牛角Buffet (美麗華廣場1期)

营业中

休息中

作為燒肉嘅fans, 牛角又點可以錯過。今次試左Mira嘅牛角, 兩個人嘅level 4。當然,牛角亦都無令我失望。一開始先試左牛肉,牛角嘅牛種類基本上有澳洲牛同美國牛,而兩種牛各有特色,都啱我嘅口味。跟著就有試其他類型嘅野食, e.g. 牛油粟米。整體上嘅食材都非常新鮮, 而且上菜嘅速度比想像中快 ( 因為太多顧客)。食完主食之後,就當然到甜品時間。甜品嘅種類算多,口味都合乎大眾要求。而整體上, waiter嘅服務態度算為中上, 所以整個進食體驗都非常良好。最後埋單價都係合理範圍。所以,牛角真係幾值得推薦去一試燒肉放題。

已經好多年無外出食燒肉 今晚同朋友出來聚餐 揀選左尖沙咀呢間牛角buffet我地6點幾左右黎 可以即刻入座 但因為用餐時間100分鐘 所以我地等齊人6點45分左右先入場 係門口已經要揀選想食既level 我地揀左$408 唔算好多選擇 燒既時間略嫌唔夠 離座前15分鐘已經截單 想食的燒菠蘿也下不到單 唯有叫店員直接落單 有種趕客的感覺 唯一就係呢度好夠通風 食完都唔會好大陣燒肉味最欣賞係佢地既雪糕 有白桃 培茶 同牛乳 培茶味好香濃 有d泰國奶茶的味道

終於有得食番牛角啦, 超開心呀! 我已經幫襯咗佢地無數次架啦今日同朋友揀咗Level 4 澳洲和牛放題 🐮 每次都係識呢個level, d 牛已經係勁高質啦~❤️我最鐘意食牛舌、牛板鍵、蠔、帶子 🤤 好新鮮!!!!和牛：色澤勁靚,油脂分佈好均勻! 唔駛加醬都已經好好食！一啖咬落去已經係好濃牛味蠔： 大大隻好肥美鮮甜, 好鐘意食呀!帶子：大大粒又係勁新鮮，咬得去好爽         

今日來到尖沙咀美麗華的牛角食buffet，今次同朋友選擇左食level 3😆，因朋友是金會員，而且我們是閒日晚上去，所以我會再有折💁🏻‍♀️💁🏻‍♀️依度嘅選擇都好多而且有好多款唔同口味嘅雪糕🍦👍🏻👍🏻🌟燒牛舌🌟呢個燒牛舌都好好味👍🏻因為佢都比較薄😋⭐️牛角飯⭐️呢個牛角飯真係五星推介👍🏻👍🏻加埋啲紫菜同佢嗰個牛角汁仲有加多隻溫泉蛋撈埋黎食🥹好味到癲咗💫💫💫💫⭐️朋友介紹呢個雞骨爽燒嚟食都好好味⭐️👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

半個月前用app約左來吃燒肉buffet 了，所有不胖等位， 空間大， 位置不迫。 buffet 燒肉抵食, 最愛牛舌， 可以狂encore! 餐單中的都可以叫， 外面buffet 食物可以隨便自取， 當然不少得配牛角食，可以多紫菜， 還有關冬煮， 蔬菜類如不同類的菇類、粟米等。飲品方法很多， 可以啡啡、菜、 柑桔茶、 藍莓汁、 果汁、汽水等。 外面還有沙律吧、 涼菜選擇， 最後還有雪糕有5隻味道， 可以現埋炮谷， 都幾特別的食法，甜品有雪米糍。

➼ 澳洲和平放題呢個係Level 4嘅Set，總共有129樣嘢食，其實都食唔晒咁多樣嘢🤣不過想食啲高質少少嘅肉，所以都係揀呢個level🥰貴啲嘅Set真係唔同啲㗎～啲牛肉都靚仔啲😍我哋每樣牛肉都有試❤️我自己最喜歡牛舌、牛頸 脊同牛板鍵😋樣樣都好濃牛味！尤其係牛舌，口感好爽口又彈牙，我哋都Emcore咗幾次🤣芝士年糕甜甜地都好食！不過食一舊好啦🤣留返個肚食牛肉啦～另外我哋都抱住好奇心試咗個牛角冷麵🤣就係普通凍嘅冷麵，但有啲麵落下肚又冇咁寡☺️➺ 小分享：當日係星期五嚟嘅，我同幾個朋友仔每人拎一張飛，好成功地喺17:24拎到9x號，最後差唔多8點終於入到去🤣大家記得要用Kabu app的人「遙距取票」功能啊，咁就唔使等得咁辛苦啦❤️

逆市下仲敢開分店既食牛專門店 - 牛角Buffet放假同朋友行過尖沙嘴，近地鐵站既餐廳都一定滿座，要搵間容易有位而且高質既餐廳都真係好難，咁岩係美麗華商場見到有間牛角係度，反正咁耐無食，決定同朋友去試下。唔講都唔知，疫情之下，牛角近日宣布，將於葵芳新都會廣場開設牛角Buffet分店，目前店舖已圍板，預計6月底開幕，將成新界首間Buffet分店 !等左大約半個鐘就入得去了。餐廳都算幾大，應該都坐到過百食客，而且裝飾得幾現代感，天面藝術氣氛幾重，燈光就略微暗，唔知係咪刻意營造氣氛呢 ? 坐低之後，職員簡單講解點樣用IPAD點餐就繼續工作了。牛角Buffet設有6個level，可以任食多達147款美食，由熊本豚肉、新潟雞爽肉，到澳洲和牛、鹿兒島A5和牛都應有盡有，另外亦有廣島蠔、鮑魚、甲羅燒等海鮮。餐廳內設有自助區，無限量供應前菜、沙律、飲品、甜品等，晚上6時前入座更可享早割優惠 !全日放題店就以優惠價錢就可以任食多款燒肉、海鮮。限定menu有5個放題選擇，更會不時增加放題美食項目，$338已經可以吃到美國SRF和牛牛板腱、廣島蠔，$608更可任食日本A5和牛及甲羅燒等 !咁就簡單俾少少評語

好耐無食過牛角，一兩日前都好彩預約到位晤使玲飛排隊（旺角當日滿booking）book左下午4點食去到現場其實無人排隊不如都晤少人食緊野.今次食左牛角lv3，主要係想要溫泉蛋做醬沾肉食，同埋想食多幾款牛肉一上菜頭盤淨係要左牛肉，牛肩肉明顯無解凍，牛舌就正常，不過都預左係呢個情況.轉左手機qr code落單，個ui難用左，手機screen 細d感覺晤夠以前tablet咁好用，不過就衛生d.食物部分牛肉正常質素，lv3肉有肉汁，不過口感一般，反而lv2 雞爽肉頸部同熊本豬腩肉係最好食，雞爽肉encore左好多次，口感味道都好得，真係爽口，肉味夠特出，燒完加埋少少焦香配上蛋汁又又另外一種層次甜品部分今次d雪糕好難食，好似變質壞左咁，食左一啖就stop左，轉左食雪米糍整體上菜都快，肉類品質同之前一樣，但係甜品晤收貨

第一次到訪尖沙咀的牛角Buffet，裝修和旺角分店有點不同，整體燈光較暗，但每枱會有獨立的射燈照著烤爐，整體燈光感覺像一些有情調的西餐廳呢😆星期五下午一點半到達，不用等位，即時可入座。自助吧有不少可自行領取的食品，例如前菜﹑果汁機﹑汽水機﹑咖啡機﹑軟雪糕機﹑甜品櫃﹑味噌湯﹑關東煮及自製牛角飯的位置，目不暇給🤩自助吧的前菜衛生做得不錯，有獨立小盤及用保鮮紙封好👍🏼特別的是有一個個膠樽裝起沙律菜，裡面的沙律菜新鮮爽脆，還有芝士粒🧀可以自行在旁邊加入胡麻醬或凱撒沙律醬，然後扭緊瓶蓋再搖勻，便能讓醬料平均沾滿沙律菜😇食物均用保鮮紙包好，前菜泡菜及青瓜味道正常。燒烤單品除了肉類外，還有牛油本菇和粟米粒等，先烤來吃吃﹑熱熱身💪🏼吃牛角一定要自製滿滿的牛角飯配燒肉吃！🍚主角當然是各式牛肉，我們今次吃的是LV.2特撰牛放題(早割)，到訪的日子是週五，所以即使早割價錢仍是稍貴一點，未加一前是$338💰牛舌包住滿滿的麻油長蔥粒，口感大滿足，而且牛舌質素很好，不停encore呢！🤤另外推薦王樣！腹胸肉，一共有兩款口味，較推薦「鹽味牛油」，牛油香氣與牛肉的香味混和一起，加上腹胸肉的肉質軟嫰，和牛舌一樣enco

12/24 平安夜lunch 叫左100 分鐘 一個B 一口牛+牛舌一個C 王樣牛腹 （唔記得個名）+ 熊本豬熊本豚 好味牛類 普通牛角飯 好好味 燒粟米洋蔥冬菇 好好味沙律 泡芙 正常雪糕 好味P.S. 美麗華呢間 門口個女仔 態度極惡劣 唔講以為得罪佢全家 真心需要改進 如果唔想平安夜返工應該向公司反映而唔係發洩係客人身上 其他員工完全ok

公司有上司farewell就諗住同佢食好少少答謝佢一路以黎的指導。所以就選擇左有vip卡既牛角buffet。我地預约左早烏時間，但去到都要等20~25分鐘不過同同事吹下，吹下，吹下水就入得去,我地揀左最低級348$|90分鐘任食任飲。⭕澳洲和牛點左5碟光速清曬，入口即溶，再黎係牛肋肉，一口牛，要無限loop多幾鋪，牛味豐富，多汁，不過仲有牛腹胸肉同牛板腱，我的胃辛苦曬你，沖牙，牛腹胸肉油花分明，口感有層次牛板腱非常好食。⭕海鮮有半殼扇貝，牛油廣島蠔，魷魚，配上特制醬汁，非常夾，好食。⭕頭盤有手拍一口青瓜，香辣螺肉，關東醬青瓜，凱撒沙律，芝麻醬八爪魚，開胃香口。⭕自助區有關東煮冬菇，豆腐干，粟米洋葱，湯底一流，正，仲有牛角飯多紫菜，我忍吾住食左2碗。⭕飲品有巨峰提子，梨子汁，橙汁，可樂，coke zero ,雪碧，我覺得提子汁加梨子汁幾正⭕炸物有炸蝦，雞翼，雞串，雞塊等等，吾會太過油好食。⭕甜品有格仔餅，冰凍mochi有芒果，朱古力，雪糕機雪糕⭕個人感想：我覺得用er code 落單可以大大提升營運速度，另外用機器人搬重物可以減輕員工受害機會，雙贏。服務就一般要提示先肯換底板，收碟速度好

系人都話好食，輪候時間又耐，又不時見過超多人排隊，當天沒有吃午餐，所以就早點吃晚飯。難得入到去就吃最好，有130分鐘，其實都唔係好夠，都確實趕時間，冇時間抖，想慢慢燒慢慢食是不可能的😆！有相有真相⋯⋯我哋冇浪費食物，食幾多叫幾多全吃掉！滿足又很飽😌個人除咗牛肉之外，鱔魚及虎蝦都比較出色好味😋服務態度吾錯嘅！出order 不會拖。

💛每次行過都好多日，難得今日無！真係無人直入，所以都毫不猶豫入去！揀左個338既，包哂豬牛雞仲有出面任拎嘅（凍盤，關東煮，飯，湯，菜，甜品等等😈）真係好多選擇！雖然比起肉都係cheap野，但真係乜都可以食下🤤d肉黎到就知點解咁多人，因為質素絕對唔差！而且真係100分鐘掃完code落完就到，唔會似其實所謂自助餐落完無野出！可能因為3點幾去，人唔太多都坐得幾舒服，而且成間野就算燒烤都唔會太油太煙！👍

約咗朋友去牛角buffet慶祝生日🎂 6點已經入座, 原來都有唔少人食緊😃 入店前, 職員見我哋拎住蛋糕, 就主動問我哋需唔需要雪, 夠細心👍🏻 環境方面, 入去安排嘅座位都好闊落, 坐得舒服😃 雖然食嘅係燒肉, 但店內抽油煙系統做得好, 食完都唔會成個人油立立感覺👍🏻值得一讚!食物質素都比想像中好食, 牛舌係瘋狂地加單🤪 數量食幾多就嚟足幾多😲非常好! 店員都細心, 見個燒網黑咗好快會換俾我哋!下次會再去, 一定要早拎位😎

今天第一次来这边吃烤肉！！之前一直都是在旺角那家店，这家环境会更好一些，自助的也有一些蔬菜，上菜速度很快.一直觉得牛角是香港很好吃的烤肉了！每次吃的时候都一感叹太好吃了！相比于单点的牛角，还是更喜欢放题的这家，可以随便吃吃到饱 真的很满足大家赶紧来吃！尤其是喜欢吃牛肉的朋友们！其他的烤肉店根本赶不上这家！！吃饭以后都不想再去吃其他家的烤肉了我是大忠粉嘻嘻嘻嘻嘻！希望这个评论能给大家安利到这家店！！！