瓊媽媽 (柴灣道)

营业中

休息中

我諗呢一間外賣小店最出名應該係佢嘅海南雞飯佢嘅海南雞做得非常之出色 而且佢個飯可以揀菜飯 唔一定要揀油飯唔使咁肥除此之外我覺得佢成個餐個例湯係非常之好飲個餐湯非常之甜

之前都有試過單買一隻海南雞翻屋企加餸，今次就試下佢嘅飯啦😚因為想慳翻幾蚊揀左有骨，懶人想食無骨嘅話可以加多6蚊✌🏻食海南雞飯就梗係食油飯架啦，雖然好肥，但好香唔好膩。本身以為43蚊個份量應該好細，點知買完翻屋企發現超大😱飯嘅飯量一個女仔一定食唔哂，俾男仔就啱🤨除左有雞之外，下面仲有好多芽菜，啲雞好淋好香，又唔會話太咸🥳🤩而芽菜亦都唔會話無味。43蚊仲包左個例湯，佢唔係啲味精湯，飲得出係老火湯，入面仲有粒蜜棗😂下次可以試試佢其他飯😆😆

10號用網上外賣平台買左一份無骨海南雞菜飯，同一份口水雞菜飯當晚餐，之後就無再食任何嘢，點知當日晚就開始發燒。11號直頭要請假，當時我諗住以為係普通病，所以無睇醫生。12號以為好翻，所以繼續翻，但中途發現又發燒，所以去左睇西醫，（當日已經想嘔，但嘔唔到，而且個胃頂住頂住咁)，醫生話我無屙，所以俾左退燒藥，胃藥，化胃氣，止嘔藥。到夜晚我先知唔係得我病到咁，原來我男朋友食完之後都發低燒，晚餐食左少少粥都嘔埋出黎，之後就一直屙，屙到13號凌晨五點，朝早去左睇醫生，醫生話我地係食物中毒，會通知食環。我以前都未試過咁嚴重！腸胃畢嬲都好！可見佢地處理啲嘢食幾唔衛生！

叫了有骨海南雞配油飯套餐，好好吃！👍🏻飯和湯的份量都很多，可惜雞肉的份量比以前少了。雞肉的份量不夠配整碗飯，有半碗飯是要用豉油拌著吃。豉油吃得出是經過特別烹調，很美味。這個特製豉油，把雞肉味道提升到另一層次。除了雞和飯之外，還有配菜的芽菜和例湯，芽菜和例湯都是用心之作，絕不馬虎。芽菜新鮮飽滿，不是白烚，是有調味，有雞油味的。平常不會把配方吃掉的我，也把芽菜全部吃掉。例湯內有很多料，顏色和味道也很濃郁，有沒有用味精，我不確定，但不會像其他餐廳的清水湯一般，食之無味，棄之可惜。吃完這個無骨海南雞飯套餐，我感受到廚師的誠意，令我有點感動，有衝動去寫這篇食評。柴灣好吃的食店不多，這一間是難得的好吃的食店，希望他們能一直保持水準，生意興隆，一直在柴灣，讓柴灣的居民一直有好吃的海南雞飯吃！下次我會叫半隻海南雞，另外叫一碗油飯，那就不會不夠餸了。😋😋😋

年尾荷包乾硬化時竟然可以午餐大口雞大口飯，真是妄想正盤算每餐只可用35蚊，可以買到咩食原來35蚊都可以有雞肉做午餐，真不錯俾錢後，等了約5分鐘就有啦！一返屋企，一打開就見到好大舊飯， 真的是雞胸肉，不是雞頭雞骨雞尾，啖啖肉雞肉真的做到皮滑肉嫰。雞肉下面鋪左好多大豆芽，紅蘿蔔絲，非常爽口， 沙薑味濃， 不過你略嫌沙薑醬稠達達到，感覺好像鼻涕

Ordered debone chicken rice with vegetable rice. The chicken was very tender and juice. However it was quite greasy. The veggie rice could have provided more veggie. The portion was large and it came with a soup. Service was quick as we only waited for less than 5 minutes before the meal was served.HKD 50 is quite a good value. Will come back again if I happen to be in the neighbourhood

呢一日夜晚母親大人唔想煮飯，佢同屋企人之前試過瓊媽媽，話食落都OK，於是就落街買左屋企附近既瓊媽媽手撕雞飯。其實除左手撕雞之外，瓊媽媽仲有海南雞飯、去骨海南雞等選擇，同埋有小食 (例如水餃)，但肥鴿真係好怕食雞皮，亦都好怕D雞會生到見紅 XD 於是就要左 (應該) 唔會連皮既手撕雞菜飯試下。拎番黎既時候，D飯仲係熱辣辣架   試左啖菜飯，充滿住雞湯既鮮甜味，白飯鬆軟，加埋翠綠既小棠菜，感覺好健康有營 至於手撕雞，首先係無皮架  唔似得一D鋪頭既手撕雞咁，食落會有滑潺潺既雞皮同雞脂肪。個醬汁係酸甜汁，類似泰式辣醬，不過再流質多少少。雞肉都算係嫩滑，唔錯。係雞肉底下仲有一D醃大豆芽，好入味。呢個餐仲會附送多個中湯，無湯渣既，鮮甜好飲 三十幾蚊既價錢，有飯有餸仲有個湯，仲要係可接受既質素，肥鴿覺得係值得推介，可以下次再黎買   

晚晚收工行過都總會有人排緊隊買了兩個海南雞飯 $34/個。好開心見到雞肉無紅（好怕食血淋淋嘅雞）熟得黎肉質好滑嫩，終於明白點解成日有人排隊。雞旁配薑蓉，另外再有個碗仔配豉油，計埋淨食雞原味唔點嘢，一盒飯可以有3種口味嘅海南雞隨飯仲送一碗例湯，粟米海底椰雞腳。湯料好足，好甜粟米味。34蚊晚餐，超值

屋企附近開了這間小店，之前坐車回家路過見到都幾多人排隊，一直都想試試看。今天趁著屋企無飯開便去幫襯下，去到只有一位客人剛叫外賣，所以我的餐點都很快出來～試了無骨海南雞配菜飯，飯盒有分兩邊載，一邊有海南雞及下面有開胃的芽菜蘿蔔絲等，味道不錯，雞也很滑。菜飯還好，不會太淡，而且有兩大碗飯份量，因為知自己一定吃不完，所以回家先載起一碗的份量留起。另外還有一個雞湯，很香很好味，這個味道價錢合理，而且服務很好，有機會再幫襯過。值得一讚飯盒用上可循環再用及入微波爐的飯盒，所以飯盒可把飯盒清潔後將來再翻用，很環保。

原本想買當鍋貼和粢飯當午餐，到了門口才知道原本的那家店已經結業，改為這間以海南雞、手撕雞等作招牌菜的外賣店。由於實在太餓和懶惰，決定試試這家還在試業中的新店。試業期間菜單上沒有太多選擇，只有海南雞、手撕雞和口水雞配上不同的飯。結果我試了招牌的海南雞配油雞飯。由於只有我在點餐，等了三分鐘左右就拿著午餐回家。回家打開來看，飯盒把雞和飯分開了，另外再配上一小盒醬汁和一碗湯。那碗湯一喝下去，濃濃味精的味道就充滿口腔，喝了一小口便馬上放棄了它。海南雞和飯的份量滿多，男生也能吃飽。海南雞大約有八塊，肉質還可以，不算嫩滑，但又不粗糙。整塊雞被醬料的味道侵蝕了，吃起來就是類似薑蒜蔥加麻油的味道，雞肉基本的鮮味都被蓋過了。雞肉用醃蘿蔔絲墊著，這些蘿蔔絲沒什麼味道，可以不吃的。油飯的顏色沒有泰式的那麼黃，但也有淡淡雞油的香味，質感也沒有太爛。醬汁就是雞肉的醬料再加上甜豉油，沒有太大的驚喜。這個海南雞飯跟泰式和新加坡式的實在有很大分別，味道是可以的，只是不合我口味而已。價錢是合理的，服務也不錯。下次可以試手撕雞，但就不要那碗湯了。