玉桃苑 (已結業)

星期5晚，被大雨停了在Times Square，食肆多，人更多，首選平靚正金滿庭超長龍，其他非貴價中菜，只剩他未滿，時已7點，見價格合理，入座。 有數人套餐，如泉章居般點幾菜一湯，但又另有不少特價推介，研究口味之後，決定散叫。 7：30，都坐滿晒了，始終係Times Square 冇影相的有，正價的茄子海參煲，＄88，足料好食。 一分錢一分貨，Times Square食通天收呢個價，應該在預計之內了。

可能潤月原故這個月參加了好幾個婚宴 ,婚宴菜式來來去去都差不多,有些酒樓會花點心思係甜品度,若主菜味道平凡也可在甜品爭取分數,也只是卓頭而已,本人若去酒樓飲宴會特別關注幾款我喜歡的食物,乳豬,魚,翅和,鮑片..菜式有: 乳豬全體,玉環柱甫,雞絲翅,炸花枝球,帶子蝦球炒西蘭花,蒸石斑魚,炸子雞等,鮑片生菜.所有菜色均稱上ok冇乜驚喜,但其中最叫好的一樣就是蒸石班,眼見服務員拿著刀义手起刀落,已經看到蒸得剛剛好,魚肉嫩滑盡在眼前,放進口內肉質鮮甜,沒有養殖魚味,我很久沒有食過這次蒸魚工夫達到一流水準了,值得讚賞

呢晚A同M出黎shoping，又無諗食ｄ咩好，是是但但睇下ｄ食肆既晚餐，邊間吸引就食邊間．知客小姐唔係好想俾我地入去坐，佢係為公司好就要識趣ｄ囉．呢間無二人枱，只見四人枱或以上，佢想做四人生意，二人可以不理，但我地堅決等左15分鐘，最終都見四人枱唔full架．我地食飽只係7點幾啫，唔駛咁對我地既，咁係咪兩個人就唔可以去食飯，單數又係好尷尬．叫左個晚飯自選優惠餐（二位）＄188，加一點茶芥．西湖海皇豆腐羹：帶子，瑤柱，蝦，蛋白，青豆，好好飲．香芒甜豆炒帶子：甜豆就有ｄ根，帶子有ｄ salty，都配合得唔錯哩．甘酥蝦蟹棗：比我想像中麻麻地，似係急凍既食物．

潮州點心我至愛，一行四人點了方魚肉碎粥，炸油粿，日本荳苖，咖哩魷魚，蔥油餅，素菜餃等食物，明明有說1 對 1.5的點心分量便足夠，但在這菜館就絕對安撫不到我們四隻大食鬼。每項都是細點但charge你大點的價格，若你講求量，這不是你應到的地方。由於食完好似未食feel, 加叫炒蘿蔔膏和腸粉(不記得叫了甚麼腸)，仲見餓，於是放棄，另覓爐灶罷了。方魚肉碎粥: 稀得緊要，可能是這個原因，我們都不夠飽。日本荳苖: 其中一位友人覺得好油，我覺得還可以，但每人夾一株就成碟不見蹤影。蔥油餅: 叫得油餅，就絕對是油得緊要。炸油粿: 我最愛，還是覺得另一家做得好多些。咖哩魷魚: 毫不咖哩，個汁太稀啦！素菜餃: 算是最豐富環境：好坐服務： OK架衛生：連洗手間都似樣架！都係一句： 食物水準同價格不成正比。

星期五晚既Times Square超多人，喺無book位既情況下，好多restaurant都full house，唯獨呢間，長期唔爆，係唔想等位既好選擇。凡事必有原因，講真，食物質素麻麻哋，價錢又唔便宜（不過喺Times Square都係咁嫁啦）。我哋柯打咗清炒白菜仔、煎蠔餅（蠔仔好腥）及白粥一碗，埋單差唔多要二百蚊。我同我朋友都話下次寧願一早book定第二間好過。

當晚既青紅蘿蔔湯實在令人回味, 又香又濃, 而且無肥油, 大人細佬仔都鐘意.

12.9 (Sun)做姊妹，四點幾到場打點。職員時不時都主動問我地坐reception既要唔要添茶水…Service原本都覺唔錯，但之後有個staff整到d野食落個fd度扮冇野就唔係好得喇。上菜好『有效率』，每人夾完第一舊已經急不及待同我地分埋ｄ食物。食物普通啦，個芋頭糯米糍幾好味，而且好軟，好似食緊雪糕。另一個比想像中好味係炒伊麵，麵好軟，唔會過咸。環境設備當然好啦，夠grand。入新娘房好似古裝片咁要推下幅牆搵門口，好笑。p.s.水只有凍同滾之分，每次都要攤下杯水先飲得，可唔可以提供暖水呢?

朋友在這裡擺結婚酒,乘電梯上時要排長龍,十多分鐘才到,可能是婚嫁旺月,枱要擺到出門口.菜式有: 乳豬全體,玉環柱甫,雞絲翅,炸花枝球,帶子蝦球炒西蘭花,蒸石斑魚,炸子雞等,鮑片生菜.其中要叫好的,一樣也沒有.乳豬全體:只有鐡般硬的皮和脂肪,二分.玉環柱甫:至今才知原來有一毫子般大的江瑤柱,是歷來吃到最小型的,釀在淡而無味的節瓜內.三分.雞絲翅:稀少的湯內發現少許的蝦肉碎,起角而爽的假魚翅.味道可幸不錯,五分.炸花枝球:真笑死人,貴價飲宴食炸墨魚丸,爽是夠爽的,有小朋友用义子插,竟然飛走.可是郤無味道可言.三分.帶子蝦球炒西蘭花:稍為不過不失,收貨.七分.蒸石斑魚:可能是養青斑,蒸的火候不錯,但郤逃不了養魚的命運,肉粗糙,無鮮味,四分.炸子雞:是冰鮮貨,肉少無鮮味,轉盤一轉,己所餘無幾,六分.鮑片生菜:一人一小片的礶頭鮑,不吃也罷.四分.其他的如乾燒伊麵,楊州炒飯也不是好東西:尤其後者,乾,硬,醎,無料,不吃也罷.

友人結婚了，為了送上祝福禮物,約了食晚餐。蒜子上湯浸筧菜，（例）鹵水拼盤（鵝片鵝掌），晚飯自選優惠餐(四位)：-柱海皇冬茸，梅子明爐烏頭魚，涼瓜煎梮竹仔魚，潮卅蠔仔烙。蒜子上湯浸筧菜: 普通la.鵝片鵝掌: 本人好喜吃掌的食物,這兒的鵝掌夠大夠厚,不知是不是當造?柱海皇冬茸:真的得四碗多少少.梅子明爐烏頭魚:這條魚真的好好食,不腥,有些烏頭魚好腥,不新鮮,底下有爐煮熟,不怕凍.涼瓜煎梮竹仔魚,潮卅蠔仔烙:因冷氣太大,好快凍了,所以...荷葉飯:這個是熱的,快快的吃,ok喎!鬆鬆的飯,幾好!十時想order糖水,但已過了last order.算! 是次承惠$730大元.

廚師應該是中途被逐出師門的......不至於難食, 但.....一點也不"潮"。其他菜色, 一様乏味, 食通天的租金一定很貴。“套餐半價”是陷阱..., “滙豐九折”亦是陷阱...,又勇者可一試。

最後一日假期，竟然又黃雨又紅雨，唯有改行程，o黎呢度飲茶。幾年前來過食晚飯，原來宜家裝修o左，環境幾舒服，又唔會坐得好迫。原來HSBC做promote，星期二有五款食物做半價，不過只選其一。我o地就揀o左鹵水鵝肉，我最欣賞係鹵水豆腐，佢比一般的滑；而鵝肉雖然色水較淡，但總算入味。潮州炒魚麵-味道一般，炒得比較油，不過點了潮州辣椒油就幾好食。魚腐煮枸杞-份量好細，枸杞有點苦苦地，而魚腐裡面好彈牙，口感似魚蛋多D。排骨大芥菜-湯底唔覺有味精；芥菜好甜，唔會苦；而排骨幾腍，唔會韌。蔴蓉流沙飽-蔴蓉太粗粒，做唔到流沙效果，不過勝在唔太甜。糯米卷-一籠四件細細粒，一口一啖，唔會太膩，而入面的糯米唔會腍pat pat，好黐口。還有蝦餃、燒賣都唔錯。本來一早點了鹵水鵝肝，竟然漏了單，最後加單時又話買晒，我o地懷疑買晒又唔出聲，佢d服務真係一般。

閒日TEA一TEA,唔會變白痴^^,閒日同太太去＋三樓睇開倉,行都累落樓下食通天飲下午茶,揀左呢間,Ｄ格局OK,環境幾靜,下午茶只有五六樣嘢八蚊雞,少左Ｄ,其他就十二三蚊起,叫左以下食品---------------- 唔記得咩蒸粿.OK 炸鳳尾虾卷,即係有虾膠嘅虾多士卷,尚可九才蚊豬什味道好淡好多油,豬什好諗,仲有三件豬腳仔, 蒸籮白羔欠缺籮白味豬皮籮白魚腐份量好小又係淡咗Ｄ服務尚算不俗.

11 November 2006 (Sat) - 飲茶同屋企人黎飲茶，本想落樓下娉珍樓，但勁多人，要等半個鐘，上黎見唔駛等位，梗係照入啦，入面仲要冇乜人，我真係唔明白，唔通呢間嘢好差既？但係食落又唔錯吖，連service都算好．．．我哋四個人ordered 咗7樣嘢：叉燒腸粉，方魚肉碎粥，凍烏魚半條，麻蓉流沙飽，炸油粿，日本荳苖，滷水魷魚！除咗麻蓉流沙飽之外，全部都係我哋鍾意食既嘢，尤其是凍烏魚同炸油粿，都係我哋由細食到大既喜愛食物，爸爸都好鍾意食架！呢度既食物唔錯，爸爸都好鍾意，最抵死我哋喺度影相既時候，有個搞笑既waiter主動走埋黎話幫我哋影，又話自己最叻幫人影相，我覺得呢度幾好，環境又靚又乾淨，食物亦幾好，希望佢會多啲人幫襯啦！

今晚男朋友家庭飯局,八個人,叫了手撕雞半隻,欖菜炒四季豆,鹵水鵝,豆腐,魷魚拼盤, 雜菌扒莧菜, 紫菜豆腐肉碎湯,奶黃小白兔,豆沙及栗子蓉水晶包.手撕雞呃人,1/4隻都未必有,蔥多過肉.欖菜炒四季豆,鹵水鵝,豆腐,魷魚拼盤, 雜菌扒莧菜,普通貨色,成一碟真的呃錢.個湯同甜食不過不失.總而言之,大排檔好好多.

今日下午1:40到玉桃苑,本想等下午茶市2:00先入去,但門口知客話冇所為,佢親囗話而家入去只要到2:00就會比張特價下午茶紙,叫我可而家入去(我已再三問知客確定),所以我就入去開位坐低,但我也吾肯定,所以再問個主任,但換來只係佢冇禮對待,佢大大聲話:「如果要飲下午茶,就要再出去等位!因為佢地有好多人等緊位!」我跟住吾想係入面樓面理論,我就出去門口知客度,想當面對質!但出到門口佢完全冇理會我不特止,我想和個個主任理論,佢完全當聽吾到,其間重不停叫人客入去(當時重係1:50左右),佢絕對係想全心呃人客係2:00前開位!呢位所為主任( 姓李)完全吾尊重人客,係吾係飲下午茶既,吾係人客!係吾係飲下午茶既人係低下D!我覺得係比人當眾取笑一樣,我又吾係食吾起,點解呢位所為主任要甘樣同我講野??我好希望係呢度做個平反!亦希望openrice.com盡力幫我公開!我希望此食店跟進!謝!(亦希望openrice.com 指點小弟如何可以追究及公開此事!千萬感激! 編按：請到飲食講場討論)