甘味讚岐手打烏冬 (已結業)

 為左重拾中學味道 今日call齊班frds去食甘味😆個蕃茄烏冬蕃茄味唔係話好濃但啲烏冬都彈牙的😌仲有童年恩物 天婦羅冬菇但一咬落去冇乜味😖勝在粒菇大粒😂最後個玉子壽司竟然連爭鮮都好味過佢 仲要6蚊件 太可惡了😠總括黎講已經比不上童年既味道 雖然細個冇乜錢 只可以叫好少份量 但每一啖都衝擊味蕾 而家食只可懷念 但已經冇之前咁正😢.🍅野菜蕃茄湯烏冬 ($52)🍤天婦羅冬菇 ($12)🍣玉子壽司 ($12).💰Total:$83.6.味: 6.5/10飽: 8.5/10抵: 6.5/10.我比絲姬將會繼續同大家跑素 搵盡全港甚至世界各地既美味素比大家

喺元朗行到差唔多夜晚，覺得好肚餓唔知食乜好，就上網搵吓有咩日本菜好食，最後發現原來元朗都有呢間甘味烏冬食，就同女朋友入咗去試吓點左呢個雜錦讚岐烏冬，上面真係有好多配料，多到睇唔到下面嘅烏冬。首先粒溫泉蛋真係煮得啱啱好，唔會太生亦唔會太熟，一吉落去啲蛋汁就流晒出嚟，好滑好好食。而塊叉燒雖然冇咁肥厚，不過食落都好有肉味。唯一美中不足嘅就舊蝦天婦羅🍤浸左係個鍋裏面搞到冇咁脆口，食落一般。至於個讚岐烏冬真係好彈牙，份量都唔少，食完覺得好飽

甘味已經成為左我每星期屋企無飯開既食堂😅😅😅😅食物質素同價錢既性價比都幾高🤤🤤🤤推介菜式👍🏼👍🏼豬頸肉烏冬軟骨餃子紫菜魷魚蘇魚生方面都好新鮮😌😌價錢就同一般魚生價錢差唔多無特別平😃但食落係鮮甜既👍🏼👍🏼👍🏼飲品方面🥤🍇巨峰葡萄梳打唔多推介🍇好淡 無咩味😅😅😅環境都幾舒服 😗幾好坐 唔迫店員都好nice☺️做埋會員會定期送下小食😎每餐都會有少少現金回贈 可以下次用😃

難得約到兩個friend出嚟，去元朗諗住搵吓日本料理啦，唔知咁啱想食嗰間星期一唔開。咁就去試下喺元朗yoho 既甘味讚岐烏冬，好笑嘅係我哋冇乜叫到佢既烏冬。第一樣係壽司拼盤配手打烏冬，佢一盤壽司有八舊，質素唔錯，同出邊普通日本料理店差唔多。第二個係豬軟骨日本珍珠米釜飯，送埋沙律同麵豉湯，沙律係一堆粟米。豬軟骨軟骨好易咬得爛唔會太大舊，肉夠入味而唔會好似煲湯豬肉既。不過略嫌有啲肥膩。最後一樣就係刺身丼，吞拿魚三文魚同魷魚，三文魚同吞拿魚都好厚肉抵食，份量都幾夠唔會太少食唔飽，埋單一人大概80蚊左右都唔錯

天氣熱最好行商場，元朗形點好多野食，行下行下見到呢間「甘味」，之前食過佢其他分店，都唔錯又唔太貴，所以今日就食呢間午餐時段所以得一個午餐餐牌，都有十四款選擇，我簡左個餐都幾豐富，有炒蛋厚多士仲配鯖魚，同蕃茄烏冬，個餐包野飲，五十幾蚊好扺食。個炒蛋好滑而且都大份，個厚多士啱啱烘起，個包外脆內軟😋，自己搽牛油！鯖魚鼡燒得乾左少少，但啖啖肉。而個蕃茄湯烏冬，份量唔太多，但勝在足料有成隻蕃茄，個湯汁濃濃蕃茄味，少少酸味增加食慾，啱哂而家咁熱既天氣😌。

一直都好想到這裡食烏冬，最後今日終於和兩個朋友來到。今日係公眾假期，我地大約一點多來到，好彩即刻有位。這裏的座位都幾舒服，我地點了四樣食物，有烏冬，炸年糕，炒飯，仲有清酒煮蜆。食物都算上得快。我地叫的年糕有豬肉饀的，我還是覺得芝士會好味些。烏冬的確好吃，煮得剛剛好，有彈性。炒飯都好味，但我地三人真的吃不完了。炒飯那個是餐，有麵使湯的，湯就鹹左D喇。清酒煮蜆都OK，唔算少。總括來說，有機會我會再來食野的。

由於要戒口，諗左好耐先搵到一間有我可以食的東西，而朋友們也覺得應該不錯，我們做完義工後已好餓了，來到剛好有位，地方幾大，第一次在形點2食飯。各自叫，我要了豬軟骨二十穀釜飯，加青蘋果椰果梳打。不要被裝飯的飯兜騙到，原來很「深」，飯量很多，不過我不懂20穀有幾多亦數不到，但感覺健康，豬軟骨軟腍亦算入味，也不肥膩，不錯的!還有一小碟粟米粒，原味，無油無醬，正合我現時需要呢！麵豉湯亦不過鹹，很好!飲品就差了些，有點失望，糖漿偏甜，走冰變少冰，要再叫服務員走冰才幫我倒掉冰後遞回給我，大家都覺得萬幸是無加更多錢叫另一杯梳打，因為感覺應該都是差不多質素

自從大埔、屯門的甘味結業後，已經有2,3 年沒來過甘味了. 最近才發現新元中(現在的形點2期)原來有這間我以前喜歡吃的餐廳，就來到回味一下~ 雖然它是一間主打讚崎烏冬的店，但對於二十穀米我卻情有獨鍾，差不多每次來到都是吃飯的! 吉列豬扒沙律二十穀飯 ($38) 吉列豬扒是即炸的，香脆熱辣卻不油膩，炸粉也不會太厚，豬扒也有肉汁; 二十穀飯幾有咬口，不過熱度稍欠，如果是熱烘烘的更佳. 不過其實這個飯比較Dry，如果可配汁同吃就更好~ (用沙律醬拌飯吃有點奇怪吧!) 炸蟹餅木魚湯讚崎手打烏冬 ($36) 媽咪比較喜歡吃烏冬，她說湯底不夠熱，但烏冬頗彈牙; 吃了一件炸蟹餅，同樣是即炸的，內裡是一絲絲的，也有淡淡的蟹味. 熱柑桔蜜 不喜歡用膠匙拌勻飲品，不環保之餘又怕有塑化劑. 熱柑桔蜜酸中帶少許甜味，冬天喝有潤喉作用. 元朗朗日路8號形點二期2樓A201-A202號舖

山長水遠入到黎元朗, 本身啲朋友就安排左食另一間既,但由於收遲工, 為左就我快啲到,就唯有是但係西鐵站商場搵野食。食日本野本身好岩我食,但呢間野,真係一般般巨蜂味,好鬼甜,糖漿咁青蘋果蘆薈,又係甜到不得了呢個好食,墨魚咀,香脆而又唔乾身另外仲有個炸雞軟骨, 都ok,起馬係即炸,但唔記得影相煎豬肉餃子,難食,個皮唔脆又林,味道無味之餘好油泡菜餃子, 得四粒, 炸到乾晒蟹子沙律,正常無意見壽司真係唔岩我食, 感覺比爭鮮更差豬頸肉烏冬, 難食。。。烏冬無味,豬頸肉係難食,只食左一塊饅魚釜飯, 唔掂, 啲飯好硬呢個算係好食,唔乾,算係好我無試,應該係無咩問題,望落ok無咩味總捨, 唔好意思因為就我去左呢間野到食, 未到零分, 好過捱餓。。。希望會進步啦

講質素就真係冇咩，連價錢都唔係平，相唔會再有下次！所謂+18蚊嘅蟹子沙津，就算跟餐都覺得份量少，沙津醬多過蟹柳，加錢唔係問題，但都唔好hea人！軟殻蟹唔脆，牛油果唔新鮮...唯一可以講係飯好多湯底好濃味，牛柳反而冇咩味加韌，最失望係個烏冬，作為半專門店竟然煮到一舊舊，口感亦欠缺冇左蕃茄味，烏冬就更加普通...豬頸肉肉質唔錯，但燒汁咸到幾乎食唔到最好食算係呢個，但唔太抵食，肉冇口感亦冇咩調味，不過加沙津醬就點都唔會太差。價錢唔平，質素差，難怪冇咩人等位....

Sunday lunch time all restaurants have a long queue, here seem to have less people so we decided to wait a little.They sold out of soba so I ordered udon and dumplings.Udon $56, price is reasonable and udon taste nice Has 6-7 crab meat and the egg is little sweet.They said it is tomato dumplings ($34) in menu, turn out is normal dumplings with tomato sauce. A bit oily and the skin is hard, fillings is less, not recommended.I don't see why they need 10% service charge as the waiters are not helpf

Yoho Mall 1期2期其實有好多食肆，但由於超市在2期，目前1，2期還沒在商場內連接，兩期之間需由外面的行人天橋加無蓋行人路連接，在好天曬落雨淋既天氣加上如果要去超市的話，停車一定會選擇在2期，那麼食肆既選擇就只能留在二期了。這間食肆在2期停車場入口，其實幾方便，但每次經過都冇乜人，所以一直過門不入。昨天晚上下雨，又正值7/8點晚餐時間，間間食肆都要等位，我今天一個人，就選擇速戰速決，就直入這間不用等位的日式餐廳。點了天婦羅蕎麥麵，唔洗講，睇相，明曬。沙律菜冇醬兼有苦味，蕎麥麵湯冇味，天婦羅冇味，睇左就諗到....試左呢次，已沒有意圖有下次！

今日突然約行山，大家都未食午餐，在商場走了幾圈仍未決定到，加上時間較緊逼，見到這間烏冬店，大家便決定到這裡進餐。照燒雞扒烏冬，烏冬彈牙，味道則沒有特別。蕃茄牛肉烏冬，朋友覺得蕃茄味不足。吉列豬扒烏冬，等了很久(大約有25分鐘)未知是否漏單。烏冬夠彈牙，吉列豬扒較乾身。不過不失的一餐，醫飽肚出發

入左商場想食清少少，揀左呢間有烏冬同飯食嘅店，感覺可以清少少。叫左滑蛋雞柳撈烏冬、豚肉生薑燒二十穀飯、三文魚壽司同埋蟹籽沙律。三文魚壽司同蟹籽沙律係特價野，見佢都係十幾蚊所以先叫。三文魚壽司味道正常，無咩特別，特價係叫得過嘅。至於蟹籽沙律，其實我只係見到好多沙律醬，下面係一堆青瓜絲，佢嘅沙律醬真係可以少番d。滑蛋雞柳撈烏冬係熱嘅，親子丼嘅味道不過係烏冬版。雞肉都算多嘅，烏冬又唔會太淋，OK wor！烏冬吸左少少汁，味道唔錯。至於個豚肉生薑燒二十穀飯由於我地太肚餓嘅關係，幾下手勢已經食晒，相都無影到。味道係正常嘅。鋪頭算係坐得幾舒服，無咩心水都可以試下。

今天路過來這裡吃午飯，被這𥚃骨子的裝修和平民化的價格吸引。 前菜，中華沙津，味道正常；燉蛋，賣相麻麻，表面下凹，但味道都正常。 海鮮昆布鍋飯，賣相不錯，海鮮是雪藏的完全是預期之內，有蜆丶帶子丶蟹籽，竟然還有鰻魚，不過就不太新鮮，帶鯹味，真是不加也吧⋯ 柑桔蜜，超甜，味道藥水 😖 這裡還要收加一，這樣的食物質素，心感不值，又是一次KO…　還記得小妹以前會專誠走進元朗吃東西，有感現時元朗的發展迅速，不論消費和店的選擇真的和市區沒兩樣，這都是城市發展的模式，要吃好西，就要再花功夫去找找了。