犇殿台灣火鍋 (德福廣場1期)

营业中

休息中

Menu:USDA Prime Black Angus BeefDivine BeefAustralian M7 Wagyu BeefReview Title: A Memorable Hotpot Experience at BendlI recently had the pleasure of dining at Bendl Taiwanese Hotpot in Kowloon Bay, and I must say, it was an exceptional experience. As a lover of hotpot and a connoisseur of quality meat, I was delighted to discover the diverse and tantalizing menu options at this restaurant.One of the highlights of my meal was the USDA Prime Black Angus Beef. The meat was incredibly tender and ha

近排天氣非常酷熱，令我想起大家都好鍾意响夏天食嘅嘢，就係火鍋喇🤣，身處九龍灣嘅我哋當然知道有間人氣台式火鍋响附近，趁未有人龍之前就飛奔過去🏃‍♀️入坐時候已經揀定心水鍋底及放題套餐，起初以為得90分鐘，原來星期一至四免費升級至120分鐘，夠哂時間食😝我哋揀嘅鍋底及套餐係👇🫕烏龍茶菌皇湯貪佢清清地得黎又有好多菇菌响裏面，仲有原片好大塊茶葉，有烏龍味嘅清香⭕️澳洲M9和牛*美濃牛肉*吃到飽放題 $398，如果19：00前入坐或20：30後入座仲平20蚊添🤑🐮🐷呢個套餐最正嘅就係包哂所有款式嘅肉類，有9款可以選擇；重點當然係澳洲M9和牛，油花分佈平均，肉味香濃；另外仲有我哋最鍾意食嘅美國牛肩胛肉添😋🥳呢個套餐仲加送神仙牛肉及東港海鮮盤一客，神仙肉鮮甜又嫩，牛味濃郁，真係好食到升仙🤣，海鮮拼盤有蝦、生蠔、蜆、帶子及鮑魚🦐🦪海鮮類有7款，食完個海鮮拼盤唔夠喉可以補倉🍢仲有台灣美食有成11款，有我哋至愛嘅鴨血，爽滑彈牙有口感，當然要同佢血拼喇🤣📱以上都係用QR code落單🙋‍♀️自助區迎接我哋嘅有蔬菜肉丸麵類吧、台灣地道小食、汽水冷泡茶飲品、雪糕雪條、台式甜品及調味醬料🥬蔬菜肉丸麵類吧種類唔少，大概有

❥ 美國極黑牛三叉套餐 ($225) 7:30pm前離座套餐包括自選湯底一款及自選肉類+台式小吃+火鍋配料任食湯底選擇左御膳麻辣鍋同美白凝乳牛乳鍋（鴛鴦鍋需另加$30）前者辣度足夠，有若隱若現嘅藥材味，但味道真係較為單調，未算係有靈魂嘅麻辣鍋😂後者以鴻禧菇、秋葵等新鮮蔬菜作為配料，味道鮮美，但牛乳嘅濃醇就未能領略😬店名甘多個牛字，肉類上到枱果然冇令人失望，每盒都好新鮮，份量亦都好足，吾會得薄薄兩片仔🤣牛胸腹同牛板腱口感實在有牛味。但重點來了🌟全餐最好食嘅牛三叉！肉質非常細嫩，牛脂感爆登💯冇牙都食到之甘入口即化，夾起仲要大片到好似塊布甘🥹台灣小吃方面，選擇非常之多，但可惜普遍質素都麻麻🥶較為推薦嘅只有台南鹹酥雞同十三香滷三寶🐮而火鍋配料同甜品相反選擇就較少，丸類大概只有2-3 款，主要以蔬菜為主。甜品亦只有三款雪糕同自助台式仙草區🤒更有吾少「偽台灣食物」慘入其中，例如「西門町鴨肉扁」黎到見到两片加左少少汁嘅煙鴨胸…香腸機轉轉轉住嘅唔係台灣腸，而係廚師腸…台灣仙草係放涼粉+花奶+罐頭雜果+椰果…見到實物真係只能一笑帶過😂總括食物質素平平，唯一驚艷我嘅就係牛三叉肉，同類型餐廳比較下略為遜色☹️

之前食過幾次覺得OK，今次再幫襯，午餐選擇最貴M9和牛放題，一開始來左三碟，之後就QR cord 落單，一開始叫兩碟來一碟，第二次叫四碟來一碟，第三次都係叫四碟來一碟，食左50分鐘總共叫左12碟牛，最後來得四碟，叫經理兩次(一開始話客多來唔切切肉，但係一眼望落都仲有一半吉臺😂😂)，每次拿多兩碟，話會跟進加返時間，時間係加左，但係都係無牛到🤬🤬最後計返總共落左24碟牛，淨係來左十碟，仲要不斷搵經理先有，d肉仲要越來越薄越來越差，其實唔想出肉就咪鬼做放題啦，最後都已經放棄了。小食難食三個人第一次食放題係食唔飽仲要一肚氣，不會再有下次

之前曾經食過佢嘅外賣火鍋套餐，今次試吓堂食。我地係週末下午去到，見到佢有60分鐘嘅午市套餐，不過週末要加10蚊，另外除咗公眾假期外，時間會免費延長到75分鐘。我地嗌咗兩個套餐，牛肉質素不過不失，任食嘅打邊爐配料，例如菜呀，丸呀都係正常發揮，反而想講吓佢啲熟食，係意外嘅好食！個鹵肉飯非常入味，鹵豬手鹵到好稔，連炸鮮奶都好好食，搞到我地後期已經主攻熟食。另外佢有兩款自製茶飲，值得一提嘅係荔枝紅茶，有淡淡荔枝香味但係又唔甜，打邊爐一流！

【觀塘區】【犇殿台灣火鍋】家中遭逢巨變，所以呢排都未必太有 mood 打到好好嘅 post，咩 post 會令我自己滿意？我覺得係要好笑得嚟，大家有嘢睇到，而且更加有自己感受出到嚟。我覺得自己都只係極少部分能夠做到，不過做唔到全部嘅，做到一兩樣都好。亦都由於係咁，所以我未來花費都會更加保守，可能遲啲做埋平食、劣食 foodie 都未定。不過好似我呢種情感主導嘅人，心情喜歡大起大跌，可能之後又逾越理性去不停花費喺吃喝玩樂度都未定。唔想隻回力鏢打得自己太痛，戴咗頭盔先。所以今次有朋友邀請我去打邊爐，其實就係上次一齊去粉嶺賢河食放題食到一肚氣嗰位。咁我見都好耐都冇同佢食嘢，以前都食得幾密吓，所以可能今次做個終結啦，以後都唔太想食得太貴。即係好似呢啲兩舊至五舊一餐嘅就可免則免喇，五舊以上直頭唔去。我以為一人揀一個湯底，點知佢淨係要一個喎，咁我就求其要咗個「滋補養生人參鍋」，話雖如此，佢清清哋都唔錯。套餐我哋要「牛胸腹板肉晚餐」，係最平嗰款嚟，七點前離座再有得平。呢啲設定就啱晒起身未食嘢嘅我喇，價錢掛帥。首先大家最關心嘅當然係肉類，「牛胸腹板肉」係牛啦，不過肥咗少少，煮咗就縮到綠箭香口膠咁大片，

前果排經過都幾多人等，今次去早啲拎飛，以為要等到9點後，未到8點就入到去，同埋已經無咩人等位首先環境幾好，都算闊落，而且安排咗係自助區隔離，算方便點選澳洲牛set，湯底揀咗酸菜白肉湯底好夠味，初初淥牛肉唔需要沾豉油都可以app點餐，唔算多選擇，大部分都係出面拎牛類4款，上選牛、澳洲牛、牛板健、牛胸爽第一輪啲牛係好食啲，外觀都算唔錯然後食食下，食唔返第一輪食果隻既味道後半段點選澳洲牛，黎到啲肉有一點點黑色斑點，咁就再點多次，都一樣咁唔知黑點有無問題，就點返上選牛，而個湯底越食越咸蝦唔算新鮮，蝦肉唔爽口最後要埋單果下先知原來已經夠鐘，無提示係last order，我地都唔記得可以食到幾點於是比完錢就走咗價錢方面，可以去食更好既

本身對任食火鍋唔會有太大期望，但犇殿令我徹底改變呢個睇法。自取食物選擇多，除咗丸類，單係蔬菜都有唔少款式。小食好吸晴，有現烤台灣香腸，炸芋頭丸等炸物，最驚喜有炸鮮奶，好好味😋 我揀左最貴嘅餐$388一位任食，台灣美食類有11款小食，比第二貴套餐多咗炸魚皮。肉類方面共有9款，多兩款包括澳洲M9和牛及美國極佳牛肩胛肉。海鮮類方面共有7款，多了海斑片及墨魚滑。呢個餐比起其他餐最特別之處，就係奉送神仙牛肉及東港海鮮盤一客，但質素一點都唔馬虎！神仙牛肉相比起澳洲M9和牛，少了一點油膩感但肉味香濃，個人比較喜歡，可惜只得一碟，貴精不貴多。至於澳洲M9和牛，性價比高，唔會話頭一碟好靚，往後比嘅肉好明顯差。海鮮類也很不錯，東港海鮮盤幾新鮮。食咗咁多肉，緊係要食我最愛嘅Haagen Dazs雪糕做結尾啦！美中不足係藥膳紅燒牛骨鍋同麻辣湯底都偏鹹，而後者沒有麻的感覺。由於牛肉質素同有好多小食選擇，我會心思思想再食過呢😋

🤞🏻喺德福行街見到犇殿多人排，就決定試吓入座前已經揀好食咩餐同湯底～ 👉🏻澳洲M9和牛・美濃牛肉套餐 $388@👉🏻桃膠土雞美人鍋 x 御膳麻辣鍋（有8款揀，有選擇困難症嘅人要留意）呢個Set 已經可以叫晒店提供嘅所有肉類/ 海鮮/ 小食～ 仲可以去自己吧位拎丸類、蔬菜、甜品同飲品等等。一坐低店員已經拎咗澳洲M9和牛同送嘅神仙牛肉+東港海鮮過嚟～ 等緊湯底滾嘅時候就出咗去醬料區，亦都有唔同嘅醬同配料，例如蔥同炸蒜蒜等等。到湯底一滾起，就可以即刻開始食。神仙牛肉用木架掛起，淥幾秒就可以食，入口重油香。同屬高級牛肉嘅澳洲M9和牛肉味濃郁而且脂肪分佈均勻，夾少少蔥蒜食都一流！東港海鮮盤有海蝦、扇貝、鮑魚、蠔同蜆，全部都好新鮮～ 自助區就有唔同嘅蔬菜、丸類等等。台式小食就有台灣香腸、香芋地瓜圓同小籠包呢啲地道台灣小食。就算係滷豆腐同埋魚蛋都有。飲品區除咗可樂、無糖可樂、冬瓜茶等等之外，最令人俾驚喜嘅係佢哋有自家製嘅冷泡茶，呢一個用嚟配火鍋食，健康得嚟解膩又清爽。甜品區都有仙草凍同埋芋圓，而雪糕櫃嘅雪糕雪條都幾多種類～ Overall 呢個台式邊係幾吸引🤟🏻唔怪之得門口成日有人排

今日中午同老婆食火鍋放題，諗住簡簡單單食個最普通既餐，應該有牛豬羊雞肉及其他一般火鍋放題有既食物，點知呢鋪真係中伏。牛豬羊雞肉正常質素，但會跟人數俾，2人每盒最多3片肉(有時得2片)，但肉既大小都算可以，所以要不斷叫。中伏位黎喇，因為除左自助吧食物外，其餘食物都要用app落。我地食最平既$158餐，除左上面既肉外，個app可以叫“免費”同收費食物。所謂“免費”大概只有5、6種，有2種售罄，其餘食物當我點時顯示要俾錢，咁我就問侍應係咪有錯，佢就同我講因為我係叫最平既餐，所以呢d“免費”食物係要收錢。大佬呀，既然要收錢，點解唔係放係收費食物入面呀，如果其他人無留意落左單，埋單時咪大X鑊？我個人覺得你都收得$158，連埋加一都要$170，係咪要咁小家？我去牛大人或牛驛，人地都係差唔多價錢，都可以叫好多非肉類食物如鴨血、燕餃等等，所以我地成餐只係叫肉同食自助吧既少量食物如丸、菜、小食及甜品等大概10零款食物。總括黎講，中午放題性價比好低，食物及飲品種類少，唯一可幸係可以1315前離座有7折，埋單每人大概$125，叫做心理好過d啦。經過今次後，我唔會再幫襯呢間野，以後都係去番牛大人或牛驛算喇。

琴日同朋友約好咗嚟呢間台灣火鍋試吓，大概六點幾唔使等好耐就有得入啦，門口個姐姐好細心咁介紹完餐牌，我哋喺門口揀完餐同湯底就入去。星期六嚟講都算好彩唔使等太耐，食物質素ok環境都算舒服，不過就有啲焗，可能我哋坐得比較入多人唔透氣啦。但個湯底嚟咗之後冇耐就有個西裝女人過嚟加湯，我哋一班人都覺得好奇怪感覺唔係咁好，點解個湯我哋咩都未煮就要加湯呢。出面菜吧嘅菜色都幾多下，重有啲即食小食好香口，可以等湯滾起嘅時候食住等，雪糕甜品都算係多款式，食90分鐘都食到幾飽下，食物方面就冇乜大問題中規中矩啦。其實食放題都預咗冇乜服務㗎喇，不過個西裝女人冇乜禮貌黑晒口面咁，咁嘅服務態度真係令人唔多舒服囉！我哋都唔知係咪做咗啲咩得罪佢。同另一個女侍應比較，個女侍應態度就好好多。食物同埋牛肉唔算話特別出色但呢個價錢咁嘅服務就⋯⋯賣單重有+10%，每位三百幾嘅價錢，朋友都覺得應該就冇下次㗎啦。

早前誤打誤撞俾我哋發現到呢個promotion 啲相都影咗一排㗎啦 不過都想同大家分享返 台式小食勁多選擇原來平時食性價比都幾高❣️日本JA全農和牛嘉年華 - 日本一鹿兒島黑牛套餐 $598/兩位我哋揀咗藥膳湯底 藥材紅棗肉塊越煮越入味 養生得嚟仲要冇平時嗰啲咁熱氣開波之前每人都忍唔到飲咗兩碗🥢鹿兒島黑和牛人頭一碟 一份有10片 都幾大塊下 我哋就係比呢個吸引咗入嚟㗎咋淥一淥就食入口即溶好綿好正 逐少逐少食慢慢享受 可以幻想自己置身日本 🥢肉類食完重點之後 仲可以狂嗌肉㗎而且選擇都幾多 分別有美國極佳牛肩胛肉 澳洲特選牛肉 上選安格斯牛肉 美國牛板腱 牛胸爽 美國豬梅花 紐西蘭羊肉袋 阿嬤燒酒雞🐥我哋第一次試牛胸爽果然物如其名 煮咗好耐好長時間依然保持爽口🙈因為我哋係藥膳湯底嘅關係 嗌咗燒酒雞加落去試試 果然幾入味 藥材味中帶點酒香 十分唔錯🥢海鮮呢個價錢有得食埋海鮮真心唔錯 海班片 鯛魚片 墨魚仔 海蝦🦐 海蜆 墨魚滑 魚青滑 任嗌任食超推海班片非常嫩滑 另外魚滑煮耐左唔記得撈起咬時依然彈牙鍾意食嘅朋友真係可以食多幾份 海

澳洲M9和牛 - 加送神仙牛肉及東港海鮮盤刈菜蚵仔鍋好耐之前食過，今次行過見到唔係好多人又再試多次。今次食左刈菜蚵仔鍋+澳洲M9和牛套餐，價錢388+10%雖然佢改左m9和牛，不過落單其實都係寫m7，所以應該都係m7黎🥲套餐送埋神仙牛肉同東港海鮮盤，仲有自助嘅台灣夜市小吃區和飲品同雪糕，真係好抵食！餐廳採用QR code點餐方式，方便社恐的人類 🙂湯底以清燉的湯頭煮熟刈菜、蚵仔、蛤蜊等海鮮，配以蔬菜🥗、豆腐等食材一起享用。湯頭清爽，唔會過於油膩，吃起來好開胃，懶健康咁減低少少食放題嘅罪疚感。🥘神仙牛肉一份有6塊，啲肉係好嫩好滑，一咬落去就會化哂，口感真係好好！而且呢個和牛肉嘅油花都好細，食落去好有層次感，味道好濃郁。M9和牛就比較有咬口，但唔會太硬咬唔爛，好有牛味，好飽滿。台灣小食食左台式滷味同古早香腸。台式滷味有各種蔬菜和肉類在滷水中燉煮，口感鮮嫩，特別係蘿蔔好腍好入味，不過都啲有咸。古早香腸：經典的台灣肉製品，口感彈牙而且有肉香。犇殿台灣火鍋 (德福廣場一期)地址: 九龍灣偉業街33號德福廣場一期1樓F1號舖

主打高質台灣火鍋，多款特色湯底：麻辣鍋、酸菜白肉鍋、桃膠土雞美人鍋、沙茶鍋、美人鍋、牛骨鍋等台式麻辣湯底麻辣濃郁、多種食材的搭配。傳統的火鍋材料鴨血、豆腐等。此外，台式麻辣火鍋的湯底通常選用多種辣椒和花椒，秘製的調料，讓湯底更加濃郁美味。台式麻辣火鍋還會加入一些特色食材，比如滷牛三寶。美國牛肩胛口感的肉質和獨特的味道。由於肩胛部位的肉質較為緊實，脂肪含量較高，肉質鮮嫩多汁。豚肉牛白肉，脂香撲鼻，口感爽脆。更設仼食配料自助區火鍋配料選擇亦很多：手工蛋餃、屏東水蓮菜、炸魚皮。炸魚皮，金黃香脆，丸類等雪糕更有多種選擇，Häagen-Dazs勁高質，係仼食啊，韓國雪條。 📍犇殿台灣火鍋（九龍灣）

見到「犇」呢個字一直都唔識讀，直至我去咗九龍灣犇殿台灣火鍋 ，問下店員，原來讀作「奔」，意思係奔跑嘅牛😂火鍋門口已經放咗好多唔同放題選擇, 價錢就因應唔同嘅牛肉為定價，想食邊款就揀邊款，全部都係90分鐘任食放題，我就揀咗美國極佳牛肩胛肉晚餐$298一位。湯底有八個款式，今日我就選擇鴛鴦鍋御膳麻辣鍋+美白凝膚牛乳鍋，麻辣喎香氣撲人，傳統台灣麻辣湯底，內裏仲有百頁豆腐，辣椒及鴨血。牛乳鍋滿滿牛奶味，再加上杞子，好滋潤的感覺。有個QR code 自選落單選擇你喜歡嘅肉類之外，仲有海鮮及其他。而外面有不同類型嘅蔬菜，粉面，熟食，飲品及雪糕雪條。。。選擇極之多。落完order送餐服務非常快，值得一讚，員工非常有禮，令我聯想起去台灣旅行時食麻辣火鍋的感覺😄犇殿放題性價比非常之高，而且環境乾淨企理，食物新鮮。