三文魚，三文魚新鮮好味而店舖員工有禮，經常主動加湯，服務態度好，最後當然係捧住個肚！