牛気 (The ONE)

营业中

休息中

昨天第一次去「牛氣」，其實都係碰下運氣，始終未食過，膽粗粗去試下。坐得算舒服，食材新鮮多款式，叫左個豬骨湯底，好抵食，舖頭叫得做「牛氣」，牛肉的質量當然唔錯啦，如果接受到酒精，建議叫啤酒，一Jar果隻，只係每人加多20蚊，仲可以Refill，唯一係時間短左少少，但不失為唔錯嘅選擇，我幾個朋友講到明要翻兜。另外我想借機會讚賞一下serve我地嘅侍應，特別係Receotion果位女侍應，幫我地refill啤酒果位男侍應，十分有禮貌，而且態度好專業，謝謝你們。

尖沙咀The One 的這一間牛氣，吃一個中午大餐，比較實惠，其中最吸引的都是牛小排。牛小排的肉質鮮甜可口，吃下口也很鬆軟，不是下等牛肉。雖然也是薄薄的一片，但是比其他牛X吃來高質一點。吃完一碟又來一碟。其實，其他的牛肉和豬肉也不遜色。跟其他牛X連鎖一樣，除了肉類，也有很多不同選擇，芝士丸也很不錯，飲品類別也有很多。假日中午來吃，真是很經濟，比正價平。吃得飽飽，下午茶都不用了。Eaten by CalvinCanEat

今日同同事慶生，去佢鐘意的日式火鍋店，貪佢$78任食自助Bar, 有超級多款素菜及葷食選擇，對於愛美的佢，實在難以抗拒。呢間餐廳最特別的地方係除左有自助咖啡機，仲有「棉花糖機」、「自助雪糕🍦機」👍🏻👍🏻👍🏻這裏的雪糕係必食推介之選，餐廳定時轉換雪糕味道，但食過咁多次，無論任何味道都係香滑濃郁，朋友們更可以好似我咁，自己扭一個雙色雪糕🍦，今次的配搭係「原味」+「藍莓」😋😋😋另一必食推介係「香菇燒」，香茹味濃，非常彈牙，我們忍不住暫時放下體重管理的理念，一試再試💃🏻💃🏻💃🏻

去到尖沙咀the one 食肆選擇很多，一般都要排好耐隊，午飯時間突然想打邊爐🍲喺門口見到午餐選擇價錢由$80至到$120左右，豬肉牛肉價錢七$80一位，配料任食，質素唔差，有南瓜冰豆腐和木耳，秋葵，，，比一般的火鍋店質素好。🥬🥒🍆🥑🥦甜品方面有豆腐花，雪糕，和一個飲品櫃有10幾款不同的飲品。這個海鮮套餐就$128，普普通通。個人應為帶肉類套餐抵啲👍🏻今時今日香港的消費指數，一個翠華lunch都要六$70，埋單每人平均$100，價錢合理，坐得舒服，傾到計👯‍♀️

見天氣凍凍地收工當然要即興黎個打邊爐去左THE ONE既呢間火鍋試試！佢既環境唔係好大，枱亦都唔多不過如果人少少既話都唔會話坐得好唔舒服至於食物方面，選擇比平常任食火鍋為少但相反質素係比較高既，食物味道唔錯我地三人都係叫左牛肉再加海鮮既餐，海鮮都可以任食，質素中等。如果兼只係得肉食既話可以叫埋海鮮食，價錢都唔會相差太遠肉質方面，試左牛肉同埋豬肉都幾好，味道好鮮甜加上濃味既龍蝦湯底簡直一流絕對係一間性價比高既任食火鍋

大滿足,其本上全力食牛,平衡下可以食下的蔬菜,再加咖哩飯, 朱古力慕絲蛋糕 ,夠濃味道好,記得店長唔推介的食物不要叫, 我就食咗一生最難食的羊肉片,其他還有壽司,過得去,記得食完牛,自己同侍應落柯打,如果唔係就白等,這裏要主動一點,包你滿意。 最後我想講,你爭我一個蛋糕,因為我打電話嚟嗰陣時其實已經講明同人慶祝生日,再打電話上來確認你話都有蛋糕畀我哋,不過好在當時飽咗,如果唔係真係大煞風景, 可能這一點主動問你會有的我想。

今日訓得好晏仲未食野，好想搵啲飽肚野食。無意中行到the one搵野食時發現牛氣午市放題價錢合理，又無試過，趁今次食左佢啦！下午黎已經無乜人，經理都安排左我地坐卡位，有返自己空間可以坐得鬆動d。今次我地嗌左$188牛加豬骨湯底。豬骨湯底都加左小量麻油，令到湯底有多個層次。而牛肉的油花唔算太多，略嫌牛味唔夠，但呢個價位都算合格啦！我地都追加多8碟先夠！除左食牛之外，出面的自助吧都有好多選擇！有生菜娃娃菜啦，有各式各樣的丸，有甜品又有壽司。仲有幾款熱食，好中意食燒賣的我都覺得呢到d燒賣幾好食，唔算太粉冇偷工減料！飲品選擇都算大路，大部分常見汽水都齊，仲有台灣黎既茶，我個人覺得幾好飲！呢到d牛的質素碟碟唔同，可能部位上有d差別，有d好瘦有d好大舊肥肉，都係牛味略嫌淡左d。食到最後，當然食埋個甜品先收工啦！呢到都有自助雪糕，仲有gummy bear toppings，算係高成本！加埋一齊軟硬口感都有，幾特別！今次我都好滿意，性價比都好高！ 下次會再幫襯！

這家餐廳跟其他提供相同火鍋形式的餐廳差不多，但我最喜愛是他的湯底，這天我點了豬骨濃湯底，這款湯底喝起來不像之前其他餐廳的有一種肥膩的感覺，反而是濃香適中，而且期間不斷加水也保持到豬骨湯底的味道。食物款式很多，蔬菜新鮮，飲品齊備，我同時是10分喜歡他的雪糕，我還吃了八球呢！🍧🍨🍧🍨

今日難得早放同屋企人喺尖沙咀搵嘢食實在太肚餓啦 所以呢我地就決定打邊爐午市邊爐其實真係好抵牛氣我哋都食咗三四次 覺得好好食應該係咁多日本邊爐最好食架啦哈哈我地揀左個牛肩肉放題 豬骨湯底有牛豬同埋雞可以任食配菜任拎 每一樣都好高質有冷盤例如沙律 又有熱盤例如係飯同埋粥魚蛋同芝士魚腐好好食仲有油麥菜同埋白菜 粟米都好甜媽媽特愛日本蕃薯仔 三個人食一個半鐘食到超級飽食緊嗰陣仲見到店員幫啲小朋友整棉花糖如果夜晚黎仲有雪糕送添

之前見到門口Posters好似好正咁，終於搵到一日成班同事興高采烈特登黎食，出面野食一般，但跟餐嘅牛係幾靚，大家本來都食得好開心，直到食左半個鐘都未有，就開始有侍應埋枱話Last Order，我地都呆一呆，好似岩岩先坐低喳喎。好啦，應酬完侍應，話ok知道，咪繼續食囉，食左又唔夠10分鐘，另一位走黎比張單我地，我地心諗：如果真係睇時間睇得咁重要，麻煩唔好再阻住我地食飯啦，吉碟同汽水罐又唔收走。好啦，放埋一邊，繼續食，以家係50分鐘左右，又有個侍應走黎企正我地隔離，問邊位埋單，我已經開始火起，又要行成條走廊出去拎野食，岩岩先坐低烚好想放入口，你地又走埋黎，係咪急到咁呀!（重點：成場得1/4人坐低，3/4係吉位）我話以家拎銀包，你等等。比埋錢，碌埋卡，我地成枱仲有兩盤牛未有時間食，大家已經希望盡快清左自己枱上嘅野，唔好浪費食物，又再有人行過黎：你地夠鐘啦xxxx（下文唔太記得佢講麥）。我直接問佢：咁以家係咪要即刻放低筷子起身走人，碗入面嘅野全部唔食得呀。好啦，之後侍應走開，又到經理走埋黎，話比多5分鐘我地食埋啲野着衫走，否則每位$50。姐係咁，作為消費者，放題時間60分鐘唔係90分鐘已經好少

又到了每月一聚的時候，今個月有朋友生日加聚餐所以選擇了牛氣打邊爐時間可以耐一點，首先我們選擇了蕃茄湯底味道濃郁還可以在出面那一些新鮮的蕃茄自己加入湯底內😋外面的蔬菜及甜品款式也非常多👍👍比其他的牛一，牛陣，牛刷鍋還要多選擇及新鮮而飲品方面都非常多選擇除了機出還有罐裝，所以下一次都會再到牛氣打邊爐，肉方面選擇了最普通的因為有朋友不吃海鮮牛和豬的肉質很好價錢相當合理👍，生日月份內打邊爐還可以送蛋糕一個🎂😋

食過幾間牛氣，overall嚟講尖沙咀The One呢一間分店嘅自助bar選擇比較少， 同埋坐得唔係幾夠舒服。🤨自助bar可以自己拎菜/丸/粉麵/嘢飲同埋甜品等等，不過以蔬菜來講旺角分店嘅選擇多好多，可能呢度環境比較細。牛肉都普通，雖然我地都係食最平既套餐，不過旺角分店牛肉靚d😂😂呢度嘅人手都比較少，加湯都要等一段時間。😂😂😂不過打卡post ig就可以有一杯movenpick雪糕，幾抵玩。

上星期同同事出外食lunch， 喺the one 四樓， 發覺有選擇困難症， 越南嘢，柬埔寨嘢，日式午市放題……似乎較為吸引，雖然價錢貴一點，但係除咗shabu shabu食靚牛肉之外， 出面自助吧種類選擇亦很多，所以我哋決定獎勵一下自己，食一頓豐富嘅午餐！自助吧除咗有三文魚壽司，仲有蛋糕，啫喱等小食， 軟雪糕及軟糖亦有， shabu-shabu嘅配菜種類亦很多，丸類、芝士腸、蔬菜等等多不勝數。講番主角，牛肉真係紋理分明肉汁豐富，只要 加入湯輕輕灼三至五秒便可入口，口感十分柔軟牛肉味豐富！

今日下晝同班同學一齊去食，諗住未食過就試下新嘢，前一晚仲做左 research，check 左 open rice 個 menu，再睇埋佢地facebook個promotion，話只要叫90分鐘嘅餐就用得減錢優惠，於是cap定圖打算叫128蚊個餐。點知今日去度見到嘅menu最平都要178，show張相俾職員睇話我地想要178個餐，佢竟然答話咁應該係個menu出錯。明明當時應該可以lunch set，但係職員淨係俾全日供應嘅buffet set我地揀。咁究竟係open rice menu出錯定係個職員嘅問題？（比我expect嘅俾多左55蚊）

之前經過尖沙咀路過這間火鍋店，從外觀看進去就打定主意一定要來試試看。於是在openrice上訂了位，訂了海鮮套餐任食，果然不失所望，二小時的用餐時間除了食材新鮮之外，飲品甜品都表現出色，已經打算下次再訪！