甘永泰魚蛋 (已結業)

我之前成日托朋友係長洲買依間魚蛋，但朋友依排少入長洲，所以我都成大半年無食過。今次特別到長洲即場食，睇下如何。食過了現場整，一串魚蛋數量唔多，味道幾好，但我都係會買返去自己煮，因為可以係屋企慢慢食。

香港可以慢活嘅地方真係越來越少啦！今個weekend難得無落雨，決定嚟長洲行下。嚟到長洲，第一時間梗係嚟食嘢啦！次次嚟到長洲都一定會食大魚蛋，但其實食甘永泰魚蛋先至係皇道！今次嗌咗一串墨魚丸，一串釀豆卜。墨魚丸好彈牙，會咬到一粒粒嘅墨魚唔係淨係得粉，唔錯！(已經食左一粒哈哈)反而釀豆卜就炸得有啲太乾，但脆卜卜都幾過癮雖然係有啲貴，但難得來到長洲，甘永泰人流又多，大部分丸都係啱啱炸起熱辣辣，一定要試呀！

長洲之行點少得大魚蛋記得第一次食甘永泰，貴係貴左少少但勝在即點即炸（或者翻炸...）總知務求熱辣辣送到你手上魚蛋彈牙店家有禮 但今次黎到...所有魚蛋都係炸好放係盤到，你要一串佢拎一串比你凍又未至於，室溫 + 油味甘 價錢都吾平... 店家對住 D 食物不斷大聲講野... 去到比錢既時候眼尾吾望下你好似阻住佢地傾計甘...講真，不如翻屋企傾啦好失禮間店講食物大魚蛋尚可，但蝦丸同豬肉丸 （豬肉丸吾記得影低）食落好重粉，咬落去淋既散既對豬肉丸尤其失望，適逢當時甘岩冇曬豬肉丸店家即炸 （？）一串比我，但拎上手非常油除左油味食吾到其他味... 重要係吾彈又散既當初我喜歡既甘永泰去左邊...帶住裝左3串油味十足貴價魚蛋既肚腩離開甘永泰...浪費 quota ...

去hea遊是不需要理由，想去就去，行到邊食到邊，沒有計劃，沒有什麼理想預期，感覺很開心喔。突然間轉去遊長洲，長洲是去了無數次，每次去都有新鮮感。 今次去，帶給我們寫意，舒服又自在感。 遠離平日工作煩悶感，迎接假日的透氣舒適感😝靠山食山，靠海就海產，食手打的魚旦，是否真的好味道？🍢 手打的魚旦口感是鬆散，彈牙。🍢我們邊排隊邊傾偈，又好快到我們。 🍢等待白色一串的魚旦……🍢新鮮手打魚旦，假日人流多，流量快，有新鮮感。🍢炸魚旦，新鮮炸的魚旦跟白色的魚又有不同口感。🍢🏸🌟拍板買三串不同口感的魚旦。 2粒炸魚旦，大粒，口感好彈牙，甜甜地。 如果即炸即食會更好味。 白色一串的魚旦，就是要等待它炸好，這串即炸即食，熱噴噴食又真的很好食。最後一串，最特別是第二粒白色/米黃色的魚旦，內有芝士。食了全魚旦的串串，這芝士魚旦又幾特別，有小小流心芝士。魚旦的口味完全一樣，食不出魚旦的魚肉是否出於不同魚肉，但味道覺得同屬同一種類的魚肉，口感是彈牙，魚肉味就分不出什麼魚了。

當年住長洲，D街坊同我講，甘永泰D魚蛋好正！但我對魚蛋無咩興趣，所以，無點特意甘永泰.今次見甘永泰放在D現炸嘅魚蛋，又即管試試，而今次試嘅係什丸，其中一款內裡好似係芝士唔啱口味之外，其他味道都唔錯.

其實，係甘永泰買丸番屋企煮麵，打邊爐或燒嘢食最好~雖然一斤半斤對比一串廿蚊好似好貴，但真係物有所值。口感真係完全係手打丸，唔係d機器可以做到。嗰種彈牙口感同鮮味已經值啦~廿蚊一串幾粒，仲要油炸，真係不如俾多少少買半斤返屋企，呢間長洲真老字號，連水上人都買返屋企自己食。即炸即賣，都應該為咗滿足下遊客要即食嘅渴望…大魚蛋只係長洲一個gimmick同影相位，要食甘永泰，就唔好食大魚蛋啦~大魚蛋嘅出現，相信所有長洲人都覺得莫名奇妙…

網上很多人推薦，所以一到長洲，甚麼都沒想就直奔甘永泰！$10兩粒大魚蛋，幾乎是長洲的公價，經過很多間也是這價錢。第一口咬下去，是凍的而且很油，油是沾著一層在魚蛋上😕中心位置有些微暖，但整顆魚蛋都很乾，比網上的好評差很遠。試了墨魚丸，很硬，還要$20還有三文魚丸拼芝士丸，也是$20，芝士丸就是一般打邊爐時會吃的芝心丸，完全沒特別不過三文魚丸很好吃，彈牙鮮味，和其他的丸質素相距甚遠可惜不能只點三文魚丸，否則會很值得一試！本來還想試蝦丸，賣$30，但沒貨🤷🏻‍♀️我發現，甘永泰的所有丸在奉上前，都會先經炸鍋炸一下十分熱氣，稍為炸久了表皮有機會變硬而且如炸多了賣不及，放著下個客人來時又直接奉上，就會凝固了一層油，口感不太好後記：後來發現了近碼頭有另一家叫「東源」，有多種口味的醬汁可選，當然也有原味，是湯煮的，熱辣多汁，比甘永泰好吃😋

甘永泰又係係長洲好多年， 好多間鋪組成， 鋪入面有啲機整魚旦， 外面就賣魚旦。入到黎長洲， 好難唔食大大粒長洲魚旦啦， 雖然依家周圍都有得食， 唔洗入長洲咁遠。啲魚旦都係好香魚味 同好彈牙。 正每次都要即場食完再買返屋企送麵。

Located close to the pier, this famous fish ball shop has conveniently become the first stop of a weekend excursion and food hunting tour in Cheung Chau. It was interesting to see the shop assistants kept putting fish balls in skewers, as the turn over rate was quite high, which was nice to me as it guaranteed fresh batches of fish balls to be served to customers.Other than fish balls, they also sell squid balls, lobster balls, beef balls and other meat balls that I didn’t know what they are. Fe

每次一落船，大少爺總會朝著呢間舖頭走去，每一次都只會食完呢間就離開呢個人多區域...其實每次我都唔係好記得自己食左咩，所以今次一於寫底記住🙈排隊時其實睇唔到有邊啲丸賣，簡單來說，呢度係無餐牌無價錢嘅，排到差不多到就開始緊張，因為應該無得排到先問左問右，離遠見到話「今日有蝦丸」，大少話一定要食，咁就叫啦。兩個人三串，剛剛夠咁。蝦丸：一串四粒，入面唔係全蝦膠，係好似魚腐包住隻蝦咁的（無特別睇係咪成隻蝦），感覺用蝦膠整的會較有蝦味；豬肉丸：好夠味，但唔會太鹹，亦唔似街出面平時吃的豬肉丸/貢丸；墨魚丸：好夠墨魚味，屬平時打邊爐有機會吃到的濃味墨魚丸。三串合共$70，價錢屬偏少貴，另外不得不提，呢度一向用油炸熱啲丸，怕多油的請預備廚紙吸油，因為佢地未必會畀客的。

要數長洲最出名既大魚蛋店就一定係呢間，每次船一到d人就會踴曬去呢間，要排好耐隊。價錢同其他店一樣，都係十蚊兩粒。魚蛋夠彈牙，好爽口，但可能我垃圾口，真係唔係幾食得出同其他店有咩分別。😂

每年番香港，都會特登走去長洲一轉，只係為左食魚蛋而呢間鋪，就差唔多次次黎都會食，服務態度一直都差，連魚蛋都覺得一次比一次差今次黎長洲，遊客唔算多，所以呢間野都冇咩人排隊買，反而另一間大魚蛋超好生意！今次同朋友叫左一串四寶丸同炸墨魚丸，四寶丸可以話係咁多樣野覺得最難食既一樣。d丸完全唔夠熱，得味精味同埋油味墨魚丸叫好少少，有墨魚味既，都彈牙既，味道係唔錯。但同樣地都係味精超重，又多油，味精多其實都好難唔好食既，食完真係成杯野飲飲哂

今日天雨路滑入嚟長洲食大魚蛋，平時食開果間，執咗？裝修緊？ 唯有去對面果間甘永泰啦。 叫咗一串都未食，就知伏已中。 見佢檯面有盆未煮嘅魚蛋hea喺度，烏蠅食先。 串魚蛋，d滴落嚟嘅油多到夠煮多幾碟餸！清一色，冇汁！ 係乜汁都冇得揀，辣唔辣都冇得揀，只有油味。 拎上手已經失望到一個點，咬落去，都係油，油同埋油。 想點呢？？企喺檔口旁邊，見一行幾人同我一樣中伏中，當中有位婆婆，客氣地問檔入面一個大叔，可唔可以俾張櫈佢坐一坐。 大叔好似定格十秒咁款，好晦氣咁話冇呀！ 果位婆婆的家人唯有扶住果位婆婆，手執魚蛋，冒著雨一拐一拐咁四圍搵可以坐坐嘅地方。 然後，相中果3位無情嘅大叔大嬸，繼續冷嘲熱諷果位婆婆，話當自己係老闆咩？幫襯幾串魚蛋就想坐，你估我地呢度堂食呀..........以我邊食垃圾魚蛋邊觀察，果位婆婆明顯腳有事不能站太久，先會提出借櫈坐一坐嘅要求，並唔係想"堂食" 囉！ 更何況，果度油煙咁大，好人好姐都唔想"坐一坐" 囉果然，佢嘅同行親友，不忍佢地冷嘲熱諷，回應佢地3個，婆婆只係做完腳手術，企唔得耐啫，問一聲，借就借，唔借咪算囉，冇必要喋喋不休，出言譏諷。相中果3個涼薄嘅人，本身年紀都

今日天朗氣清嚟長洲走走食食入得嚟其中一樣一定要食嘅就係大大粒魚蛋魚蛋雖大但好爽口當然長洲唔係得佢一間有得食，但唯一係佢夠膽咩醬都無咁賣，其他賣嘅十居其九都係咖哩或其他口味跟本食唔出原本味道、呢度食得出真材實料魚蛋以外嘅選擇首選墨魚丸食到入面一粒粒墨魚肉味道鮮甜肉質爽口，呢度另外有其他魚片雜丸選擇，又可以外賣返屋企煮，唔怪得由早到收鋪都一直有人排住隊等忍唔住要食多兩串先上船嚟長洲要食大大粒魚蛋呢間係我必然之選

長洲碼頭對出。。有時要排長龍。 30蚊兩串 一串雜丸一串釀豆腐。。以前覺得釀豆腐好正。。今次可能涼左。。覺得一般反而雜丸好食d。。。。 食個海膽丸要小心。。。會爆汁呀