理想餅店

营业中

休息中

🍩🍩🍩🍩🍩近排興冬甩，呢間位於新蒲崗既麵包鋪都推出左爆曬餡既冬甩🤩佢地既冬甩係即叫即炸，當日去既時候有13種口味，例如肉桂蘋果、伯爵茶、奶醬、吉士等等，超吸引！多謝朋友順便幫我買埋💖.冬甩 HKD20/個 HKD110/6個冬甩炸到金黃色，表面沾滿砂糖，裡面每個冬甩都爆曬餡🤤冬甩口感鬆軟得黎帶點咬口，唔錯！不過大家如果驚食唔曬，除非屋企有氣炸鍋，如果唔係唔建議買太多留第二日食，因為砂糖會溶化曬同冬甩口感變到淋曬😢今次買左以下6隻口味，每買3個冬甩就會有個藍色馬戲團造型既紙盒入住🎪如果想加麻糬就要額外加HKD7！奶醬 - 呢個好似食緊夾餅咁又有砂糖又有濃厚既花生醬，超正🥜阿華田 - 唔係好食得出阿華田味，不過裡面有一粒粒唔知係咪米通🤔金沙朱古力 - 呢個真係好似食緊金沙，有d花生粒，鍾意朱古力既人應該幾鍾意呢款🥰芝士 - 個人覺得呢款幾有驚喜幾鍾意，因為裡面既cream cheese係鹹架！士多啤梨醬 - 呢個士多啤梨醬帶少少果肉，不過好甜🍓黑朱古力+麻糬 - 本身鍾意偏苦朱古力既我覺得過甜啦😭本身冬甩有糖如果裡面朱古力用甜度偏低既朱古力中和返會好d🍫麻糬個人覺得唔太抵，得兩小粒唔係好食

🍩 人氣大熱爆焰炸冬甩-服務欠佳食物味道的本質固然重要，店舖提供的服務態度亦不容忽視。理想餅店近期大熱，假日吸引人龍特意前往，一試店中名物。可是，店員的態度實在欠佳，筆者星期六和友人大概排了15分鐘，終於可以下單，排在我們前一位的客人購買6件冬甩，店員打錯單，只入了5個冬甩，客人對單後表示收錯錢，要求更改，只見店員一面臭臉，讓客人一臉惘然……筆者和朋友都各自購買6個不同口味的冬甩，大家都選購了新口味阿華田，但卻發現我們的阿華田味都被擅自更改成金莎朱古力味🥲 其實店舖售罄其中一款味道，可詢問客人要轉什麼口味，而非自行更改客人訂單，大家都是想試不同款式的味道。如今，筆者和朋友各自都有兩個金莎朱古力味。🥺說回味道，即叫即炸的冬甩基本上味道都不錯，下單後大概等10-15分鐘。當然冬甩味道偏甜亦在所難免，因為冬甩經油炸後會裹上白砂糖，再填滿不同味道的醬。🧀芝士- 有點像乳酪的質感，甜度適中，也是眾款當中甜度較低的一款，讚👍🏻🍫 阿華田- 被消失的味道，淚😢🌱伯爵茶- 淡淡的伯爵茶香感覺清新融合，吃後伯爵茶餘韻會在口腔徘徊，是伯爵茶控必試之選。🍨 吉士- 最喜歡吉士味，香甜度適中，幼滑的吉士醬配上

🥯爆漿炸冬甩🥯💭呢間麵包舖其實之前已經幫襯過好多次..因為佢哋用嘅係靚麵粉..麵包食完唔會好似食風咁..而且價錢仲好抵添..推介▪️芝麻麻糬包▪️🤪最近幾次去成日都見到門口好多人等🤔..原來個個都係喺度等🇩🇪德式炸包🇩🇪..今日終於有幸地比我買到..比完錢大概等10分鐘就有啦..👍🏻👍🏻 [🤭之前好似話要等一個鐘架🤫］同埋最近開始好多人買佢哋嘅卷蛋🍰..仲要扱到👀有花生麻薯味..下次一定要買來試吓💪🏻

📍 新蒲崗 理想餅店［新蒲崗康強街32-34號康強洋樓A座地下7號舖］記得係profile㩒入條link睇下附近有咩好西啊😉是但search下 #新蒲崗美食 都已經見到呢間餅店，近日烘焙狂熱，布丁包、脆皮麻糬、邪惡donut層出不窮，今日就黎試下呢間嘅出品🫰🏻 今次就叫咗朱古力同柯華田炸donut（$20/each）+鐵觀音黑糖麻糬鮮忌廉卷（$88）👍🏻：炸donut真係做到爆漿，朱古力餡甚至有脆脆增添口感，十分打卡able🤤🤤鐵觀音卷麻糬煙韌，忌廉係完全唔甜但係有茶味，配合埋黑糖麻糬嘅甜度大概係手搖飲品微糖左右，係比較啱大人嘅甜味👌👌👎🏻：話明係人氣餅店，要等真係基本，我今次就等咗大概45分鐘（唔計排隊），而且因為食唔到新鮮炸起嘅炸包，所以基本上成個包都係暖嘅，如果大家介意/想食冰火包就要自己留意，而且個包有d太甜太膩，一次食半個就已經差唔多🥲🥲我個人決定價錢真係有d進取，蛋捲長度同我隻手差唔多就已經$88，cp值唔多高🥲可能係我睇咗某kol嘅片所以對個蛋捲期望有d高，但係現實佢冇好meet到呢個期望，而且d cream好易融，蛋糕體太過實唔夠鬆軟嚟開呢頭可以買下😉😉encore就

新蒲崗越來越多唔同嘅人氣小店，今日專程同朋友去試新蒲崗嘅人氣冬甩。我哋三人叫咗$110有六個嘅冬甩。叫咗兩個吉士味、一個蘋果肉桂同三個金莎朱古力🍩，全部都係即叫即炸。個人認為金莎朱古力係最好味，滿滿嘅朱古力醬，而且有花生碎粒，再配炸外脆內軟嘅麵包，係最完美嘅配搭至於吉士味，吉士醬唔算太Soft，對比起金莎朱古力就冇太大嘅特別，而且食多兩啖會有啲膩。蘋果玉桂配合冬甩嚟講雖然有啲特別，但個人認為玉桂味唔夠，食起上嚟比起以上兩隻味係稍為遜色，所以可以唔使叫呢個味！

近期爆紅嘅麵包店！其實屹立左喺新蒲崗都一段時間可能因為疫情關係，大家都冇啖好食，就唯有喺香港捐窿捐罅搵嘢食。搵到嚟新蒲崗呢個舊區，居然有一間餅店入邊有一啲大家平時好少何會食嘅炸沙翁。真係好好食！原因佢係即叫即整！當日係中午食飯時間，特別多人，所以落單到正式可以拎到熱辣辣嘅炸包中間要等半個鐘。為咗食好西相信大家都唔介意等😛 如果唔想等咁耐就唔好食飯時間嚟啦。好啦講返個沙翁，入邊其實有好多種餡可以揀。我揀咗芝士味，芝味濃，甜度呢就啱啱好！食落去酸酸地其實感覺似Yogurt。如果好似我咁，食完飯去都仲可以成個食得晒！下次試埋其他味再報告

今日特登去左新蒲崗食好西，買左三個炸飽，中午去都係排六七個人，買完就等四個字左右，新鮮整俾我地我地買左三個名，分別係黑朱古力，咖啡同肉娃蘋果，朱古力好似屋仔朱古力奶嗰味甘，唔太甜，幾好。咖啡個味都濃，又係唔太甜，奶味就無朱古力個個甘濃，最後就係蘋果，個味道就係麥當勞，不過就比麥當勞有口感，多d 粒粒，無甘爛。最後就好開心買到鐵觀音黑糖麻薯，茶味係有嘅，不過我就覺得淡淡的，個cream 都易溶，但個麻薯就超香黑糖味，好煙韌，好正丫，個蛋糕就好濕潤，好味。

🐭 米奇老豬Vol. 175 🐷［理想餅店 Lily’s Bakery］@lily_sbakery 次次去親我嘅愛店窩子（詳細食評可以睇番Vol 154-156）都一定會行入呢間麵包店睇下 🍞因為有好多幾特別嘅韓/台/港式麵包同埋聽講d曲奇酥餅好出名 （利申🤪：無食過，食過嘅朋友可唔可以揮手？）店鋪麻雀雖小 除左麵包櫃同蛋糕櫃之外連個工場都有埋 感覺好似特別新鮮😆.🐖🐖《朱古力花生麻糬蛋卷》🐖🐖💰$66💰作為蛋糕控、花生醬控、麻糬控見到呢個卷蛋真係心心眼 😍 即刻order本身以為佢會喺個蛋糕櫃拎點知佢去左個工場急凍櫃攞心諗：莫非中伏？ 個蛋糕同麻糬一定硬骨骨啦 🤮店員話要存放喺冰格食之前2分鐘拎出來解凍雖然心入面有十萬個為什麼 🤯但抱著試伏嘅心態都照跟點知超驚喜❤️‍🔥.➡️ 份量一條卷蛋大概可以切到5片或者想厚d就可以4片 🍰🍰🍰🍰平均每舊卷蛋都只係$15左右比起IG 絕大部分 bakery都平一大截 🤑.➡️ 朱古力蛋糕未解凍就切嘅時候覺得個蛋糕好似好死實咁但等左5分鐘左右 個蛋糕食落又覺得幾濕潤 幾綿密 🐑當然唔會好似戚風蛋糕咁回彈啦朱古力味都幾出 🍫如果多d黑朱古力嘅苦味就更好啦～

🍩新浦崗人氣Berliner冰火德式炸麵包 $110 6個～原味、芝士、吉士、綠茶、朱古力、士多啤梨醬、焦糖、特濃咖啡、金沙朱古力、玉桂蘋果、伯爵茶、貓山皇榴槤✨食晏時間已經見人龍，所以食完晏先去排，點知都係咁多人😅，炸麵包餡有好多款選擇，排隊時可以諗下要咩味，先付錢買炸麵包，要等一小時後先有得攞，因為炸包即叫即炸，店內都有其他款式麵包、蛋卷、葡撻等。🍩德式炸麵包最好味係芝士味，其後就係伯爵茶味、綠茶味和特濃咖啡味，炸包好軟淋淋，雖然係炸但唔覺得熱氣，一入口就爆出餡出來🤣，又唔覺得甜👍🏻😋🖼店內空間比較細，麵包種類亦有好多款選擇

🍩新浦崗人氣Berliner冰火德式炸麵包 $110 6個～原味、芝士、吉士、綠茶、朱古力、士多啤梨醬、焦糖、特濃咖啡、金沙朱古力、玉桂蘋果、伯爵茶、貓山皇榴槤✨食晏時間已經見人龍，所以食完晏先去排，點知都係咁多人😅，炸麵包餡有好多款選擇，排隊時可以諗下要咩味，先付錢買炸麵包，要等一小時後先有得攞，因為炸包即叫即炸，店內都有其他款式麵包、蛋卷、葡撻等。🍩德式炸麵包最好味係芝士味，其後就係伯爵茶味、綠茶味和特濃咖啡味，炸包好軟淋淋，雖然係炸但唔覺得熱氣，一入口就爆出餡出來🤣，又唔覺得甜👍🏻😋🖼店內空間比較細，麵包種類亦有好多款選擇

【評測新蒲崗人氣卷蛋 週末人龍排隊人氣店】嚟到新蒲崗理想餅店，炸dount同多種口味嘅卷蛋係呢度嘅名物。 Weekend下就嚟到出面一條長長人龍…講緊係連買麵包都要排入去買，買炸donut嘅話排完入去仲要等多1個鐘…. 果斷放棄donut….咁諗住買條卷蛋..但只有幾種口味..係門口睇岩嘅味全部都冇當日只有 焙茶柚子、焙茶、baileys同原味___ ___ ___ ___ ___ ___ ___ ✨焙茶卷蛋 $88 賣相好普通，卷得有啲粗糙一條大約切到4-5一件裝size 計返係差唔多價錢嘅 但味道方便 老實講 好普通… 不論cream/蛋糕焙茶味唔算濃，海綿蛋糕一般，唔算好鬆軟 但勝在唔太甜，唔會太膩‼️唔係即刻食要放冰格，食再拎出嚟放7分鐘先食，特別在啲cream 會變左類似雪糕嘅口感以為佢每條卷蛋都有麻糬先買黎試下..點知係得cream😵‍💫🫥當場灰左🥲 食完感覺overrated 如果有麻糬口味嘅會想試下，但強烈唔建議weekend特登入去新蒲崗買佢，等donut要等太耐，都要排1x分鐘先入到去買

最近在網上備受美食家推介的麵包店，其招牌即叫即炸冬甩更是媲美星級酒店和過江龍的食店，在行完獅子山後是補充胃口的好選擇。位置：在Mikiki商場的後面，不算偏僻。環境：裝潢與傳統麵包店差不多，真是「禾草冚珍珠」。服務：因為是即時製作，需排隊輪侯。下午茶：冬甩款式很多，一個$20，$110/6個😌，購滿3個就有一個好精美的盒裝外賣帶走。🍩伯爵茶🥲😫唉，這是我喜歡的味道，可惜搶不到手，回到家已被媽媽吃掉😖，唯有下次再買。🍩阿華田😊有點似朱古力🍫味，但外賣到家時已漏出少少醬汁，再翻熱後，內餡是流心狀，味道不錯。🍩吉士😋這是我最喜歡的味道，因為吉士醬真是超豐富，一咬就爆醬了，味道亦不會過甜，很滿足。🍩玉桂🍎蘋果😊勝於某快餐店的蘋果批的餡，不會過甜，玉桂味較濃。🍩奶醬😅這是最不喜歡，因為花生醬太多太膩了，好像生吃花生醬，應拌煉奶的份量過少，不值得試。鐵觀音黑糖麻糬鮮忌廉卷🍰$88巨型卷蛋亦是店舖另一招牌，雖然體積大，但長度較普遍短，可以厚切四片。外層是普通蛋糕，有鬆軟的質感，內裏的奶油經過一晚的雪櫃，在第二日的室溫幾分鐘下溶化，🤨有點兒嬉，不知道是雪櫃不夠冷，或是奶油太化學了，味道只勝在完全不甜，

位於新蒲崗的「理想餅店」極受街坊和跨區食客的喜歡‼️😙▫️小店的麵包款式多、卷蛋口味多(而且超便宜)、ᴅᴏɴᴜᴛ選擇也不少‼️👍🏻👍🏻 這次買了2盒ᴅᴏɴᴜᴛ🍩 付款後大概等了𝟭𝟬分鐘新鮮炸好的ᴅᴏɴᴜᴛ便到手了‼️🤗▫️❥$𝟭𝟭𝟬 𝟲ᴘᴄꜱ 🍩口感Q彈‼️👅 胖乎乎的外型很討喜‼️💕 一掰開，內餡便迫不及待地一湧而出‼️🤤☟ ☟ ☟ ☟ ☟☐原味👅：裹上白砂糖，甜甜的不算特別☐抹茶🍵：抹茶香濃帶回甘，會回購⍢⍢☐芝士🧀：一點都不膩，反而有點像ʏᴏɢᴜʀᴛ🥤很驚喜的味道，好吃⍢⍢☐朱古力🍫：不會太甜，也好吃⍢⍢☐特濃咖啡☕️：濃濃的真的像喝咖啡般，喜歡⍢⍢

🍫🥜朱古力花生麻糬卷蛋(HK$66/條)第一次吃花生味道的卷蛋，🥜花生忌廉味濃，有碎碎花生粒，入口有雪沙的忌廉口感，麻薯十分軟熟煙韌，有米味⚪️，配上🍫朱古力味卷蛋，鹹鹹甜甜，味道好特別，有驚喜🤩。

打手廣告何其多。不明為何可以有這麼多好評，奇怪。去開新蒲崗食午餐，記得之前在廣告上見過呢間舖頭有日式卷蛋賣，評語好像不錯，所以就去試一試，點知中伏。這次我買了焙茶卷蛋，卷蛋只得死甜，完全沒有茶味，而且個卷蛋蛋糕很硬不鬆軟同得乾。搞咁多嘢扮日式，做不到之餘仲比普通瑞士卷還差，搞到不倫不類，瑞士卷起碼有蛋香，但這個完全只有甜。另外，店員黑面(戴咗口罩都見到)，問多兩句嘢都極之唔耐煩唔想答。食物唔好食態度惡劣，唔會再幫襯。