理想餅店

营业中

休息中

理想餅店 網址: https://s.openrice.com/QrbS08la700~uXSHzAw地址: 新蒲崗康強街32-34號康強洋樓A座地下7號舖電話: 27721328san po kong 又幾間手工麵包店都幾出名，但麵包同甜品相比，我還是把quota 留比dessert 開心d就去了除了有麵包兼有曲奇同蛋糕架呢間bakeryegg roll 係好出名，有起碼8-10款口味架，我買了$50架black sesame and earlgrey同大一卷中心仲有要好多cream,cream 唔太甜，雪凍好滑有小小伯爵茶香，蛋糕體重earl grey 香，食到有一粒粒茶葉且是正常甜度，配埋cream入口非常細膩好味架一條初到4-5塊，一塊已等於普通麵包店買到的ehh roll 兩件，抵食好味 想試下其他口味black sesame 加了在蛋糕體中 好香

今日同事黎探班仲請左我地食呢個「金莎朱古力酥」😍比個賣相吸引住，即刻放低d野，食左先講哈哈！一打開個袋已經聞到好香嘅朱古力味，差唔多有我塊面咁大呀😋即刻想試試味道先！一咬落去酥脆嘅外皮包住溶化左嘅金莎朱古力，好香好好味呀！呢個朱古力酥用黎作為小食/下午茶真係最好不過！8掛問左同事係邊間到買，原來呢間鋪頭以前成日經過，但都未試過買，今日終於有機會食到啦👍🏼希望之後有機會可以試埋店鋪嘅其他食物！

平時食開蛋卷都得啲普通嘅味道... 今次就唔同喇... 黎到呢間理想餅店見到佢有好多唔同口味嘅蛋卷.. 有香芋...曲奇... 芝麻... 綠茶... 朱古力等等.. 其實仲有好多味😁而今次我就唔食朱古力味咁普通喇.. 揀左個伯爵茶味道黎食... 🤤口落去有淡淡嘅伯爵茶味.. 好香好正..絕對唔會太甜.. 因為好怕有啲蛋卷嘅cream甜到嘔.. 雖然蛋卷放入凍櫃到.. 但一啲都唔影響個蛋糕皮變硬.. 仲好鬆軟👍🏻整體黎講係新蒲崗食到呢個5星級嘅質素真係好開心😍同埋就黎新年嘅關係...買完野之後仲有利事封送添呀🤭

呢間餅店絶對係新蒲崗之光 地區小店既麵包賣到去五星級酒店無他 老闆曾到德國學藝 酸種麵包用上有四十年歷史既酸種 實在難得沙翁有多款味道 吉士沙翁$18/個 餡料帶雲呢拿籽 味道更香更濃炸過但一d都唔油 沙糖粒既爽脆令沙翁味道更有層次呢個係我食過最正既沙翁 沒有之一 呢間好難唔再幫襯 呢間餅店鋪面極細 出色既麵包卻有好多 沙翁之外鮮忌廉蛋卷及爆漿香蒜奶酪脆法都極度吸引其他麵包 香桃酥 藍莓酥 士多啤梨酥 既質素都係質素之上 呢間餅鋪既麵包值得一試再試

舖好細，無乜裝修，放工去到好多人，行一個圈，雖然overall 唔平，但賣相好多都吸引😍，如蝴蝶酥，曲奇餅，凍櫃蛋卷……，最後揀咗伯爵戚風蛋糕, HKD22, size 大概4”x 4", 已用透明膠袋包好，仲heat seal 咗，舖咁舊咁細又唔係連鎖以為只收cash💸 , 估佢唔倒收ali pay , 八達通，連credit card💳 都收，真心方便，真心少見👍。話雖唔平，但同我上兩個月喺另一間新蒲崗買嘅伯爵戚風相比已經抵好多，上次係15蚊，大概係4”x 2",當然值唔值唔可以只按大細去衡量，而係講質素，呢個咬落去好香伯爵味，質感鬆軟，食落新鮮，性價比都算高😚，食呢個做下午茶好滿足😋

眼利見到有即叫即炸donut買，朱古力filling多到爆出黎，炸得剛剛好金黃色，外脆內軟。Filling 仲有金莎朱古力，原味，吉士，綠茶等，真係想試晒佢。...#test_新蒲崗#test_yellow______________________________🏠 理想餅店 💛📍新蒲崗康強街32-34號康強洋樓A座地下7號舖💵 $18 each, $100 x6 ______________________________

之前買生日蛋糕只懂去東河堂、醜心這類集團的餅店，著實有點悶，今次突然想去康強街，功夫點心隔離幾個舖位，之前經過買過二次麵包，吃過此店的紫薯方包，挺鬆軟，唯紫薯味會略淡；葡撻挺香酥不太甜，未試過在此買生日蛋糕🎂，今日開齋。是日有6款蛋糕，有情人節蛋糕，糕面有朵大七彩玫瑰；抹茶紅豆蛋糕；藍莓紐約芝士餅，挺多藍莓醬；另一款是水果的，最後選了 芝麻爆漿蛋糕 及 tiramisu芝士蛋糕🎂。包裝的蛋糕盒很童趣很美，最後也還是掉了實在可惜，選了peppa pig及happy birthday 生日牌。見店員從凍櫃拿走芝麻蛋糕，在廚房弄了五六分鐘，以為搞甚麼，原來這爆漿蛋糕須要膠片固定好，否則隨時爆...拿回家，唱完一輪生日歌許願之類，好奇將該芝麻蛋糕拉開膠片，還未切下，它就像熔岩傾瀉向四方八面下塌（見面），BBQ棉花糖一樣的質感，原來蛋糕爆漿是這場面。切開嚐了一片，眾人大讚不太甜，反而很濃芝麻味，很像吃芝麻糊，很驚喜。雖然賣相一般，但反而好玩。Tiramisu比較合乎兒童口味，咖啡味淡芝士味濃，甜中度，軟滑。

路過見到不同口味嘅蝴蝶酥，就連咸旦味都有咁得意，就入去買嚟試試~最後買咗【原味蝴蝶酥】、【朱古力戚風蛋糕】、【牛角包】、【朱古力酥】、【芝士條】1. 【原味蝴蝶酥】佢係薄切，所以咬落好鬆脆，又唔會太油太甜，好正！2. 【朱古力戚風蛋糕】雖然賣相一般，但味道口質做得唔錯，仲有啲朱古力粒粒做點綴，性價比幾好～3. 【牛角包】&【朱古力酥】呢2個就麻麻。。。夠鬆化，但我就唔識形容點解，可能唔夠甜??4. 【芝士條】佢個包裝令我好期待，一開就發現~~~ 原來係cheese cake 變左一條條咁~~ 幾有心思!

.理想餅店 斑蘭撻 $4.5.係個幾創新嘅食物😂所以就試下。.😍佢個皮好酥😍係有空氣感嘅嗰種酥. 真係好正架.😖但係個斑蘭餡就無咁襯托唔到酥皮，無斑蘭味，而且餡嘅比例如果再多d嘅話，應該成個撻都會更昇華💕 口感會豐富好多，不過依家已經好好味.份量方面都幾細舊，不過$4.5其實價錢合理.🎈健康小貼士：真嘅斑蘭葉係一種天然嘅綠色染料。性温，但可以清熱解毒👍🏻但依加嘅食物大多數都係用斑蘭精油only...

好友送咗一盒cookie畀我，擺咗喺度幾日都未開封。尋日放工返嚟有啲肚餓，開咗嚟食…原來係好好食嘅蝴蝶酥！ 呢款鹹蛋口味嘅蝴蝶酥，其實都係一個新嘗試，佢有淡淡嘅牛油味，鬆脆但係唔太甜。我可以大膽講句：係我食過最好味嘅蝴蝶酥！大家可以爬吓文先，又或者去開新蒲崗嘅，不防買一盒試下啦！Cheers,Ada

岩岩係新蒲崗食完晏奏，散下步嗰陣見到新開左一間叫理想餅店嘅新式麵包鋪。對於好鐘意嘅麵包嘅我，即刻入去睇睇有冇咩岩。鋪頭店內裝修幾靚，用木為主題，而且店內環境幾乾淨。麵包有部分會用獨立透明袋包裝好，方便客人拎，感覺上乾淨。總共買左3款包。1. 朱古力軟心包 ～$8.0-8.5買嘅時候，店員先會突登zit啲朱古力cream落去，確保cream嘅新鮮程度。首先想讚下個cream份量幾多，佔左1/2個包。但呢個包係妹妹食，對於佢超鐘意食朱古力系列嘅包的人，佢覺得有啲失望，因cream嘅朱古力味唔太濃，個味道好似食緊盒裝嘅朱奶味。2. 迷你朱古力鮮奶球同迷你墨西哥包 $10 3個- 朱古力鮮奶球本身比較硬，可能因為有朱古力coating係面，所以我食嗰陣要用微波爐叮一陣先會軟身，味道正常，同便利店嗰隻鮮奶球味道差唔多，呢個多左少少朱古力味。- 墨西哥包整體一般，上面層皮淋身同頗油，味道一般，沒有特別。3. 唔記得叫咩名 $9腸仔味道幾好，好似廚師腸，個包幾軟熟，但上面白色嘅醬冇咩味，食唔出食沙律醬定咩，同埋個包買嘅時候，係透明膠袋見到個包嘅底已經出左啲油，少少影響左個包嘅外觀。總捨黎講，價錢以新

多謝癲姐送我一個理想🦋 Butterflies cookies🍪。真心唔太喜歡蝴蝶酥，因為怕甜同勁濃厚嘅牛油味，有時仲會係硬崩崩，唔太識欣賞😜😜😜。癲姐力推叫我一定要試一塊，佢已經食咗好多年，係新蒲崗佢覺得最好的蝴蝶酥😆😆。好啦～我梗相信癲姐，試一塊又何防呢～果然，不單鬆脆可口，不重牛油味，少甜風格，真係不錯👍🏻。我與家人一同分享，家人在半小時內已通通吃光了癲姐送我的蝴蝶酥， 可想然之呢包蝴蝶酥的魔力有多大。

賞味日期 一個月前因為友人講起有一天到呢間面飽店到好趕咗食左一個面包來吃（順路）該店老闆竟然用了十分鐘來游說友人加盟做生意出於好奇 本人親自去了買一個菠蘿“仔”試食細細個 用個所謂懷舊的雞皮紙袋裝住價錢？？？唔好講了 麵包都是十元八塊的食物不外如是深水步 隨隨一家小店的老師傅造出來都比它好吃什麼酒店出身師傳（老闆）什麼懂飛天的麵包原來用口水造 名過於實敬請老闆留意番 買麵包真係麵包。。。做生意？唸多左少少

一開始真係因為有88折先去試下，而且好欣賞《理想餅店》個店名，睇到店內有幾個整餅的後生師傅，大概知道他們喜歡整餅，又拿過獎，為了理想才開餅店。當然全部都係我睇完d相加上店名去聯想，所以覺得係咁，唔知估得岩唔岩架！哈哈由開業到現在都幫襯過好多次，由88折到現在買$20得一分(VIP card)。覺得係時候寫下食評支持下啦！一口氣買左三個包，朱古力酥 ($13) + 軟心朱古力包($8.5) + 健康十穀燕麥合桃麥包 半個($15)，埋單$36.5。本生係朱古力迷既我，朱古力酥同軟心朱古力包就岩晒我，整體都好好味，品質都算高。但之前我反映過，如果朱古力酥內加多D朱古力就好了。哈哈哈！軟心朱古力包係即買即擠朱古力Cream，今次買既軟心朱古力包，包裡面的朱古力Cream無之前咁多，可能因為唔同人手勢唔同，但都好好味！只係我係個不折不扣的朱古力迷，多朱古力Cream係我既希望。今日美中不足係我買唔到《桂圓肉太陽花籽包》，店主話好想就買晒了，因為趕緊客人訂單，所以今日唔會再出爐了。好傷心啊！呢個包真係超推介。我買回家打橫切開再加蜜糖放入焗爐焗5-8分鐘，外脆內軟，加埋裡面有桂圓內同太陽花籽，蜜糖

在一次深水埗的週末午聚飯局中，好幾位食友好友聚首一堂，大家也很客氣及有心送上小禮物！ 現時在新蒲崗工作的好姊妹食友 A 送上購自新蒲崗 <理想餅店> 的綠茶蝴蝶酥給我！多謝她的心意及那麼客氣呀！她知道我是抹茶粉絲，分別兩次送上其出品的綠茶美食給我！好多謝她那麼有我心呢！ 綠茶蝴蝶酥我從未見過綠茶口味的蝴蝶酥，所以第一次見到，我都覺得好驚喜！千層質感，層次分明，香甜鬆脆，卻不失牛油香！同時，散發綠茶獨特的清香，所以，食落完全不覺膩！綠茶豆沙包這個孖裝麵包，清綠色的外層是質感鬆軟的綠茶包，內裡是甜美的豆沙餡，內外兼備！綠茶與豆沙是最佳拍檔！