甘味讚岐手打烏冬 (已結業)

本身家住北區但附近冇咩好食所以揸車去元朗咁就睇下有咩好食啦～咁其實呢間烏冬之前都見過好多次㗎啦不過就冇機會試咁今次行過又見已經好肚餓就唔想再搵啦，就入去試啦跟住見到個Menu都唔係太貴咁同行仲有個歲半嘅小朋友嘅咁都有BB坐位俾我哋，可惜係無得扣既款，細路太細個啦所以無用到。我哋兩個大人叫咗一個牛肉炒飯同一個番茄烏冬個炒飯啲洋蔥炒得好香個炒飯底都好好食，抵讚！最好係用一個鐵鍋熱住咁上，仲有少少飯焦，好食！份量都足夠丫！蕃茄烏冬都唔錯雖然食得出有少少茄膏不過都絕對係合理之內嘅水準鋪頭都好乾淨企理，就算比小朋友坐都好放心。埋單都係$150，抵食！

這晚男友遲收工，所以唔去太遠，留喺yoho mall覓食。以為Yoho Mall大部分餐廳都已經食過，點知比我發現原來呢度有間甘味讚岐烏冬專門店，位置喺運動舖對面，所以平時都無咩點留意。呢晚就一於試下佢！點咗滿桌子食物！汁燒牛肋骨烏冬($76)牛肋骨肉質軟腍，燒汁味道惹味。烏冬雖然係讚歧烏冬，但屬比較粗身嗰款。烏冬不愧係招牌，爽滑彈牙，口感好好。燒鰻魚飯($92)鰻魚份量十足，大塊厚肉，食落肉質嫩滑，入口保留彈性。日本燒汁甜甜地，好易送飯。呢個價錢喺商場都算抵食。鹽燒三文魚頭($52)燒三文魚頭好大份，外面燒到微焦，魚肉依然嫩滑。唔使太多調味，落少少鹽燒已經好夠味。為食嘅我哋仲點咗芝麻三文魚手卷($14／件)同三文魚壽司($15)，質素都ok。如果壽司選擇多D就更好啦。整體食物都唔錯，環境舒適，都係商場入面嘅抵食之選。

同朋友係yoho行街，之後係甘味食野，一人嗌左一個烏冬，一個小食同野飲我嗌左芝士年糕，雖然好油，但就係中意佢脆脆地熱熱地入面全部都係芝士～青蘋果椰果梳打($28)，個杯好大但係得好少嘢飲仲要好多冰，唔係好值$28， 飲到尾想食啲椰果因為個杯型嘅關係好難不出來食，但係好飲嘅吉列豬扒番茄湯烏冬，湯底好濃唔需要加調味料，有兩大舊蕃茄，吉列豬扒新鮮熱辣仲配埋千島醬，好似冇咁熱氣易入口啲咁，食到尾嗰陣飲晒啲湯添～兩個人埋單最後$300到，又好味又抵～

話說上一次嚟呢度食已經係中學嗰陣（幾年前）嗰日咁岩經過Yoho見到餐牌幾吸引就入左去食！印象中呢度係食烏冬 原來依家仲有刺身、其他日式小菜，不過咁啱唔啱日子，所以要下次先嚟試吓啦我哋為咗試多啲嘢淨係嗌咗一個烏冬share，另外在嗌咗四道小菜！1. 牛扒烏冬本身自己好鍾意蕃茄味湯底，平時去到邊都會想試吓果到嘅蕃茄系列！佢嘅湯底都冇令我失望，係比較「潔」身，好濃番茄味有好多蕃茄肉啊！最後係連埋湯底全部清晒嘅，哈哈！至於烏冬都好彈牙，有啲似手工烏冬嘅口感，份量都好夠！而牛扒我都覺得好出色，佢唔係普通茶餐廳嘅牛扒，係完全唔un 啲肉好林!! 睇相都知佢無煎得太乾仲好有肉汁！2. 雞翼餃子本身好鍾意食雞翼，更加鍾意食釀雞翼，因為無骨啖啖肉！成隻雞翼都係脹卜卜，夠晒足料！裏面啲餡唔會太油，調味適中，皮炸到脆脆的，好味！一人一隻過下口癮！3. 雞軟骨餃子本身以為佢個皮會好似普通煎餃咁都係脆嘅，食落先知係林嘅，男朋友話咁先可以特顯到雞軟骨嘅脆卜卜口感，又幾得意啵4. 人氣炒雜菇我最鍾意食菇類，所以叫咗個炒雜菇試下。佢本身牛油味都幾重，夠晒香，食食下吓發現原來有啲鮑片喺裏面，同啲菇又幾夾喎！5. 茶碗

自從在日本吃過讚岐烏冬之後，就念念不忘了！前幾天，好友知道我非常喜歡吃日本烏冬，就介紹我到元朗形點甘味讚岐手打烏冬，這餐廳的烏冬是日本空運到港，聽到都吸引，所以約了家人一起去吃吧！餐廳設計時尚簡約，帶有日式風格，地方闊落，整潔舒適。餐牌上有不同款式的讃岐手打烏冬定食，亦有蕎麥麵、二十穀米釜飯、丼物、炒飯、揚物、燒物、刺身、壽司、軍艦、卷物、手卷、野菜、沙律、飲品等，多款不同種類的日式料理選擇，很不錯。比目魚蕃茄湯讚岐手打烏冬     $72最期待的讚岐手打烏冬，烏冬質地較煙韌，每吃一條都感到彈牙及爽滑，真是名符其實的讚岐手打烏冬，正！這個湯底用蕃茄熬煮而成，色澤漂亮，賣相吸引，而味道只是少少酸，在又悶又熱的夏天吃真的很開胃。煎得香脆的比目魚，肉質嫩滑鮮美，帶有啖啖魚油香，好吃。牛肋肉蕃茄湯讚岐手打烏冬    $40這個是下午茶餐，同樣選了蕃茄湯底，酸酸甜甜，非常開胃  ;  除了可以飲到香噴噴的蕃茄湯外，湯裡還有一塊塊大大件的蕃茄，很新鮮，口感清新，喜歡。牛肋肉味道濃郁，散發著牛的香氣，有咬口，但不會韌，滿口充滿牛香，好味。日本手打烏冬煙韌爽滑，帶有淡淡麵粉香，讚！下午茶餐加  $14

呢兩個月香港風風雨雨😐！都無咩心情出街搵食🤦🏻‍♀️今日如果唔係要出元朗攞嘢都唔想出嚟！以前喺呢邊返工間中都會嚟呢間甘味食烏冬！覺得味道唔錯價錢尚算實惠同埋幾欣賞佢地久不久會轉餐牌！都會加入當季食材！迎合大眾貪新鮮環境座位寬闊坐得幾舒服🤪而每次嚟都必點烏冬！呢度嘅烏冬確實做得唔錯夠Q彈其中蕃茄湯係首選！蕃茄湯底酸酸甜甜好開胃🤤，我地今次叫咗比目魚湯烏冬，比目魚幾大件，魚夠新鮮煎得香口比美銀雪魚，烏冬保持一貫Q彈另一個牛仔骨都唔錯！剛好唔會好難咬開！芝麻醬牛蒡漬近期好喜歡牛蒡，日本做醃漬通常都好好食！日本豉油另帶少少酒香！唔錯！八爪魚餅沙律每次必點！八爪魚餅夠新鮮，三文魚子咬落脆卜卜另外必試梳打飲品，至愛巨峰提子🍇梳打

難得今日BB放假, 緊係要去食下飯, 行下街架啦, 我近期勁鍾意食烏冬、粉麵個D野, 可以天氣熱, 而我地又去左行商場, 行行下見到甘味讚岐手打烏冬, 好耐之前食過, 覺得都幾好食, 所以今次兩話不說就去食了…今日叫左好多野食, 因為樣樣野都想食..燒牛肉丼飯—-牛肉肥瘦適中, 好香牛味, 個汁好正, 成碗食哂雜錦烏冬鍋---主角烏冬好彈牙, 好好食紫薯米紙卷---是甜點, 我地當左係一個送來食..哈哈波菜芝士小丸子---芝士係拉芝架, 好香芝士味, 仲有淡淡既波菜味, 正壽司盛合拼盤(特)—新鮮, 低食巨峰提子梳打---正常不死甜

好耐冇食甘味，好掛住佢嘅番茄湯烏冬，就來形點呢間食lunch。座位地方闊落，坐得好舒服。呢度order係自己填紙，叫左午市套餐麵豉燒雞排番茄湯烏冬，加18元個紫心香芋丸4粒。先嚟香芋丸，食落似炸湯丸，較甜，冇乜特別。再來就燒雞排烏冬，個番茄湯濃郁好味，烏冬彈牙，一如以往咁正，大愛但燒雞排原來係炸，冇麵衣的，冇味好淡好乾身，唔好食，可以嘅話唔好揀雞扒配番茄湯烏冬。不過為咗食佢嘅番茄湯烏冬我都係會再嚟

兩人帶同嬰兒去Yoho mall 二期，平日晚上8點左右，隨意入左這間餐廳，人數不多，環境乾淨，侍應好快幫我們安排到一個方便擺放bb車的座位。我們分別點左一個豪華刺身箱飯、一個雜錦海鮮刺身冷稻庭烏冬、一份明太子沙律，共$189。先講刺身箱飯，味道一般，刺身算新鮮，飯溫度可以，份量略少。烏冬味道不錯，咬感不錯，刺身新鮮，份量足。明太子沙律雪藏味較重，份量尚可。讚：坐得舒服；待改善：箱飯的「箱」有點舊，漆有點脫色，需要更換。

形點二期商場有不少價格相宜的食店，這夜想吃烏冬，自不然想起這間我已光顧十多年的甘味讚岐手打烏冬店. (以前於大埔、屯門也有分店的)自從搬到元朗後，最方便就是到元朗店了. 這間店空間很大，有不少卡座以及4人餐桌~ 當日來得尚早，幸運地坐到最後一張卡座~餐廳除了有馳名的手打烏冬外，也有刺身、壽司、各式飯類以及小食等供應，必能滿足不同食客的要求. 沖繩黑豚餃子芝士鍋燒讚岐手打烏冬 ($64) 以鐵鍋盛着的手打烏冬，即使慢慢吃依然能保持熱度. 番茄湯底酸酸甜甜幾開胃的; 配上4隻飽滿的餃子以及雜菜等，更覺豐富. 如果餃子是分上的則更好，因為熱湯都打餃子浸軟了，即使自行把餃子放在小碟上，也無補於事. 雜錦鍋燒讚岐手打烏冬 ($76) 友人所選的雜錦鍋燒讚岐手打烏冬的食材更豐盛，包括: 炸蝦、雜菜以及半熟蛋，烏冬同樣滑溜有嚼勁，來到甘味吃讚岐手打烏冬就最適合不過~菠菜芝士小丸子 ($40)  炸得金黃的菠菜芝士小丸子香口惹味，內裡是翠綠的菠菜混合芝士，芝味無窮. 柚子蓮藕餅 ($38) 蓮藕餅既香口又爽脆，唯柚子味略嫌偏淡~青蘋果/ 藍莓荔枝椰果梳打 (跟餐+ $18) 友人選了青蘋果荔

今日放工同同事去呢間食飯地點非常就脚，係yoho mall商場入面，環境都好光猛，坐得舒適。豬軟骨飯賣相好靚，但係D紫菜淋晒同好韌，豬軟骨有D就淋，有D就好鞋同韌，最好味係酸薑牛肉飯D牛肉醬汁好入味，配埋洋蔥送飯幾好，但係D牛肉又係比較韌雞翼有陣雪味，餃子D餡就新鲜，埋單$230，不太抵。

放工同媽咪二條友唔想煮飯打算隨便食見到甘味個menu幾吸引就入左去燈光溫暖位置寬躺坐得舒服😌⭐️刺身三品盛💲6️⃣4️⃣三文魚三片、吞拿魚三片、甜蝦二隻三文魚同吞拿魚都好新鮮✨而且好厚甜蝦質素已幾好 CP高有驚喜！⭐️芥辣八爪魚💲3️⃣8️⃣辣辣地又爽口 開胃菜之選🤙🏻⭐️燒饅魚丼飯💲9️⃣2️⃣都好大碗，饅魚成大塊😍非常厚肉饅魚加少少芝麻黎撈飯好香👅岩晒每餐都要食飯既朋友⭐️比目魚蕃茄湯烏冬💲7️⃣2️⃣🍅CP高既抵食之選🤙🏻濃濃既蕃茄🍅湯底加煮到超入味既讚歧烏冬蕃茄酸酸甜甜非常開胃比目魚魚皮脆卜卜 肉質鮮美 油脂平均非常高質既一個套餐 份量多 價錢抵食✨⭐️三文魚加州卷💲3️⃣2️⃣ 3件⭐️加州卷💲2️⃣4️⃣ 3件呢個價抵食啦！不得不讚佢地既三文魚比我想像中高質同肥美～無諗過呢個價錢食到呢個質素既野💁🏻‍♀️蟹子都毫不吝嗇咁痴晒係件壽司到😋😋都係抵食之選⭐️吞拿魚刺身💲5️⃣0️⃣ 5片最後真係覺得個吞拿魚好味就再點多份回味下🤤🤤🤤呢間係商場入面但價錢抵食質素亦維持得好好將會成為飯堂之選❤️

今天收工，忽然心血來潮想食日本嘢，就立即call朋友一齊出來甘味食嘢，店面前放咗架單車，坐低之後我地點咗三文魚壽司(2件)， 火炙芝十三色(3件)，北寄貝，刺身三品盛， 雜錦烏冬鍋☺️上菜速度好快，點好之後無幾耐就上齊了，開心😃首先我地食个烏冬，我又揀咗自己中意食嘅炸蝦西蘭花啦，炸蝦彈牙有口感，OISHI!然後，我舀起個太陽蛋，先咬細啖，見到D蛋黃流咗出來，然後朋友就叫我一啖食晒，我成個擺入，一咬，哇，果種感覺真是好奇妙，好滑又無腥味，蛋香味濃郁，比豆腐花仲要滑，好好吃啊！壽司，我揀咗三文魚，幾厚下，魚味濃郁，好醇厚，然後到其他魚生，一樣咁厚，真是抵食，值得一提噶係washabi 不嗆鼻，以前食爭x嘅Washabi係嗆喉嚨，三文魚最好鮮甜！必叫！推薦！還有最令我驚喜的是大蝦，原來生食大蝦甜過食糖，唔可以錯過！北寄貝亦唔錯，爽口！火炙壽司又是別樣風味，我又喺好偏心中意三文魚壽司，連同芝士一齊炙燒，半生熟，又甜又滑又有芝士的焦咸味，我愛上了！下次一定叫雙份！

愛吃之人總有一張常到飯堂list，呢間烏冬連鎖店就岩哂放入list啦，抵食又多分店👍🏻.雜錦蕃茄鍋燒烏冬蕃茄湯底同鍋燒烏冬都係招牌，再加埋咩都有d既雜錦配搭，成件事好豐富😆蕃茄湯底唔會hea到得d甜味，蕃茄味都幾濃郁，仲真係有見到蕃茄👍🏻幾開胃烏冬夠滑，煮得岩岩好，唔淋唔硬，果然係烏冬專門店雜錦有齊溫泉蛋、菜、獅子狗、蟹柳等等，夠哂飽肚啦.蕃茄牛肉湯烏冬牛肉搭蕃茄係最穩陣既配搭，牛肉都算多，肉質都厚，加埋濃濃既蕃茄湯同茄肉，感覺開胃😇

四點幾係YOHO MALL 行左幾間餐廳都休息直至晚市重開。決定係OpenRice 搵附近食肆，見到甘味讚岐手打烏冬，諗住去碰下運氣，店舖位置於角落唔算易搵。呢個時間唔洗等位 冇限時，所以兩個人都坐到卡位，好寬敞，一打開餐牌已經被蕃茄烏冬吸引。薄切肥牛蕃茄湯讚岐手打烏冬($60) 麵豉燒雞扒蕃茄湯讚岐手打烏冬($60)彈牙烏冬👍肥牛不算多肥肉，正合我心意，不過有幾片疊埋左一齊煮，少少老。雞扒厚肉，但等候時間較長。蕃茄湯唔係甜果種，很濃郁，湯入面亦有切開既蕃茄。整體不錯，下次會再試其他食品。