犇道 Chef Ben- Cafe & Steak Bar (弦海) (已結業)

沙朗牛扒300g🥩，沙朗牛扒係指牛胸脊肉既部分，肉質好細嫩，呢一個部位係來自於牛後腰脊部位，亦都非常靠近腿部，所以主要嚟講含有一定量的油脂，外圍亦都會有白色肉筋，餐廳推介我哋食七成熟，然後再加以黑椒汁，我哋覺得餐廳喺控制火候方便做得非常好，唔會令到成塊牛扒過火，亦都保持到肉質嘅鮮嫩，肉汁控制到juicy, 加埋餐廳嘅黑椒汁，配搭都做得唔錯，牛扒嘅最好配菜就係薯條，薯條嚟到嘅時候熱辣辣，食得出餐廳係即係叫即炸，再加少少黑椒做調味，餐廳去擺盆上亦都有花一定嘅心思，攞出嚟嘅時候我同朋友都即刻忍唔住攞電話出嚟打咭，正，我哋都幾鍾意食沙律菜🥗，沙律菜作為前菜都非常新鮮，亦都令到非常開胃，青瓜非常爽口食得出材料非常新鮮，其餘嘅配搭亦都係高級沙律菜，我哋都覺得非常開胃，而且配搭上mix and match得好好！牛角窩夫，鮮果雪糕🥭，窩夫嘅賣相都好靚仔，再加埋雪糕同埋芒果，口感嘅配搭上其實都係好match! 窩夫熱辣辣，再加埋雲呢拿雪糕，成件事嘅口感上更加昇華，啱晒鍾意食窩夫嘅我，個窩夫亦都非常鬆軟，我同朋友都非常鍾意！最後加埋芒果，芒果都令我哋非常有驚喜，因為有時啲芒果都會口感上偏酸，餐廳提供嘅芒

難得放假，去咗屯門公園附近行吓，順便食個飯當係節目。咁啱喺公園經過嘅時候見到一棟新落成嘅大廈，有一間裝修幾靚嘅餐廳。-餐廳既裝修用心，用啲磚同埋假草皮裝修個牆壁，超級配合公園嘅環境-🌟 是日廚師發辦牛扒｜$138包餐湯同飲品今日係裙邊扒牛扒好嫩，肉味香濃有輕微油脂味-🌟 燒法國春雞｜$128有半隻雞，雞髀嘅部份好嫩滑用好多香料調味，味道唔錯-🌟 荔枝梳打｜跟餐free平時呢個係特飲，而家竟然唔使加錢有少少荔枝嘅糖漿，同埋梳打水唔會話好甜，成個感覺好好飲

犇道-Chef Ben Cafe & Steak Bar (弘海）📍屯門業旺路101號弘海地下G01B號鋪結婚周年，同老公入咗屯門鋸扒，搵咗間好抵食嘅西餐廳，誠意推薦俾大家。我哋叫咗個晚市套餐，只需💰298包咗以下食物1️⃣是日餐湯x2餐湯方面，湯嘅味道非常濃郁，有著濃濃嘅蘑菇香味同埋奶香味。每一口湯都帶嚟一種溫暖同滿足嘅感覺。2️⃣沙律菜x2而沙律亦都非常出色。蔬菜新鮮又洗得乾淨，令人一見就有食慾。蔬菜嘅顏色嫩綠，非常吸引。蕃茄仔嘅鮮甜味道令整個沙律更加美味，而青瓜仲帶嚟一種爽口清新嘅感覺，真係特別開胃。3️⃣ A主菜我哋揀咗廚師發辦牛扒七安士牛扒方面，我哋揀咗七成熟牛扒，牛扒嘅外層煎得恰到好處，內裡仲保留咗啲粉紅嘅肉汁。呢樣處理方式令牛肉保持咗鮮嫩同多汁嘅口感，每一啖都非常Juicy。牛肉嘅味道香濃。而配菜亦都好出色。蓮藕爽口，帶嚟一啲清脆嘅口感，同牛肉嘅質感形成一個絕佳對比。仲有大量蒜芯同洋蔥，加入咗一啲香氣同層次感，令整個味道更加豐富。另外，仲有半碟薯條作為伴菜。薯條剛剛炸起，非常脆口，外脆內軟。佢薯條嘅香脆口感同牛肉嘅鮮嫩口感形成一個完美嘅組合，令味道更加出眾。4️⃣ B主菜我哋揀咗法式油封

嗌咗個2人餐。係Steak Battle Special。揀咗：廚師發板牛扒+白酒忌廉汁深海石斑柳。另外仲加購咗個油封鴨髀配牛肝菌意式燴飯。廚師發板牛扒煎得幾好。鎖到肉汁。又唔會過熟過硬。一塊都夠一個女仔食。同埋竟然用洋蔥墊底。嘩！啲洋蔥入晒塊扒到。深海石斑柳都唔梅。油封鴨髀配牛肝菌意式燴飯個鴨髀好大件。啲洋蔥飯超級勁大浸味。加埋啲黑醋。都幾夾。都幾飽肚。最特別係粟米湯。味道勁濃烈。exactly就係零食粟米脆條嗰隻味。

趁住放假去食西式午餐，享受一下！午餐有餐湯同蒜蓉多士，好脆！是日廚師發辦牛係西冷扒，肉嫩滑多汁，外層煎得香脆，牛味香濃！點埋醬汁好惹味；薯條剛剛炸起，好脆口冬陰蟹肉意粉冬陰公醬汁好濃郁，意粉彈牙煙韌配搭海鮮，有新鮮嘅青口、蜆肉同鮮蝦，蝦肉結實小食揀咗魷魚圈同骨付腸，魷魚圈炸到金黃酥脆，魷魚味香濃牛油窩夫好正，外面脆，裡面鬆軟香濃，配埋鮮果同雪糕，好味芒果生椰乳特飲、大杯檸檬茶芒果生椰乳特飲、椰汁香濃，芒果鮮甜，西米露增加口感

呢間西餐廳喺屯門站步行距離大概15分鐘，佢嘅特色之一就係門口就係單車徑了，如果去開屯門踩單車一日遊，咁就啱晒啦。餐廳門口對住城門河，環境優美又清靜非常之適合拍拖嘅餐廳。我哋今次兩個人食買咗個二人餐，包餐湯同沙律。沙律菜到非常之新鮮，配上柚子汁我非常喜歡。另外佢嘅餐湯有大蒜忌廉薯仔湯。非常之特別，可以食得出佢嘅忌廉湯係自己人手打出來的。如果自己就試咗服務員推介嘅龍蝦湯龍蝦味非常之濃郁，非常足料好值得試。鮑魚海鮮蟹汁意大利飯一定要試，佢平時食開嘅普通海鮮白汁意粉分別好大。我覺得呢個飯非常非常美味。 另外主菜有廚師精選嘅8安士牛扒配上芝士薯蓉焗帶子。牛扒好大塊，賣相亦都好靚。重點一提，佢嘅薯條同埋梳打飲品係可以飲添任食架😍

今日去咗龍門居呢邊探親戚，離開弦海屋苑嘅時候，已經差唔多6:00諗住行返去西鐵站，就比呢間餐廳嘅裝修吸引咗入去試吓，果然冇令我失望，個餐廳名仲非常特別叫犇道，餐廳旁邊望出去仲見到海邊，食都食得特別舒服，亦都係一間非常值得打卡嘅餐廳 二人餐有餐湯，大蒜薯仔湯沙律，好濃郁嘅蘑菇香味同埋奶香味，而沙律方面，蔬菜新鮮，洗得又乾淨，蔬菜顏色嫩綠，蕃茄仔仲好鮮甜，而青瓜仲好爽口非常清新嘅感覺，食完都特別開胃牛扒七安士揀咗七成熟，旁邊仲有好多配菜有蓮藕爽口，仲有大量蒜芯加洋蔥， 牛肉味香濃，每食一啖都非常Juicy又多肉汁，夠晒鮮嫩，仲有薯條半碟薯條，剛剛炸起非常脆口芝士焗紐西蘭大帶子，帶子size非常大，上面仲鋪滿濃郁特製嘅醬汁，真係食多隻都唔夠喉香煎鮑魚蟹膏蟹肉意式燴飯+98蟹肉味超級香濃相當有質素鮑魚做到非常爽口彈牙上面仲放有一些美味嘅醬汁同埋三文魚子，燴飯嘅味道唔會太鹹，配菜仲有車厘茄同埋冬菇絲 焦糖香蕉牛角窩夫配雪糕牛角窩夫做到非常鬆脆，做到好似牛角包咁一層層仲有好香嘅雞蛋味道，旁邊仲有些生果粒，好新鮮配埋雲呢拿味雪糕，非常配搭，畫上一個完美嘅句號巨杯檸檬茶，加$3就有一大杯凍檸茶仲可以無

叫左2人餐，有前菜，意粉，仲有少少海鮮同牛扒，甘就600幾蚊。首先講下前菜，有個湯同個包。個包係冧架囉，跟住個意粉都好硬。個牛扒明明叫5成比左9成我都算，個牛扒仲要勁多筋，勁難咬。啲鴨胸好似雪櫃攞出嚟冇煮過。所有食物係唔熱架。個薯條淋架，又多油，有得 refill 都唔會再叫。最恐怖個龍蝦一啲都唔新鮮，啲肉係” 梅”，啲膏係腥，叫個短啡髮女侍應叫左好多次都扮睇唔到，終於過到黎第一次話等陣扮按 mon，但隻手無掂到個 mon 架，但隔離枱叫就即刻 serve 佢地幾次點單倒水換碟先，轉頭得閒又唔記得左我地枱，過到黎第二次又話等陣想扮按 mon，之後問要等幾耐先過黎，同佢講啲龍蝦肉係” 梅”，啲膏係腥，佢話大蝦係咁就走左去，然後唔識回應叫另一個女長髮侍應(有禮貌啲）過黎就話換過，但換過都係咁，唔食成肚氣。飲品冇乜特別，不過不失。環境係靚，仲要得佢一家獨市生意，所以可以咁貴咁串，但係嘢食完全不值 700 幾蚊連服務加一嘅價錢，以後都唔會再去食。

今日同朋友黎到犇道，個名幾搞鬼，如果唔係網上推介，都唔知原來依度有間CP值咁高嘅西餐廳！環境一流好自然舒適，未食已經打咗好多卡XD午市有唔少款式嘅飯、意粉、沙律、漢堡飽、扒類，仲可以追加小食同甜品添。是日廚師發辦牛扒 配薯菜，今日係西冷牛扒，大約7安士。牛扒叫咗7成熟，煮得剛剛好，因為超怕太生或者煮太耐老哂，而且肉味超濃郁，非常鮮甜。午市薯條仲可以無限增添哇。冬陰公海鮮意粉，冬陰公味唔會太濃，唔洗驚會過酸或者過辣。海鮮有蝦、青口，蜆，非常豐盛。追加咗3款小食，辣雞肉串只係少少辣，類似日式。芝士蘑菇雞翼好香滑。薯絲蝦最推介，脆脆嘅薯仔絲包住Q彈嘅蝦肉。甜品當時係唔少得啦！朱古力心太軟配雪糕，滿滿嘅流心朱古力，夠哂邪惡。至於是日切餅係芝士蛋糕，口感比較綿滑~飲品可以加配特飲，強烈推薦芒果生椰乳特飲！椰奶又香又濃，除咗有芒果仲有西米露，有啲似楊枝甘露。蜜桃柚子四季春好清新，啖啖果香味。

同朋友去Chef Ben食晚餐慶祝生日非常推薦Steak Battle Special Set好抵食！星期一至五晚只需要$298星期六日及公眾假期都係$338重點係味道真係唔錯！牛扒、石斑魚柳、香煎鮑魚蟹膏蟹肉儀式燴飯飲返兩杯，巨杯檸檬水/檸檬茶 仲要係免費任添！各款食物質素都好好，佢份薯條仲要好好食！最後加咗甜品拼盤慶祝生日寫字加$18價錢非常合理，甜品都好靚非常得體👍🏻可以encore🙌🏻食完飯出去河邊散步幾寫意

見到依間餐廳環境又靚又好坐，想試左好耐啦！終於有機會約埋朋友去試下😍依間野有聖經經文，我諗佢係基督徒開🙈🙈叫左個平日價錢$298 既dinner set，當中佢包左兩個湯、兩個沙律、兩杯野飲（檸茶、檸水可以無限添飲，超正！），同可以A+B既主菜。我哋揀左廚師發辦7安士牛扒，香煎石斑柳配白酒忌廉汁。牛扒5成熟佢煎得岩岩好，唔會靭，亦有咬口，味道亦好夠！真係會愈食愈想食😍 石斑柳都煎得好香好嫩，兩個加埋都好好食！而個餐入面最關鍵既係佢既薯條係可以無限添食，令最鍾意薯條既我感到好滿足，加上佢既薯條每次來到都熱辣辣，好新鮮🤤我地額外加$78要左個蒜香白菌意大利粉，同埋加$48心太軟。意大利粉雖然係素，無肉但都好夠味，意大利粉亦都有咬口，唔會軟淋淋😚 心太軟真係唔洗講，好yummy😍

we arrived first 8pax and then another big party came in, just a matter of 15mins difference and the steak set is already gone how could that be?? what kind of kitchen planning is that? we have to order something else ala cart in place of the steak set and ended up paying 1/3 more. just so disappointed. was told that food order and sofa seating must be booked in advance, how could we know?? they could hv told us when they confirmed our reservation on the phone. the ribs ordered is too rare

先生正日生日，首生電話確認訂位時已經講今日系正日生日，個經理話會送個生日的蛋糕仔咁我叫甜品時，仲提個經理一次過上埋送個蛋糕，結果系無的上甜品時，我地叫左個2-3人的甜品塔，個經理放低佃甜品後等左五分鐘都無俾新餐具同叉我地，要我提佢先有反應，又系個經理加48蚊轉餐，時日梳打竟然轉左做奶，我同個經理講佢話今日轉左做奶，你岩唔岩飲，唔岩飲幫你轉返佢。其實轉得咁交關，系咪應該事前同個客講聲，唔系求其放低我話無點過奶先問我轉唔轉上野更離奇，一野上左個意粉先，然後再來個飯，先再上沙律同湯，想問系咪真係咁趕，食野無曬次序野食味道可以，但叫兩個牛七成，放低時講五成，切開系well done 系咩玩法，搞到人地好地地一個生日搞成咁

偶然行過見到呢間餐廳勁chill😎對住屯門河今日約埋朋友一齊試吓先門口好海洋風⚓️打卡幾靚😆餐廳內環境好舒服😌好多沙發位置亦有BB凳提供👍🏻侍應安排咗坐喺玻璃位置陽光照到入嚟又對住屯門河好舒適👍🏻同朋友一齊叫咗set lunch香煎深海石班墨汁燴飯 $78配熱韓國柚子茶 是日廚師發辦牛扒 🥩$148凍鮮奶咖啡 $19再追加二款 $32是日餐湯 配沙律是日餐湯 配餐包是日餐湯係勁香濃的薯仔湯飲落啖啖都係薯仔味再配上脆脆的多士Perfect match ❤️香煎深海石班墨汁燴飯石班煎到微金黃，外層少少香口脆內在柔嫩又滑，墨汁飯出面好少有得食呢度份量好多😆好抵食是日廚師發辦牛扒係牛裙邊扒我哋叫咗5成熟切開勁淋滑，完全唔會韌亦唔會好多根有啲似崩沙腩嘅感覺好好食😋薯條🍟即烤好脆仲要係我鐘意嘅粗薯條食完仲有得免費refill🤩真係超佛心總結：環境好chill，坐位好舒適，食物質素好好，免費refill薯條超加分，又有BB凳，下次會帶埋小朋友一齊嚟食👍🏻

屯門好食的西餐廳，我真心推介Chef Ben-Cafe &Steak Bar ，不過唔係好多人知道，餐廳位於弦海地下，屯門河畔。我們叫了一個Steak Battle Special Set，係一個二人套餐，有兩個 Salads ，兩個時日餐湯，選擇了德州BBQ16小時豬肋骨（約10安士）和芝士焗紐西蘭大帶子，還有兩杯巨杯檸檬茶，套餐價都係$298。沙律🥗蔬菜很新鮮，放了沙律醋味道酸酸的，非常醒胃，而且份量也不少。餐湯是忌廉湯，香香滑滑，口感Creamy 。嗰柸巨杯檸檬茶，更是不得了，和朋友不停吹水，都唔怕口乾🤣。豬肋骨非常入味，肉質琳琳的，還很juicy 。西餐又點少得薯條🍟，熱辣辣，外脆內軟。仲有個焗帶子，加咗芝士一齊焗，有芝士香味又有帶子的鮮味。另外這個是是日廚師發辦牛扒7oz 伴薯菜 $198牛扒的熟成度剛好，內裏粉粉嫩嫩，完全鎖住啲肉汁，好好味道。