甘永泰魚蛋 (已結業)

去到長洲，大家必然想起魚旦，但自己去過N次咁多，都未試過勁出名的魚旦，今次一定要試一試，今次去行山，一落船就要去整串先，大家一同贊成，大家都要左釀豆卜，即買即炸，炸到金黃色脆卜卜，豆卜反轉釀入魚肉，所以外面粒粒好似黐咗麵包糠咁，一咬落去，熱~ 脆口~ 彈牙！行完山落去，再幫趁買左支豆漿同竹蔗水，都有豆味同蔗水味，愛佢唔太甜，很不錯。臨上船，同行的友人亦都買左斤魚旦回家，原來今日大家花費最多就是在這魚旦店。

朋友強烈推介,咁就令我放棄平時食既大大粒既個種魚旦由於我地要食其他野,所以買左1串share5粒白雪雪既魚旦成為$10樣貌平平,有d似街時買既潮州魚旦,但質地彈牙的~豆卜好似仲好食,下次一家要試埋先得~

嚟長洲朝聖之前一晚, 都已經狂讀Openrice認得排頭、二位的商鋪, 記住一定要食得到！$10一串的白魚蛋, 每串都分別用厨紙包裹着質地彈牙, 可惜調味料下得重手, 蓋住了魚的鮮味, 炸得很香很香, 不過食完後有少少口渴是否真的那麽美味就見人見智

來到長洲睇太平清礁, 完場後見到有好多人拎住一串串大大粒魚蛋, 原來個個都係這間魚蛋檔買的~我們排隊時, 條人龍長到去尖沙咀等了十多分鐘, 就到我們了~第一時間都係影相先, 然後開始食啦!!!有鯪魚球+蝦丸+炸魚蛋+白魚蛋串, 另外一串白魚蛋食落口, 熱辣辣, 又彈牙~鯪魚球同埋蝦丸真係好好味, 不過要$10一串呢(75分)

EASTER 25/4 是LAST DAY想特別過這一天相約朋友去長洲去了是我的第一次去的朋友話這魚蛋好出名一定要排遂買咗2串OK喔, 我自己比較喜歡蝦丸但10蚊一串就真是貴咗啲喇

哈哈，唔洗親身去長洲都有甘永泰炸豆卜食。阿爸帶學生去長洲field trip，回程當天叫佢去買甘永泰魚蛋。但佢太遲去，已經賣晒！我勁失望！正所謂無橙都攞番個桔，於是就叫佢買炸豆卜。我只係叫佢買3串，但佢買夠打孖，6串咁多，一串仲有6粒。折晒出黎就好似豆卜山咁，何奇壯觀。雖然唔係即炸即食，但都已經滿足口癮。由於去焗咗一個鐘，所以已經唔脆，豆卜已變韌。中間嘅蝦膠好食，同豆卜好夾！

在沒有做功課的情況下....即興去長洲玩亂行...見到呢度d魚旦都ok多人食就買返串試下...手打....而且仲係即炸的!要了豆卜蝦串及魚蛋...真係超超超正...彈牙之餘又很鮮甜~~~~~~真係必食!!!!!!!!!!!返黎經過....多人到冇朋友 好彩食左姐!!! 不過等都值arrrrr~強......的確難忘

吃完第一站的魚蛋河實在不能令我們滿足, 所以, 稍在島上閒逛後, 穿過大街小卷, 左穿右插後, 終於見到一條長長的人龍, 便知道已經找到了這間店子. 沿著人龍排隊, 才知道即食和外賣是分開排隊的, 而排外賣的人龍比即食的還要長, 不少也是公公婆婆, 真是意想不到!! 等了一段時間終於排到我們. 點了魚蛋和蝦丸各一串. 負責的老婆婆熟手地立刻把魚蛋和蝦丸放進油內炸, 之後再放在吸油紙上, 使吃的時候不會太油, 這點細微的表現, 即卻是十分貼心. 據悉這店的魚蛋是用門鱔每天新鮮製造, 所以人龍不絕, 不少食客和我們一樣, 買了之後立即品嚐. 雪白的魚蛋一串五大粒, 熱辣辣, 大大粒, 雖然魚味不太重, 但勝在十分彈牙. 黃色的蝦丸一串只有四粒, 一樣熱辣辣, 大粒又彈牙, 不過蝦味很輕. 相比之下, 魚蛋的確比蝦丸出色, 比起第一站吃到的魚蛋實在好得多! 一間用心經營的店子, 怪不得排隊的人龍那麼長, 人流也絡繹不絕.

早幾年曾有一段時間，老公每天都要去長洲上班，所以對那兒的街道和食肆也有一定的認識，間中也會買些長洲出名的魚蛋、糕點、平安包等回家讓我品嘗。不過自從他回歸港島後，已極少踏足這小島。這天他因事要到長洲，辦完事後竟帶咗盒久違了的「甘永泰」魚蛋回來，真令人喜出望外。其實我也有好幾年沒去過長洲了，對那裡的印象已有點模糊，只是依稀記得這間「甘永泰」位於長洲舊街市位置，其出售的魚蛋相當馳名，而且還有個相連的舖位售賣海產及肉類等，來光顧的人，絡繹不絕。由於得兩枝公開餐，老公這次只買了半斤魚蛋回來，一數整整 20 粒，原來也索價三十大元，與早幾年的售價相比，確實升幅不少。這裡的魚蛋，全部以新鮮的鱔肉手打而成的，絕無混入其他雜魚在內，據說黃門鱔成本不輕，不過質數的確有保證，而且這店每天單以劏魚為例，已經要花上兩個小時，絕對是貨真價實。這次以魚蛋放湯煮菜，吃進口裡，魚蛋的魚味濃郁芳香，而且肉質不單止彈牙，更有肉汁在內，鮮味十足，雖然筆者無食勻全香港的魚蛋，未知這裡出品是否最強，但其質素肯定是水準之上。

乘14:30 班船, 15:25到..很久很久沒去離島了, 新碼頭也是第1次用..原以為船上還有即食福麵賣.誰不知只有售賣機上的合味道@$8...怪不得, 很多乘客都購備食物上船..眼見餐蛋麵, 腸粉, 魚強, 燒賣甚至芝士蛋糕, 只有口水流c6 係要選乘豪華位, 怎知開著冷氣..差點凍彊左..一上船..沿直路穿入小街, 己見到長長的人龍..排左一陣才知道是斷斤賣的..即吃的是旁邊的窗口位..窗口位只得1, 2 個客人..很快買了1串..$10 (5 粒)..雖然是炸, 但顏色只是淡黃色..吃了一顆..彈牙是肯定的..但覺得漁味不是太濃烈..c6 連食4顆, 則非常喜歡..彈牙又夠漁味..莫非我的味覺出了點問題...後來到遊畢長洲, 大約已經1730, 專程回去買點回家煮麵吃兩個傻瓜見到人龍沒有了, 還歡天喜地..哼...沒人龍是因為賣光了幸好還見到少量炸魚蛋串 和 豆腐bop串最後買了2串沒有炸的魚蛋回家, 加一串豆腐bop給c6 @$10豆腐bop 釀了魚肉..喜歡炸物的c6 吃得津津有味

肥牛同媽媽去長洲睇櫻花沿途經過甘永泰,見好多人排隊咁肥牛又去排見到個個都係買炸豆卜肥牛又跟住買一串炸豆卜熱騰騰...好脆...好彈牙...不過太油下次去會再試魚蛋

風和日麗的一天,同為食王去長洲踩單車一日遊,除左踩單車, 為食既我地當然不忘四出覓食啦,一租完單車, 就即刻踩去我必食既馳名甘永泰魚旦,但食一串魚旦, 就梗係唔夠要食多串啦,今次試下未食過既--------炸豆卜 一啖咬落去........... 好好味啊, 一試難忘,豆卜外面又熱又脆, 裡面又香又彈牙, 救命啊點解咁好味架?搞到我踩完單車都要再返去再食多串,最後仲要依依不捨咁離開, 都係因為呢串豆卜

此店魚蛋好食出晒名,我個人覺得:即食魚蛋$10/串,只是此店副業,外賣魚蛋$55/斤.半斤約19粒.才是主打.臨離開長洲,就買了一斤分兩盒做手信.純門鱔肉打的魚蛋,又不太多粉.真係好彈牙.煮粉麵時加幾粒當肉,可調節味覺!阿姐教路:最緊要是將未食的放在冰格,保存一個月才食也O.K.!

一早去到長州.第一轉.呢間店仲末準備好.只見店內有許多新鮮豬肉同門鱔.食完早餐.第二轉..已見到不少人買一串串魚旦立即品嚐...10元一串.新鮮造成.立刻叫立刻炸..上枱前用凍水浸一浸..加上吸油紙巾吸過.入口一的都唔油..又唔會熱到食唔到..這是呢間店細心的表現..而味道.魚味不重...但十分彈牙..賣野的婆婆雖然無笑容..但有問必答.有求必應.都好好....臨吃晚飯前.魚旦賣完.只剩少量食物...只係晚上5點....值得食物十分吸引

難得同班fd入長洲玩梗係要試下呢到d魚旦啦!一去到gei時候見到好多人費事同人迫...坐係到等左陣先埋去即刻點左串魚旦10蚊得5粒...不過又真係抵佢賣咁貴魚旦好彈牙雖然個樣白雪雪好似冇咩味咁但其實佢已經調好曬味!咸咸地岩岩好黎長洲必定要試!