甘味讚岐手打烏冬 (已結業)

下班來到這間日本餐廳食飯，返工都做到傻，無咩胃口，同事點了主食，我就加了小食就算啦。點主食跟住可以加錢點壽司同沙拉，我就叫左三文魚壽司同蟹子沙拉。竟然三文魚係薄過我塊面皮…飯是暖的…唯有係個沙拉味道正常，有沙拉醬味，可惜個賣相都係不討好的…這間日式連鎖店有待進步啊…

已經好耐冇嚟呢間食, 因為都幾多人食, 但又唔係特別好食, 唔值得排隊等, 今次無意中行過, 其實係咁啱穿過呢個商場, 想去另一間食的, 但見佢唔係太多人, 而且老公見到menu有魚生食, 所以話入去再比次機會佢~可能太耐冇食的關係, 所以好似好多選擇, 都十五十六, 唔知食乜好, 樣樣都想試, 於是指咗2個飽肚的, 再加d小食, 同埋飲品~  蟹籽牛肉鍋燒炒飯我仲以為係"炒飯", 但其實都係白飯, 只係放响個鍋上枱, 有少少飯焦咁啦~ 都幾香口, 牛肉夠林又唔太肥, 而且個汁都唔錯, 但唔夠多, 原來仲有個麵豉湯同粟米沙律跟的, 但我又冇為意佢係定食? 不過我地將佢個粟米沙律, 倒埋入d飯一齊撈勻食, 都唔錯架~ 但個麵豉湯就差少少, 冇乜料, 豆腐都冇粒, 紫菜又得少少, 唔夠囉~  汁燒牛肋骨讚岐手打烏冬  牛肋骨係分開上的, 如果放埋响碗烏冬上面, 就會冇埋d汁, 分開上係好d~ 牛肋骨都夠林, 但只得3舊太少, 其實即係响凍肉舖買到的1塊, 感覺上貴咗d, 如果煮得唔好食, 咁就真係超級唔抵, 但佢都算ok, 不過有燒汁, 味道都唔會差得去邊~  烏冬都好彈牙, 雖然

早上外出工作，回公司途中路過第一城，看看手錶也已到午饍時間，便貢了入商場開餐。見到甘味不用等位，愛吃烏冬的娜娜又一直沒有去過這間食店，便入內試試！餐牌上選擇算多，為免選擇困難症出現，娜娜只看了幾款便快快落單，揀了個韓風炸雞泡菜配讚岐烏冬！炸雞、泡菜和烏冬三樣也是娜娜十分喜歡的食物！肚餓的娜娜帶著少許期待等待食物來到！湯底的泡菜味足夠，微辣，炸雞熱騰騰的十分香口，上面配有少許醬汁令味道更佳而鳥冬的口感雖不是特別好味但也不過不失午市定食可配麵豉湯或一般咖啡奶茶檸水等熱飲，凍飲及罐裝汽水則加$3；另外亦設加一服務費。埋單時見單據上寫著「5pm前95折優惠」，但這樣算是簡單的一頓午餐也要$60 娜娜覺得略貴，但間中一餐也是OK的啦！

向第一城食下午茶，今次揀這間，我揀了蕃茄牛柳粒烏冬，蕃茄湯底味好濃，不會太咸，牛柳粒好鬆化而且有牛肉味，配上蕃茄及椰菜，餸和配菜都好足，烏冬煮得彈牙不會過淋，下午茶餐配凍柚子蜜，$38抵

對上一次吃過烏冬，今次試吃飯。點了這個"黑松露汁天婦羅魚柳五穀飯" (其實最曉食不太記得菜名，不好意思)難得會有餐廳供應頗有健康感的飯類。賣相不錯，用這一小鍋盛載也廷有新意。有芽菜和好幾大塊天婦羅魚柳。因為醬汁放在上面使天婦羅很快變得稔身，有失天婦羅的原意。而且粉亦太厚，不太好吃。感覺就像是吃著一大塊炸粉團。而飯對最曉食來說很有新鮮感。雖然飯粒質感偏硬，但仍可接受。而醬汁則太杰身，味道也有黑松露的味道。但其實有點奇怪。因此最曉食不太推介。

幾個point...1)貴(平均$50,冇野飲仲要+1服務費)2)野食唔口店       -d菜仲要比左成舊白菜頭我,mak盡個口都係放唔入口,白菜至小比一塊塊la下話       -個湯冇味       -我叫左個豬軟骨,得骨3)服務       -我講左句唔好食,條友bear住我

今天和老婆仔收工後再有一起吃午餐的機會訴說著最近的壓力分擔老婆仔的憂慮雖然難關仍在, 但希望她能感受到多了一份支持我點了30元的帶子魚餅烏冬老婆仔則要了32元的無骨牛肋蕃茄湯烏冬老婆仔還發現了在Facebook上Like專頁還有麻辣豚肉丸送於是便馬上Like了先來的是我的帶子魚餅烏冬烏冬的質感不錯比想像中還好一點而帶子魚餅更是水準之上外面帶微微的脆裡面很軟而且數量也算多以下午茶的價錢這是十分不錯的選擇老婆仔的無骨牛肋蕃茄湯烏冬我雖然沒有嘗試但也聞出蕃茄味頗濃而且無骨牛肋的件數也很多看起來也是不錯加上老婆仔很快就把整碗吃完所以應該也算不錯至於送的麻辣豚肉丸我和老婆仔都在咬的時間把裡面的汁"爆"了出來豚肉也很新鮮我和老婆仔都認為這送的算是不錯了整頓下午茶餐價錢不是太貴有美味的食物是不錯但重點還是和老婆仔聊天的過程下午茶時人不多寧靜的環境是個不錯的地方

與同學一行五人到此午膳，剛好等一張桌便到我們。約十多分鐘後，店員主動問我們可否先四人入座，因為還要等多一張二人桌結帳。坐下後，大家想好點什麼便剛好有桌。店員都有禮地幫忙合併桌子。最曉食選了煎雞排配蕃茄湯讚岐手打烏冬。雞排分量算多，煎得香香但又不會太燶，表皮香脆。味道不會太鹹，雞排底下有一塊生菜墊著。但最曉食略嫌多油了點。而蕃茄湯味道明顯是味精，幸好不會太鹹。湯的質感較杰身，心理上會覺得是蕃茄製成。麵上鋪有一小塊蕃茄，兩棵豆，還有小量乾蒜頭(使整碗麵更香口)。而麵條貫徹讚岐烏冬的特色，煙煙韌韌，很有口感。整體都不俗，有機會都會再吃。

今天和老婆仔同一時間放工同樣還未吃午餐走到附近隨意吃一餐重點還只是我們的相見吃什麼也只是其次不過今天最低氣溫只有6度所以打算吃麵取暖最後選擇了吃甘味到達時已經開始有下午茶我點了40元的味噌雞肉撈金刀比羅烏冬老婆仔由於太肚餓而點了64元大大碗的鐵板牛柳粒蕃茄湯烏冬看起來份量不多的味噌雞肉撈金刀比羅烏冬不過吃起來也算飽只是味道一般而已雞肉的味道不濃即使有味噌味也很淡不過烏冬也算彈牙也對得起這個價錢至於鐵板牛柳粒蕃茄湯烏冬就大碗得多而且單單看上去也知道湯底濃得多老婆仔也好像吃得津津有味牛柳粒也不少而且也頗香雖然價錢略貴但還是可以一試這真是相當平淡的一餐普通的食物配合擠出來的午餐時間多希望能不用工作可以盡情享樂, 再嚐美食可惜還要繼續生活

一早去到唔洗等位，其實試過其他分店，一般貨色，唔會有太大期望，今次亦一樣，不過係冇期望都失望。叫咗煎餃子，勁難食，餃子皮破過紙皮，又唔脆又唔熱，不知所謂。我叫咗吉列豬扒配蕃茄烏冬，吉列豬扒係脆，剛炸完，不過油到冇朋友，而且炸過龍，完全冇肉味，又食紙皮，仲要油浸紙皮，真嚇人。蕃茄烏冬叫做介似d樣，超級味精湯底，何必呢？好地地d烏冬做乜搞成咁！老公食吉列芝士豬扒配麥麵，吉列芝士豬扒同我一樣咁差，仲加陣油油嘅所謂芝士汁，救命！以後唔會再光顧！

選擇星期四晚先約人嚟呢度食飯, 係驚星期五晚會多人, 所以呢個選擇係正確的, 雖然等位都等咗一陣, 但起碼食完吹多陣水都得, 因為出面冇人等位, 唔會比人趕又唔會唔好意思........ 上次試咗個湯烏冬, 今次試個撈烏冬, 再叫多個小食share~ 滑蛋豬扒撈烏冬原本應該可能好好食, 因為炸豬扒香口, 但佢d滑蛋淋滿d炸豬扒面, 搞到d豬扒炸皮林哂, 濕到一pet嘢咁, 好難食...........同埋個撈烏冬又冇乜味, 因為d滑蛋冇乜味比佢味, 所以下次食撈烏冬, 都係選擇濃味的咖哩撈烏冬好過.............. 芝士炸年糕好細舊, 雖然有兩舊, 仲幫你切開一半tim~~ 一咬落去都脆脆地, 感覺上有少少似炸饅頭果個面咁, 至於入面的芝士年糕好軟, 食得出有芝士味, 但唔算好濃, 同埋唔可以拉絲.................食完之後都吹咗一陣水先走, 中途都有伙計加茶, 可能見冇人等位, 所有由得我地掛?

呢間鋪新開咁耐, 就一直都咁多人, 今晚公司早收, 可以D早去試, 好在今晚D人出哂出面倒數, 冇平時咁多人, 所以決定等一陣, 試下有幾吸引? 好彩我地只有2個人, 所以等咗一陣就有位, 如果3個或以上就要等耐少少~ 香草松露牛肩壽司其實原本叫左3款壽司, 但只有呢款係有貨, 其他唔知係咪少人食, 所以冇入貨?响牛肩上面有一少pat嘢, 原來就係香草松露, 但我一d都唔識欣賞, 淨係食到黑椒粒lor~~ 不過個牛肩就幾林, 但冇乜肉味~ 豬軟骨讚岐手打烏冬由落單到上呢碗嘢, 都唔駛5分鐘, 都唔知係咪煮定哂d烏冬, 一有單就可以即上? 湯底冇得選, 一定係豉油湯底, 我硬係覺得要配麵豉湯先好食, 所以覺得個湯底嘛嘛地~ 豬軟骨林到唔駛咬, d軟骨林到似肥膏多d, 冇d口感~ 烏冬唔錯好彈牙, 但可接受, 最衰佢冇得轉稻亭烏冬啦~ 因為佢主打係巑岐烏冬 燒和風牛扒蕃茄湯讚岐手打烏冬 蕃茄湯超酸, 完全飲得出係由蕃膏煲成果種味, 而唔似由新鮮蕃茄煮成~ 牛扒有十成熟, 雖然我唔太好太生, 但都唔駛熟到咁, 搞到鞋哂 烏冬評語同上, 因為都係讚岐烏冬 薄切鱆紅魚刺身有10塊超薄切鱆紅魚,

行過一城找東西吃，看到這家新開的店，以前在APM試過都不錯，就去試試。本來是下午茶時段，但沒吃午飯，又超肚餓，所以叫了個午餐。L餐﹣蘑菇汁雞肉二十穀蛋包飯！一來到其實賣相不錯，但吃了個西蘭花後才記得影相…bb其實真不知有冇二十穀啦～ 味道不錯，飯軟不硬，有濕度。蛋包真的是如奄列那樣包住飯啦，而不是像某些店，一片蛋餅蓋上就算…雞肉是烤雞肉，口感有點乾，但和蘑菇汁配起來又ok啊。但如果個餐能熱點會更好，bird 吃的時候，蛋包飯是涼了的。像是放了很久才拿來…

想一想，已經去過沙田、葵芳、銅鑼灣的「甘味」，對此店印象麻麻。以往都是因「就腳」而去，從不覺得有任何美食值得推介。碰巧樓下開了新分店，就帶媽媽去湊個熱鬧。除了店舖內的鋪位，「甘味」還租用了商場大堂的位置，提供的座位雖不少，但檯與檯之間也挺迫的。免治雞肉冬菇二十穀米釜飯 $48，附送味僧湯和粟米粒。醬汁比較杰身，配大量鮮甜冬菇和雞肉粒，很好下飯。碗子很深，二十穀米健康有營養，但卻非常飽肚，建議兩個女生 share 一碗便夠了。滑蛋蟹籽巨形蟹柳手打烏冬 $46，湯底清甜，手打烏冬彈牙掛汁。蟹柳雖然巨型，但鮮味不足，幸好其口感跟滑蛋很配合。這一款比蕃茄系列的烏冬好吃（off topic：蕃茄烏冬極力推介何文田的「鳴門魚湯麵亭」）。三文魚壽司、芝麻三文魚他他手卷，魚生尚算新鮮，但紫菜已經變稔了 天婦羅蕃薯，炸得不算油膩，乾身脆口，啖啖蕃薯蓉。茶碗蒸蛋，媽媽看見挺特別，於是叫一個試試。其實只是普通蒸蛋，但內有雞肉、冬菇、鮮蝦等餡料，推廣期間 $15 頗抵吃喔。即叫即蒸，需輪侯 15 分鐘。看見左右鄰桌都有叫「清酒煮蜆」，很吸引似的 以上兩人結帳 $16x，吃得超飽（還吃剩了飯和烏冬），下次會