牛角Buffet (美麗華廣場1期)

营业中

休息中

牛角不嬲都有一定質素架啦。所以約埋一大班朋友開心聚會一下。但大家知道食放題類別，都係要等齊人一齊入座先得。好巧不巧，當我哋差不多齊人時，全場full house 了。真黑仔。真黑仔。所以當晚真係等左大約一個半鐘先有得入座。好巧不巧，美麗華牛角BUFFET隔離係一間夾公仔鋪頭。等咗咁耐，當然係入去朝聖一下。朋友好厲害，係夾公仔高手，夾到最高嘅分數喺清酒一支。所以當晚，大家都享受了一支1800 ml 嘅清酒。你十分盡興。今晚選擇了Level 4和牛放題，真心好味，最鐘意係超級多款式，每樣試一啖都已經飽啦。但黎得牛角，當然係主力和牛啦。個個都滿載而歸。個大肚腩呀。

去咗食牛角buffet LV4，星期一至四就$488 而假期或前夕去食就$528，主要都係食呢個set 既澳洲和牛牛肋肉同M3安格斯肉眼，當然仲有半殼扇貝都好好食。主要都係食肉比較多，雖然係任食但肉既質素一d都唔差，特別係澳洲和牛牛肋肉，舊舊肉油花好靚，入口好鬆軟又有肉味。至於其他肉，好似美國SFR安格斯和牛牛肋肉同澳洲和牛一口牛呢類肉口感比較韌， 所以如果叫得LV4 ，建議主力食澳洲和牛牛肋肉， 食完最後出去自助bar枱裝碗飯食收尾！

同一班朋友食飯，諗左好耐食咩好，尖沙咀區到到都唔平，個個都話好肚餓，所以諗到黎美麗華既牛角buffet 食lunch 佢嘅套餐有好幾款，我哋叫左level 3，一入到去，當然例牌咁出去拎牛角名物紫菜飯+2粒温泉玉子！呢個真心正🥰🥰🥰🥰🥰位置係角落頭既，不過黎慣黎熟應該都易揾既呢個温泉玉子紫菜飯真係每次食都唔會厭佢哋真係perfect match (雖然朋友話我似食紫菜多過飯）都係例牌外面拎左啲餐前小吃❤️😝後尾因為掛住食既關係無影相😝其實lunch 都算抵食因為有gold pass既關係，有85折，係成班朋友黎食放題之選，level three，lunch 扣哂折扣，每人埋單大概$420內，我覺得都算ok ar 😝回頭率：❤️❤️❤️❤️❤️

成件事完全係白LTree，我同嗰Frd兩個人由7:11pm取飛，一直等一直等，等到9:20pm，成2個鐘。等咁耐ok沒問題，有人提前Book位優先入座我亦理解，問題係佢哋收11:00pm，竟然可以大條道理同我講，（100分鐘嘅放題）遲咗時間入座都係會11:00踢你走，同樣收返原價。大佬啊，貴公司接唔到咁多客，識唔識得熄咗嗰自助取票機佢？？？人地其他鋪頭都識提前截龍，你哋點好意思比人等咁9耐仲要食唔夠時間收原價？？？（利申：最後冇食到，白等兩個鐘，個肚一把火飽曬🖕🏻）

自從有一次同朋友散叫食牛角，食咗每人四百幾蚊之後，自此我同大食朋友食通常我都會選擇去牛角放題。今次揀了中價既level 3，正價時段408加一。100分鐘仼食， 已經有齊雞牛豬同幾款海鮮，(level 1+level 2+level 3 既食品)仲，有出邊擺放嘅食品例如牛角飯，沙律，飲品，甜品，配料等。當然我哋主力就梗係level 3 既食品。美國SRF安格斯和牛牛肩肉，牛味重。而我同朋友們就鐘意食澳洲/美國和牛牛板腱，入口即溶哦，滿滿嘅牛油香味。就算煎得熟得滯都仲係好香。非常好食。另外黃金魷魚，出邊嘅放題比較少見。

之前尖沙咀呢一間牛角嘅自助餐係比較舊，但係翻新咗之後變得非常摩登，樓底極高，而且仲有唔少嘅藝術品喺個天花板度，成個感覺非常之舒服又闊落，坐嘅位置都好舒服，同隔籬枱有一定嘅距離，牛角嘅自助餐真係非常抵食，個人推薦三級以上嘅牛角餐，因為有埋美國安格斯同埋澳洲黃牛嘅話先至係好抵食，燒菠蘿亦都好正，牛角飯而家變咗自助，變咗冇食咁多飯嘅朋友就可以夾少啲飯，鍾意紫菜嘅朋友就可以夾多啲紫菜，成件事變得非常環保，亦都唔驚會浪費食物，成個飲食嘅體驗，非常好

🥲🥲🥲差不多有半年冇食牛角，以前經常食，已經食到金會員🤣但係最近呢一次食覺得佢既牛肉比以前差咗，今次係食lv3 🆗牛嘅肉味仍然好香，好有牛味👍🏻，但係牛肉薄咗好多，雖然任食唔影響個份量，但食落口感冇咁正🥲而且啲牛比之前un 咗好多！每次落返嚟嘅牛質素飄忽而且而家加咗價，冇金會員嘅話差不多$400一個人，不過好處係少咗好多人排隊🤣幾乎排普通隊，星期一至四嘅尖沙咀分店都可能係五六張枱搞掂👍🏻

其實食過好多間燒肉，但係都係覺得牛角最好。我哋通常食開Level three嘅，因為價錢最抵嘅質素亦都比較高～雖然排隊嘅時間真係會比較耐，所以我都通常係三四點嘅時候去食，通常唔使排特別推介要食佢嘅牛脷同埋牛肋骨，雞方便就要嗌雞髀肉，豬就一定要是豬頸肉！海鮮方便就會推介多春魚同埋佢嘅墨魚骨都好得意～小食方便就一定要是炸蝦炸雞軟骨炸雞同埋芝士年糕～甜品方面，當然要是晒佢啲雪糕。同埋一定要試吓佢嘅朱古力大福！仲有綠茶雪糕糯米糍～仲有另外一個隱藏食法，就係可以要一杯熱紅茶，再加上佢哋嘅北海道牛乳雪糕好好味！

成日都去食Level 4放題今次豪一豪先，食個level 5😎不過價錢好似越黎越貴咁和牛任食好吸引，入口即溶，油膩感爆燈😛最鍾意❤️😙😝和牛油花勁靚，燒2下食得，爽😊呢個餐有甲羅燒、鴨肝、勁大粒嘅帶子必食🤩🥰甲羅燒入邊會有埋蟹肉，好香嘅蟹膏味一齊食😚鴨肝必食啦！我地2人食左8件😚😚😍整體來講CP值勁高😎🤓勁大粒嘅帶子燒完都係勁大粒，口感啖啖肉！😜😜😜🔥🔥燒鰻魚必點！勁正酒精放題必叫，食燒肉飲梅酒好飲去左日本咁😋😋

好耐冇食牛角啦，因為朋友有金會員，一於跟佢去食😎燒肉連鎖店來講算保持至水準嘅一間，唔會太差太難食，印象幾好！🍴Lv4 澳洲特上和牛放題 一至四正價 $488 另收加一 (7.5/10) 金會員星期一8折優惠🍴澳洲和牛牛肋肉 (8/10)牛味香濃，油脂豐富，肉質都軟淋，好好食！不過食到最後太油膩啦，食唔到。🍴澳洲和牛一口牛 (6/10)油香但口感比較韌。🍴澳洲M3安格斯肉眼 (6/10)肉眼都淋身，牛味唔夠香同濃，正常！🍴 澳洲M2西冷扒 lv3 (5/10)比較韌同鞋口，不了。🍴王樣！日本熊本豚梅扒 lv4 (7/10)肉質唔鞋口，有豬肉香。🍴韓國豚腩肉 (7/10)肉質都彈牙，幾香口！🍴 王樣！魷魚 (8/10)彈牙，有魷魚味，好食！🍴 半殼扇貝 (7.5/10)帶子都甜，唔腥，食得過！🍴 牛油廣島蠔 (0/10)有啲蠔味但好腥，唔建議😂🍴 法國黄金螺 (7/10)同自助餐一樣，彈牙有海水味！🍴 車海老 (7.5/10)有蝦味，蝦肉爽口！🍴炸物 (7/10)吉烈海老炸粉太厚食唔到蝦肉，炸雞偏鹹但嫩滑，炸魷魚正常彈牙嘅，芝士年糕香濃芝士味，但太甜了😂🍦雪糕紅茶味最好食，唔甜又有茶味！推

其實我甚少去食牛角之前聽聞美麗華牛角好full今日未夠12點我就喺門口等食100分鐘任食任食有分6個Level Level 1 豚肉放題 $228起 Level 2 特撰牛放題 $328起Level 3 精選和牛放題 $378起Level 4 澳洲特上和牛放題 $448起 Level 5 日本極上和牛放題 $698起Level 6 日本極旨和牛放題 $1098起中規中矩 揀個Level  3 精選和牛放題都唔係想像中咁多人啫-美國SRF安格斯和牛肩脊肉 牛肉無牛味 肉質較實就算唔係燒得耐都好 入口都較靭-鹽味牛舌牛舌可以嘅略嫌太薄 如果有厚切牛舌更佳-炸物其實呢啲炸物 可以唔食都得炸粉厚 無乜特別-明太子冷烏冬呢個烏冬極度唔好食 烏冬又林又乾身冇諗過烏冬都可以咁冇水準-牛角飯成間嘢最好食係得牛角飯加埋啲燒汁 一定要多多多紫菜記得加多隻溫泉蛋我唔係點食飯都好食到停唔到口-榛子朱古力+北海道牛乳雪糕牛乳雪糕冇乜奶味埋單$416/位 唔覺得特別抵 亦唔係特別好食呢個價錢嘅燒肉放題 真係大把選擇 無下次

It has been a while since my last visit to this shop And I’m here again for beef 😂Surprisingly the waiting time is not long that day and we manage to have our dinner in a short time We ordered level three (my usual choice) The beef is always at good and stable quality and that’s why I like this shop so much And for this month, there’s a special portion of Hokkaido food The scallop is upgraded with sea urchins sauce and it’s very delicious as it helps to level up the taste And the service here is

中秋佳節最好的就是去燒肉🥩而個人最喜歡去的是牛角buffet！食物種類比較多選擇，視乎叫那一個LV，愈高LV的就愈多不同食物供選擇。而今次主要想講一下最令我念念不忘的食物，就是牛角飯🍚加入自己喜歡的醬汁🧂配搭出自己喜歡的口味😋而我最常的食法就是再配上芥辣八爪魚及溫泉蛋👍🏻👍🏻就算燒肉未準備好，這啖飯已經相當滿足，雖然有人會覺得buffet 食飯會感到浪費，但是這個飯的味道絕對不能錯過🤤至於要做到這個飯的口味，LV3 或以上才有芥辣八爪魚及溫泉蛋

牛角Buffet好多人都食過，其實佢仲有個好抵食嘅午市定食😈平日時間1:30入去可以直接walk in唔使等🤭有4種set揀分別可以喺下面揀兩款肉，其餘就係出去自助吧自己拎，另外有得揀60分鐘同100分鐘，100分鐘會有1.5倍肉😏今次揀咗60分鐘set B 牛舌、網燒一口牛、牛胸腹、肩脊肉🐮入坐後好快就上咗肉類，出去睇吓有咩食先~👀出面有沙律🥗、四款前菜例如泡菜、五款關東煮、兩款湯🥣、四至五款蔬菜🥒、DIY刈包、八種甜品🍮、四種雪糕🍦 雪糕有牛奶、白桃乳酪、伯爵茶、芝士蛋糕味，最重要仲有牛角飯！！！野食話多唔多話少唔少🫣60分鐘我覺得係啱啱好，始終嘢食唔多坐100分鐘都唔會食到咁耐🤣就算多1.5倍肉都只係每款肉多兩舊🤪入去過吓燒肉癮牛角飯都唔錯！環境 🐖🐖🐖 3/5食物質素🐖🐖🐖🐽 3.5/5店員態度🐖🐖🐖 3/5人均消費 ～$130牛角Buffet📍尖沙咀彌敦道132號美麗華商場1期地下G08-G09號舖

 牛角BUFFET成日聽人講得多, 今次第一次黎試, 朋友有金卡所以星期一會有八折,有好多唔同價位既套餐, 今次就揀左level 4套餐,  除左有美國SRF牛仲有澳洲和牛同海鮮食,螺好大隻亦好新鮮, 蝦亦都好新鮮, 出菜好快 , 出面有自助區 有牛角飯 關東煮雪糕甜品同沙律、前菜和小食等等種類繁多, 100分鐘真係唔多夠時間, 因為我食嘢比較慢, 又要燒又要食, 要快手D先得~~加左個月見汁沾肉即時昇華左, 大愛牛角飯 , 唔怪得D人成日都話牛角飯好好味我都忍唔住食左兩碗!!