牛気 (The ONE)

营业中

休息中

今晚黎打邊爐，坐得有d逼，同另外2人 share 4人枱，中間連條gap都無。不過有枱比我地調位，都算係咁。食食下有隻小強行過，好嘔心，叫職員即刻清理，然後經理有提議調位，不過調黎調去咪又係咁。希望餐廳可以做好少少清潔。

每日要諗 Lunch 食咩係一件好難既事, 好彩有人總有好提議! 近日天氣涼涼哋, 好明顯又到左打邊爐同 BBQ 既好時候! 午餐每位減 $40, 我哋一致選牛肩肉, 豬骨湯底! 牛肩肉都唔錯, 雖然一碟比一碟失色, 但係都唔太差, 唔會好肥仲有牛肉味! 除牛肩肉仲有雞腿肉同豚腩肉, 不過呢2碟食左就無再追加喇 (你懂的!)。自助區基本菜, 瓜, 菇, 丸, 腸, 豆腐, 麵都有, 不過菜得2款仲要麻麻哋新鮮, 最好味係墨魚滑, 讚! 飲品都有好多選擇, 連純茶都有! 甜品都有好幾款選擇, 奈何當日雪糕機壞左, 無得食! 

THEONE 牛氣邊爐同男朋友，收工左行右行，最後都係決定打邊爐。叫左普通嚴選美國牛肩肉，每人＄188，豬肉，雞肉都可任點。我地揀左黑蒜豬骨湯，好似丁面果蒜味湯底。嚴選美國牛肩肉真心普通，比肥牛仲一般。。。好韌，吾算太有牛味。豬肉，雞肉都係正常野。自助區都係基本打邊勞料，腸仔，粟米，豆腐，丸類，菜類。比普通日式邊勞多小小既係有沙律自助區，有我喜歡的日本小紫薯。打完邊勞，店主提我地LIKE一LIKE佢地PAGE有雪糕送，雪糕係MOVENPICK，我地揀左士多啤梨味同咖啡味。可能我地揀最普通既牛肉餐，咁質量當然一般，不過值得一提既係，店員態度好，有禮貌，上肉都好快，呢個真心讚。

繼上次系銅鑼灣希慎食完牛氣，今日lunch同事提議去the one食牛氣午市都系有-40既優惠最平既set就系188，已包任食牛、豬、雞我地一行9個人就有4個鍋分別就叫左麻辣鍋（最辣既，好過癮）、泡菜鍋（味道好啖，又唔辣）、博多地獄鍋（小小辣，比較清）同蕃茄鍋（冇試過，太清淡）咁一坐低d肉就上齊啦，牛都唔錯，而且質素有高有低開頭個幾碟好似特別靚，而雞既數量就比較少不過我地都系主力focus食牛咁出面都有齊d大路野主要講下個餃子幾正，不過唔可以碌太耐會甩皮搵唔番舊肉芝士魚蛋都高質食落去會爆出黎！！蘿蔔好索湯，用麻辣鍋煮味道一流除左配料都有熟食牛肉炒飯味道唔錯仲有素翅飲添跟住仲有d日式小食、玉子壽司，沙律，甜品泡芙，雪糕（今次有鳳梨雪糕，比較少見，不過好淋，但味道好正）飲品都有唔少種類，各式茶，不過最正系適合嗜酒一族，+18蚊位任飲清酒+20蚊位任飲啤酒最後埋單160蚊位 都ok既種類算多，而且肉類任食，又有齊前菜沙律甜品飲品

9月17日係我同同事相識7週年咁高興今日就黎個豪lunch! 揀左任食最平個個$188...lunch有優惠每人可以減$40我地一行9人...可以揀4個湯底麻辣啦...泡菜啦...地獄啦...蕃茄啦無辣不歡ge我當然要坐麻辣個邊🤣不過好老實...真係唔辣ge....🤭地獄湯...又係唔辣😭蕃茄湯..唔掂...無乜蕃茄味...但出面自助bar有蕃茄拎...有需要自己加料吧🤓反而泡菜有驚喜...酸酸地...好開胃呀...同娃娃菜超夾！侍應哥哥好快就拎左一大棟肉比我地了😋😋😋任食黎講...肉質真係交到貨...完全無投訴🤗滿意!第二round ge肉...都唔係hea的! 讚👍👍👍出面其實仲有自助bar...又係任食! 每人一個bowl..鐘意拎幾多就幾多🤗丸丸腸腸蔬菜前菜粉面乜都有! 飲品同甜品又係一堆任選😝今日咁高興..我地仲加左$18任飲sake 🥳🥳🥳

今日走到尖沙咀街頭，走到the one逛街，發現午市邊爐價錢只是～$100左右，最平88蚊是豬肉，之後便是108美國牛肉。兩款肉質素不俗，肉味解雪都ok，性價比不俗。另外餐廳提供少量熟食，有和牛xo醬炒飯，日式咖哩，兩款湯，前菜亦有中華沙律以及味附海螺，打邊爐配菜款式正路，選擇亦不少，大路的各式丸類，豆腐，粉麵，蔬菜，味道正常新鮮餐廳還提供不少飲料任飲，各式汽水，最特別有百福豆腐花任食，另外亦有yogurt 雪糕toping亦有數款，還可以吧！整體而言午市人數不多，吃得舒服，可惜只有60分鐘時間，略嫌較短！

今日約咗兩個好姊妹聚一聚，佢哋兩個之前嚟過哩一間牛気覺得好正，所以提議今晚再去。我哋叫咗個嚴選澳洲和牛+海鮮放題，湯底揀咗冬陰公+豬骨湯。首先講吓個湯，冬陰公唔錯，本身亦都有啲海鮮喺個湯底度，但係我最鍾意加湯嘅時候佢係可以加返冬陰公湯或者清湯，而其他湯就只可以加清湯。至於豬骨湯，當然唔似我哋食拉麵嗰啲豬骨湯底，而係似食豬骨湯即食麵嗰啲湯底🤭。嘢食方面，和牛、牛小排、牛肩丶大海蝦、日本帶子都係我哋不斷refill 嘅嘢，因為質素真係好高，特別啲蝦，有好多放提都冇咁新鮮。至於出面嘅丸類（唔回本嘅嘢食）其實都可以唔需要攞，不過我因為第一次嚟，每樣攞左少少，所以都有啲浪費。飯後甜品我就攞咗雪糕同埋蛋撻仔，雪糕唔係好重奶味，至於蛋撻仔，我係覺得十分超級非常好味🤤🤤🤤，我食完第一個之後要再出去攞多三個食，酥皮好香好鬆化🤤🤤🤤，講吓講吓又想食添🤭。另外，匯豐信用卡每位減$20，澳洲和牛+海鮮放題仲可以食多30分鐘，不過始終兩個鐘都係唔夠時間食，最後我哋都有啲嘢未食完迫住要走。

行過門口聞到超香又見到佢做緊HSBC promotion 每位-$20同免費升級做鴛鴦鍋🍲不過要食指定和牛海鮮餐🤣叫左推介既黑蒜豚骨湯同指定既冬陰功湯🤔黑蒜味唔太突出好似普通豬豚湯咁再咸少少，冬陰功湯比想像中好味不過偏辣🥵佢個鍋原本都有d海鮮係入面加埋冬陰功香料好入味😋食物方面佢原本個餐就包左和牛豚雞，海鮮有魚柳虎蝦帶子花膠等等！和牛雪花均勻唔會太肥👍🏼花膠有驚喜唔係出面打邊爐食好硬個款呢款滑dodo有d咬口推介👍🏼虎蝦大大隻全部都算新鮮蝦肉唔會梅😋 buffet吧有多款菜同丸類俾大家自己拎款式都算多❗️

我今日同屋企人去食尖沙嘴的牛氣，之前起銅鑼灣分店試過ok，所以入店，我們叫了澳洲和牛及海鮮那個套餐。先講服務態度，職員冇乜笑容，真係100%似足服務機械人。如果走廊污糟左佢地都會清理👍🏻，不過出於被動，員工的質素可再改善一下。飲品方面，主要是台灣及大陸的飲品，最多也只係香港版的可樂，飲品雖然多，但是種類不夠多元化，而且多為汽水、甜、多添加劑等的飲品，我認為依d飲品就未必適合小朋友。不過都有清水飲用、玄米茶茶包同烏龍茶茶包比顧客亨用，所以飲品亦不是太差。火鍋配料方面，我認為比較多元化，有菜、丸子、即食麵、豆腐等，清淡至濃味應有盡有，可以照顧不同顧客的口味。可惜火鍋配料不是很新鮮，菜有好多枯、爛的地方，所以職員撕走不好的地方，最後搞到啲菜好碎，大小不一，好似食緊沙律菜咁。蕃茄的刀功，亦是很有趣砌三角形，唔知咩玩法。牛肉方面，我以為澳洲和牛會好食d，第一碟和牛來是不錯的，不過之後來𠴱d牛肉一碟差過一碟，d牛肉的血色，由鮮紅漸變到啡紅，食落去冇乜口感，牛味亦不似和牛，好似普通牛肉咁，我覺得食最平𠴱隻牛肉好過！海鮮方面，職員力捧帶子同蝦，不過腥都飛起，佢仲話新鮮喎！三文魚刺身都係普普通通，同出面

今次去左牛氣打邊爐預先係電話gulu拎票先唔洗現場等太耐選左極上澳洲和牛+海鮮放題，蕃茄湯底一開始會有1份刺身其餘海鮮極上和牛自動送上 其後鍾意食咩就食海鮮新鮮度唔差 仲有花膠tim海蝦都幾大隻蠔唔算肥美 但都有鮮味 極上和牛油脂分佈幾平均 每片份量都剛好一口吃幾有牛味 嚴選和牛就有口感 牛味比極上少啲菜類自己夾 丸類就比較少油豆腐都幾好食甜品芒果紫米好食雪糕就麻麻地過程中女服務員態度誠懇有禮很樂意為食客服務整體食物質素幾好，價錢唔算大眾化

日式火鍋放題選擇何其多，尤其响尖沙咀其實响1年前已去過，成日同朋友提起都回味無窮，終於可以有時間再去由於我堅持想食和牛，所以今次揀咗［嚴選澳洲和牛+海鮮放題］$348，另外再加每位$30任飲日本生啤。時間關系，我只係影咗1張相⋯⋯和牛每碟都超軟熟，唔似其他放題餐廳咁，通常只有第一碟才是最好的定理！配菜方面全是自助自取，蔬菜、魚旦、公仔麵烏冬⋯⋯⋯款式算是不錯三文魚刺身無限order值得推介，可以想去

Lunch Time唔想食嚟食去都係嗰幾間餐廳可以試下牛気打下邊爐60分鐘半任食打邊爐，時間岩岩好價錢只係$78，加埋一都係$86/位，CP值極高！2個人點左一個蕃茄湯底之後馬上出去自助bar，拎曬想食既蔬菜、金菇、丸類、腸類，一次過放入個鍋度另一邊有小小熟食區，有炒飯、炒烏冬、粥、中式甜品等$78是豚肉餐，每人一盒豚肉，內有6塊薄片好快熟，而且唔會太韌芝心粟米魚蛋係推介！魚肉層不算太厚，每一口都可以品嚐到好濃郁既芝士最後仲可以去食既個雪糕，完美結束呢個Lunch

今日有同事生日，人哋上一次請過我生日食飯，今次肯定要請翻同事一次啦，去佢鐘意的日式火鍋店，貪佢任食自助Bar, 有超級多款素菜及葷食選擇，對於愛美的佢，實在難以抗拒。呢間餐廳最特別的地方係除左有自助咖啡機。牛小排的肉質鮮甜可口，吃下口也很鬆軟，不是下等牛肉。雖然也是薄薄的一片，但是比其他牛吃來高質一點。吃完一碟又來一碟。甜品方面有豆腐花，雪糕，和一個飲品櫃有10幾款不同的飲品。普普通通。個人應為帶肉類套餐抵啲。味道都五錯，下次繼續。

假日和幾個朋友去了尖沙咀行街購物, 天氣又熱又焗, 大家一早已躲入商場過泠河. 六點鐘多, 朋友已經話肚餓.行經4/F搵地方醫肚餓, 食肉獸友人見到呢間食牛火鍋放題, 二話不說就登記入坐.首先在接待處已選定放題的價錢(視乎牛的種類和包含其他食材) 和湯底.今次選擇了-嚴選牛肩肉放題.晚市放題限時90分鐘. 四人一鍋, 要了蕃茄湯底.入食店坐下, 便爭取時間各自出去挑選自己喜愛的食材加添火鍋內, 大堂自助吧區提供各式各樣新鮮的蔬菜, 公仔麵 ,沙律自助吧,日本小食和壽司, 醬油配料可以自由配搭, 還有幾款熱食如:炒飯,糖水, 此外更有一個大雪櫃放滿一罐罐種纇繁多的飲料,還有甜品區有幾款小蛋糕, 軟糖, 軟雪糕機,甚至有棉花糖機等......講番個湯底, 今次選了個蕃茄湯底, 味道濃郁不錯, 至於主打的牛肉, 牛肉厚薄大小適中, 色澤鮮紅,碌完放入口很淋身. 這樣的價錢都很合理了！

牛気-日式火鍋放題趁著月頭冇咁忙, 同啲朋友輕鬆聚餐見餐廳都9成滿, 但等左十五分鐘就安排到位, 座位都幾舒服日式放題有唔同ge 組合選擇, 因為有朋友唔食海鮮, 落單時職員話$338走海鮮, 可免我地加一, 仲可以坐多30min, 所以就揀左$338個set肉類都好新鮮, 最愛“嚴選澳洲和牛”同“美國豚肉”❤️, 除左任食組合ge 肉類, 出面仲炒飯, 壽司等少量熟食, 又有min cake ，乳酪雪糕做甜品, 仲有唔同ge 蔬菜任君選擇。另外facebook 仲有活動可以送movenpick 雪糕, 下次食正價可以試下😊PS . 飲品櫃見到mavrel coke zero, 所以拯救左佢#愛吃貨的少年 #foodiehk #foodiewade #hkig #foodismeverything #隱世美食 #偽食家 #為食尖沙咀 #tsimshatsui #tst #k11 #火鍋 #hotpot #日式 #hk #food