牛気 (The ONE)

营业中

休息中

難得有半日假放，想食好少少，諗起火鍋，又經過尖沙咀，不如試下牛気啦，咁就衝左過去了。因為第一次幫襯，去到門口都望左陣，佢哋以正常放題做緊減HKD40優惠，咁我就選左個唔算平但係最平既美國牛肩肉餐，包括牛豬雞及自助放題。咁自助火鍋料種類唔算多，都係一般料，真係冇咩好講了，咁就一共拿過少少金菇、雲耳、蕃茄、拉麵、油麥菜、芋絲、京蔥等等。蕃茄湯都幾濃，依個值得讚！👍🏻👍🏻不過後加都係水😌第一輪的美國牛肩肉，冇咩牛味，冇咩特別，有根（個人係幾鍾意，所以唔介意）第三輪牛肉重有平價韓啤飲，純飲清爽！平野有好野👍🏻最後就係一個人坐的環境坐位好舒服，尤其靠後坐，好似坐左屋企張沙發仔咁，好relax👍🏻👍🏻👍🏻👍🏻 枱大細足夠👍🏻👍🏻埋單HKD156整體都算唔錯，有足夠飲品的提供，都幾齊全，重有雪榚機，棉花糖機等等，只係味道都冇咩突出同驚喜😌 HKD159 ok啦，但依個價錢可以有更好選擇喎！可能貴在佢係貴價商場THE ONE🙈但總括黎講食得好爽好開心好relax!👍🏻

學生考完試，我也終於可以松一口氣，不必日忙夜忙，做死人。賺錢再多，如果沒有時間花辛苦掙來的錢，跟做牛做馬有甚麼分別?我努力工作，也努力寵愛自己。女人要當自強，千萬不要靠男人。難得平日不必做野，我走去 The One 看家品，為新家做參考功課。我一層一層沒有plan地東看看，西瞧瞧，發现原來 The One 有幾間做緊 promotion 的食店。牛氣就是其中一間。門外有一個大大的 menu 牌，上面標上不同食材的價格表。當中最吸引我目光的是寫著"減$40"的字眼。原來午市平日有優惠，最便宜的 90 mins all you can eat 係$188，換句話說，九十分鐘衹要$148(還沒有加一)。其實 all you can eat 有分幾個價錢，由最低的$188到三百幾蚊都有。我覺得選$188的來吃就足夠了，反正都是90分鐘，給你再豐富再多的食材我們的肚子也衹能夠食咁多。$188的餐有牛，有鷄還有豬，其它食物在 bar counter，自己出去拿，有好多選擇，非常豐盛。我埋單後還去拿了 ice cream cone 吃，爽啊！跟著姐姐我的推薦准沒錯，因為我最喜歡找抵食又美味的食店幫襯

上次喺The One經過，已經想試，加上呢個優惠 已經見過有人一個人入去食 $248 加一，再減$40 丸類好似算多 鍾意呢啲麵沙律 調味料 湯 白飯+炒飯+咖哩牛肉 飲品雪櫃最吸引好多韓國飲品未見過（成分無貼中英文） 牛嘅分量好似多過牛陣，牛肉味濃不過話有兩種，唔係好識分計埋攞嘅甜品，每樣食啲，好似夠飽唔洗加嘢調味料最後發現都係唔需要嘅，因為用咖哩牛肉嘅咖哩汁，就夠 甜品 蛋糕係唔錯，唔會太甜 朱古力蛋糕好濃朱古力味，有Brownie嘅感覺 但竟然有白酒啫喱，第一啖係甜，之後有酒味散出 芒果布丁唔係平時好假嘅化學味，面有魚膠片，之後有芒果果蓉（因為發現有毛），似慕斯

在網上看見有信用卡優惠使用某公司的信用卡光顧可有半數回贈所以決定訂位一試這裡的晚市套餐有數款由最便宜的百多元到較貴的三四百元也有本想取中庸之道試二百多元的牛小排套餐但店員說可以優惠價$20升級至澳洲和牛所以也不爭在試一試  選了蕃茄湯底味道算是頗濃入座後店員會先將套餐內的所有食物先送上一份包括澳洲和牛、豚肉、雞肉、剌身和海鮮和牛口感不算十分嫩滑但勝在牛味十分濃令人忍不住一口接一口地吃豚肉則不過不失但牛肉在前其實不會太想吃豚肉所以戰至最後也吃不完下次再光顧的話大概可以叫店員不用上豚肉了海鮮方面吃前覺得有大大粒帶子感覺會很滿足  但其實帶子與火鍋並不是太夾煮後完全沒有味道所以之後沒有再點了反而青口和蝦大大隻更有驚喜自助吧方面食物款式也算多熟食、沙律以至響鈴、墨魚滑也有 第二輪再點了和牛與牛小排第一幅圖是和牛與第一次來的無論外表和味道都相去甚遠這點要扣一扣分了幸好第一輪都算大碟已經飽得七七八八所以也沒有再深究了  吃到最後當然要自製一個甜筒作結尾 總括而言整體質素不錯若以計算信用卡優惠後人均<$200的話可謂十分抵食    特別是第一輪的牛肉十分美味而即使在第二輪點了較便宜的牛小排水

叫了300幾蚊任食牛肉餐第一碟係真係澳洲禾牛 第二碟開始 同大X樂牛肉的質素一樣 太差了 不會再幫襯一間不誠實的餐廳 👺問了職員 都堅稱第二三碟是禾牛 但係難食到要吐出來 不是平價錢 但感覺受騙了 左圖是第二碟 右圖是第三碟

同女友叫和牛餐，三百幾一位。和牛同牛小排味道可以，在我心中亦只是較好的肥牛。牛肩肉就好鞋。啲海鲜放到靚靚，但無樣有少少鲜味。出面好多丸，菜，麵攞，食嘅野未必比酒樓任食嘅好，選擇可能仲小啲，不過下午又無乜酒樓有任食火媧啦。其實用心睇下開飯，有啲地方下午己有火煱，而且不算貴……個人認為手切牛同肥牛係兩回事。700蚊應該可以食好啲嘅。都一句啦！店員都ok嘅，有禮礼。話湯底無味會加啲湯胆，做到隻嘢咁都保持微笑，幾好

大年初一和朋友到尖沙咀行逛，滿街食肆都關門，唯有到商場看看有什麼選擇。我們走到這間牛気，覺得幾吸引，亦見到節日餐牌只是貴了一點，便決定在這裡吃新正頭的第一餐晚飯。因為我和朋友都不愛吃海鮮，但又想試試較高質的肥牛，故詢問職員有否別的套餐（因為和牛是一定跟海鮮的）；原來不吃海鮮是可以有九折優惠的，很有彈性。任食和牛在這裡是主打，一上枱立即試試其味道，確是不錯。和牛有好香濃牛味，唔會太肥，亦唔會嚡口。雖然未至於入口即溶，不過這個價錢絕對超值。而最驚喜的地方是越encore、和牛的質素便越好，有圖有真相。除了和牛以外，其他任食食材都不錯，牛x系列餐廳中這裡都算是性價比很高了。

晚上看完電影，接著7點40分過來The One食牛氣。人潮非常之多，慶幸能預早book位。一問職員，職員就話可以免排隊，直接睇餐牌選定自己想食嘅放題餐種類，感覺特別幸運，也明白提早預約嘅重要。 這裏的食物質素還可以，而且還有一個整棉花糖機，感覺很有趣。當日天氣非常寒冷，配上一個暖烘烘的火鍋，真是十分愜意。 今次的座位安排舒適，所以也吃得特別開心，但係用膳時間只有1.5小時，所以店員時間一到，就提醒我們：還有客人在等待，需要還枱了，這是唯一美中不足的地方，如果食飯時間有兩小時就更加充裕了！

e間野食過多於5次，但次次都食最平果個牛set，今次個fd生日就食貴一級na果然無失望，真心牛小排勁好食，不過要講下就係，叫d服務員refill牛肉時，佢俾咗最平既等級我，完全無留意到我係食牛小排但食物質素係幾okay既 推介❤️

未食過咁難食嘅打邊爐平安夜晚上同friend去開尖咀。見冇人等位，明知加左多平時100 蚊一位都照食，因為平時食開旺角分店都好好食。點知係尖咀真係中哂伏，個湯冇味嘅？？？？ 我同朋友果日係揀左麻辣同甜鼓油，兩邊都冇味， 之後食物又勁小選擇，旺角果間差天共地，你話同旺角分店係唔同老細我都會信，真係差得太緊要，仲要300 幾蚊1位，搶錢冇分別呢間野一定冇下次囉！因為你呢間咁難食嘅野真係令我過左一個唔開心嘅平安夜

两个人选择的一人三百多的，和牛挺嫩的，虾很大，食材比较新鲜，就是汤底味道一般，饮料选择也多，总体来说还可以，如果不是爱吃肉可以选择100多价位的比较划算，座位比较宽敞这点不错。

我同朋友第二次食，兩次都係和牛加海鮮餐，加多30分鐘，好夠時間唔洗趕。用壽喜燒湯底，和牛烚到7至8成熟，唔加醬油都好好食！我朋友就用送既個隻雞蛋點和牛食，佢話咁樣仲滋味，不過我唔食生雞蛋，所以就就咁食。任食海鮮既話，全部都好新鮮。蝦同三文魚就最吸引，蝦夠大隻，三文魚當刺身食或者烚黎食都好好味。第一次去就啱啱到唔洗book位。第二次就好多人，但因為book左位，所以就唔洗等。所以建議book位，準時到就唔洗等好方便。

噚晚六點幾去到The One，去到四樓睇下食乜好！見到牛氣唔使等位，即刻衝過去我地兩大一小挑選了一個嚴選澳洲和牛+海鮮，因為職員話如果你挑選左個餐，小童只收平牛的價錢，即$148，咁就抵啦⋯⋯呢度好多特別的配料，仲會輪流添加⋯⋯亦都好企理乾淨仲有部棉花糖機比小朋友自己整⋯⋯不過不失！超濃芝麻，好正讚好牛氣Facebook ，送Movenpick其實有時去食嘢，我覺得服務態度都好緊要。尋晚，雖然佢哋好忙，但我覺得佢哋態度好好，問佢哋野或叫佢地追加都非常友善！

經過The one ，由於一直都想試一下這間，除了牛一，牛陣，牛八之外另一間以食牛為主的任食邊爐。另外3間，本人一向都是食最低價格的種類，這間也不會另外，188元/位，可以任食牛雞豬。此間餐廳的其中一個特點是會提供沙律，壽司，小食等等可以即食的食物。種類雖然不算多，但五臟俱存。一般打邊爐的食材，當中較為特別的有墨魚丸。極上美國牛小排，脂肪比例不差豬肉的脂肪更小，但肉味更重第二碟牛，牛的質素不能保持，這碟牛的脂肪過多以且不平均抵玩指數:只有牛的質素幾好，其他較好的有墨魚丸。另外食芝麻八爪魚的時候，因為沒有解凍，食的時候食到一舊冰，出品不太可靠。另一可取之處，相比牛八牛氣，他的甜品的種類比較多，好像有豆腐花，布甸等等。飲品的種類，牛一比較多。

星期六晚來說，等位時間唔耐，大概30分鐘已經有位，今日選擇左最平$188一個人既任食套餐，入面已包含牛豬雞。今次特別少少，重點推介係：服務真要讚下店內員工，雖然店員極力推介我地食高一級牛時，而我地都係選擇最平，店員都冇黑面🤗。會主動拉椅比你坐。見你拎到兩手都係，會主動幫你拎。主動加湯。主動收碟。一連串主動行為加笑容，加分。食物：牛，第一碟牛，雖然係最平，但質素都幾好，幾重牛味，唔會太肥。第二碟牛，冇第一碟咁好，脂肪較第一碟多，分佈唔平均。第三碟，冇影低，但質素同第一碟相約。豬同雞雞都可以，唔會太嚡。豬就反而略為嚡左少少，可能瘦左少少。其他任食食物：墨汁墨魚丸，好好味，食左幾粒，入面有少少墨魚粒。蟹棒，同類其他任食牛店，唔見有蟹棒任食，但依間特別少少，竟然有。質素就一般，一落去湯到，就好快已經散開。提外話：依到任食熱食，相對多，連春卷，紫米露。此外，連沙律都有。但飲品種類比較少，建議加入多少少，比人選擇。