玖子茶 (長發廣場)

营业中

休息中

約咗去朋友屋企打麻雀，去佢屋企之前就附近食啲嘢，見到呢間新開，就一於試吓啦，佢係馬來西亞食物，我哋兩個人點左肉骨茶，海南雞飯、一個沙嗲、而佢地更加可以用$18換購小食，所以我哋叫咗一個豬扒小食和一份咖央多士。首先，講下海南雞飯。佢係用嫩滑的雞肉和香氣四溢的飯粒組成的。雞肉非常嫩滑多汁，每一口都帶住濃郁的雞肉香味。飯粒則完美地吸收了雞肉的鮮美汁液。評分：👍🏻👍🏻👍🏻👍🏻/5接下來係肉骨茶，呢個係馬來西亞的特色菜。肉骨茶是用豬肉和香料慢燉而成的湯品，而佢藥材味道剛好，又唔會太過苦，但又充滿左各種香料的香氣。豬肉部分則煮得非常軟嫩，入口即化，帶著湯汁的滋味，讓人回味無窮。評分：👍🏻👍🏻👍🏻/5沙嗲我地叫左雞肉串，雞肉烤得剛好，好鮮嫩，外焦內嫩，每一口都帶著獨特的香料風味。搭配上辣椒醬，更加增添了風味的層次。不過份量可以多返少少會好啲。評分：👍🏻👍🏻👍🏻/5豬扒小食是我在這家餐廳的另一個選擇。豬扒煎得香脆，肉質鮮嫩，搭配上特製的醬汁，口感更加豐富。這道小食作為開胃菜或者小吃都非常合適。$18加購價，抵食之選。評分：👍🏻👍🏻👍🏻👍🏻/5最後，我點了咖央多士作為甜品。這是一份經典的馬來西亞甜品，多

好耐無食南洋野🤭，今次近近地黎試下呢間新開無耐嘅玖子茶店內裝修係新加坡主題，未入門口已經見到魚尾獅，入到去係牛車水style鮮油咖映多士（$29）其實覺得偏港式style，不唔呢個組合好難會唔好食。烘過嘅麵包夾住邪惡嘅牛油加上唔會過甜嘅咖映醬真係無得輸我知你啦薄餅配咖喱（$29）同想像中嘅唔同，一開始會覺得係印度薄餅，點知食落係薄啲嘅蔥油餅，好有香蔥味，配上咖喱好襯酥炸雞扒粉麵（$55）揀左叻沙湯底（另可選雞湯/+$3藥膳湯）同油麵（另可選米粉/粿條）。雞扒食得出唔係急凍嗰啲，比想像中脆口，肉都算嫩，但會有啲啲肥膏🫣。至於湯底係唔辣，但叻沙味都濃郁，完美配上我最愛嘅油麵招牌星馬雞配油飯&雞湯（$63）如果唔鐘意油飯，可選白飯，不過個人覺得油飯先係最夾。雞肉唔會嚡，份量都好合理，至於雞湯味道都可以最估唔到係葡萄乳酸梳打（跟餐+$15）超大杯😍熱飲好養生整體而言，餐廳經濟實惠，質素對得起價錢，又可以滿足我想食南洋野的心

🐮馬來咖喱牛肋肉飯馬來咖喱醬汁唔係話好辣，但係食落去濃郁同香嘅，牛肋肉都幾嫩滑，唔錯唔錯～🧆椒鹽雞軟骨雞軟骨就正常小食一份啦，但係呢啲雞軟骨唔會好細粒都有啲咬口。🍤炸蝦肉響鈴蝦膠非常彈牙，而且非常足料，成個響鈴炸得好脆，作為一個小食都非常出色🥭芒果乳酸梳打（凍）呢杯乳酸梳打芒果味非常好出好濃郁，夏天飲乳酸梳打真係好爽！🧋手打蜂蜜檸檬紅茶-凍檸檬紅茶就係正常水準啦，不過加咗蜂蜜落去就帶少少甜味，清新好多

🐥招牌星馬雞-配油飯&雞湯呢個招牌星馬雞係去骨嘅，所以啖啖肉嘅口感真係令人食指大動啊。星馬雞嘅肉質細緻，配上3款醬汁都好好味！🍜海鮮蝦叻沙呢個海鮮蝦叻沙有蝦同魷魚，小編揀咗食油面，吸收咗沙湯嘅精華超正！🥪鮮油咖映多士大大件嘅牛油，配上咖映醬，又好味又邪惡！由於即叫即烘，熱辣辣上到枱真係食唔停口！🍢沙嗲串燒(2串）今次小編揀咗雞肉串燒，雞肉吸收左醬汁嘅風味，帶點點嘅焦香，非常嫩滑！配埋沙嗲醬食味道更上一層！☕️草莓抹茶奶茶-熱大大杯嘅奶茶，每啖都有士多啤梨嘅味道，而且同抹茶奶茶嘅味道都好夾，非常推薦！🥤手打鴨屎香檸檬茶（凍）鴨屎香茶底香味獨特，配上檸檬感覺特別清新。

有日喺青衣做完野（係，我份工成日要去唔同地區😹），諗住食埋lunch 先走～ 我好少嚟青衣，只係識青衣城🤦🏻‍♀️ 好在有個地膽話長發廣場有間新馬餐廳幾好食，我先有緣嚟到呢間餐廳咋😆首先裝修極特別，勁colorful，有D似台灣夜市又有D似新加玻hawker centre，加埋佢既國語歌單，爭D以為自己去咗旅行✈️睇返餐牌，價錢唔貴，主食都係$45-$70 價位，仲要唔收加一！閒日都見到好多學生、上班族黎食！海鮮蝦粿條（叻沙湯）$63第一次食粿條，類似幼身版既河粉，但再滑好多！叻沙湯底椰奶味比較重，特別一讚既係佢既蝦仲要結實爽身！岩哂我呢D蝦怪🦐鮮油咖央多士 （追加價 +$18)平時都鍾意食咖央多，但唔係周圍都有得食，見到平平地就加咗一份！佢既咖央係偏向椰漿味，自己一個啪咗成份，準備做肥妹鬼👻凍手打檸檬蜂蜜紅茶（套餐 +$10)本身好好奇咩係手打檸檬🧐 原來係幫你篤埋D檸檬，啖啖都飲到檸檬肉，好爽！最正既係佢好大杯，隔離枱叫熱飲都係咁大飲， 勁抵飲 😂後記：長發廣場最底係街市，不要問憑信心直行上兩層就到餐廳啦😆

係商場大堂已經見到呢間掛滿紅紅黃黃燈籠嘅星馬菜餐廳好搶眼🏮加上特色懷舊風嘅裝修 令人未開始食嘢已經感受強烈嘅地道風味 好吸引人眼球☺️食物款式都幾多😝星馬菜當然唔少得招牌嘅砂煲肉骨茶啦🤩欣賞佢個砂煲全程keep到肉骨茶維持喺暖嘅溫度 令到全餐飯都可以飲到暖嘅湯🤓味道方面更加一流 湯底好濃而又唔會過鹹 豬骨亦都好入味同埋鬆軟 份量亦都好足 推介😚另外當然叫咗另一個招牌菜 招牌星馬雞配油飯加雞湯😉海南雞肉質嫩滑多汁 仲要去骨方便食用😊配搭埋三種醬汁加油飯係好地道嘅味道 👍🏻甜品方面 就俾貓山王榴槤仙草凍麻糬吸引咗比較少見嘅甜品 的確帶黎驚喜 大大粒凍麻糬有濃郁嘅榴槤味😛配搭埋仙草花奶 又幾合襯☺️飲品叫左草莓乳酸梳打同馬來西亞拉茶🤗草莓乳酸梳打清爽口感 解渴一流至於馬來西亞拉茶味道地道 比較有特色 兩款都各有各好飲 但一場嚟到 我當然推介少見啲嘅拉茶啦🤪 玖子茶 (青衣)青衣担杆山路6號長發廣場2樓213及215號舖

好耐冇食新加坡菜喇，今日同朋友過嚟青衣的玖子茶，佢呢個商場泊車唔算貴，餐廳裝修非常特別的可以打卡！餐廳座位比較寬闊坐得舒服食得開心砂煲肉骨茶配白飯：9/10分。佢呢個用料非常足！肉類較多而且肉骨茶嘅味道濃郁推薦！馬來咖喱牛肋肉飯：8.5/10分。佢呢個飯價錢比較實惠而且價哩比較多，架哩有少少啱啱好！牛肋肉。分量亦都較多質素正常的！小食就叫咗薄餅配咖喱和參巴醬蘿蔔糕，蘿蔔糕外脆內軟而且味道夠，薄餅嘅分量非常多食完都飽而且咖喱質素都正常

今日經過青衣見到非常有裝修特色的店， 好似台灣夜市甘， 但其實係新加坡菜同馬拉菜， 位置都幾寬落， 我揀左廚師推介的砂煲肉骨茶， 真係用砂煲煮的， 所以非常熱同要小心， 喜歡飲湯的一定五好錯過， 湯好入味， 肉非常軟同淋， 亦非常入味， 充滿藥膳的味道， 而且有冬菇，金菇， 亦都非常岩餸飯。 主菜仲叫左脆雞塊辣肉碎滷蛋飯， 雞好脆好juicy , 另外叫左個藥膳浸菜、參巴醬蘿蔔糕， 菜份量足夠而且好新鮮， 蘿蔔糕好特別， 表皮係炸過的， 好脆， 入邊蘿蔔碎好淋！

玖子茶傳統冰廳嘅裝潢鮮油咖映多士 十分出色 即叫即整 靈魂在於超厚鮮牛油🧈配埋咖央直接直唔到一口接一口 豬軟骨辣肉碎滷蛋飯 豬軟骨肉較淋 加上豬軟骨部分融合 超多滷肉碎 味道偏濃 食得滋味👍🏻賣相十分吸引酥炸豬扒肉質好鬆軟 大塊豬扒炸至表面金黃超酥、香、脆粿條叻沙湯 接近河粉口感 較河粉幼身及爽身 叻沙湯夠濃味玖子蜂蜜凍奶茶 少冰少甜 甜度剛剛好 超透心涼貓山王麻薯榴蓮仙草凍 好特別嘅甜品 喜歡💕榴連必點 唔會太甜加埋仙草即時解膩

是日放假同朋友由荔枝角食晏，再去青衣行街食晚飯～一入商場比呢間裝修吸引~諗都無諗就入去坐位好復古～好似番左去舊陣時星馬菜邊少得肉骨茶？砂煲肉骨茶$68：湯底有藥材味唔會太苦，帶少少回甘，排骨好淋夾起已經肉骨分離招牌星馬雞配油飯$63：雞肉質嫰滑，油飯好香，醬汁最鍾意左邊果款酸酸辣辣鮮油咖映多士$29：細細件脆面一啖咬落去大滿足～牛油厚切冰火感覺炸蝦肉響鈴$39：響鈴表面非常薄脆，蝦膠十分彈牙冬瓜龍眼茶（跟餐+$5）：杯底好多龍眼肉＆冬瓜粒，清甜解渴唔會太甜玖子茶抹茶奶茶（跟餐+$15）：超大杯抹茶味濃兩個人食左好多野都係二百幾落樓～店員有禮貌~

青衣長發開咗間星馬餐廳，平時都見幾多人幫襯，今日收工見唔算多人就試下。內裡裝修都幾靚。我一直都好想食肉骨茶，所以我點咗砂煲肉骨茶一嚟到好濃嘅藥膳香氣，濃好濃，都有幾多肉，仲有好吸湯汁嘅豆卜同腐竹，湯好濃但唔鹹，撈飯食真係好正另外，仲叫咗個招牌星馬雞配油飯，雞好滑，油飯好香，但雞份量偏少，仲有雞湯，幾清甜，檸檬梳打幾開胃又解膩。藥膳浸菜，湯好濃藥膳味，浸白菜仔幾特別，好少有呢種味。椒鹽雞軟骨好脆，好好味

同朋友係商場想搵間餐廳食晚飯, 見到好多都係連鎖餐廳, 無乜太大意欲, 經過玖子茶, 俾佢嘅裝飾吸引左, 好有懷舊感覺, 餐廳裡面掛滿一排又一排燈籠, 加上又真係臨近中秋節, 特別有氣氛呀🏮🥮招牌星馬雞配白飯及雞湯雞肉嫩滑多汁, 而且已經去哂骨, 口感順滑, 雞皮色澤金黃, 配埋三款醬汁, 各有風味, 雞湯好滑喉, 感覺一d都唔味精👍酥炸雞塊粉麵(米粉, 叻沙湯底)雞件同湯麵分開上, 雞件有四大件, 外皮炸到好香脆, 裡面雞肉啖啖嫩滑, 豆卜, 米粉索哂極濃郁椰香味嘅叻沙湯底, 無得彈💯昭通醬炸雞翼食落有點似南乳味, 鹹香味十足, 醃料夠入味, 外面層炸粉唔會炸到好厚, 好脆好香口, 正!!香辣串燒(牛肉)有辣粉, 七味粉, 極之惹味, 好香牛味😋百香果綠茶酸酸甜甜解膩必飲, 超大杯, 好抵飲😆 爽爆檸檬茶正常水準, 食重口味野最夾都係飲凍檸茶🥰價錢走大親民路線, 下次晏晝黎想試埋咖央多同埋凍咖啡🥰🥰🥰

香港青衣星馬菜玖子茶探店去到商場中庭，遠遠就被紅黃燈籠吸引住，估唔到長發廣場有間裝修得靚靚嘅星馬菜餐廳。餐枱同櫈以木系為主，配合美食招牌，應該係想將新加坡熟食大排檔嘅感覺帶嚟香港招牌無骨砂煲肉骨茶湯底係馬拉式嘅，即係會有濃濃嘅藥材味同蒜味，另外飲到有輕微辣，應該加咗唔少白胡椒，飲完暖曬。豬排骨入味，有豬肉嘅香味，如果可以冧啲就更好，整體配料豐富去骨星馬雞(例牌)見好多枱都有點。雞肉已經起骨，雞肉嫩滑而雞皮Q彈，果然係招牌之一。三色醬入面嘅酸辣醬尤為好味， 同平時食到嘅泰式酸辣醬有少少唔同鮮油咖央多士好邪惡又好好味嘅多士呢， 牛油大大舊，夾上星馬獨有嘅咖央醬，食到停唔到口沙爹牛肉串燒牛肉串肥瘦相間，串燒上枱時仲好熱， 作為小食係唔錯嘅選擇環境

・　二人餐 ($228)價錢好值的二人餐，200多塊錢就可以有2個主食，三個小菜，還有飲料✨ 套餐內容豐富，味道也不錯，值得嘗試😝　▸　砂煲肉骨茶 - 配白飯🍲足料肉骨茶👍🏻 具有濃郁的肉味，加入藥材熬製令整道菜變得滋補，也有濃郁的藥材味道！裏面還有很多菇類，不錯不錯🥳　▸　海鮮蝦粉麵🍜有多款麵類和湯底可選，我選了米粉和叻沙湯，米粉吸滿了香濃的叻沙湯，很好吃！叻沙湯不會太甜太膩，而且還有很多配料🥰 有鮮蝦🦐、魷魚🦑、魚片頭、豆卜、芫荽、香蔥，好吃👍🏻 大滿足！　▸　麻辣口水雞 - 例牌🐔分量頗大的口水雞！兩個人吃也差點吃不完😣 口水雞肉質鮮嫩，烹調得很滑很嫩✨ 配上上面的口水汁，風味更佳，麻辣口水汁刺激味蕾，令人胃口大開😝　▸　串燒（2串）👍🏻可以選雞肉或者牛肉串燒，也可以選擇上面的醬汁！我選擇了沙嗲雞肉串，串燒共有兩串，吃下去，每一口也是肉，配上濃郁的沙嗲汁，很是滋味😍　▸　藥膳浸菜 🥬藥膳配上蔬菜，是一個意想不到的配搭✨ 蔬菜吸滿了藥膳濃郁的味道，感覺滋補，味道也不錯🤪🤪　▸　百香果綠茶 (+$10) 🍹加10塊錢就可以有一大杯飲品，超級值得！大杯到喝不完了😣😣

呢度嘅design 刻意裝修到好似我之前去馬來西亞當地嘅Food Court咁，幾有格調！-招牌星馬雞麵（叻沙湯）-叻沙湯汁香濃而唔膩，辣度適中，唔會太辣或太淡。雞肉嫩滑而入味，仲有三款醬汁可以點！啲麵吸收咗湯汁嘅香氣，好好味！-馬來咖哩牛肉飯-牛肉鬆化而不柴，咖哩醬汁香辣而濃郁，白飯綿密而軟熟，整體嘅口感都非常好。-沙嗲雞肉串燒-雞肉嫩滑Juicy，沙嗲醬香甜帶少少微辣，提升咗雞肉嘅風味，勁鍾意佢呢隻沙嗲醬，必試！-鮮油咖映多士-雖然望落去好邪惡，但實在係太好食！一定要嗌！多士香脆而鬆軟，鮮油咖映醬香甜而濃郁，真係好滋味！不過真係一件起兩件止好啦～～-爽爆檸檬茶-其實係凍檸茶，如果酸味再提升啲會仲正！-百香果檸檬綠-超巨大一杯！朋友幾乎飲唔晒！百香果好香，酸酸甜甜咁好解膩，值得一試！