狀元麵館 (已結業)

今天中午第一次在狀元麵館點了一碗薄腩小窩米線，因那些腩肉又肥又硬，我問可唔可以補5元加牛丸，店員一句話唔得(因必須在落單時說明)。我心想如我落單時知道d腩肉又肥又硬，我已走了！一句講哂，無下次！

今天中午第一次在狀元麵館點了一碗薄腩小窩米線，因那些腩肉又肥又硬，我問可唔可以補5元加牛丸，店員一句話唔得(因必須在落單時說明)。我心想如我落單時知道d腩肉又肥又硬，我已走了！一句講哂，無下次！

今日同事介紹食呢間狀元麵館，叫得做狀元，唔通咁有自信d野食係ichiban? 一試便知龍與鳳。一行三人，原本我想食喇沙，不過佢寫明有小小辣，今日個胃有d唔舒服所以改左做蕃茄湯檬，配煙鴨胸同雞肉串。同事則叫了菜飯餐。32元一碗，餐飲要加5元有d貴。湯底茄味不算濃，不過有幾多蕃茄，好過重重的茄膏味。鴨胸無咩煙的感覺、唔夠咸，不過幾林，唔知點解咬落有d似牛舌。雞串不值一提....沒有太多肉。味道來說是尚可的一間小店，不過水都無一杯.....仲要收三十多元...真有點過份，希望可以改善。味道沒有狀元級，食物款式卻很多、勉強配得上這個名字下次一定要試下出名的喇沙。

因為最近與男友都愛上喇沙，所以也特別留意有供應喇沙的食店，男友某天幾過，發現這兒都有喇沙供應。這天便與男友來試試這兒的喇沙，喇沙以湯檬作粉底，每碗喇沙配料有魚片、娃娃菜、芽菜及豆卜。 結果我們每人都叫了一碗磯燒鮑魚喇沙。湯底很香濃，鮑片味道不錯，軟硬適中，很滿意。 喇沙的選擇也多，可惜這兒沒有海鮮喇沙呢! 由於是下午茶時間，喇沙送熱飲一杯也是$33。這杯熱柑桔蜜不用加錢呢! 想不到這杯熱柑桔蜜味道很好，柑桔味清香，蜜糖味調校恰到好處，而且不太甜呢!

這天來到灣仔拿月餅, 但肚子打鼓, 唯有先吃個午餐再起程.沒有什麼頭緒吃什麼好, 只想快一點吃完, 所以經過了這家茶餐廳看到有位便走進去了.店子呈長方形, 幾乎全部都是卡座. 坐下來看看它餐牌, 主要都是吃米線, 喇沙, 下午茶也有很多款的沙律.我早上沒吃太多, 所以肚子餓透, 點了個狀元喇沙喇沙有齋鮑片, 雞絲, 也有隨附的魚片, 菜, 芽菜等. 一碗真的很豐富呢!!!而且超多的粉. 齋鮑片有5,6片, 雖然是齋但也不錯, 煙煙韌韌的, 雞絲每條也很肥美飽滿; 喇沙湯底很惹味, 不過比我想像中要辣得多, 對於平日吃不了辣的我, 真的吃到我標眼淚!!! 另一半猛叫我不要吃了, 但越吃越上癮, 明知很辣但又很想吃完它....餐飲點了綠茶啫哩冰說是綠茶但奇怪整杯都是紅紅的....不過飲下去又是帶點點綠茶味道. 啫哩很多, 不太甜, 不錯.另一半點了豬扒沙律豬扒煎得不錯, 肉質鬆軟不會很油, 不過沙律完全不行, 巳經出了很多水....餐飲點了紅豆冰很大的一杯, 很多奶, 紅豆不太淋粉, 普普通通.2個人埋單只是HKD$60, 食物有些OK, 有些不行~喇沙雖然辣, 但還是想一吃再吃.

呢日夜晚去睇張學友演唱會，夜晚男友來接我，順便喺狀元食飯。狀元係我其中一間午餐愛去之處，來呢度食過不下十次。呢度啲叻沙好好味，雖然唔係地道星加坡叻沙，但港式得來好啱我胃口，而多款飯品又都味道唔錯。而呢度唔係普通茶餐廳，又可能唔算太多人知道，所以無論午餐／晚餐，都唔算嘈，又唔會太逼太多人，可以舒舒服服坐低食飯。是日餐單：狀元叻沙，$37－－齋飽片（雖然係齋，但甜甜哋，幾好味）、魚旦片（都好爽口）＆雞絲，叻沙湯底辣辣哋，好醒胃，辣度啱好辣的我；凍檸檳，$5：大大杯，夠晒lemon，夠晒凍，中午至6點半加$5就有，我哋啱啱６點半到，所以都enjoy到；海南雞飯，$40，包一杯飲品／菜湯－－我哋叫咗菜湯，湯底都好鮮甜，可以當湯飲，主菜海南雞去晒骨咁滯，又滑，味道又好，油飯都好好味，而咁多海南雞飯來講，佢都算最好味嗰啲，我其他朋友都好捧場。特別之處呢樣係隔離味皇攞過來，因為係同一集團；雞翼，$2x－－雞翼好似係柚子雞翼，甜甜酸酸得來陣味怪怪哋，no good。

近期口福不淺，又有人請食Tea嘴叼姐兒指明要這間，莫非好掂？叫了最普通的豬扒沙律。送餐時間準，扺讚。嘩！份量很多。沙律有薯仔、菠蘿、青瓜等，正正路路。豬扒煎得金黃，但非常乾身，放久了倍覺嚡口。聽聞這裏的喇沙才是好嘢，有機會再試。

7月4日, 晏晝去灣仔行電腦商場, 出到黎已經係tea time~ 行下行下就搵到黎呢間門口有好多下午茶相片嘅狀元拉麵喇!::: 日之豬骨濃湯火腿通粉 + 牛油脆瓜粟米奄列 + 綠茶啫喱冰::: $22比呢個“日之豬骨濃湯”同埋佢個聲稱用“鮮濃意大利蕃茄汁”整既牛油脆瓜粟米奄列吸引! 個豬骨濃湯確實係令人失望… 個湯點睇都似係味精粉開出黎都算, 但佢d麻油先畫龍點精咁搞到個湯好似公仔麵湯底咁. 佢d通粉係米通粉黎嘅~ 口感滑溜亦都幾有米味, 不過就淋左少少… 配料火腿同紫菜絲都ok~聲稱用“鮮濃意大利蕃茄汁”整嘅牛油脆瓜粟米奄列就如圖一樣, 色彩鮮艷~ 但完全食唔出點解要強調個鮮濃意大利蕃茄汁… 因為佢味道真係幾淡同埋唔係特別勁茄味… 個奄列都ok~ 蛋味頗濃不過脆玉瓜又唔係好多… 反而個蒜茸牛油多士就幾好~ 夠脆d牛油又夠香!跟餐送嘅綠茶啫喱冰味道唔錯~ 不過似係道地d味! 但下底d啫喱就幾好啜~ 不錯!::: 沙嗲汁餐肉火腿煎蛋大碗飯 + 椰汁紅豆冰 ::: $25個名真係夠晒大堆頭, 好似車仔飯咁~ 黎到碗飯大碗就唔算大碗, 不過沙嗲汁就勁多, 直頭浸晒d飯~ 沙嗲汁好濃烈, 無

平時都有在狀元食野，佢食d野種類幾多，但係次次都要等好耐今日諗住人多不如外賣返公司，叫左個海南雞飯，諗住佢剩係切工會快少少，點知等左幾個字都仲未有 = ="原來話個飯己經出左，但係未執餐具，等多一陣就OK了個飯黎講有少少椰汁味，但係偏硬，可以再改進。雞肉同普通斬料差唔多，如果中意食雞就可以一試。不過$38黎講真係唔算太突出...

今日行開灣仔見呢間好似幾得意就入咗去。碗蕃茄雞串燒飽魚粉, 湯OK, 但d料就好少囉，個串雞枝棍重係凍，好似就咁放入湯就浸熱咁....最激氣係個時係中午食飯時間，我食完一啖，抖氣之時，個口仲食緊...佢就急急腳埋嚟話要唔要，我仲未答得切佢就放晒d垃圾落的碗嘢度，唔係咁啩?! 收完知道我未食完，講咗句唔好意思就轉身走咗...大佬...肚餓gar....我以後都唔會去呢間嘢食囉，講真，又唔係特別好食...唔想去受氣!!!!!!!

晚餐不如早餐∕小食以前好中意食佢D小食,有豬大腸,口水雞,十多廿元一款..鹵豬大腸夠入味,鹵肉飯亦可以..後來有一次放工,走過來吃$37元左右的海南雞晚餐就出左事...海南雞完全唔香,我亦食慣了冷冰冰的海南雞,但冇雞味有羶味就非常不妥..雞不香又不滑,唔係雞胸都咁鞋...死啦!雞胸點食..??油飯完全冇油,亦冇味..泰國人可以贏佢九條街...試過呢次晚餐,海南雞迷的我,心靈受到創傷...久久未嘗海南雞了...

俾狀元早餐吸引住............好多款啊~ 真係要落足眼力揀....最後揀左$20 o既豬骨濃湯火腿通粉+ 奄列+熱可力...........cool真係幾好味!!!豬骨濃湯火腿米通粉好鮮味呀........d米通粉真係無得頂, 好彈牙, 真係good choice!!! 而且奄列入面有粟米同用脆玉瓜, 再加蕃茄汁, 正~~~ 好特別, 好過成日食d咩咩麵餐. 或者咩火腿、蛋、腸仔..............另外, 都仲有好多款係$20就可以找數, 好抵食, 下次有機會都要再試一試, 聽講lunch d "喇沙"都幾正~ 灣仔都幾多好野食啊~

放工一條友仔，見到有Q粉喎，仲可以係麻辣添，走去試下先....入面一個人都無，仲要比個阿姐點去坐個風口位，算心諗一陣食到慶，有風吹下都好~吹就係吹不過係個阿姐催我囉，佢見我諗左陣係咁行埋來好唔耐煩咁係咁問我要咩~我都未睇完點知呀，如是者佢問左我兩次，我終於諗到要豬頸肉麻辣Q粉，豬頸肉佢話係生招牌點都安全D掛~來到，真係唔錯喎，幾爽，切得唔太薄同埋唔太韌，味道一般啦，唔會話特登叫來食咩囉~個麻辣得個辣字，都唔香又唔麻既。食落個粉仲死，台灣Q係彈牙爽口嘛，佢... ...一夾就散既~你話係麵糊就岩~食唔夠四份一個死人冷氣吹到碗粉凍曬，唉... ...算喇~個粉都係得個名既者，個阿姐係咁係我張櫈下面拎野，比佢搞到無曬心機，走人，下次，請我都唔去呀!

今日同同事兩人食lunch，之前我地多數食茶餐，今日想食湯麵，但我地最愛既米線執左，唯有另覓新既心頭好，所以黎呢度一試…結果係 - 無下次 狀元手撕雞喇沙濛粉：喇沙唔似喇沙，雞肉唔滑，魚片唔似魚片。一句講晒，食得飽你囉。 餐飲 - 熱檸水：我甚少提餐飲，但今次不得不提！一杯熱檸水入面有三片超薄檸檬，師傅刀功好不在話下，仲要切到好似比人篤過既甘先利害！加上杯熱檸水入面有檸檬洗潔精味…怕怕…服務態度：張卡位好窄，坐四個人真係好迫，如果係多人等位，我地都無怨言，仲會食快d，讓個位出黎比人做生意。但當日，我地要求調位時已1:15pm，有幾張吉左出黎，又見無人等位所以先要求調位，誰知態度同語氣好差既店員表示就算有吉位，到再有客黎都係要貫切佢地既 "卡位一定坐四個人" 既理念，又稱調會好麻煩…等等。我地見一個要求，換來十句抱怨，唯有放棄，望佢地收聲…古惑既餐牌：可能係我中文水平較差，或者佢真係古惑，餐牌寫： "以上配 咖啡或茶

餓餓地行過呢間就入左去...入左去揀左個係正廚房對出坐...點知坐左係度成個字都無人黎...直到我叫餐先有個後生既待應慢慢行過黎...叫左$22個個下午茶...想試下佢個蕃茄湯米通...menu度寫送綠茶啫哩冰or奶茶/啡第一次去..就問佢杯野入面有d咩..點知個個人態度唔多好噤答我::入面有啫哩!心諗:鬼唔知啫哩有啫哩咩....之後點左呢個餐..個人就走左.....先黎個蕃茄湯都唔錯...有d菇同蕃茄粒...酸度岩岩好,,,,,唔錯之後個米通少食哂噤制先黎個蛋+蒜多士+翠玉瓜x2粒...跟住到塊蒜蓉多士....個面度有雞蛋殼囉...蒜蓉多士要用雞蛋整??蒜蓉多士又無蒜蓉味......之後多士入面d牛油係落左勁多...根本就係牛油多士...多到滲左成牛塊包噤制.......2粒翠玉瓜都ok...如果可以多幾粒就好至於個杯飲品......ok啦..唔係好甜.....整體黎講環境黎講都ok...畢竟地方唔大但員工態度有待改善..