牛舞日本燒肉‧涮涮鍋放題

营业中

休息中

牛舞日本燒肉‧涮涮鍋放題 元朗元龍街9號形點1期1樓1073號舖一坐低 QR code落單 基本上你撳完個掣3分鐘後 嘢食到齊 一開始會比「一隻牛」你食 裏面有唔同嘅部位 呢個做法幾好 俾你初嘗下 再按自己喜好計劃放題策略 進攻邊樣最愛 質素就唔使擔心 嘢食多到食唔晒😂 除非你有兩個胃薩摩牛 樂天牛 prime牛 有質素保證 收碟速度快 有禮貌服務 唔使出聲，去到咁上下 職員見到爐頭黑黑地會主動幫你換另外一個鐵網 希望呢一點去人多嘅時候都可以keep到見到有需要會主動提供濕紙巾因為有陣時都要用手剝蝦剝殼I will come again🤣

元朗形點不嬲多野食，趁聖誕節去行下影下聖誕樹，夜晚想食燒肉，就去左牛舞。年舞有A-E套餐揀，我地揀左A餐，加左個豆乳魚湯火鍋。首先上左個牛舞拼盤，有薩摩和牛牛肋肉、樂天澳洲和牛腹肉、美國Prime 牛板腱、厚切豚腩肉、安格斯一口牛、牛舌簿切同雞腿肉。由於我地揀左A餐，以上既肉都可以放題再任點。涮涮鍋魚湯好鮮，亦好多蔬菜索晒啲湯。可以Balance返食咁多肉既罪惡感。放題亦有刺食，都算多款同埋新鮮。燒肉配料有齊豬牛羊雞同海鮮。不過最正都係A餐獨有既薩摩和牛，無論係燒肉定係簿切做涮涮鍋，兩者都好好食，尤其燒肉後啲和牛油脂重，入口融化，其他和牛都無咁高質。海鮮有叫到蠔同甲羅燒，甲羅燒比較少見，蟹膏味重，正。順帶一提啲職員好快手又好好禮貌，一見枱上有空碟就會埋黎收，中途又會幫我地換烤爐個鐵網，服務一流。食放題當然唔少得甜品，出面自助區有好多選擇，食左日本樂天既北海道雲呢拿雪條同拎左雪米滋，燒一燒粒雪米滋，口感啱啱好。

每逢工作辛苦，都想去食任食餐廳，今日去咗屋企附近任食和牛。我哋要咗薩摩和牛套餐，入邊又有得燒肉、打邊爐同刺食，好豐富。估唔到全餐都好忙，因為佢實在有太多選擇，用手機自助點餐，咩都點左黎試吓😂 又要燒肉又要打邊爐，出邊仲有得喺雪櫃拎火鍋配料，飲品除左自己任拎，仲有酒類可以落單叫，又忙又開心😂一黎有個牛舞拼盤免費送，係包左A-D餐既肉，俾就算無點A餐既人都可以試靚牛。個套餐包好多款和牛，又有豬肉、內臟、海鮮、炸品。海鮮叫咗甲羅燒、號、虎蝦、清酒煮蜆，樣樣都好食！叫左個炸軟殼蟹天婦羅，估唔到入邊有蟹膏。刺身試咗三文魚、甜蝦、帶子、北寄貝、八爪魚，佢仲有好幾款魚，呢度雖然主打牛，但啲刺身都幾新鮮同厚切。食咗咁多款牛，最後鎖定最好食都係薩摩和牛！薩摩和牛肋肉同薩摩和牛赤肉都正，對比其他和牛，係佢地最入口即溶，極重牛油香味但又唔肥膩，為咗薩摩和牛，係值得比最貴價錢。 佢仲有清酒、紅白酒等任飲，見隔籬枱飲左成10杯白酒😂 我自己就飲清酒，送燒肉一流。我哋入場咁耐，都係全場滿座，仲一直有人等位，呢間好有驚喜，食物種類好多，樣樣都好好食，服務態度超好，和牛真係好有質素，飲飽食醉十分滿足！

元朗YOHO 嘅放題今時今日嘅香港人 打邊爐 燒烤 係我哋生活上嘅必需品 一家人 一班朋友 成班同事 周不時，都會遇到一個問題 陣間食乜好 要任食嘅 要好味嘅 要多選擇嘅打邊爐？燒烤？放題？一個民主嘅社會 當然係少數服從多數投票制，唔該不過呢間牛舞 係一次過滿足晒你三個要求打邊爐 燒烤 放題照顧到晒唔同人嘅需要安格斯澳洲樂天 美國prime 安格斯牛 日本薩摩和牛唔同品種 各有春秋特色 美國風封門柳 即係牛嘅橫膈膜 每隻牛只有一片橫膈膜 相當珍貴 脂肪低，肉味濃郁，富含豐富蛋白質牛板腱扒 油脂分布均勻 比較多紅肉 正雪花肥牛 ❄️ 入口即溶 呢個真係誇張▶️加$48◀️酒精類放題、Sapporo 生啤、清酒梅酒、紅酒、白酒 ❕早鳥及宵夜大放送‼️下年5：45 前入座或晚上8：31後入座‼️即享優惠 星期一至四星五至日期及公眾假期‼️低至＄198/位起 $228/位起日本加納朱古力雪條 一試，一試便愛上 朱古力味重日本樂天抹茶雪條 抹茶味澀澀哋又滑身 牛舞日本燒肉‧涮涮鍋放題 地址: 元朗元龍街9號形點1期1樓1073號舖

在開張初期，來吃過2，3次，印象都非常好的，還記得等位也1小時以上。這次隔了一年，不用半小時便可以入座，人流沒之前的多。選了C餐，沒加火鍋，主要來吃燒肉嘛而且熟食選擇也非常多，用手機點餐時很歡喜的，還有外面的自助吧，可以任取飲品，甜品，生果，沙律，炸物，火鍋食品，醬料等等。第一盤的靚牛肉來了，吃時都沒有沾醬汁，但覺得味道不及以前，牛味亦不重。便再點不同的牛，選不同醬汁醃製，但還是淡淡的。再點牛時，人生第一次灑了點鹽在肉面上來燒，吃的時候才感覺到入味，這讓我有點失望，一般到燒肉店吃肉，都選中高價位的plan，為了吃靚一點的肉，但這次的質素好像有點兒下降了呢熟食基乎每款也點1份，同樣，味道不及從前還是我期待太高才感覺這樣呢...

之前銅鑼灣新開張去食過真係一試難忘😋 嗰陣仲送咗奇跡之牛💗 嗰次我同男朋友都俾好高評價😋勝在可以又食燒肉，又打邊爐，仲有刺身😂 滿足哂佢所有願望😛 今次入嚟元朗行街，見返佢又要幫襯下😳 嚟得當然係食佢嘅日本薩摩和牛放題，叫A-D餐會有牛舞拼盤送💗 叫A餐有得免費追加涮涮鍋同Sapporo 生啤(仲有其他)🍻 其實食完燒肉再淥返啲菜真係幾正😛 仲要啲湯底好入味，啲菜更加甜🫶🏻 和牛肋肉、和牛肋條同和牛赤肉必食之外，佢嘅甲羅燒、磯煮鮑魚同軟殼蟹天婦羅都係必食😳 仲有係外面記得拎粟米🌽好好食😳 刺身佢都有好多款式 (三文魚、日本甘蝦、帶子、八爪魚🐙、北寄貝、鯛魚、希靈魚、墨魚🦑)，但就未必係日本放題嗰種打卡方法上了😛

今次罕有地唔講嘢食😛 其實本身係 Openrice見到有啲負評講佢哋嘅服務質素，我都有啲卻步，但曾經係銅鑼灣食過佢嘅連鎖店，味道真係有返咁上下，所以我都係入咗嚟😳 其實佢嘅服務都真係幾好，成嗰用餐過程都好舒服，一入嚟坐低咗俾QR code我哋點餐，提返我哋要帶口罩😷去拎嘢，咁我哋有加打邊爐，因為知我哋未食住，所以幫我哋較到嗰火最細🫶🏻到送餐俾我哋，俾啲特別啲嘅食材會提醒返我哋放爐邊燒，期間亦會主動收碟，舉手🙋🏻‍♀️要換網亦都即刻做😳 比較麻煩嘅我仲問佢拎鉸剪剪羊架😂 佢仲好貼心拎埋刀俾我享用😍最後就係埋單前亦有提醒我仲有15分鐘時間落單，30分鐘用餐🍴食物質素都真係幾好😋 除咗牛之外，特別推介會係香草鹽味羊架、燒菠蘿、韓國蠔同雞腎💗

这间牛舞日本烧肉‧涮涮锅放题位于元朗形点1期1楼铺，系一间食烧肉同火锅店铺，店面环境系以木系装置格局🤔感觉都几特别! . 日本萨摩和牛放题 $588/位 呢一款牛拼盆系店家首轮送给客人食，而每一款肉质新鲜，味道鲜味带点😋口感，分别有六小款品尝! 萨摩和摰牛牛肋肉 美国Prime牛肩小排 乐天澳洲和牛颈肉 安格斯一口牛 美国鸡腿肉 豚腩片 . 呢几款猪部位分别有 厚切豚腩肉 猪颈肉 猪梅头肉 而每一款肉质鲜明够哂新鲜😙，厚度适中啖啖口感，味道口感鲜甜肉质嫩口😋 ! . 呢两款羊卖相都唔错🤔，香草盐烧羊架肉质鲜红又够新鲜，羊肉片厚薄适中，好香羊味味道浓厚口感都好正😋! . 刺身 呢款剌身一共有六款： 有三文鱼 、八爪鱼 、带子 、希灵鱼、 北寄贝、 墨鱼，每一款剌身都好新鲜带子同北寄贝肉质鲜甜😋，又够嫩而滑口味道都好鲜味! . 呢几款海鲜卖相吸引🤤望着都好想食，矶煮鲍鱼味道鲜味😙，鲍鱼又够腍身弹牙😋，虎虾都好新鲜甜口爽口弹牙，牛油煮清蚬散发酒香味😙，肉质嫩滑又有牛油香口! . 呢几款都牛慨最好味又嫩口部位： 美国Prime牛板腱 扒萨摩和牛肋肉 乐天澳洲和牛腹肉 肉质牛味浓厚口感嫩而滑口

今日入咗元朗行街睇戲，睇完戲開始有啲肚餓，喺形點原來有咁多餐廳，朋友就帶咗我去食燒牛肉，日式放題。牛舞日本燒肉，涮涮鍋放題。120分鐘任飲任食。座位方面都幾舒適，因為空間感都好足夠，而且裝修得好整潔光猛。餐廳有幾個自助區，有蔬果，生果，飲品。熟食方面有豆腐，魷魚，炸雞。仲有醬油區，甜品雪糕區，全部都係自己選擇。今次我哋點咗日本薩摩和牛放題，呢個薩摩和牛真係有驚喜，牛肉味好香濃，牛肉入口即溶，肉質嫩滑，油花比較香，色澤紅潤一睇就知道好新鮮。日本薩摩和比美國安格斯牛更加香，更加多肉汁。鍾意食牛肉嘅人一定要試吓。甲羅燒，蟹膏同蛋漿融合埋一齊，味道真係好香。蟹膏味道好鮮甜，加上蛋漿令到蟹嘅鮮味提升。澳洲和牛腹肉，牛肉肉質比較軟腍，脂肪比例分布均勻，食到牛脂同牛肉嘅香味。另外燒牛舌都好好味入口爽滑。海鮮方面我就鍾意食燒扇貝同埋海蝦，生蠔。燒蠔size好巨大。入口鮮味濃郁，而且爽滑香甜口感非常正。扇貝就加咗啲牛油蒜粒，令到扇貝味道更加香更加有層次。海蝦最簡單新鮮已經足夠肉質爽滑彈牙。今日見到有梅酒飲，忍唔住飲返兩杯。最後食啲生果，甜品雪糕，今日真係大滿足。

今日入咗元朗返工，原來而家元朗形點真係好多嘢食，除咗交通方便，shopping多嘢睇之外，餐廳仲要係好多選擇。今日試咗個午餐牛肉唰唰鍋放題，性價比高之外，食物質素仲要好好，所以喺度推介一下。牛舞日本燒肉涮涮鍋放題。去到餐廳門口，已經開始排隊。餐廳入邊裝修得好整潔，而自助飲品仲有好多選擇，無論啤酒，清酒，同汽水全部都係任飲，平時好少有紅酒任飲，呢度竟然有，我當然嘆番一杯紅酒一坐低嘅拼盤自動送上有七種肉，非常吸引，牛牛肋肉，澳洲和腹肉，美國牛肩小排，厚切豚腩肉，安格斯一口牛，牛舌薄切，美國雞腿肉…..牛肉拼盤，安格斯一口牛，牛舌薄切，美國和牛肩小排，澳洲和牛復肉，薩摩牛牛肋肉，試咗幾隻款嘅牛肉牛肉味都好香，牛舌薄切食落去好有口感帶少少爽口，食落去好有咬口。安格斯一口牛，牛肉味比較香濃。最欣賞就係薩摩牛牛肋肉，望落去色澤紅潤，脂肪分布好均勻，入口牛肉味特別香濃。加上少少牛油脂肪，除咗肉質鮮嫩，有入口即溶嘅感覺，味道仲係好有層次，肉質同脂肪比例非常平均海鮮方面我就最鍾意食佢嘅香蒜帆立貝同鮮海蝦，帆立貝加左牛油同蒜蓉，牛油令到凡立貝燒出嚟特別鮮甜，另外蒜蓉增加味道嘅層次。加上size都算中等，燒

開業時去過吃這家，覺得食物選擇多，而且肉質新鮮嫰滑，所以就決定再去吃吃吧😍。店舖位於元朗YOHO，在觀塘和銅鑼灣也有分店。環境裝修時尚，大部分也是卡位所以坐得舒適☺️。近門口位置是自助區，有炸物、沙律、火鍋食物、熱咖啡、飲品及甜品。-▪︎日本薩摩和牛放題 HKD$588/位這個套餐的食物多達165款，食物有肉肉、小吃、炸物、主食等等。有種看到眼花撩亂的感覺😂，以掃碼方式下單點餐。套餐還可選擇涮涮鍋，但我們想吃燒肉多一點，所以就沒有點來吃了🤔。-入座時會先上一盤牛舞拼盤，以牛造型的木盤挺特別的🙈。拼盤肉肉包括：薩摩和摰牛牛肋肉、美國Prime牛肩小排、樂天澳洲和牛頸肉、安格斯一口牛、美國雞腿肉及豚腩片。每一款色澤紅潤，肥瘦均勻挺吸引的🤩。-▪︎刺身三文魚、八爪魚、帶子、希靈魚、北寄貝、墨魚等吃燒肉的時間有點餓了，最後就吃點刺身吧😎，點了幾款喜歡的來吃。魚生食材用料新鮮，色澤紅潤肉質爽口鮮味，簡單配醬油吃已可以😚。-▪︎海鮮磯煮鮑魚、虎蝦、牛油煮清蜆海鮮有數款選擇，每一款賣相新鮮大件。鮑魚口感彈牙，忍不住吃多幾隻🤣，配燒肉汁更惹味。虎蝦肉質爽口鮮味，蜆肉新鮮入味。-▪︎豬厚切豚腩肉、豬頸肉、豬梅頭肉

好多唔同既餐選擇，任食來講都算有質素，牛肉味濃郁juicy，有得試齊唔同牛嘅部位，牛肉之外有海鮮刺身炸物，非常新鮮多選擇，今次同朋友嚟慶祝生日唔洗諗食咩，食放題可以等壽星仔自己揀，下次同朋友慶生會再嚟試其他餐。佢任食雪糕有好多款，都係日本雪糕。我個人推介甲羅燒同鮑魚。甲羅燒ENCORE左3次，羊架都好入味，不過都唔敢食太多，因為主打食牛。上菜都快，同好夠野食。最後火鍋食烏冬加配燒牛肉，朋友食左2碗，我就配白飯，一口牛肉一口熱飯，正

係日本味呀😍！幾百蚊 任食薩摩和牛甲羅燒搶唔到日本機票，索性落街食返餐日本嘢平復心情！近近地求其搵間燒肉放題任食，點知有驚喜！今次第一次試，特登揀咗日本薩摩和牛放題，有得一邊燒肉，一邊打邊爐，同埋任飲啤油、梅酒同清酒，超多款揀，但同時又驚太飽，所以今次都係主打叫和牛。D和牛油花好靚，唔只第一盤靚，之後追加嗰啲都保持到水準，入口即溶有牛味，另外甲羅燒都係一定要嗌，估佢唔到咁足料，整體性價比超高。下次生日再嚟~

好難食。第一次食放題覺得90分鐘太多，食左一個鐘，唔夠一round已經唔想再食。唔係食到太飽呀，d牛已經唔係話好食（已經係第二貴個餐），個爐仲要火候極差，時大時細，可以燒到一舊牛既同一面（唔係兩面呀）又有生又有燶，滔滔黎到又可以話下佢個爐。我見隔離枱成碟食物都有燒燶，鐘意每件食物有燶邊既可以黎試下。d刺身無味無道，d海鮮又唔見得好新鮮，d劣牛唔食都唔可惜，最有保證似乎係d菜，雪條同汽水。好彩個烏冬都食得下，最尾用娃娃菜烏冬填肚（走肉）。最正係有d侍應成日行埋黎話幫我收碟，但伸隻手出黎叫我拎比佢，到底你收碟定我收碟呀。

見有幾個youtuber介紹好似幾唔錯，上禮拜五同先生過嚟試咗。我地揀咗A餐，薩摩牛，即係最貴最多嘢食嗰個餐。坦白講，牛嘅quality係唔錯，漏單情況都冇咩，不過服務同衛生就真係好嘛嘛。上菜嘅時候冇介紹，而第一round上嘅牛拼盤亦都冇寫住佢地嘅部位，完全唔知自己食緊咩。staff十問九問唔知，中間亦都冇人主動過嚟執著走吉碟，冇offer過換網…總嘅嚟講都係不過不失，我會揀返牛角。