牛気 (The ONE)

营业中

休息中

我同我朋友二人到個度打邊爐，安排了到近二人座位的枱，是貼牆的，矮牆，原本都沒有什麼太大的不滿，食緊的途中，一位女侍應二話不說，沒有講任何唔好意思各樣的說話，直接用手拎住壼熱湯跨過矮牆幫火煱加湯，當時呆了一呆，我同朋友在傾緊重要的事情，所以我都沒有即時話佢。那個女侍應是有勤力去協助收取碟，我都明白枱比較窄，跨過矮牆去送食物，各樣會比較方便，但全程都是突然間，沒有任何的說話就做佢要做既事。因為是用餐2小時，我應在19點25分離場，還未夠鐘，女侍應已經在望實我們，意思是想我們快點離場，佢可以快點收拾枱面。我只是覺得加湯前後或送食物前都應該同客人講聲，而不是突然間，你講完食客都會去讓開俾你。我應該不會再幫襯尖沙咀這間牛氣。

係美麗華酒店staycation ,本身想食個間火鍋放題冇位，朋友就話唔緊要到時喺附近睇吓有咩啱食。係the one 見到呢間，見個價錢同環境都將好，就入左去食。叫左個極上牛小排放題 $248 （大人），鴛鴦鍋，一邊係博多豬骨湯，一邊係昆布辛口地獄湯。等待期間出去睇下有咩食，正常應該要有既都有齊，野飲種類唔算多，但甜既，無糖，酒類都有，可以開業左好耐，設備略舊。肉片望落好鮮豔好靚，肉質算好！地獄湯以為佢會超級辣，點知都唔算，食少辣嘅我都食到！呢間粗粗地黎食都幾好！

經過尖沙咀，諗起想食火鍋，牛氣就係最佳選擇，點咗最平嘅牛肉套餐， $198好抵食，最重要係可以狂食牛肉😍😍😍😍✨✨又可以食下蔬菜，蔬菜種類特別多，有南瓜，生菜，金菇，仲有日本雞蛋🥚等等😍😍✨點左個昆布湯底，湯底好清，如果呢個套餐嘅牛肉，一盤只有3 片。如果自己一個人去食嘅話都分量接受，又唔會太飽，可以叫多幾盤啦！牛肉味都可以接受，唔算太硬，又唔會太多肥膏， 因為薄切，滾兩滾就可以食得啦！正吖😊😆

其實我食過好多次牛氣，但呢間最好食。😋感覺d食材好似呢間最靚😍(可能咁啱我食呢次d食材靚)。不過補充返先唔係指其他分店差，只係呢間更加好。然後都無咩特別野講 落order好快就上 然後忙到爆嘅時候都keep到速度同禮貌，呢點覺得好抵讚🥰(畢竟忙人好易燥㗎嘛)仲有一點要講佢有個餐係有得食魚生同海鮮。如果唔係真係好想食魚生 or 海鮮呢個其實係可以停一停諗一諗 畢竟”個人”認為選擇唔係真係太多 肉嘅差距都唔算太多。所以個人認為可以入場之前諗一諗自己最想食嘅其實係乜嘢。

行行下街落大雨，所以入左the one，順便就係牛氣食埋晚餐！90分鐘放題，友人都覺得$258極上美國牛小排最抵食，大家記得如果係社交平台 like同share會送三件三文魚刺身或movenpick 雪糕！揀左黑蒜豬骨湯底，真係成大舊豬骨係個湯度！先試特選豚肉，薄切，無咩特別，所以我地都無再叫精選雞腿肉，都幾嫩，肉質唔鞋，所以加分！蟹子墨魚滑，每次可以整到兩粒，都唔錯！主角牛岀場，無比較真係無傷害，牛肩肉vs牛小排，後者真係嫩滑入口又肥美，好正！！不停叫牛小排就對了！！自助拎配料，雪糕，自己整棉花糖！特別推介係豆腐卜，唔係平時街市買開果d，正！環境方面，張枱真係超細，唔夠位擺野。。。望到隔離枱叫海鮮放題，不過青口同大蝦都唔吸引，佢地都只係不停叫牛，無叫海鮮90分鐘其實都唔係好夠，想慢慢嘆嘅話都係揀120分鐘好d！

食足90分鐘放題 最平價位$178起 美國牛肩肉 特選豚肉 雞肉任食平平地又相當唔錯 同大家介紹下! 時間有限,先落湯底再出去自助區夾食物因為用餐時間有限,一選好湯底就記得出去夾野食喇!牛肉就等店員送餐既其他食材就任夾任食 包括各類蔬菜 肉丸 小食熟食等等 自助甜品區供應乳酪雪糕湯底共6種 甜壽喜燒就要另加$10 今次試黑蒜豬骨湯又濃又香,本身已經非常濃味 將牛肉片同各種食材放入去煮一陣已經入味 濃香蒜味好吸引另有番茄 麻辣,泡菜湯底一共6種想鴛鴦鍋要加10蚊~牛肉份量每碟都非常多,足100克,一個人食返3-4碟已經好夠食 油花幾密,唔會太肥入口肉味濃郁加上蒜香豬骨湯,牛肉撞豬骨湯,香之餘令到肉既味道更豐富 想食飽D仲可以加個拉麵變成豬骨湯拉麵限時90分鐘高水準火鍋店,抵食既消費$220評分8/10尖沙咀彌敦道100號The ONE 4樓L404-405號舖

今天去了尖沙咀The One牛氣， 員工很友善而且服務態度良好有禮貌，Order食物會好快送到餐桌，食物新鲜，用餐完可以試玩玩棉花糖機作娛樂，又可玩又可食。望見月饼單，員工話可試食。我會再去用餐和聚會飯局。😋😋😋👍

星期五晚同朋友仔搵食無預先book枱去到好多唔同餐廳都full行行下見到呢間無人排隊所以就走左入去食完就明白點解得呢間野係唔需要排隊🤣🤣🤣因為驚個湯底中伏所以就嗌咗蕃茄湯底同埋甜醬油湯底甜醬油湯底仲要另外加$10鴛鴦湯底又要加$10夾埋加咗$20但係明明甜醬油湯底就係一個好普通嘅湯底⋯完全唔明點解要加錢食落口之後就發現甜醬油湯係好食好多加錢個原因可能就係呢度😂😂😂😂😂未滾起已經有好多泡嘅蕃茄湯不過應該就唔係落咗好多茄膏冇話食到好口渴嘅因為蔬菜區有陣up味打開某啲種類嘅蔬菜個蓋嘅時候直頭聞到啲類似黴菌、開始發霉嘅味估計啲嘢應該好耐冇洗又或者啲菜已經放咗好耐所以都唔係食咗好多應該係話唔敢食⋯啲菜唔算好新鮮，唔明點解間餐廳咁多人照計啲貨應該去得好快點解啲菜都可以搞到咁🙄oh my god前後淨係嗌咗一次肉原因好簡單，第一碟肉係上面嗰碟咁樣嘅第二碟就已經係咁樣差唔多40%都係肥膏仲有邊個夠膽叫第三碟🙄甜品得中間個雪糕好食完～～～～～

由於之前都食過幾次牛氣，記憶中 環境幾衛生好舒適 所以今日就去咗食lunch….意外地遇到一名staff 叫嘉樂 佢嘅服務態度 絕對比得上5星級酒店，真係誇張！ 觀察力強之餘 又細心 最緊要係感受到真誠，令平時唔會留言嘅我都忍唔到想表揚吓，對佢一點鼓勵💕👍🏼

咁岩經過突然間好想打邊爐就揀左呢個90分鐘大滿足放題有多款肉類可以任點除此之外仲可以係出去拎其他食物雖然唔係食得好多 但任飲又飲食 10下又10下 都幾開心嫁🍲🤎

咁啱朋友今日可以早收工, 一早book咗喺 The One 食牛氣, 朋友好豪咁叫咗個三百幾蚊嘅套餐… 我哋一坐低…牛氣就整幾碟牛肉過嚟畀我哋食… 我哋個餐亦都包括海鮮嘅… 甜品方面當晚有抹茶雪糕… 因為忘記影相…但味道非常之好!! 我哋total食左兩碟澳洲和牛就好飽lu…… 打邊爐呢啲真係越多人先越正…哈哈哈！ 有機會一定會再來

吃的太開心，並沒有拍照片，但是四川麻辣鍋的味道讓我們都很驚喜！不過大家吃完一致口渴到爆炸💥點了澳洲機上和牛，但是質素參差不齊，有啲就雪花片片，有啲就非常瘦！但總體來講還是很ok的！用餐環境非常不錯～乾淨整潔有序！會回頭再食～

食晏就放題真係好抵，每位竟然可以減$40，呢到自助拎野食既種類都有好蟹款式，我地叫左個麻辣湯底，真係絕對吾可以睇小，越食越辣，哈哈，牛肉既牛味都好香，我地食左勁多，最後當然要食埋個雪糕，奶味好重，褂常值得食

打邊爐黎講，小編就最唔鍾意就係日式打邊爐😂一黎覺得湯底好淡冇乜味，二黎啲火鍋料黎黎去去都係得幾樣，9成都係丸類🥲不過…今次食呢間又覺得幾好喎😆.🥘湯底 (特濃沙嗲湯)湯底真係好緊要，今次覺得好食咗可能九成都係因為個湯底唔同咗，唔再係啲冇味嘅鰹魚湯豬骨湯😂好少日式打邊爐有得揀沙嗲湯，仲要係超級特濃嗰隻，好濃花生味，甚至俾一啲港式打邊爐專門店更加好食😚不過呢個湯好似係期間限定，去食之前最好double check依加仲有冇😳.🥘火鍋料都係果句啦，選擇比較少，好多魚蛋肉丸，不過丸類唔知點解特別快飽，唔會食得好多，所以覺得日式邊爐性價比都幾低下😂今次食得最多竟然係花生湯圓，同個湯底超級夾😂 小編叫最平嗰個set，牛肉同豬肉都係正正常常，幾新鮮嘅😌.🥘整體呢間放題得個半鐘，其實時間比較少食得唔太滿足😢同埋雖然啲豬肉牛肉係任食，不過落單冇得用QR code落單，每一次都要叫職員嚟，又費事一次過叫好多驚食唔曬，變相來來回回咁樣等法都幾嘥時間🤨甜品都比得好小氣，一定要你係ig po張相先比你食一杯Häagen-Dazs，但其實而家好多都係任食Häagen-Dazs/ Mövenpick🙁.🍽味道: 3

經過The One，見到牛氣午餐打邊爐有優惠，心血來潮就試吓我哋揀咗個特選豚肉60分鐘放題除咗包定量豚肉之外，仲有Mini Bar可以揀其他食物感覺非常超值因為時間有限，所以我哋一坐低，就即刻起身去Mini Bar度攞配菜同一啲熟食嘢食既種類其實唔算太多，我哋就拎咗碗仔翅同啲魚蛋燒賣，賣相可以，味道都唔差配菜就揀咗啲菜，豆卜，金菇，丸之類嘅打邊爐配料，佢擺放得好整齊，感覺都非常乾淨仲有一系列嘅嘢飲可以任揀豚肉每人一盒嘅份量，午餐來講係足夠的，豚肉色澤光鮮同唔韌，味道吾錯呢度仲有抹茶同雲呢拿雪糕或者兩溝都得抹茶味道回甘，放題嚟講做得唔錯，不過其實60分鐘真係唔係好夠，我哋大約攞咗一轉野就冇時間再攞其實佢仲有壽司刺身可以嗌，唯有等下次再嚟試過可能要揀返90分鐘嘅套餐先適合